ಇತರೆ ಧಾರಾವಾಹಿಗಳಂತೆ ಅಲ್ಲ ‘ಭಾಗ್ಯಲಕ್ಷ್ಮೀ’..!

ಸೀರಿಯಲ್ ಮೂಲಕ ‘ಶಿಕ್ಷಣದ ಕ್ರಾಂತಿ’ಗೆ ಅತ್ತೆ ಸೊಸೆ ನಾಂದಿ

ಇದು ದೊಡ್ಡ ಮಟ್ಟದಲ್ಲಿ ರೀಚ್ ಆಗಲು ಕಾರಣ ಏನು ಗೊತ್ತಾ ?

ಕಿರುತೆರೆಯಲ್ಲಿ ವಿಭನ್ನ ಪ್ರಯೋಗಗಳ ಮೂಲಕ ಗಮನ ಸೇಳೆದಿರುವ ಕತೆ ಭಾಗ್ಯಲಕ್ಷ್ಮೀ. ಸೀರಿಯಲ್​ ಪ್ರಿಯರ ನೆಚ್ಚಿನ ಲಿಸ್ಟ್​ನಲ್ಲಿ ಭಾಗ್ಯಲಕ್ಷ್ಮೀಗೆ ವಿಶೇಷ ಸ್ಥಾನ ಇದೆ. ಅದ್ರಲ್ಲೂ ಕುಸುಮಾ-ಭಾಗ್ಯ ಕಾಂಬಿನೇಷನ್​ಗೆ ದೊಡ್ಡ ಅಭಿಮಾನಿ ಬಳಗ ಸೃಷ್ಟಿಯಾಗಿದೆ.
ಯಾವುದೇ ಧಾರಾವಾಹಿ ತೆಗೆದುಕೊಂಡರೂ ಮುಖ್ಯವಾಗಿ ವೀಕ್ಷಕರು ಇಷ್ಟ ಪಡೋದು ನಾಯಕ-ನಾಯಕಿ ಕಾಂಬಿನೇಷನ್​. ಆದರೆ ಇಲ್ಲಿ ಅತ್ತೆ ಸೊಸೆಯ ಬಾಂಧವ್ಯದ ಬೆಸುಗೆ. ಕುಸುಮಾ-ಭಾಗ್ಯ ಯಾವುದಾದರೂ ಒಂದು ಫ್ರೇಮ್​ನಲ್ಲಿ ಮಿಸ್ಸಾದರೂ ಅಭಿಮಾನಿಗಳು ಸಹಿಸೋದಿಲ್ಲ. ವಿಶೇಷ ಏನಂದರೆ ಮಕ್ಕಳಿಗೂ ಫೇವರಿಟ್​ ಈ ಜೋಡಿ.

ಪಾತ್ರಗಳು ಈ ಮಟ್ಟಿಗೆ ರೀಚ್​ ಆಗಲು ಕಾರಣ ಕುಸುಮಾ-ಭಾಗ್ಯ ಪಾತ್ರಕ್ಕೆ ಜೀವತುಂಬಿರೋ ಪದ್ಮಜಾ ರಾವ್​ ಹಾಗೂ ಸುಷ್ಮಾ ರಾವ್. ​ಇತ್ತಿಚೀಗೆ ಈ ಜೋಡಿ ಶಾಲೆ ಒಂದಕ್ಕೆ ಭೇಟಿ ನೀಡಿದಾಗ ಮಕ್ಕಳು ಕುಸುಮಾ ಅವರನ್ನು ಮುತ್ತಿಗೆ ಹಾಕಿ, ನೀವೂ ಭಾಗ್ಯಕ್ಕನಿಗೆ ಜೋರು ಮಾಡ್ಬೇಡಿ. ಅವರು ಹೇಳೋದನ್ನು ಕೇಳಿ. ಇಲ್ಲ ಅಂದ್ರೆ ನಾವ್​ ಸೀರಿಯಲ್​ ನೋಡೋಲ್ಲ ಎಂದು ಪ್ರೀತಿಯಿಂದ ತರಾಟೆಗೆ ತೆಗೆದುಕೊಂಡಿದ್ದರು. ಈ ವಿಡಿಯೋನ್ನು ಸೂಶಿಯಲ್​ ಮಿಡಿಯಾದಲ್ಲಿ ಹಂಚಿಕೊಂಡಿರೋ ಸುಷ್ಮಾ, ಈ ಪ್ರೀತಿ ಮುಂದೆ ನನಗೆ ಇನ್ನೇನು ಬೇಕು? ಈ ಅಭಿಮಾನ ಪ್ರೀತಿಗೆ ಚಿರಋಣಿ ಎಂದಿದ್ದಾರೆ.

ಸೀರಿಯಲ್​ ಕತೆಗೆ ಬರೋದಾದರೆ ಭಾಗ್ಯಳನ್ನ ಓದಿಸುವ ಛಲಕ್ಕೆ ಮೊದಲ ಗೆಲುವು ಸಿಕ್ಕಿದೆ. ಮೊಮ್ಮಗಳು ಓದುತ್ತಿರುವ ಶಾಲೆಯಲ್ಲಿಯೇ ಸೊಸೆಗೆ ಅಡ್ಮಿಷನ್​ ಮಾಡಿಸಿದ್ದಾರೆ ಕುಸುಮಾ. ಭ್ಯಾಗ್ಯ ಓದಿನ ಹೊಸ ಪರ್ವ ಶುರುವಾಗಿದೆ. ಒಟ್ಟಿನಲ್ಲಿ ಸದ್ಯದ ಟ್ರ್ಯಾಕ್​ನಲ್ಲಿ ಶಿಕ್ಷಣಕ್ಕೆ ವಯಸ್ಸಿನ ಮಿತಿಯಿಲ್ಲ. ಅದ್ರಲ್ಲೂ ಹೆಣ್ಮಕ್ಕಳಿಗೆ ಓದು ಎಷ್ಟು ಮುಖ್ಯ ಅನ್ನೋದ್ರ ಬಗ್ಗೆ ಅರಿವು ಮೂಡಿಸುತ್ತಿದೆ ಭಾಗ್ಯಲಕ್ಷ್ಮೀ ತಂಡ. ಅದೆಷ್ಟೋ ಮಹಿಳೆಯರಿಗೆ ಸ್ಫೂರ್ತಿ ಆಗಿವೆ ಭಾಗ್ಯ-ಕುಸುಮಾ ಪಾತ್ರ.

https://fb.watch/m8oLAVVleK/

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ