ಬಹುನಿರೀಕ್ಷಿತ 2023ರ ಏಕದಿನ ಏಷ್ಯಾಕಪ್​ ಟೂರ್ನಿ

ನಾಳೆಯೇ ಭಾರತ, ಪಾಕಿಸ್ತಾನ ಹೈವೋಲ್ಟೇಜ್​​ ಪಂದ್ಯ

ಒಂದು ವೇಳೆ ಪಂದ್ಯ ರದ್ದಾದ್ರೆ ಮುಂದಿನ ಕಥೆಯೇನು..?

ಬಹುನಿರೀಕ್ಷಿತ 2023ರ ಏಕದಿನ ಏಷ್ಯಾಕಪ್​ ಟೂರ್ನಿ ಈಗಾಗಲೇ ಶುರುವಾಗಿದೆ. ನಾಳೆ ನಡೆಯಲಿರೋ ಭಾರತ, ಪಾಕ್​​ ತಂಡಗಳ ನಡುವಿನ ಹೈವೋಲ್ಟೇಜ್​​ ಪಂದ್ಯ ನೋಡಲು ಇಡೀ ಕ್ರೀಡಾ ಲೋಕವೇ ಕಾದು ಕುಳಿತಿದೆ. ಬರೋಬ್ಬರಿ 4 ವರ್ಷಗಳ ಬಳಿಕ ಏಕದಿನ ಮಾದರಿಯಲ್ಲಿ ಪಾಕ್​​ ಮತ್ತು ಭಾರತ ತಂಡಗಳು ಮುಖಾಮುಖಿ ಆಗುತ್ತಿವೆ.

4 ವರ್ಷಗಳ ಹಿಂದೆ 2019 ಜೂನ್​​ ತಿಂಗಳಲ್ಲಿ ನಡೆದ ಏಕದಿನ ವಿಶ್ವಕಪ್​​​ನಲ್ಲಿ ಭಾರತ, ಪಾಕಿಸ್ತಾನ ತಂಡಗಳು ಮುಖಾಮುಖಿ ಆಗಿದ್ದವು. ಅಂದು ಟೀಂ ಇಂಡಿಯಾದ ಕ್ಯಾಪ್ಟನ್ ವಿರಾಟ್​ ಕೊಹ್ಲಿ ಆಗಿದ್ದರು. ತಂಡದಲ್ಲಿ ಕೂಲ್​​ ಕ್ಯಾಪ್ಟನ್​ ಕೂಡ ಇದ್ದರು. ಅಂದು ಪಾಕ್​​ ತಂಡದ ವಿರುದ್ಧ ಟೀಂ ಇಂಡಿಯಾ ಗೆದ್ದು ಬೀಗಿತ್ತು. ಈಗ ಆ ಸೇಡನ್ನು ಪಾಕ್​ ತೀರಿಸಿಕೊಳ್ಳಲು ಮುಂದಾಗಿದೆ. ಹೀಗಾಗಿ ಪಂದ್ಯದ ರೋಚಕತೆ ಇನ್ನೂ ಹೆಚ್ಚಾಗಿದೆ.

ಕೇವಲ ಇಷ್ಟು ಮಾತ್ರವಲ್ಲ ಮುಂದಿನ ವಿಶ್ವಕಪ್​ ದೃಷ್ಟಿಯಿಂದಲೂ ನಾಳೆಯ ಪಂದ್ಯ ಮಹತ್ವ ಪಡೆದುಕೊಂಡಿದೆ. ಆದರೆ, ಈ ಪಂದ್ಯದ ರೋಚಕತೆಗೆ ಮಳೆರಾಯ ಅಡ್ಡಿಪಡಿಸೋ ಸಾಧ್ಯತೆ ಇದೆ. ಹೀಗಾಗಿ ಈ ಮ್ಯಾಚ್​​ ನಡೆಯೋದು ಬಹುತೇಕ ಡೌಟ್​ ಎನ್ನಬಹುದು. ಈ ಸುದ್ದಿ ಕ್ರಿಕೆಟ್ ಅಭಿಮಾನಿಗಳಿಗೆ ಬೇಸರ ಮೂಡಿಸಿದೆ.

ಮುಂದಿನ ಕಥೆಯೇನು..?

ಇನ್ನು, ಭಾರತ ಹಾಗೂ ಪಾಕಿಸ್ತಾನದ ನಡುವಿನ ಪಂದ್ಯಕ್ಕೆ ರಿಸರ್ವ್ಡ್​​​ ಡೇ ಇಲ್ಲ. ಒಂದು ವೇಳೆ ಮಳೆ ಕಾರಣಕ್ಕೆ ಪಂದ್ಯ ರದ್ದಾದಲ್ಲಿ ಎರಡು ತಂಡಗಳು ಅಂಕಗಳನ್ನು ಸಮಾನವಾಗಿ ಹಂಚಿಕೊಳ್ಳಲಿವೆ. ಕಡಿಮೆ ಮಳೆ ಬಂದಲ್ಲಿ ಕಡಿಮೆ ಓವರ್​​ ಮಾಡಿ ಪಂದ್ಯ ಆಡಿಸಬಹುದು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ