ಇಂದು ಮೇಜರ್ ಲೀಗ್​ ಫೈನಲ್ ಹಣಾಹಣಿ

ODI ವಿಶ್ವಕಪ್​.. ಅಭಿಮಾನಿಗಳಿಗೆ ಗುಡ್​ನ್ಯೂಸ್

ಕ್ರಿಕೆಟ್ ಲೋಕದ 6 ಸೂಪರ್ ಸಿಕ್ಸ್​​ ಇಲ್ಲಿವೆ

ಜಾಲಿ ಮೂಡ್​ನಲ್ಲಿ ಪೂಜಾರ..!

ಟೀಮ್ ಇಂಡಿಯಾದ ಟೆಸ್ಟ್ ಸ್ಪೆಷಲಿಸ್ಟ್ ಚೇತೇಶ್ವರ ಪೂಜಾರ ಈಗ ಫುಲ್​​​ ರಿಲ್ಯಾಕ್ಸ್​ ಮೂಡ್​ನಲ್ಲಿದ್ದಾರೆ. ಸದ್ಯ ಟೀಮ್ ಇಂಡಿಯಾದಿಂದ ಹೊರಬಿದ್ದಿರುವ ಸೌರಾಷ್ಟ್ರ ಬ್ಯಾಟ್ಸ್​ಮನ್​​ ಪೂಜಾರ, ಕುಟುಂಬ ಸಮೇತ ಪ್ರವಾಸಕ್ಕೆ ತೆರಳಿದ್ದಾರೆ. ಪತ್ನಿ ಹಾಗೂ ಪುತ್ರಿ ಜೊತೆ ಬಿಡುವಿನ ಸಮಯ ಕಳೆಯುತ್ತಿರುವ ಪೂಜಾರ, ತಮ್ಮ ವಿಡಿಯೋವನ್ನು ಇನ್​ಸ್ಟಾಗ್ರಾಮ್​ ಪೋಸ್ಟ್​ ಮಾಡಿದ್ದಾರೆ. ರಾಷ್ಟ್ರೀಯ ತಂಡದಿಂದ ಹೊರಬಿದ್ದಿರುವ ಟೆಸ್ಟ್​ ಸ್ಪೆಷಲಿಸ್ಟ್ ಪೂಜಾರ, ಇತ್ತಿಚೆಗೆ ದುಲೀಪ್ ಟ್ರೋಫಿಯಲ್ಲೂ ವೈಫಲ್ಯ ಅನುಭವಿಸಿದ್ದರು.

ಬ್ರಾವೋ ಕಾಲೆಳೆದ ಪೋಲಾರ್ಡ್​

ಕಿರನ್ ಪೋಲಾರ್ಡ್ ಹಾಗೂ ಡ್ವೇನ್ ಬ್ರಾವೋ ದಿ ಬೆಸ್ಟ್​ ಫ್ರೆಂಡ್ಸ್​. ಒಬ್ಬರಿಗೊಬ್ಬರು ಕಾಲೆದುಕೊಳ್ಳುವಲ್ಲಿ ನಿಸ್ಸೀಮರು. 2012ರ ಐಪಿಎಲ್​​ ಎಲಿಮಿನೇಟರ್​​ನಲ್ಲಿ ಪೋಲಾರ್ಡ್​ರನ್ನ ಔಟ್ ಮಾಡಿದ್ದ ಬ್ರಾವೋ ಏರೋಪ್ಲೈನ್​​​​​​​​​​​​​​​​ ಸೆಲೆಬ್ರೇಷನ್​ ಇಂದಿಗೂ ಕಣ್ಮುಂದೆಯೇ ಇದೆ. ಇದೀಗ ಇಂಥದ್ದೆ ಘಟನೆಗೆ ಮೇಜರ್ ಲೀಗ್​ ಕ್ರಿಕೆಟ್​ ಸಾಕ್ಷಿಯಾಯ್ತು. ಚಾಲೆಂಜರ್​​ ಫೈಟ್​​​​ನಲ್ಲಿ ಮುಂಬೈ ಎದುರು ಮುಖಭಂಗ ಅನುಭವಿಸಿದ ಟೆಕ್ಸಾಸ್ ಸೂಪರ್ ಕಿಂಗ್ಸ್​ ಟೂರ್ನಿಯಿಂದ ಹೊರಬಿತ್ತು. ಈ ಬಳಿಕ ಮುಂಬೈ ನ್ಯೂಯಾರ್ಕ್​ ಕ್ಯಾಪ್ಟನ್ ಪೊಲಾರ್ಡ್, ಬ್ರಾವೋಗೆ ಏರೋಪ್ಲೈನ್ ಏರುವಂತೆ ಸೂಚಿಸಿದರು. ಆ ಮೂಲಕ ಹಳೆಯ ಘಟನೆ ನೆನಪಿಸಿದರು.

Tweets by mufaddal_vohra

ಇಂದು ಮೇಜರ್ ಲೀಗ್​ ಫೈನಲ್ ಹಣಾಹಣಿ

ಮೇಜರ್ ಲೀಗ್ ಕ್ರಿಕೆಟ್​ನ ಚೊಚ್ಚಲ ಆವೃತ್ತಿ ಅಂತಿಮ ಹಂತಕ್ಕೆ ಬಂದು ತಲುಪಿದೆ. ​​ ಇಂದಿನ ಫೈನಲ್ ಹಣಾಹಣಿಯಲ್ಲಿ ಮುಂಬೈ ಇಂಡಿಯನ್ಸ್​ ನ್ಯೂಯಾರ್ಕ್ ಹಾಗೂ ಸಿಯಾಟಲ್ ಓರ್ಕಾಸ್ ಸೆಣಸಾಡಲಿದ್ದು, ಚೊಚ್ಚಲ ಮೇಜರ್ ಲೀಗ್ ಕ್ರಿಕೆಟ್ ಟ್ರೋಫಿ ಮುಡಿಗೇರಿಸಿಕೊಳ್ಳುವ ಲೆಕ್ಕಚಾರದಲ್ಲಿವೆ. ಉಭಯ ತಂಡಗಳಲ್ಲೂ ಸ್ಟಾರ್ ಆಟಗಾರರಿಂದಲೇ ಕೂಡಿದ್ದು, ಯಾರ್ ಗೆಲ್ತಾರೆ ಕುತೂಹಲ ಅಭಿಮಾನಿಗಳಲ್ಲಿ ಮೂಡಿದೆ.

ಸೋಲಿಲ್ಲದ ಸರದಾರರ ಮುಖಾಮುಖಿ

ದೇವ್​ಧರ್ ಟ್ರೋಫಿಯಲ್ಲಿ ಹ್ಯಾಟ್ರಿಕ್ ಗೆಲುವಿನೊಂದಿಗೆ ಮುನ್ನಗ್ಗುತ್ತಿರುವ ಮಯಾಂಕ್ ಅಗರ್ವಾಲ್ ನಾಯಕತ್ವದ ದಕ್ಷಿಣ ವಲಯಕ್ಕೆ ಇಂದು ಈಸ್ಟ್​ ಜೋನ್ ಸವಾಲು ಎದುರಾಗುತ್ತಿದೆ. ಈಗಾಗಲೇ ಟೂರ್ನಿಯಲ್ಲಿ ಸತತ ಮೂರು ಗೆಲುವುಗಳನ್ನ ದಾಖಲಿಸಿರುವ ಉಭಯ ತಂಡಗಳು, ಇಂದಿನ ಪಂದ್ಯದಲ್ಲಿ ಗೆದ್ದು ಫೈನಲ್​ಗೇರುವ ಲೆಕ್ಕಚಾರದಲ್ಲಿವೆ. ಟೇಬಲ್ ಟಾಪರ್​ಗಳ ಮುಖಾಮುಖಿ ಭಾರೀ ನಿರೀಕ್ಷಯೆನ್ನೇ ಹುಟ್ಟುಹಾಕಿದೆ.

ಫ್ಯಾನ್ಸ್​ಗೆ ಗುಡ್​ನ್ಯೂಸ್

ಏಕದಿನ ವಿಶ್ವಕಪ್‌ ಪಂದ್ಯಗಳನ್ನ ವೀಕ್ಷಿಸಲು ಮೈದಾನಕ್ಕಾಗಮಿಸುವ ಅಭಿಮಾನಿಗಳಿಗೆ ಗುಡ್​ನ್ಯೂಸ್​ ಸಿಕ್ಕಿದೆ. ಇಷ್ಟು ದಿನ ಸ್ಟೇಡಿಯಂನಲ್ಲಿ ಕುಡಿಯುವ ನೀರಿನ ಬಗ್ಗೆ ಕೇಳಿ ಬಂದಿದ್ದ ಅಪಸ್ವರಕ್ಕೆ ಬ್ರೇಕ್ ಹಾಕಲು ಬಿಸಿಸಿಐ ಮುಂದಾಗಿದ್ದು, ಸ್ಟೇಡಿಯಂಗೆ ಆಗಮಿಸುವ ಪ್ರೇಕ್ಷಕರಿಗೆ ಉಚಿತ ಕುಡಿಯುವ ನೀರನ್ನು ಒದಗಿಸಲು ಸಿದ್ಧತೆ ನಡೆಸುತ್ತಿದೆ. ಈ ಬಗ್ಗೆ ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ ಖಚಿತಪಡಿಸಿದ್ದಾರೆ.

ಇಂದಿನಿಂದ ಲಂಕಾ ಪ್ರೀಮಿಯರ್ ಲೀಗ್

4ನೇ ಆವೃತ್ತಿಯ ಲಂಕಾ ಪ್ರೀಮಿಯರ್ ಲೀಗ್​​​​ ಇಂದಿನಿಂದ ಆರಂಭವಾಗುತ್ತಿದ್ದು, ಇಂದಿನ ಉದ್ಘಾಟನಾ ಪಂದ್ಯದಲ್ಲಿ ಜಫ್ಫಾನ್ ಕಿಂಗ್ಸ್ ಹಾಗೂ ಕೊಲಂಬೊಂ ಸ್ಟ್ರೈಕರ್ಸ್ ಮುಖಾಮುಖಿಯಾಗ್ತಿದ್ದಾರೆ. 22 ದಿನಗಳ ಕಾಲ ನಡೆಯಲಿರುವ ಈ ಟೂರ್ನಿಯಲ್ಲಿ ಐದು ತಂಡಗಳು ಟ್ರೋಫಿಗಾಗಿ ಹೋರಾಟ ನಡೆಸಲಿವೆ. ಕೊಲಂಬೊದ ಪ್ರೇಮದಾಸ ಸ್ಟೇಡಿಯಂ ಹಾಗೂ ಪಲ್ಲೆಕೆಲೆ ಇಂಟರ್​ನ್ಯಾಷನ್​​ ಸ್ಟೇಡಿಯಂಗಳು ವೇದಿಕೆಯಾಗಲಿವೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್