ಭಾರತ ಕ್ರಿಕೆಟ್​ ತಂಡದ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಬಗ್ಗೆ ಶಾಕಿಂಗ್​ ಹೇಳಿಕೆ

ರೋಹಿತ್​ ಬಗ್ಗೆ ಶಾಕಿಂಗ್​ ಸತ್ಯ ಬಿಚ್ಚಿಟ್ಟ ಟೀಮ್​ ಇಂಡಿಯಾ ಮಾಜಿ ಕೋಚ್​​!

ಟೀಮ್​ ಇಂಡಿಯಾ ಮಾಜಿ ಕೋಚ್​ ವಿಕ್ರಮ್​ ರಾಥೋಡ್ ಹೇಳಿದ್ದೇನು ಗೊತ್ತಾ?

ಟೀಮ್ ಇಂಡಿಯಾದ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಮರೆವಿನ ಬಗ್ಗೆ ಎಲ್ಲರಿಗೂ ಗೊತ್ತೇ ಇದೆ. ಹೋಟೆಲ್​​, ಕ್ರಿಕೆಟ್​ ಸ್ಟೇಡಿಯಮ್​​, ಫ್ಲೈಟ್, ಕಾರ್​​​​​ ಎನ್ನದೆ ಎಲ್ಲಾ ಕಡೆ ಏನಾದ್ರೂ ಒಂದು ಬಿಟ್ಟು ಹೋಗುತ್ತಾರೆ. ಮೊಬೈಲ್​​, ಗೋಲ್ಡ್​​, ಪರ್ಸ್​ ಹೀಗೆ ದುಬಾರಿ ವಸ್ತುಗಳನ್ನೇ ಕಳೆದುಕೊಂಡಿರೋ ರೋಹಿತ್​ ಶರ್ಮಾ ಬಗ್ಗೆ ಹಲವರು ಮಾತಾಡಿದ್ದಾರೆ. ರೋಹಿತ್​ ಮರೆವಿನ ಬಗ್ಗೆ ರಿತಿಕಾ ಅವರೇ ಹಲವು ಬಾರಿ ಮಾತಾಡಿದ್ದಾರೆ. ಇದರ ಮಧ್ಯೆ ಟೀಮ್ ಇಂಡಿಯಾದ ಮಾಜಿ ಬ್ಯಾಟಿಂಗ್ ಕೋಚ್ ವಿಕ್ರಮ್ ರಾಥೋಡ್ ಭಯಾನಕ ಸತ್ಯವೊಂದು ಬಿಚ್ಚಿಟ್ಟಿದ್ದಾರೆ.

ವಿಕ್ರಮ್ ರಾಥೋಡ್ ಹೇಳಿದ್ದೇನು?

ಈ ಸಂಬಂಧ ಮಾತಾಡಿದ ವಿಕ್ರಮ್​ ರಾಥೋಡ್​​, ಟಾಸ್ ನಂತರ ರೋಹಿತ್ ಬ್ಯಾಟಿಂಗ್ ಮಾಡಬೇಕಾ? ಅಥವಾ ಫೀಲ್ಡಿಂಗ್​ ಮಾಡಬೇಕಾ? ಅನ್ನೋ ನಿರ್ಧಾರವನ್ನೇ ಮರೆತು ಹೋಗುತ್ತಾರೆ. ಇಷ್ಟೇ ಪ್ಲೇಯಿಂಗ್​ ಎಲೆವೆನ್​ ಹೆಸರು ಕೇಳಿದಾಗ ಆಟಗಾರರ ಹೆಸರು ಮರೆತು ಬಿಡುತ್ತಾರೆ. ಪಾಸ್​ಪೋರ್ಟ್​, ಐಪ್ಯಾಡ್​ ಕೂಡ ಮರೆತು ಹೋಗಬಹುದು. ಆದರೆ, ತಾನು ಟೀಮ್​ ಇಂಡಿಯಾ ಪರ ಆಡುವಾಗ ಯಾವುದೇ ಕಾರಣಕ್ಕೂ ಸ್ಟ್ರಾಟರ್ಜಿ ಮಾತ್ರ ಮರೆಯಲ್ಲ ಎಂದರು.

ವಿರಾಟ್ ಕೊಹ್ಲಿ ಬಳಿಕ ರೋಹಿತ್​ ಶರ್ಮಾ ಟೀಮ್​ ಇಂಡಿಯಾದ ಆಲ್​ ಫಾರ್ಮೇಟ್​ ಕ್ಯಾಪ್ಟನ್​ ಆದರು. ರೋಹಿತ್​ ನಾಯಕತ್ವದಲ್ಲಿ ಟೀಮ್​ ಇಂಡಿಯಾ 2023ರ ಏಷ್ಯಾಕಪ್ ಮತ್ತು 2024ರ ಟಿ20 ವಿಶ್ವಕಪ್ ಗೆದ್ದಿತ್ತು. ಬಳಿಕ ಅಂತರಾಷ್ಟ್ರೀಯ ಟಿ20 ಕ್ರಿಕೆಟ್​ಗೆ ರೋಹಿತ್​ ವಿದಾಯ ಹೇಳಿದ್ರು.

ಇದನ್ನೂ ಓದಿ: 6,6,6,6,6,6,6,6,6; ಅಬ್ಬರದ ಶತಕ ಸಿಡಿಸಿದ ಕನ್ನಡಿಗ​​; ಟೀಮ್​ ಇಂಡಿಯಾಗೆ ಕೊಟ್ರು ಖಡಕ್​ ವಾರ್ನಿಂಗ್​​!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ