ಬಹುನಿರೀಕ್ಷಿತ ಮೆಗಾ ಇಂಡಿಯನ್​​ ಪ್ರೀಮಿಯರ್​​ ಲೀಗ್​​ ಫೀವರ್​​​

2025ರ ಮೆಗಾ ಟೂರ್ನಿ ಐಪಿಎಲ್ ಸೀಸನ್​​ಗೆ ಭರ್ಜರಿ ತಯಾರಿ

ಫ್ಯಾನ್ಸ್​​ಗೆ ಶಾಕ್​​ ಕೊಟ್ಟ ರಾಯಲ್​ ಚಾಲೆಂಜರ್ಸ್​​ ಬೆಂಗಳೂರು!

ಕಳೆದ ಐಪಿಎಲ್​ನಲ್ಲಿ ಅರ್ಧ ಸೀಸನ್​ ನಂತರ ಭರ್ಜರಿ ಕಮ್​ಬ್ಯಾಕ್​ ಮಾಡಿದ್ದ ರಾಯಲ್​ ಚಾಲೆಂಜರ್ಸ್​​ ಬೆಂಗಳೂರು ತಂಡ ಪ್ಲೇ ಆಫ್​ಗೆ ಹೋಗಿತ್ತು. ಆದರೆ, ಎಲಿಮಿನೇಟರ್​​ ಪಂದ್ಯದಲ್ಲಿ ರಾಜಸ್ಥಾನ್​​ ರಾಯಲ್ಸ್​​ ವಿರುದ್ಧ ಸೋತು ಟೂರ್ನಿಯಿಂದಲೇ ಹೊರಬಿದ್ದಿತ್ತು. ಹಾಗಾಗಿ ಮುಂದಿನ ಸೀಸನ್​ 2025ರ ಐಪಿಎಲ್​ಗೆ ಮೊದಲು ನಡೆಯಲಿರೋ ಹರಾಜಿಗೆ ಮುನ್ನ ಆರ್​​ಸಿಬಿ ತಂಡ ಯಾರನ್ನು ಉಳಿಸಿಕೊಳ್ಳಲಿದೆ ಎಂಬ ಕುತೂಹಲ ಹೆಚ್ಚಿಸಿದೆ.

ಐಪಿಎಲ್​​ ಮೆಗಾ ಹರಾಜಿಗೆ ಇನ್ನೇನು ಕೇವಲ 2 ತಿಂಗಳು ಮಾತ್ರ ಬಾಕಿ ಇವೆ. ಹೀಗಾಗಿ ಆರ್​​ಸಿಬಿ ಯಾರನ್ನು ರೀಟೈನ್​ ಮಾಡಿಕೊಳ್ಳಬೇಕು? ಅನ್ನೋ ಶಾರ್ಟ್​​ ಲಿಸ್ಟ್​ ಮಾಡಿಕೊಂಡಿದೆ. ಆರ್​​ಸಿಬಿ ರೀಟೈನ್​ ಲಿಸ್ಟ್​ನಲ್ಲಿ ಸ್ಟಾರ್​ ಆಟಗಾರನ ಹೆಸರು ಇಲ್ಲ ಎಂಬುದು ಬೇಸರದ ಸುದ್ದಿ.

ಈ ಸಲ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡವು ಬಿಗ್​ ಶಾಟ್​​ಗಳಿಗೆ ಕೊಕ್​​ ನೀಡುವ ಸಾಧ್ಯತೆ ಇದೆ. ಈ ಪಟ್ಟಿಯಲ್ಲಿ ಸ್ಟಾರ್​ ವೇಗಿ ಲಾಕಿ ಫರ್ಗ್ಯೂಸನ್​ ಹೆಸರಿದೆ. ಆರ್​​ಸಿಬಿ ಈ ನಿರ್ಧಾರಕ್ಕೆ ಬಂದಿದ್ದು, ಸ್ಟಾರ್​ ಆಟಗಾರನನ್ನು ರಿಲೀಸ್​​ ಮಾಡಬೇಕು ಎಂದು ತಯಾರಿ ನಡೆಸಿಕೊಂಡಿದೆ. ಇವರ ಜಾಗಕ್ಕೆ ಬಲಿಷ್ಠ ಆಟಗಾಟರರನ್ನು ಕರೆ ತರಲು ಆರ್​ಸಿಬಿ ಭರ್ಜರಿ ಪ್ಲಾನ್​ ಮಾಡಿಕೊಂಡಿದೆ ಎಂದು ಇಂಡಿಯನ್​ ಪ್ರೀಮಿಯರ್​​ ಲೀಗ್​ ಉನ್ನತ ಮೂಲಗಳು ತಿಳಿಸಿವೆ.

ಕಳಪೆ ಪ್ರದರ್ಶನ ನೀಡಿದ್ದ ಫರ್ಗ್ಯೂಸನ್​​!

ಐಪಿಎಲ್ 2024ರಲ್ಲಿ ಲಾಕಿ ಫರ್ಗ್ಯೂಸನ್​​ ಆರ್​ಸಿಬಿ ಪರ ಹೇಳಿಕೊಳ್ಳುವಷ್ಟು ಪ್ರದರ್ಶನ ನೀಡಿರಲಿಲ್ಲ. ಅತ್ಯುತ್ತಮ ವೇಗಿಗಳಲ್ಲಿ ಒಬ್ಬರಾದ ಫರ್ಗ್ಯೂಸನ್ ಮೇಲೆ ಆರ್​ಸಿಬಿ ಭರವಸೆ ಇಟ್ಟಿತ್ತು. ತನ್ನ ಮೇಲಿಟ್ಟ ಭರವಸೆಯನ್ನು ಫರ್ಗ್ಯೂಸನ್​​ ಕಳೆದುಕೊಂಡಿದ್ದು, ಆರ್​ಸಿಬಿ ರೀಟೈನ್​ ಲಿಸ್ಟ್​​ನಿಂದ ಇವರ ಹೆಸರು ಕೈ ಬಿಡಲಾಗಿದೆ. ಲಾಕಿ ಫರ್ಗ್ಯೂಸನ್​​ ಕಳೆದ ಐಪಿಎಲ್​ನಲ್ಲಿ ಕೇವಲ 9 ವಿಕೆಟ್​ ಪಡೆದಿದ್ದರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ