ವೆಸ್ಟ್​​ ಇಂಡೀಸ್​​ ವಿರುದ್ಧ ಟೀಂ ಇಂಡಿಯಾಗೆ ಗೆಲುವು

18 ವರ್ಷಗಳ ಹಳೆಯ ದಾಖಲೆ ಮುರಿದ ಭಾರತ ತಂಡ

ಹಾರ್ದಿಕ್​​ ಪಾಂಡ್ಯ ನೇತೃತ್ವದಲ್ಲಿ ಟೀಂ ಇಂಡಿಯಾ ಸಾಧನೆ

ಬ್ರಿಯಾನ್ ಲಾರಾ ಸ್ಟೇಡಿಯಮ್​​ನಲ್ಲಿ ನಡೆದ ವೆಸ್ಟ್ ಇಂಡೀಸ್ ವಿರುದ್ಧದ ಮೂರನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ 200 ರನ್​​ಗಳಿಂದ ಗೆದ್ದು ಬೀಗಿದೆ. ಈ ಮೂಲಕ ಮೂರು ಪಂದ್ಯಗಳ ಏಕದಿ ಸರಣಿಯನ್ನು 2-1 ಅಂತರದಲ್ಲಿ ವಶಪಡಿಸಿಕೊಂಡಿದೆ.

2ನೇ ಏಕದಿನ ಪಂದ್ಯದಲ್ಲಿ ಹೀನಾಯ ಸೋಲು ಕಂಡಿದ್ದ ಟೀಂ ಇಂಡಿಯಾ ಮೂರನೇ ಮ್ಯಾಚ್​​ನಲ್ಲಿ 350ಕ್ಕೂ ರನ್​ ಕಲೆ ಹಾಕಿತ್ತು. ಟೀಂ ಇಂಡಿಯಾ ಪರ ಇಶಾನ್​ ಕಿಶನ್​​ 77, ಶುಭ್ಮನ್ ಗಿಲ್ 85, ಸಂಜು ಸ್ಯಾಮ್ಸನ್ 51, ಹಾರ್ದಿಕ್​​ ಪಾಂಡ್ಯ 70 ರನ್ ಬಾರಿಸಿದ್ದರು.

18 ವರ್ಷಗಳ ಹಳೇ ದಾಖಲೆ ಉಡೀಸ್​​​

ವೆಸ್ಟ್​ ಇಂಡೀಸ್​ ಕೇವಲ 151 ರನ್​​ಗೆ ಆಲೌಟ್​ ಆದ ಕಾರಣ ಟೀಂ ಇಂಡಿಯಾ 200 ರನ್​ಗಳಿಂದ ಗೆದ್ದಿದೆ. ಗಮನಾರ್ಹ ಎಂದರೆ ಭಾರತ ತಂಡದ ಯಾರು ಶತಕ ಸಿಡಿಸಿರಲಿಲ್ಲ. ಈ ಮುನ್ನ 2005ರಲ್ಲಿ ಶ್ರೀಲಂಕಾ ವಿರುದ್ಧ ಟೀಂ ಇಂಡಿಯಾ 350 ರನ್ ಗಳಿಸಿತ್ತು. ಅಂದು ಕೂಡ ಯಾವುದೇ ಬ್ಯಾಟ್ಸ್​​ಮನ್​​​​ ಶತಕ ಬಾರಿಸಿರಲಿಲ್ಲ. ಈಗ ಮತ್ತದೇ ಸೀನ್​ ರಿಪೀಟ್​ ಹಾಕಿದ್ದು, 18 ವರ್ಷಗಳ ಹಿಂದಿನ ದಾಖಲೆಯನ್ನು ಟೀಂ ಇಂಡಿಯಾ ಮುರಿದಿದೆ.

ಈ ಹಿಂದೆ 2004ರಲ್ಲಿ ಪಾಕಿಸ್ತಾನ ವಿರುದ್ಧ 349 ರನ್​​, ಅದೇ ವರ್ಷ ಬಾಂಗ್ಲಾದೇಶ ವಿರುದ್ಧ 348 ರನ್​ ಗಳಿಸಿದ್ರೂ ಟೀಂ ಇಂಡಿಯಾದ ಪರ ಯಾವ ಬ್ಯಾಟ್ಸ್​​ಮನ್​ ಕೂಡ ಶತಕ ದಾಖಲಿಸಿರಲಿಲ್ಲ. ಈಗ 18 ವರ್ಷಗಳ ಬಳಿಕ ಈ ದಾಖಲೆಯನ್ನು ಭಾರತ ತಂಡ ಬ್ರೇಕ್​ ಮಾಡಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ