ಮಹಾನ್ ಶಕ್ತಿವಂತ ದೇಶ ಆಗಬೇಕಾದರೆ 70 ಗಂಟೆ ಕೆಲಸ ಮಾಡಬೇಕು

ಭಾರತದ ಮುಂದಿನ ಪೀಳಿಗೆಗೆ ಒಳ್ಳೆಯದು ಆಗಬೇಕೆಂದ್ರೆ ದುಡಿಯಬೇಕು

ವಾರಕ್ಕೆ 70 ಗಂಟೆ ಕೆಲಸ ಮಾಡಬೇಕು ಎಂದಿದ್ದರು ನಾರಾಯಣ ಮೂರ್ತಿ

ನವದೆಹಲಿ: ಪ್ರತಿಷ್ಠಿತ ಇನ್ಫೋಸಿಸ್ ಸಹ ಸಂಸ್ಥಾಪಕ ನಾರಾಯಣ ಮೂರ್ತಿಯವರು ವಾರಕ್ಕೆ 70 ಗಂಟೆ ಕೆಲಸ ಮಾಡಬೇಕು ಎಂದು ಸಲಹೆ ನೀಡಿದ್ದ ಬಗ್ಗೆ ದೇಶದ್ಯಾಂತ ಸದ್ಯ ಚರ್ಚೆ ನಡೆಯುತ್ತಿದೆ. ಈಗಾಗಲೇ ಇದಕ್ಕೆ ಪರ-ವಿರೋಧಗಳು ವ್ಯಕ್ತವಾಗುತ್ತಿವೆ. ಈ ಎಲ್ಲ ಬೆಳವಣಿಗೆಯ ಮಧ್ಯೆ ಕಾಂಗ್ರೆಸ್​ ನಾಯಕ ಮನೀಶ್ ತಿವಾರಿ ಅವರು ಅಭಿಪ್ರಾಯ ವ್ಯಕ್ತಪಡಿಸಿ, ದೇಶಾಭಿವೃದ್ಧಿಗೆ 70 ಗಂಟೆ ಕೆಲಸ ಮಾಡಿದ್ರೆ ತಪ್ಪೇನು ಎಂದು ಪ್ರಶ್ನೆ ಮಾಡಿದ್ದಾರೆ.

ಈ ಬಗ್ಗೆ ಟ್ವಿಟ್ ಮಾಡಿರುವ ಕಾಂಗ್ರೆಸ್ ನಾಯಕ ಮನೀಶ್ ತಿವಾರಿ, ನಾರಾಯಣ ಮೂರ್ತಿ ಅಂತಹವರು ಅಷ್ಟೊಂದು ಕೆಲಸ ಮಾಡಿದ್ದಕ್ಕೆ ಈಗ ಅತ್ಯುನ್ನತ ಸ್ಥಾನದಲ್ಲಿದ್ದಾರೆ. ಸದ್ಯ 70 ಗಂಟೆ ಕೆಲಸ ಮಾಡಿ ಎಂದು ಹೇಳಿರುವ ಸಲಹೆಯಲ್ಲಿ ತಪ್ಪೇನಿದೆ. ಭಾರತ ನಿಜವಾಗಿಯು ಮಹಾನ್ ಶಕ್ತಿವಂತ ದೇಶವಾಗಬೇಕಾದರೆ, ಒಂದೆರಡು ಜನರೇಶನ್ ಕಷ್ಟಪಟ್ಟು ಕೆಲಸ ಮಾಡಬೇಕು. ಅದು ಮುಂದಿನ ನಮ್ಮ ಯುವ ಪೀಳಿಗೆಗೆ ಸಹಾಯವಾಗುತ್ತದೆ. ಇದಕ್ಕಾಗಿ ವಾರಕ್ಕೆ 70 ಗಂಟೆ ಕೆಲಸ, ಒಂದು ಆಫ್ ಹಾಗೂ 1 ವರ್ಷಕ್ಕೆ 15 ದಿನ ರಜೆಗಳು ಕೊಡುವಂತೆ ರೂಢಿಯಾಗಬೇಕು ಎಂದು ಹೇಳಿದ್ದಾರೆ.

I do not understand the brouhaha around @Infosys_nmurthy statement on a 70 hour work week . What is wrong with it ?

Some of us Public Representatives work 12-15 hours a day 7 days a week balancing careers with Public Service.

I do not recall when I last took a Sunday off.…

— Manish Tewari (@ManishTewari) November 10, 2023

ನಮ್ಮ ದೇಶದಲ್ಲಿ ಕೆಲ ಜನಪ್ರತಿನಿಧಿಗಳು ಒಂದು ದಿನಕ್ಕೆ 12 ರಿಂದ 17 ಗಂಟೆಗಳ ಕಾಲ ಕೆಲಸ ಮಾಡುತ್ತಿದ್ದಾರೆ. ವಾರದ ಎಲ್ಲ ದಿನವೂ ಇದೇ ರೀತಿ ಅವರು ಮಾಡುತ್ತಿದ್ದಾರೆ. ಅವರಿಗೆ ಬಿಡುವಿಲ್ಲದಂತೆ ಕೆಲಸವಿದೆ. ಹೀಗಾಗಿ ಅವರು ಎಲ್ಲವನ್ನು ಸರಿದೂಗಿಸಿಕೊಂಡು ಹೋಗುತ್ತಿದ್ದಾರೆ ಎಂದಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ