ಏಕದಿನ ಮಾದರಿಯಲ್ಲಿ ಸೂರ್ಯ ಕುಮಾರ್​ ಬ್ಯಾಟಿಂಗ್ ವೈಫಲ್ಯ

360 ಖ್ಯಾತಿ ಆಟಗಾರನ ಹೊಡಿಬಡಿ ಆಟಕ್ಕಿದೆ ಬೇಜಾನ್ ಕ್ರೇಜ್

ವಿಶ್ವಕಪ್​ ತಂಡದಲ್ಲಿ ಸೂರ್ಯನಿಗೆ ಸ್ಥಾನ ನೀಡಿದ್ಯಾಕೆ ಬಿಸಿಸಿಐ.?

ಬಹುತೇಕ ನಿರೀಕ್ಷಿತ ಟೀಮ್​ ಇಂಡಿಯಾವನ್ನೇ ಸೆಲೆಕ್ಷನ್​ ಕಮಿಟಿ ವಿಶ್ವಕಪ್​ ಮೆಗಾ ಟೂರ್ನಿಗೆ ಪ್ರಕಟಿಸಿದೆ. ಅದ್ರೂ ಸೂರ್ಯ ಕುಮಾರ್​ ಯಾದವ್​ ಆಯ್ಕೆ ಸ್ವಲ್ಪ ಮಟ್ಟಿಗೆ ಸರ್​​ಪ್ರೈಸ್​ ಅನಿಸ್ತಿದೆ. ಅಷ್ಟಕ್ಕೂ ಸೂರ್ಯ ಕುಮಾರ್​ ವಿಶ್ವಕಪ್​ ತಂಡಕ್ಕೆ ಸರ್​​ಪ್ರೈಸ್​ ಎಂಟ್ರಿ ಕೊಟ್ಟಿದ್ದೇಗೆ? ಸೂರ್ಯನ ಸೆಲೆಕ್ಷನ್​ ಸೀಕ್ರೆಟ್​ ಏನು?

ಏಷ್ಯಾಕಪ್​ ಟೂರ್ನಿಯಲ್ಲಿ ಸೂಪರ್-​ 4ಗೆ ಕ್ವಾಲಿಫೈ ಆಗ್ತಿದ್ದಂತೆ, ವಿಶ್ವಕಪ್​ ಟೂರ್ನಿಗೆ ಟೀಮ್​ ಇಂಡಿಯಾದ ಅಧಿಕೃತ ಸಿದ್ಧತೆ ಆರಂಭವಾಗಿದೆ. ತವರಿನಲ್ಲಿ ನಡೆಯೋ ಮೆಗಾ ಟೂರ್ನಿಗೆ ಟೀಮ್​ ಇಂಡಿಯಾ ಸೀನಿಯರ್​ ಸೆಲೆಕ್ಷನ್​ ಕಮಿಟಿ 15 ಬಲಿಷ್ಠ ಆಟಗಾರರ ತಂಡವನ್ನ ಪ್ರಕಟಿಸಿದೆ. ಅಳೆದು ತೂಗಿ ಲೆಕ್ಕಾಚಾರ ಹಾಗಿ ಪರ್ಫೆಕ್ಟ್​ ಫಿಫ್ಟೀನ್​ಗೆ ಮಣೆ ಹಾಕಲಾಗಿದೆ.

ಬಹುತೇಕ ನಿರೀಕ್ಷಿತ, ಆದ್ರೂ ಸರ್​​ಪ್ರೈಸ್​ ತಪ್ಪಿಲ್ಲ..!

ವಿಶ್ವಕಪ್​ಗೆ ಆಯ್ಕೆ ಮಾಡಲಾಗಿರುವ ತಂಡದ ಬಹುತೇಕ ನಿರೀಕ್ಷಿತವೇ ಆಗಿದೆ. ಬ್ಯಾಟಿಂಗ್​, ಬೌಲಿಂಗ್​ ಎರಡೂ ವಿಭಾಗದಲ್ಲಿ ಅನುಭವಿಗಳಿಗೆ ಚಾನ್ಸ್​ ನೀಡಲಾಗಿದೆ. ಆದ್ರೂ, ಟಿ20ಯ ನಂಬರ್​- 1 ಬ್ಯಾಟ್ಸ್​ಮನ್​ ಸೂರ್ಯಕುಮಾರ್​ರನ್ನ ಏಕದಿನ ವಿಶ್ವಕಪ್​​ಗೆ ಆಯ್ಕೆ ಮಾಡಿರೋದು ಸ್ವಲ್ಪ ಮಟ್ಟಿಗೆ ಆಶ್ಚರ್ಯ ಮೂಡಿಸಿದೆ.

ಟಿ20 ಫಾರ್ಮೆಟ್​​ನಲ್ಲಿ ಸೂರ್ಯ ಕುಮಾರ್​​ ಯಾದವ್​ ಒಬ್ಬ ವಿಸ್ಫೋಟಕ ಬ್ಯಾಟ್ಸ್​ಮನ್​. ತನ್ನ 360 ಡಿಗ್ರಿ ಆಟದಿಂದಲೇ ಎದುರಾಳಿಯ ಗೇಮ್​ಪ್ಲಾನ್​ ಉಲ್ಟಾ ಮಾಡಬಲ್ಲ ತಾಕತ್ತು ಸೂರ್ಯನಿಗಿದೆ. ಚುಟುಕು ಫಾರ್ಮೆಟ್​ನಲ್ಲಿ ಈವರೆಗೆ ಮಾಡಿರುವ ವಿಧ್ವಂಸಕ ಬ್ಯಾಟಿಂಗ್​ ಇದಕ್ಕೆ ಬೆಸ್ಟ್​ ಎಕ್ಸಾಂಪಲ್​.

ಏಕದಿನ ಮಾದರಿಯಲ್ಲಿ ಸೂರ್ಯಕುಮಾರ್​​ ಸೈಲೆಂಟ್​.!

ಟಿ20 ಫಾರ್ಮೆಟ್​​ ಅಮೋಘ ಟ್ರ್ಯಾಕ್​ ರೆಕಾರ್ಡ್​​ ಹೊಂದಿರುವ ಸೂರ್ಯ ಕುಮಾರ್​ ಯಾದವ್​ ಏಕದಿನ ಫಾರ್ಮೆಟ್​ನಲ್ಲಿ ಮಕಾಡೆ ಮಲಗಿದ್ದಾರೆ. ಒಡಿಐ ಕ್ರಿಕೆಟ್​ನಲ್ಲಿ ರನ್​ಗಳಿಕೆಗೆ ಪರದಾಟ ನಡೆಸಿರುವ ಸೂರ್ಯ ಕುಮಾರ್​, ಎದುರಾಳಿಗಳಿಗೆ ಸುಲಭದ ತುತ್ತಾಗಿದ್ದಾರೆ. ಈ ಹಿಂದಿನ ವೆಸ್ಟ್​ ಇಂಡೀಸ್​​ ಟೂರ್​​​ನಲ್ಲಿ ಕೂಡ ಸೂರ್ಯ ಬ್ಯಾಟ್ ರನ್ ​ಬರ ಎದುರಿಸ್ತು.

ಏಕದಿನ ಮಾದರಿಯಲ್ಲಿ ಸೂರ್ಯಕುಮಾರ್​

ಏಕದಿನ ಮಾದರಿಯಲ್ಲಿ ಈವರೆಗೆ 26 ಪಂದ್ಯಗಳನ್ನಾಡಿರುವ ಸೂರ್ಯಕುಮಾರ್​​, ಕೇವಲ 511 ರನ್​ಗಳಿಸಿದ್ದಾರೆ. 24.00ರ ಕಳಪೆ ಸರಾಸರಿಯಲ್ಲಿ ರನ್​ಗಳಿಸಿರೋ ಸೂರ್ಯಕುಮಾರ್​, ಕೇವಲ 2 ಬಾರಿ ಅರ್ಧಶತಕದ ಗಡಿದಾಟಿದ್ದಾರೆ.

ವಿಶ್ವಕಪ್​ಗೆ ಸೂರ್ಯನ ಸೆಲೆಕ್ಷನ್​ ಸೀಕ್ರೆಟ್​ ಏನು.?

ಏಕದಿನ ಫಾರ್ಮೆಟ್​ನಲ್ಲಿ ರನ್​ಗಳಿಕೆಗೆ ಪರದಾಡ್ತಾ ಇದ್ರೂ, ಮಹತ್ವದ ವಿಶ್ವಕಪ್​ ಟೂರ್ನಿಗೆ ಸೂರ್ಯಕುಮಾರ್​​ನ ಸೆಲೆಕ್ಟ್​​​ ಮಾಡಿದ್ಯಾಕೆ ಅನ್ನೋದು ಸದ್ಯದ ಪ್ರಶ್ನೆಯಾಗಿದೆ. ಟೀಮ್​ ಮ್ಯಾನೇಜ್​ಮೆಂಟ್​​ & ಸೆಲೆಕ್ಷನ್​ ಕಮಿಟಿ ಕೂಡ ಈ ಬಗ್ಗೆ ಕೂಲಂಕುಶವಾಗಿ ಚರ್ಚಿಸಿದೆ. ಹಾಗಿದ್ರೂ, ಚಾನ್ಸ್​ ನೀಡಿರೋದ್ರ ಹಿಂದೆ ಒಂದು ಸೀಕ್ರೆಟ್​ ಇದೆ.

6ನೇ ಸ್ಲಾಟ್​ನಲ್ಲಿ ರಿಯಲ್​ ಆಟ ಆಡೋ ಟಾಸ್ಕ್​​.!

ಹೇಳಿ ಕೇಳಿ ಸೂರ್ಯ ಕುಮಾರ್​​ ಯಾದವ್​​ ಹೊಡಿ ಬಡಿ ಆಟಗಾರ. ಇದೇ ಸೂರ್ಯ ಕುಮಾರ್​​ ಸ್ಟ್ರೆಂಥ್​. ಇದನ್ನ ಅರಿತಿರೂ ಮ್ಯಾನೇಜ್​ಮೆಂಟ್​​ ಸೂರ್ಯನನ್ನ 6ನೇ ಕ್ರಮಾಂಕದಲ್ಲಿ ಆಡಿಸೋ ಪ್ಲಾನ್​ ರೂಪಿಸಿದೆ. ಅಂತಿಮ ಹಂತದಲ್ಲಿ ಅಂದ್ರೆ, ಕೊನೆಯ 10 ಓವರ್​ಗಳ ವೇಳೆ ಕಣಕ್ಕಿಳಿದು ಸ್ಫೋಟಕ ಆಡವಾಡೋದು ಸದ್ಯ ಸೂರ್ಯನ ಮುಂದಿರೋ ಟಾಸ್ಕ್​.

ಟೀಮ್​ ಇಂಡಿಯಾದ ಈ ಸ್ಟ್ರಾಟಜಿ ಏನೋ ಸಖತ್ತಾಗಿದೆ. ಆದ್ರೆ, ಆನ್​ಫೀಲ್ಡ್​ನಲ್ಲಿ ಇದೆಷ್ಟರಮಟ್ಟಿಗೆ ವರ್ಕೌಟ್​ ಆಗುತ್ತೆ ಅನ್ನೋದೆ ಪ್ರಶ್ನೆಯಾಗಿದೆ. ಆಲ್​ರೆಡಿ ದ್ವಿಪಕ್ಷೀಯ ಸರಣಿಗಳಲ್ಲಿ ಫೇಲ್​ ಆಗಿರುವ ಸೂರ್ಯ, ವಿಶ್ವಕಪ್​ನಂತಹ ಬಿಗ್​ಸ್ಟೇಜ್​ನಲ್ಲಿ ಪರ್ಫಾಮ್​ ಮಾಡ್ತಾರಾ.? ಅನ್ನೋ ಅನುಮಾನ ಸಹಜವಾಗಿಯೇ ಇದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ