2023ರ ಐಸಿಸಿ ಏಕದಿನ ವಿಶ್ವಕಪ್​​ ಮಹಾ ಸಮರ

ಫೈನಲ್​​ ಸ್ಟೇಜ್​​ನಲ್ಲಿ ವಿಶ್ವಕಪ್​​ ಬಿಗ್​ ಬ್ಯಾಟಲ್​​​..!

ಸೆಮೀಸ್​​ನಲ್ಲಿ ಭಾರತ, ನ್ಯೂಜಿಲೆಂಡ್​​ ಮುಖಾಮುಖಿ

ಬಹುನಿರೀಕ್ಷಿತ 2023ರ ಐಸಿಸಿ ಏಕನದಿ ವಿಶ್ವಕಪ್​​ ಟೂರ್ನಿಯೂ ಇನ್ನೇನು ಮುಕ್ತಾಯದ ಹಂತಕ್ಕೆ ಬಂದಿದೆ. ಇಂದು ಬಲಿಷ್ಠ ಟೀಂ ಇಂಡಿಯಾ, ನ್ಯೂಜಿಲೆಂಡ್​​ ತಂಡದ ನಡುವಿನ ಕಾದಾಟಕ್ಕೆ ರಣರಂಗ ಸಜ್ಜಾಗಿದೆ. ಇಂದಿನ ಸೆಮಿಫೈನಲ್​ ಪಂದ್ಯ ಕೇವಲ ಪಂದ್ಯವಾಗಿ ಮಾತ್ರ ಉಳಿದಿಲ್ಲ, ಬದಲಿಗೆ ಸೇಡಿನ ಸಮರ ಎಂಬುದು ವಿಶೇಷ.

ಹೌದು, ಏಕದಿನ ವಿಶ್ವಕಪ್ ಲೀಗ್ ಹಂತದ ಪಂದ್ಯಗಳು ಮುಕ್ತಾಯ ಕಂಡಿವೆ. ಹೀಗಾಗಿ ಎಲ್ಲರ ಚಿತ್ತ ನಾಕೌಟ್​​ನತ್ತ ನೆಟ್ಟಿದೆ. ವಿಶ್ವಕಪ್ ಗದ್ದುಗೇರಲು ಕೇವಲ 2 ಪಂದ್ಯ ಮಾತ್ರ ಗೆಲ್ಲಬೇಕು. ಯಾವ ಟೀಂ ಈ ಜಿದ್ದಾಜಿದ್ದಿ ಹೋರಾಟದಲ್ಲಿ 2 ಪಂದ್ಯ ಗೆಲ್ಲಲಿದೆಯೇ ಅದಕ್ಕೆ ಏಕದಿನ ವಿಶ್ವಕಪ್​ ಟ್ರೋಫಿ.

ಇಂದು ಮುಂಬೈನ ವಾಂಖೆಡೆ ಇಂಟರ್​ ನ್ಯಾಷನಲ್​ ಸ್ಟೇಡಿಯಮ್​ನಲ್ಲಿ ನಡೆಯಲಿರೋ ಮೊದಲ ಸೆಮಿಫೈನಲ್​​ ಪಂದ್ಯದಲ್ಲಿ ಕ್ಯಾಪ್ಟನ್​ ರೋಹಿತ್​ ಶರ್ಮಾ ನೇತೃತ್ವದ ಟೀಂ ಇಂಡಿಯಾ, ನ್ಯೂಜಿಲೆಂಡ್​​ ತಂಡಗಳು ಮುಖಾಮುಖಿ ಆಗಲಿವೆ. ಬಲಿಷ್ಠರ ಕಾಳಗ ಭಾರೀ ಕುತೂಹಲವನ್ನೇ ಹುಟ್ಟಿಹಾಕಿದೆ.

ಹೋಮ್​ ಗ್ರೌಂಡ್​ನಲ್ಲೇ ಈ ಮಹಾ ಸಮರ ನಡೆಯುತ್ತಿರುವುದು ಭಾರತ ತಂಡಕ್ಕೆ ಬಹಳ ಅಡ್ವಾಂಟೇಜ್​​. ಅದರಲ್ಲೂ ವಾಂಖೆಡೆ ಕ್ಯಾಪ್ಟನ್​ ರೋಹಿತ್​ ಶರ್ಮಾ, ಶ್ರೇಯಸ್​ ಅಯ್ಯರ್​​, ಸೂರ್ಯಕುಮಾರ್​ ಯಾದವ್​​​ ಅವರಿಗೆ ಹೋಮ್​ ಗ್ರೌಂಡ್​​. ತವರಿನಲ್ಲೇ ನಡೆಯುತ್ತಿರೋ ಕಾರಣ ಈ ಮೂವರ ಮೇಲೆ ಬಹಳ ಒತ್ತಡ ಇದೆ.

ಇವರೇ ಟೀಂ ಇಂಡಿಯಾ ಪಿಲ್ಲರ್ಸ್​​..!

ಟಾಪ್​ ಆರ್ಡರ್​ ಬ್ಯಾಟಿಂಗ್​ ಟೀಂ ಇಂಡಿಯಾದ ಬ್ಯಾಕ್​ಬೋನ್​​. ರೋಹಿತ್​ ಶರ್ಮಾ, ಶುಭ್ಮನ್​ ಗಿಲ್​, ವಿರಾಟ್​ ಕೊಹ್ಲಿ, ಶ್ರೇಯಸ್​ ಅಯ್ಯರ್​​, ಕೆ.ಎಲ್​ ರಾಹುಲ್​ ಎಲ್ಲರೂ ಫಾರ್ಮ್​ನಲ್ಲೇ ಇದ್ದಾರೆ. ಇನ್ನೂ ಬೌಲಿಂಗ್​​ ವಿಭಾಗದಲ್ಲಂತೂ ಮೊಹಮ್ಮದ್​ ಶಮಿ, ಮೊಹಮ್ಮದ್​ ಸಿರಾಜ್​​, ಜಸ್​ಪ್ರಿತ್​ ಬೂಮ್ರಾ ಮೋಡಿ ಮಾಡಲಿದ್ದಾರೆ. ಜಡೇಜಾ ಕೂಡ ಕಮಾಲ್​ ಮಾಡಲಿದ್ದಾರೆ.

ಟೀಂ ಇಂಡಿಯಾ ಪ್ಲೇಯಿಂಗ್​​ ಎಲೆವೆನ್

ರೋಹಿತ್ ಶರ್ಮಾ (ನಾಯಕ), ಶುಭ್ಮನ್ ಗಿಲ್, ವಿರಾಟ್ ಕೊಹ್ಲಿ, ಶ್ರೇಯಸ್ ಅಯ್ಯರ್, ಕೆಎಲ್ ರಾಹುಲ್, ಸೂರ್ಯಕುಮಾರ್ ಯಾದವ್, ರವೀಂದ್ರ ಜಡೇಜಾ, ಜಸ್ಪ್ರೀತ್ ಬುಮ್ರಾ, ಮೊಹಮ್ಮದ್ ಸಿರಾಜ್, ಮೊಹಮ್ಮದ್ ಶಮಿ, ಕುಲ್ದೀಪ್ ಯಾದವ್.

ನ್ಯೂಜಿಲೆಂಡ್ ಪ್ಲೇಯಿಂಗ್​ ಎಲೆವೆನ್​​

ಡಿವೋನ್​ ಕಾನ್ವೇ, ವಿಲ್ ಯಂಗ್, ರಚಿನ್ ರವೀಂದ್ರ, ಡೇರಿಲ್ ಮಿಚೆಲ್, ಕೇನ್ ವಿಲಿಯಮ್ಸನ್ (ನಾಯಕ), ಟಾಮ್ ಲಥಾಮ್, ಗ್ಲೆನ್ ಫಿಲಿಪ್ಸ್, ಮಿಚೆಲ್ ಸ್ಯಾಂಟ್ನರ್, ಮ್ಯಾಟ್ ಹೆನ್ರಿ, ಟ್ರೆಂಟ್ ಬೌಲ್ಟ್, ಟೀಮ್ ಸೌಥಿ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ