ಗಂಟೆಗೆ 60-80ಕಿಮೀ ವೇಗ; ತಮಿಳುನಾಡಿಗೆ ಅಪ್ಪಳಿಸಿದ ಫೆಂಗಲ್ ಚಂಡಮಾರುತ.. ಮಾಡಿದ ಅನಾಹುತಗಳೇನು?

ಫೆಂಗಲ್‌ ಆರ್ಭಟ ಜೋರಾಗಿದೆ. ಭಾರೀ ಮಳೆ, ಪ್ರವಾಹಕ್ಕೆ ಜನರು ಥಂಡಾ ಹೊಡೆದಿದ್ದಾರೆ. ತಮಿಳುನಾಡು, ಪುದುಚೇರಿಯಲ್ಲಿ ಆಂಧ್ರ ಕರಾವಳಿಯಲ್ಲಿ ಮಳೆ ಅಬ್ಬರಿಸಿದ್ದು, ಜನರಲ್ಲಿ ಭಯ ಹುಟ್ಟಿಸಿದೆ. ಇತ್ತ ಕರ್ನಾಟಕದಲ್ಲೂ ಫೆಂಗಲ್ ಎಫೆಕ್ಟ್‌ನಿಂದಾಗಿ ಹಲವು ಜಿಲ್ಲೆಗಳಲ್ಲಿ ಮಳೆಯಾಗಲಿದೆ.

ತಮಿಳುನಾಡಿಗೆ ಅಪ್ಪಳಿಸಿದ ಫೆಂಗಲ್ ಚಂಡಮಾರುತ
ಫೆಂಗಲ್ ಚಂಡಮಾರುತ ಅಬ್ಬರಕ್ಕೆ ತಮಿಳುನಾಡು, ಪುದಿಚೆರಿ ತತ್ತರಿಸಿದೆ. ಸಂಜೆ 7.30ರ ಸುಮಾರಿಗೆ ತಮಿಳುನಾಡಿನ ಉತ್ತರ ಕರಾವಳಿ ಮತ್ತು ಪುದುಚೇರಿ ಮಧ್ಯೆ ಅಪ್ಪಳಿಸಿ ಫೆಂಗಲ್​. ಭಾರೀ ಅವಾಂತರವನ್ನೇ ಸೃಷ್ಟಿಸಿದೆ.

ವರುಣನ ಆರ್ಭಟಕ್ಕೆ ತಮಿಳುನಾಡಿನ ರಾಜಧಾನಿ ಚೆನ್ನೈ ಜನರು ತತ್ತರಿಸಿದ್ದಾರೆ. ನಿನ್ನೆಯಿಂದಲೂ ಸುರಿದ ಮಳೆಗೆ ಚೆನ್ನೈನಬಹುತೇಕ ರಸ್ತೆಗಳು ಜಲಾವೃತವಾಗಿ ಜನರು ಪರದಾಡಿದ್ರು. ಅಂಡರ್​ ಪಾಸ್​ಗಳು ಜಲಾವೃತಾವಾಗಿದ್ದ ಕಾರಣ ಬ್ಯಾರಿಕೇಡ್​ಗಳನ್ನ ಹಾಕಿ, ವಾಹನ ಸಂಚಾರಕ್ಕೆ ನಿರ್ಬಂಧ ಹೇರಲಾಗಿತ್ತು.

ಇದನ್ನೂ ಓದಿ:VIDEO: ಫೆಂಗಲ್ ಸೈಕ್ಲೋನ್‌ಗೆ ತತ್ತರಿಸಿದ ಚೆನ್ನೈ; ಇಂದು ಬೆಂಗಳೂರಲ್ಲೂ ಮಳೆಯ ಅಲರ್ಟ್‌!

ಇನ್ನು ಗಂಟೆಗೆ 60-80 ಕಿ.ಮೀ. ವೇಗದಲ್ಲಿ ಎಂಟ್ರಿಕೊಟ್ಟ ಫೆಂಗಲ್​ ಸೈಕ್ಲೋನ್​ ಸುಮಾರು 4 ಗಂಟೆಗಳ ಕಾಲ ತನ್ನ ರೌದ್ರಾವತಾರ ತೋರಿತು. ಮಧ್ಯರಾತ್ರಿ ಸುಮಾರಿಗೆ, ಕಾರೈಕಲ್ ಮತ್ತು ಮಹಾಬಲಿಪುರಂ ನಡುವೆ ತಮಿಳುನಾಡಿನ ಕರಾವಳಿಯನ್ನು ಫೆಂಗಲ್​ ಚಂಡಮಾರುತ ಹಾದುಹೋಯ್ತು..

ಫೆಂಗಲ್​ ಆರ್ಭಟಕ್ಕೆ ಧರೆಗುರುಳಿದ ಮರಗಳು
ತಮಿಳುನಾಡಿನ ಕಲ್ಪಕ್ಕಮ್​ ಎಂಬಲ್ಲಿ ಫೆಂಗಲ್​ ಆರ್ಭಟಕ್ಕೆ ಮರಗಿಡಗಳು ಧರೆಗುರುಳಿದ್ದು, ಭಾರೀ ಅವಾಂತ ಸೃಷ್ಟಿಯಾಗಿದೆ. ಇನ್ನು ಕೆಲವೆಡೆ ಮನೆಗಳು ಮೇಲ್ಛಾವಣಿಗೆ ಹಾನಿಯಾಗಿದೆ.

ಚೆನ್ನೈ ಏರ್​ಪೋರ್ಟ್​ನಲ್ಲಿ ವಿಮಾನ ಸಂಚಾರ ವ್ಯತ್ಯಯ
ಇನ್ನು ಫೆಂಗಲ್​ ಸೈಕ್ಲೋನ್​ನಿಂದಾಗಿ, ಚೆನ್ನೈನ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಿಮಾನ ಹಾರಾಟದಲ್ಲಿ ವ್ಯತ್ಯವಾಗಿತ್ತು. 55 ವಿಮಾನಗಳ ಹಾರಾಟ ರದ್ದು ಮಾಡಿದ್ರೆ, 19 ವಿಮಾನಗಳನ್ನು ಬೇರೆಡೆಗೆ ಡೈವರ್ಟ್​ ಮಾಡಲಾಗಿತ್ತು. ಭಾನುವಾರ ಮುಂಜಾನೆ 4 ಗಂಟೆವರೆಗೂ ಚೆನ್ನೈ ಏರ್​ಪೋರ್ಟ್​ನಲ್ಲಿ ವಿಮಾನಯಾನ ಸೇವೆಯನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿತ್ತು.

ಕೇವಲ ತಮಿಳುನಾಡು ಮಾತ್ರವಲ್ಲ ಪುದುಚೇರಿಯಲ್ಲೂ ಭಾರೀ ಮಳೆಯಾಗುತ್ತಿದೆ. ಇವತ್ತು ಕೂಡ ಭಾರೀ ಮಳೆಯಾಗಲಿದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ. ಇನ್ನು ದಕ್ಷಿಣ ಆಂಧ್ರದಲ್ಲೂ ಇವತ್ತು ಭಾರೀ ಮಳೆಯಾಗುವ ಸಾಧ್ಯತೆ ಇದೆ. ಇತ್ತ ಕರ್ನಾಟಕಕ್ಕೂ ಫೆಂಗಲ್​ ಸೈಕ್ಲೋನ್​ ಎಫೆಕ್ಟ್​ ತಟ್ಟಿದ್ದು, ನಿನ್ನೆ ಇಡೀ ದಿನ ಮೊಡ ಕವಿದ ವಾತಾವರಣ ಇತ್ತು. ಹಾಗೂ ರಾತ್ರಿ ಬೆಂಗಳೂರಿನ ಕೆಲವೆಡೆ ಮಳೆಯಾಗಿದೆ. ಇವತ್ತು ಕೂಡ ಮಳೆಯಾಗುವ ಸಾಧ್ಯತೆ ಇದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ