2023 ಏಷ್ಯಾಕಪ್​ ಟೂರ್ನಿಯಲ್ಲಿ ಪಾಕ್​ ಟೀಮ್​ಗೆ ಹೀನಾಯ ಸೋಲು

ಪಾಕಿಸ್ತಾನ​ ವೈಸ್​ ಕ್ಯಾಪ್ಟನ್​​ ಶಾದಾಬ್ ಖಾನ್​​ಗೆ ತಂಡದಿಂದಲೇ ಕೊಕ್​

ಶಾದಾಬ್​​​ಗೆ ಕೊಕ್​ ಕೊಟ್ಟಿದ್ದೇಕೆ? ಅಸಲಿ ಕಾರಣವೇನು? ಸ್ಟೋರಿ ಓದಿ!

ಇತ್ತೀಚೆಗೆ ನಡೆದ 2023 ಏಷ್ಯಾಕಪ್​​ ಟೂರ್ನಿಯಲ್ಲಿ ಪಾಕ್​ ತಂಡವು ಹೀನಾಯ ಸೋಲು ಕಂಡಿದೆ. ಹೀಗಾಗಿ ಪಾಕ್​ ತಂಡದ ವೈಸ್​ ಕ್ಯಾಪ್ಟನ್​​​ ಶಾದಾಬ್ ಖಾನ್ ಅವರನ್ನು ಉಪ ನಾಯಕನ ಸ್ಥಾನದಿಂದ ತೆಗೆದು ಹಾಕಲಾಗಿದೆ. ಜತೆಗೆ ಸದ್ಯದಲ್ಲೇ ನಡೆಯಲಿರೋ ವಿಶ್ವಕಪ್​ ಟೂರ್ನಿಯಿಂದಲೂ ಹೊರ ಹಾಕೋ ಸಾಧ್ಯತೆ ಇದೆ ಎಂದು ವರದಿಯಾಗಿದೆ.

ಶಾದಾಬ್ ಖಾನ್ ಸ್ಟಾರ್​ ಆಲ್​ರೌಂಡರ್​​. ಏಷ್ಯಾಕಪ್​​ ಟೂರ್ನಿಯಲ್ಲಿ ಬ್ಯಾಟಿಂಗ್​​ ಮತ್ತು ಬೌಲಿಂಗ್​​ ಎರಡು ವಿಭಾಗಗಳಲ್ಲೂ ಹೇಳಿಕೊಳ್ಳುವಂತ ಪ್ರದರ್ಶನ ನೀಡಲಿಲ್ಲ. ಕೇವಲ 6 ವಿಕೆಟ್​ ತೆಗೆದು ಪಾಕ್​​ ಸೋಲಿಗೆ ಕಾರಣರಾದರು.

ಇನ್ನು, ಯಾವುದೇ ಸ್ಟಾರ್​ ಪ್ಲೇಯರ್​ ಕೂಡ ಪಾಕ್​ ತಂಡದ ಪರ ಉತ್ತಮ ಪ್ರದರ್ಶನ ನೀಡಲು ಸಾಧ್ಯವಾಗಿಲ್ಲ. ಹೀಗಾಗಿ ಶಾದಾಬ್ ಖಾನ್​​ಗೆ ಕೊಕ್​ ನೀಡಿ, ಸ್ಟಾರ್ ಬೌಲರ್ ಶಾಹೀನ್ ಶಾ ಅಫ್ರಿದಿಗೆ ವಿಶ್ವಕಪ್​​ ಟೂರ್ನಿ ವೇಳೆಗೆ ಟೀಂ ಇಂಡಿಯಾ ವೈಸ್​ ಕ್ಯಾಪ್ಟನ್​ ಪಟ್ಟ ಕಟ್ಟೋ ಸಾಧ್ಯತೆ ಇದೆ.

ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್ (PCB) ಕೂಡ ಕ್ಯಾಪ್ಟನ್ ಬಾಬರ್​ ಅಜಂ ಸೇರಿದಂತೆ ಎಲ್ಲಾ ಸ್ಟಾರ್​ ಆಟಗಾರರ ಪ್ರದರ್ಶನದ ಬಗ್ಗೆ ಬೇಸರ ಹೊರಹಾಕಿದ್ದಾರೆ. ಶಾದಾಬ್ ಖಾನ್ ಅವರನ್ನೂ ತಂಡದಿಂದಲೇ ಹೊರ ಹಾಕಲು ಪ್ಲಾನ್​ ಮಾಡಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ