ಈತ ಸೆಂಚುರಿ ಸಿಡಿಸಿದ್ರೆ ಭಾರತಕ್ಕೆ ಸೋಲು ಅನ್ನೋದೇ ಇಲ್ಲ

ಸಿಡಿಸಿದ 10 ಸೆಂಚುರಿಯಲ್ಲಿ ಟೀಮ್​ ಇಂಡಿಯಾ ವಿನ್ ಆಗಿದೆ

ಲಕ್ಕಿಮ್ಯಾನ್​ ರಾಹುಲ್​, ರೋಹಿತ್​, ವಿರಾಟ್​ ಇವರಲ್ಲಿ ಯಾರು?

ಟೀಮ್ ಇಂಡಿಯಾದಲ್ಲಿ ಓರ್ವ ಲಕ್ಕಿ ಪ್ಲೇಯರ್ ಇದ್ದಾನೆ. ಈತ ಯಾವಗೆಲ್ಲ ಸೆಂಚುರಿ ಸೆಂಚುರಿ ಸಿಡಿಸಿದ್ದಾನೋ ಆವಾಗೆಲ್ಲ ಭಾರತ ಗೆದ್ದಿದೆ. ಒಂದೂ ಸೋಲು ಅನ್ನೋದನ್ನೆ ಕಂಡಿಲ್ಲ. ಅಷ್ಟಕ್ಕೂ ಆ ಲಕ್ಕಿಮ್ಯಾನ್​ ಯಾರು..? ಹೇಗೆಲ್ಲ ಲಕ್​ ತಂದು ಕೊಟ್ಟಿದ್ದಾರೆ..?

ಮೊದಲ ಬ್ಯಾಟಲ್​​ನಲ್ಲೇ ಕೆರಿಬಿಯನ್ನರನ್ನ ಬೇಟೆಯಾಡುವಲ್ಲಿ ರೋಹಿತ್ ಶರ್ಮಾ ಆ್ಯಂಡ್​​ ಗ್ಯಾಂಗ್​​ ಯಶಸ್ವಿಯಾಗಿದೆ. ಜಸ್ಟ್​​ 3ನೇ ದಿನದಲ್ಲಿ ವಿಂಡೀಸ್​​​​​ ಕಥೆ ಮುಗಿಸಿತು. ಇನ್ನಿಂಗ್ಸ್​ ಹಾಗೂ 141 ರನ್​ಗಳ ಪ್ರಚಂಡ ಗೆಲುವು ದಾಖಲಿಸಿದ ಭಾರತ ಸರಣಿಯಲ್ಲಿ 1-0 ಶುಭಾರಂಭ ಮಾಡಿದೆ. ಅಷ್ಟಕ್ಕೂ ಡೊಮಿನಿಕಾದಲ್ಲಿ ಭಾರತದಿಂದ ಡಾಮಿನೇಟಿಂಗ್​​ ಪ್ರದರ್ಶನ ಮೂಡಿ ಬರಲು ಕಾರಣ ಕ್ಯಾಪ್ಟನ್ ರೋಹಿತ್ ಸೂಪರ್ ಸೆಂಚುರಿ ಅನ್ನೋದನ್ನ ಮರೆಯುವಂತಿಲ್ಲ.

ಸೋಲಿನ ಮಾತೇ ಇಲ್ಲ, ಬರೀ ಗೆಲುವು ಎಲ್ಲ..!

ಹಿಟ್​ಮ್ಯಾನ್ ಖ್ಯಾತಿಯ ರೋಹಿತ್ ಶರ್ಮಾ ಓರ್ವ ಮ್ಯಾಚ್ ವಿನ್ನರ್ ಅನ್ನೋದನ್ನ ಬಿಡಿಸಿ ಹೇಳಬೇಕಿಲ್ಲ. ಹಿಟ್​ಮ್ಯಾನ್​ ಒಮ್ಮೆ ಗಟ್ಟಿಯಾಗಿ ಕ್ರೀಸ್​​ಗಚ್ಚಿ ನಿಂತ್ರೆ ಸಾಕು ಭಾರತಕ್ಕೆ ಗೆಲುವು ಫಿಕ್ಸ್. ಇದಕ್ಕೆ ಡೊಮಿನಿಕಾ ಟೆಸ್ಟ್ ಬೆಸ್ಟ್ ಎಕ್ಸಾಂಪಲ್​​. ವಿಂಡೀಸ್​ ಬೌಲರ್​​ಗಳನ್ನ ಬೆಂಡೆತ್ತಿದ ರೋಹಿತ್​​ ಅಮೋಘ 103 ರನ್​ ಗಳಿಸಿ ಶೈನ್ ಆದ್ರು.

ಟೆಸ್ಟ್​ ಕ್ರಿಕೆಟ್​ನಲ್ಲಿ ಹಿಟ್​ಮ್ಯಾನ್​ 10 ಶತಕ..!

ಇದು ನಿಮಗೆ ಕೇಳೋಕೆ ಅಚ್ಚರಿ ಅನ್ನಿಸಿದ್ರೂ ಸತ್ಯ. ಟೆಸ್ಟ್​ ಕ್ರಿಕೆಟ್​​ನಲ್ಲಿ ರೋಹಿತ್ ಶರ್ಮಾ ಇಲ್ಲಿತನಕ ಒಟ್ಟು 10 ಶತಕಗಳನ್ನ ಬಾರಿಸಿದ್ದಾರೆ. ಇಂಟ್ರೆಸ್ಟಿಂಗ್ ಸಂಗತಿ ಏನಂದ್ರೆ ರೋಹಿತ್​​ ಶತಕ ಬಾರಿಸಿದ ಪ್ರತಿ ಪಂದ್ಯವನ್ನ ಟೀಮ್ ಇಂಡಿಯಾ ಗೆದ್ದಿದೆ. ಒಂದೇ ಒಂದು ಪಂದ್ಯವನ್ನ ಸೋತಿಲ್ಲ. ಬರೀ ಗೆಲುವಿನ ಸರಮಾಲೆಯನ್ನ ಕಟ್ಟಿದೆ.

ಟೆಸ್ಟ್​​ನಲ್ಲಿ ರೋಹಿತ್ ಸೆಂಚುರಿ ಸಾಧನೆ

ರೋಹಿತ್ ಶರ್ಮಾ ವೆಸ್ಟ್​ಇಂಡೀಸ್ ಎದುರು ಟೆಸ್ಟ್​ನಲ್ಲಿ ಚೊಚ್ಚಕ ಶತಕ ಸಿಡಿಸಿದ್ರು. ಈ ಪಂದ್ಯವನ್ನ ಭಾರತ ಗೆದ್ದಿತ್ತು. ಬಳಿಕ ಅದೇ ತಂಡದ ವಿರುದ್ಧ 111 ರನ್ ಬಾರಿಸಿದ್ರು. ಆ ಪಂದ್ಯವನ್ನೂ ಭಾರತ ಜಯಿಸಿತ್ತು. ಬಳಿಕ ಶ್ರೀಲಂಕಾ ವಿರುದ್ಧ ಕ್ರಮವಾಗಿ 102 ಹಾಗೂ 176 ರನ್​ ಹೊಡೆದಿದ್ರು. ಎರಡೂ ಪಂದ್ಯದಲ್ಲಿ ಭಾರತ ಜಯಭೇರಿ ಬಾರಿಸಿತ್ತು. ಇನ್ನು ದಕ್ಷಿಣ ಆಫ್ರಿಕಾ ವಿರುದ್ಧ ಒಮ್ಮೆ 127 ಹಾಗೂ 212 ರನ್ ಬಾರಿಸಿದ್ರು. ಆಗಲೂ ಭಾರತ ಗೆದ್ದಿತ್ತು. ಇಂಗ್ಲೆಂಡ್​​​​ ಎದುರು ಕ್ರಮವಾಗಿ 161 ಹಾಗೂ 127 ರನ್​ ಹೊಡೆದಿದ್ರು. ಆ ಎರಡು ಪಂದ್ಯಗಳಲ್ಲಿ ಭಾರತ ಜಯಭೇರಿ ಬಾರಿಸಿತು. ಆಸ್ಟ್ರೇಲಿಯಾ ವಿರುದ್ಧ 120 ಹೊಡೆದಾಗಲೂ ಟೀಮ್ ಇಂಡಿಯಾ ವಿಕ್ಟರಿ ದಾಖಲಿಸಿತ್ತು. ಇನ್ನು ಡೊಮಿನಿಕಾದಲ್ಲಿ ವಿಂಡೀಸ್ ವಿರುದ್ಧ ಇತ್ತೀಚೆಗಷ್ಟೇ 103 ರನ್​ ಬಾರಿಸಿದಾಗ ಪ್ರಚಂಡ ಗೆಲುವು ಕಂಡಿತ್ತು.

2019 ರಿಂದ ನಿಲ್ಲದ ರೋಹಿತ್ ಸೆಂಚುರಿ ಭರಾಟೆ..!

2019 ರಲ್ಲಿ ಹಿಟ್​ಮ್ಯಾನ್​ ಓಪನರ್​ ಆಗಿ ಬಡ್ತಿ ಪಡೆದಿದ್ದೇ ಬಂತು. ರೋಹಿತ್ ಶರ್ಮಾ ಅಕ್ಷರಶಃ ರನ್ ಸುನಾಮಿಯನ್ನೆ ಎಬ್ಬಿಸಿದ್ದಾರೆ. ಸೆಂಚುರಿಗಳ ಮೇಲೆ ಸೆಂಚುರಿ ಸಿಡಿಸಿ ಎದುರಾಳಿ ತಂಡವನ್ನ ಬೆಚ್ಚಿ ಬೀಳಿಸ್ತಿದ್ದಾರೆ.

ಇದನ್ನು ಓದಿ: 2023 ವಿಂಬಲ್ಡನ್​ ಪ್ರಶಸ್ತಿಗೆ ಮುತ್ತಿಕ್ಕಿದ ಸ್ಪೆನ್​ನ ನವಯುವಕ.. ಸರ್ಬಿಯಾದ ನೋವಾಕ್ ರೇಸ್​ಗೆ ಬ್ರೇಕ್​ ಹಾಕಿದ ಕಾರ್ಲೋಸ್ ಅಲ್ಕರಾಜ್

ಟೆಸ್ಟ್​​ನಲ್ಲಿ 2019 ರಿಂದ ರೋಹಿತ್​ ಶರ್ಮಾ..!

2019 ರ ಅಕ್ಟೋಬರ್​ನಿಂದ ರೋಹಿತ್ ಈವರೆಗೆ ಒಟ್ಟು 39 ಇನ್ನಿಂಗ್ಸ್ ಆಡಿದ್ದಾರೆ. ಆ ಪೈಕಿ 52.83 ರ ಎವರೇಜ್​​ನಲ್ಲಿ ಬರೋಬ್ಬರಿ 1,955 ರನ್​ ಚಚ್ಚಿದ್ದಾರೆ. ಇದ್ರಲ್ಲಿ 7 ಅಮೋಘ ಸೆಂಚುರಿ ಹಾಗೂ 4 ಹಾಫ್​​ಸೆಂಚುರಿ ಮೂಡಿಬಂದಿವೆ.

ಸದ್ಯ ರೋಹಿತ್ ಶರ್ಮಾ ಕೆರಳಿದ ಸಿಂಹವಾಗಿದ್ದು, ಎದುರಾಳಿ ಮೇಲೆ ಸವಾರಿ ನಡೆಸಿ ರನ್​ ಗುಡ್ಡೆ ಹಾಕ್ತಿದ್ದಾರೆ. ಸೆಂಚುರಿ ಸಿಡಿಸಿ ತಂಡವನ್ನ ಗೆಲ್ಲಿಸಿ ಕೊಡೋದಲ್ಲದೇ ತಾನೋರ್ವ ಲಕ್ಕಿಮ್ಯಾನ್ ಅನ್ನೋದನ್ನ ತೋರಿಸಿಕೊಟ್ಟಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ