2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಕ್ರೇಜ್​ ಹೆಚ್ಚಾಗುತ್ತಲೇ ಇದೆ..!

ಇದಕ್ಕೆ ಕಾರಣ ಮುಂದಿನ ಸೀಸನ್​ಗೆ ಮುನ್ನ ನಡೆಯಲಿರೋ ಮೆಗಾ ಆಕ್ಷನ್​​​​

ಮೆಗಾ ಹರಾಜಿಗೆ ಮುನ್ನವೇ 2025ರ ಐಪಿಎಲ್​​ಗೆ ಯುವರಾಜ್​ ಸಿಂಗ್​ ಎಂಟ್ರಿ

ಬಹುನಿರೀಕ್ಷಿತ 2025ರ ಇಂಡಿಯನ್ ಪ್ರೀಮಿಯರ್ ಲೀಗ್​​​ ಸೀಸನ್​​ ಭಾರೀ ಕುತೂಹಲ ಹೆಚ್ಚಿಸಿದೆ. ಮುಂದಿನ ಸೀಸನ್​ಗೆ ಮುನ್ನವೇ ವರ್ಷದ ಕೊನೆಗೆ ಮೆಗಾ ಹರಾಜು ನಡೆಯಲಿದ್ದು, ಸ್ಟಾರ್​ ಆಟಗಾರರ ಖರೀದಿಗೆ ಐಪಿಎಲ್​ ತಂಡಗಳು ಪ್ಲಾನ್​ ಮಾಡಿಕೊಂಡಿವೆ. ಇದರ ಮಧ್ಯೆ ಟೀಮ್​ ಇಂಡಿಯಾದ ಮಾಜಿ ಆಲ್​ರೌಂಡರ್​​​ ಯುವರಾಜ್​ ಸಿಂಗ್​​​ 2025ರ ಐಪಿಎಲ್​ಗೆ ಕಮ್​ಬ್ಯಾಕ್​​ ಮಾಡಲು ಸಜ್ಜಾಗಿದ್ದಾರೆ.

ಯುವರಾಜ್​ ಸಿಂಗ್​ ಟೀಮ್​ ಇಂಡಿಯಾದ ದಿಗ್ಗಜ. ಈಗಾಗಲೇ ಇವರು ಎಲ್ಲಾ ಮಾದರಿ ಕ್ರಿಕೆಟ್​ಗೂ ನಿವೃತ್ತಿ ಘೋಷಿಸಿದ್ದಾರೆ. ಹೀಗಾಗಿ ಮುಂದಿನ ಐಪಿಎಲ್​​ ಸೀಸನ್​ನಲ್ಲಿ ಆಟಗಾರನಾಗಿ ಅಲ್ಲ, ಬದಲಿಗೆ ಹೆಡ್​ ಕೋಚ್​​ ಪಾತ್ರದಲ್ಲಿ ಕಾಣಿಸಿಕೊಳ್ಳುವುದು ಬಹುತೇಕ ಖಚಿತವಾಗಿದೆ ಎಂದು ವರದಿಯಾಗಿದೆ.

ಯಾವ ತಂಡಕ್ಕೆ ಯುವರಾಜ್​​ ಸಿಂಗ್​​ ಕೋಚ್​​!

ಮೆಗಾ ಹರಾಜಿಗೂ ಮೊದಲು ಕೋಚ್ ಪಾತ್ರಕ್ಕಾಗಿ ಡೆಲ್ಲಿ ಕ್ಯಾಪಿಟಲ್ಸ್ ಫ್ರಾಂಚೈಸಿ ಯುವರಾಜ್ ಸಿಂಗ್ ಅವರನ್ನು ಸಂಪರ್ಕಿಸಿದೆ. ಈಗಾಗಲೇ ಆಸ್ಟ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್ ಡೆಲ್ಲಿ ಕ್ಯಾಪಿಟಲ್ಸ್​​ ಕೋಚ್​ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. ಕಳೆದ 3 ಸೀಸನ್​​ಗಳಲ್ಲಿ ಪ್ಲೇ ಆಫ್​​​ಗೆ ಹೋಗಿದ್ದ ಡೆಲ್ಲಿ ಕ್ಯಾಪಿಟಲ್ಸ್​​​​​ 2024ರಲ್ಲಿ 6ನೇ ಸ್ಥಾನದಲ್ಲಿತ್ತು. ಹಾಗಾಗಿ ರಿಕಿ ಪಾಂಟಿಂಗ್​​​​ ಕೊಕ್​ ನೀಡಿದ್ದು, ಡೆಲ್ಲಿ ಕ್ಯಾಪಿಟಲ್ಸ್​ ಮುಂದಿನ ಕೋಚ್​​ ಯುವರಾಜ್ ಸಿಂಗ್ ಆಗುವ ಸಾಧ್ಯತೆಗಳು ಇವೆ.

ಯುವಿ ಮೊದಲ ಬಾರಿಗೆ ಕೋಚ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇವರು ಡೆಲ್ಲಿ ಕ್ಯಾಪಿಟಲ್ಸ್ ಫ್ರಾಂಚೈಸಿ ಜೊತೆ ಸಹಿ ಹಾಕಿದ್ರೆ, ಇದು ಕ್ರಿಕೆಟ್ ತಂಡದ ಕೋಚ್ ಆಗಿ ಯುವಿಗೆ ಮೊದಲ ಅವಧಿಯಾಗಲಿದೆ.

ಇದನ್ನೂ ಓದಿ: IPL 2025: ಈ ಅಪಾಯಕಾರಿ ಆಟಗಾರರನ್ನು ಖರೀದಿ ಮಾಡಲು ಆರ್​​​ಸಿಬಿ ಮಾಸ್ಟರ್​​ ಪ್ಲಾನ್!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ