ರೋಹಿತ್-ಕೊಹ್ಲಿ ಅಲ್ಲ.. ಜಡೇನಾ ಇಂಪ್ಯಾಕ್ಟ್​ ಪ್ಲೇಯರ್

ರನ್​ಭೂಮಿಯಲ್ಲಿ ತ್ರಿಡೈಮನ್ಶಿಯಲ್ ಆಟಗಾರ​ನ 3D ಆಟ

ಫೀಲ್ಡಿಂಗ್​ನಲ್ಲೂ ವಿಶ್ವದ ನಂಬರ್​.1 ಫೀಲ್ಡರ್​ ಹವಾ..!

ಏಕದಿನ ವಿಶ್ವಕಪ್​​ನಲ್ಲಿ ಸದ್ಯ ಟೀಮ್ ಇಂಡಿಯಾದ್ದೇ ಹವಾ. ಸೋಲಿಲ್ಲದ ಸರದಾರನಾಗಿ ಮುನ್ನುಗ್ಗುತ್ತಿರುವ ಟೀಮ್​ ಇಂಡಿಯಾದ ಸಕ್ಸಸ್​ ಸಿಕ್ರೇಟ್​ ಏನು ಅಂದ್ರೆ, ಬಹುತೇಕರು ರೋಹಿತ್, ವಿರಾಟ್​ ಕೊಹ್ಲಿ ಹೆಸರು ಹೇಳಬಹುದು. ಇನ್ನು ಕೆಲವರು ಟೀಮ್​ ಆಡ್ತಿರೋ ಆಟ, ಭೌಲರ್ಸ್​ ಪ್ರದರ್ಶನ ಅನ್ನೋ ಉತ್ತರ ನೀಡಬಹುದು. ಇದೆಲ್ಲದರ ಜೊತೆಗೆ ಅಸಲಿ ಇಂಪ್ಯಾಕ್ಟ್​​ ಪ್ಲೇಯರ್ ಮತ್ತೊಬ್ಬರಿದ್ದಾರೆ. ಅವರು ಯಾರು ಗೊತ್ತಾ?.

ಟೀಮ್ ಇಂಡಿಯಾ ವಿಶ್ವಕಪ್​​ನಲ್ಲಿ ಗೆಲುವಿನ ದಂಡೆಯಾತ್ರೆ ನಡೆಸ್ತಿದೆ. ಪರ್ಫಾಮೆನ್ಸ್ ವಿಷ್ಯದಲ್ಲಂತೂ ತಂಡದಲ್ಲೇ ನಾನಾ ನೀನಾ ಅನ್ನೋ ರೇಂಜ್​​ಗೆ ಫೈಟ್​ ನಡೀತಿದೆ. ರನ್​ಗಳಿಕೆಯಲ್ಲಿ, ವಿಕೆಟ್ ಬೇಟೆಯಲ್ಲಿ, ಕ್ಯಾಂಚಿಂಗ್ ವಿಷ್ಯದಲ್ಲೂ ಪೈಪೋಟಿ ಇದ್ದೇ ಇದೆ. ಆದರೆ, ಈ ಮೂರರಲ್ಲೂ ಟೀಮ್ ಇಂಡಿಯಾಗೆ ನೆರವಾಗುತ್ತಾ, ಗೆಲುವಿನಲ್ಲಿ ಮಹತ್ವದ ಪಾತ್ರವಹಿಸ್ತಿರುವ ಇಂಪ್ಯಾಕ್ಟ್ ಪ್ಲೇಯರ್​​ ಮಾತ್ರ ಒಬ್ಬರೆ. ಅದೇ ಒನ್​ ಆ್ಯಂಡ್ ಒನ್ಲಿ ರವೀಂದ್ರ ಜಡೇಜಾ.

ಬ್ಯಾಟಿಂಗ್​ನಲ್ಲಿ ರವೀಂದ್ರ ಜಡೇಜಾ ಅದ್ಭುತ​..!

ಬ್ಯಾಟಿಂಗ್​​ನಲ್ಲಿ ಟೀಮ್ ಇಂಡಿಯಾ ಪರ ರೋಹಿತ್​​​ ಶರ್ಮಾ, ವಿರಾಟ್​ ಕೊಹ್ಲಿ, ರನ್​​ವಾರ್ ನಡೆಸ್ತಿದ್ದಾರೆ ನಿಜ. ಆದರೆ, ಡೆತ್​ ಓವರ್​​ಗಳಲ್ಲಿ ಟೀಮ್ ಇಂಡಿಯಾದ ಶಕ್ತಿಯಾಗಿರೋದು ಮಾತ್ರ ರವೀಂದ್ರ ಜಡೇಜಾ. ನ್ಯೂಜಿಲೆಂಡ್ ಎದುರಿನ ಅಜೇಯ 39 ರನ್​​ಗಳ ಇನ್ನಿಂಗ್ಸ್​, ಲಂಕಾ ಎದುರಿನ 35 ರನ್​​ಗಳ ಆಟ, ಸೌತ್ ಆಫ್ರಿಕನ್ಸ್ ಎದುರಿನ ಸ್ಪೋಟಕ 29 ರನ್​ಗಳ ಅಜೇಯ ಇನ್ನಿಂಗ್ಸ್​. ಇವೆಲ್ಲವೂ ಜಡ್ಡು ಬ್ಯಾಟಿಂಗ್​ ಶಕ್ತಿಗೆ ಸಾಕ್ಷಿಯಾಗಿವೆ.

ಬೌಲಿಂಗ್​ನಲ್ಲೂ ಜಡೇಜಾದ್ದೇ ಕ್ರೂಶಿಯಲ್ ರೋಲ್​..!

ಈ ಬಾರಿ ವೇಗಿಗಳ ದರ್ಬಾರ್​ ನಡೆವೆಯೂ ಈ ವಿಶ್ವಕಪ್​ನಲ್ಲಿ ರವೀಂದ್ರ ಜಡೇಜಾರ ಬೌಲಿಂಗ್ ಪರ್ಫಾಮೆನ್ಸ್​ ಭರ್ಜರಿಯಾಗಿದೆ. ಮಿಡಲ್ ಓವರ್​ಗಳಲ್ಲಿ ಇಂಪ್ಯಾಕ್ಟ್​ಫುಲ್ ಪರ್ಫಾಮೆನ್ಸ್ ಮೂಲಕ ಗೆಲುವಿಗೆ ನಾಂದಿ ಹಾಡ್ತಿರೋದೆ ಜಡೇಜಾ. ಎದುರಾಳಿಗಳ ರನ್​ಗಳಿಕೆಗೆ ಬ್ರೇಕ್ ಹಾಕ್ತಿರೋ ಜಡೇಜಾ, ಕ್ರೂಶಿಯಲ್ ಟೈಮ್​ನಲ್ಲಿ ವಿಕೆಟ್ ಬೇಟೆಯಾಡ್ತಿದ್ದಾರೆ.. ಇದು ಟೀಮ್ ಇಂಡಿಯಾಗೆ ಬಿಗ್​​ ಅಡ್ವಾಂಟೇಜ್ ಆಗ್ತಿದೆ.

ವಿಶ್ವಕಪ್​ನಲ್ಲಿ ಜಡೇಜಾ ಬೌಲಿಂಗ್

ಪಂದ್ಯ 08
ಓವರ್​ 64.3
ವಿಕೆಟ್ 14
ಏಕಾನಮಿ 3.76

ಪ್ರಸಕ್ತ ವಿಶ್ವಕಪ್​ನಲ್ಲಿ 8 ಪಂದ್ಯಗಳಿಂದ 64.3 ಓವರ್ ಬೌಲಿಂಗ್ ಮಾಡಿರೋ ಜಡೇಜಾ, 14 ವಿಕೆಟ್ ಉರುಳಿಸಿದ್ದಾರೆ. 3.76ರ ಏಕಾನಮಿಯಲ್ಲಿ ರನ್ ನೀಡಿದ್ದಾರೆ. ಇದ್ರ ಜೊತೆಗೆ ಭಾರತದ ಪರ ಅತಿ ಹೆಚ್ಚು ವಿಕೆಟ್​ ಪಡೆದ 3ನೇ ಬೌಲರ್​​ ಕೂಡ ಆಗಿದ್ದಾರೆ.

ಫೀಲ್ಡಿಂಗ್​ನಲ್ಲೂ ಜಡೇಜಾ ಜಬರ್ದಸ್ತ್​​ ಪರ್ಫಾಮೆನ್ಸ್​.!

ಸದ್ಯ ವಿಶ್ವಕಪ್​ನಲ್ಲಿ ಟೀಮ್ ಇಂಡಿಯಾ ಹೆಚ್ಚು ಸದ್ದು ಮಾಡಿರೋದು ಫೀಲ್ಡಿಂಗ್​ನಿಂದ. ಆನ್​ಫೀಲ್ಡ್​ನಲ್ಲಿ ನೆಕ್ಟ್​ ಲೆವೆಲ್​ ಫೀಲ್ಡಿಂಗ್ ಮಾಡ್ತಿದೆ. ಫೀಲ್ಡಿಂಗ್ ಕೈಚಳಕದಿಂದಲೇ ಪಂದ್ಯಗಳನ್ನು ಗೆಲ್ತಿದೆ ಅಂದ್ರೆ ತಪ್ಪಿಲ್ಲ. ಈ ವಿಚಾರದಲ್ಲಿ ಎಲ್ಲರಿಗಿಂತ ಅತಿ ಹೆಚ್ಚು ಪರಿಣಾಮಕಾರಿಯಾಗಿರೋದು ಜಡೇಜಾ. ಅದ್ಭುತ ಫೀಲ್ಡಿಂಗ್​ನಿಂದ ರನ್ ಸೇವ್​ ಮಾಡ್ತಿರೋ ಜಡ್ಡು, 4 ಮನೋಮೋಹಕ ಕ್ಯಾಚ್ ಹಿಡಿದು ತಂಡಕ್ಕೆ ಆಸರೆಯಾಗಿದ್ದಾರೆ. ಈ ಪೈಕಿ ಬಾಂಗ್ಲಾ ಎದುರಿನ ಕ್ಯಾಚ್ ಅಂತೂ ನೆಕ್ಟ್ಸ್​ ಲೆವೆಲ್​ ಬಿಡಿ.

ಒಟ್ಟಿನಲ್ಲಿ! 2011ರ ವಿಶ್ವಕಪ್​ನಲ್ಲಿ ಯುವರಾಜ್​​ ಸಿಂಗ್​ ಮ್ಯಾಚ್​ ವಿನ್ನಿರ್​ ರೋಲ್​ ನಿಭಾಯಿಸಿದ್ರು. ಈ ಬಾರಿ ರವಿಂದ್ರ ಜಡೇಜಾ ಆ ಪಾತ್ರವನ್ನ ನಿಭಾಯಿಸ್ತಿದ್ದಾರೆ. ಬ್ಯಾಟಿಂಗ್​, ಬೌಲಿಂಗ್​, ಫೀಲ್ಡಿಂಗ್​ ಮೂರರಲ್ಲೂ ಯುವಿಯನ್ನ ಪರ್ಫೆಕ್ಟ್ ಆಗಿ ರಿಪ್ಲೇಸ್​ ಮಾಡಿದ್ದಾರೆ. ತಮ್ಮ ತ್ರಿಡೈಮನ್ಶಿಯಲ್ ಆಟದಿಂದ ಮೊಸ್ಟ್​ ಇಂಪ್ಯಾಕ್ಟ್​​ಫುಲ್ ಪ್ಲೇಯರ್​​ ಆಗಿ ಹೊರ ಹೊಮ್ಮಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ