ಕಿವೀಸ್​ ಕಿವಿ ಹಿಂಡಿದ ಸ್ಪೀಡ್​ ಸ್ಟರ್​ ಶಮಿ ಸೆನ್ಸೇಷನ್

ಮೊದಲ ನಾಲ್ಕು ಪಂದ್ಯಗಳಲ್ಲಿ ಬೆಂಚ್​ ಸೀಮಿತ

ಮೊಹಮ್ಮದ್​ ಶಮಿ ಆಟಕ್ಕೆ ದಂಗಾದ ಕಿವೀಸ್​​

ವಿಶ್ವಕಪ್​ ತಂಡಕ್ಕೆ ಆಯ್ಕೆಯಾದ ಈತ ಮೊದಲ 4 ಪಂದ್ಯಗಳಲ್ಲಿ ಬೆಂಚ್​ಗೆ ಸೀಮಿತನಾದ​. ಡ್ರಿಂಕ್ಸ್​​ ಬ್ರೇಕ್​ನಲ್ಲಿ ವಾಟರ್​ ಬಾಟಲ್​ ಹೊರುವ ಕೆಲಸವನ್ನೂ ನಿಭಾಯಿಸಿದ. ಧೃತಿಗೆಡಲಿಲ್ಲ. ತಾಳ್ಮೆಯಿಂದ ಅವಕಾಶಕ್ಕಾಗಿ ಕಾದ.. ಸಿಕ್ಕ ಅವಕಾಶವನ್ನು ಎರಡೂ ಕೈಗಳಿಂದ ಬಾಚಿಕೊಂಡ ಆತನೇ ಮೊಹಮ್ಮದ್​ ಶಮಿ. ನಿನ್ನೆಯ ಪಂದ್ಯದ FIVE STAR SHAMI!

ಇಂಡೋ-ಕಿವೀಸ್​ ಫೈಟ್​ನಲ್ಲಿ ಗೆದ್ದವರು ಸೋತವರ ಕಥೆ ಬಿಟ್ ಬಿಡಿ. ಈ ಟೂರ್ನಿಯಲ್ಲಿ ಫಸ್ಟ್​ ಮ್ಯಾಚ್​​ ಆಡಿದ ಮೊಹಮ್ಮದ್ ಶಮಿ ಮಾಡಿದ್ದು ಮಾತ್ರ ಮೋಡಿ. ಸೋಷಿಯಲ್​ ಮೀಡಿಯಾದಲ್ಲಿ ಸದ್ಯ ಶಮಿಯೇ ಸೆನ್ಸೇಷನ್​. ಅಬ್ಬಾ.. ಒಂದೊಂದು ವಿಕೆಟ್​.. ಒಂದೊಂದು ಎಸೆತ ಖತರ್ನಾಕ್​. 5 ಸ್ಟಾರ್​ ಶಮಿಯ ಸೆನ್ಸೇಷನಲ್​​​​ ಆಟಕ್ಕೆ ಕಿವೀಸ್​ ಪಡೆ ನಿನ್ನೆ ದಂಗಾಗಿ ಹೋಯ್ತು.

• ವಿಕೆಟ್​​ ನಂ.1: ವಿಲ್​ ಯಂಗ್​ ಕ್ಲೀನ್​ಬೋಲ್ಡ್​​​: ಪಂದ್ಯದ ಮೊದಲ ಸ್ಪೆಲ್​ನಲ್ಲೇ ಶಮಿ ಸಕ್ಸಸ್​​ ರುಚಿ ನೋಡಿದ್ರು. 9ನೇ ಓವರ್​ನ ಮೊದಲ ಎಸೆತದಲ್ಲೇ ವಿಲ್​ ಯಂಗ್​​ಗೆ ಪೆವಿಲಿಯನ್​ ದಾರಿ ತೋರಿಸಿದ್ರು.
• ವಿಕೆಟ್​​ ನಂ.2: ರಚಿನ್​ ರವೀಂದ್ರಗೆ ಗೇಟ್​ಪಾಸ್: ಆರಂಭದಲ್ಲೇ ಆಘಾತ ಎದುರಿಸಿದ್ದ ಕಿವೀಸ್​​ಗೆ ರಚಿನ್​ ರವಿಂದ್ರ – ಡೇರಿಲ್​ ಮಿಚೆಲ್​ ಆಸರೆಯಾಗಿದ್ರು. ಶತಕ ಜೊತೆಯಾಟವಾಡ್ತಿದ್ದ ಈ ಜೋಡಿಯನ್ನ ಶಮಿ ಬ್ರೇಕ್​ ಮಾಡಿದ್ರು. ಶಮಿ ಹಾಕಿದ ಸ್ಲೋವರ್​ ಆಫ್​​​ ಕಟರ್​​ ಎಸೆತದಲ್ಲಿ ಸಿಕ್ಸರ್​ ಸಿಡಿಸಿಲು ಹೋದ ರವೀಂದ್ರ, ಲಾಂಗ್​ಆನ್​ನಲ್ಲಿದ್ದ ಗಿಲ್​ಗೆ ಕ್ಯಾಚ್​ ನೀಡಿದರು.
• ವಿಕೆಟ್​​ ನಂ.3: ಗಿರಕಿ ಹೊಡೆದ ಸ್ಯಾಂಟ್ನೆರ್​: 47.3ನೇ ಓವರ್​​ ಅದು.. ಅರೌಂಡ್​ ದ ವಿಕೆಟ್​ ಶಮಿ ಹಾಕಿದ ಯಾರ್ಕರ್​​ನ ಮಿಚೆಲ್​ ಸ್ಯಾಂಟ್ನೆರ್​​ ಗೆಸ್​​ ಮಾಡೋಕೆ ಆಗ್ಲಿಲ್ಲ.. ಕಕ್ಕಾಬಿಕ್ಕಿಯಾದ ಸ್ಯಾಂಟ್ನೆರ್​ ಆಗಿದ್ದು ಕ್ಲೀನ್​ ಬೋಲ್ಡ್​.!
• ವಿಕೆಟ್​​ ನಂ.4: ಮ್ಯಾಟ್​ ಹೆನ್ರಿ ವಿಕೆಟ್​ ಡಮಾರ್: ಔಟಾದ ಸ್ಯಾಂಟ್ನೆರ್​ ಡ್ರೆಸ್ಸಿಂಗ್​ ರೂಮ್​ ತಲುಪಿದ್ರೋ ಇಲ್ವೋ..! ಪ್ಯಾಡ್​​ ಕಟ್ಟಿ ಮೈದಾನಕ್ಕಿಳಿದಷ್ಟೇ ವೇಗವಾಗಿ ಮ್ಯಾಟ್​ ಹೆನ್ರಿ ಪೆವಿಲಿಯನ್​ ಸೇರಿದ್ರು. ಶಮಿಯ ಕರಾರುವಕ್​ ಎಸೆತಕ್ಕೆ ಲೆಗ್​​​ ಸ್ಟಂಪ್​​ ಗಿರಕಿ ಹೊಡೀತು.
• ವಿಕೆಟ್​​ ನಂ.5: ಡ್ಯಾರೆಲ್​ ಮಿಚೆಲ್​ ಆಟಕ್ಕೆ ಬ್ರೇಕ್​: ಶತಕ ಸಿಡಿಸಿ ಮಿಂಚಿದ ಡ್ಯಾರೆಲ್​​ ಮಿಚೆಲ್​ ಆಟಕ್ಕೂ ಬ್ರೇಕ್​ ಹಾಕಿದ್ದು ಶಮಿನೇ.. ಮಿಡ್​​ ವಿಕೆಟ್​​ ಕಡೆಗೆ ಮಿಚೆಲ್​​ ಸಿಡಿಸಿದ ಬಾಲ್​ ನೇರವಾಗಿ ಕಿಂಗ್​ ಕೊಹ್ಲಿ ಕೈ ಸೇರ್ತು.. ಶಮಿ 5 ವಿಕೆಟ್​ ಕಬಳಿಸಿ ಮಿಂಚಿದ್ರು.

ಈ ಪಂದ್ಯದಲ್ಲಿ 5 ವಿಕೆಟ್​ ಕಬಳಿಸೋದ್ರೊಂದಿಗೆ ಶಮಿ, ಇರ್ಫಾನ್​ ಪಠಾಣ್​ರನ್ನೂ ಓವರ್​ ಟೇಕ್​ ಮಾಡಿದ್ರು. ಏಕದಿನದಲ್ಲಿ ಹೆಚ್ಚು ವಿಕೆಟ್​ ಕಬಳಿಸಿದ ಭಾರತದ 9ನೇ ಬೌಲರ್​ ಎಂಬ ಖ್ಯಾತಿಗೂ ಪಾತ್ರರಾದ್ರು.. ಇಷ್ಟೇ ಅಲ್ಲ.. 48 ವರ್ಷಗಳ ವಿಶ್ವಕಪ್​ ಇತಿಹಾಸದಲ್ಲಿ 2 ಬಾರಿ 5 ವಿಕೆಟ್​ ಕಬಳಿಸಿದ ಏಕೈಕ ಭಾರತೀಯ ಎಂಬ ಅವಿಸ್ಮರಣೀಯ ಸಾಧನೆಯನ್ನೂ ಮಾಡಿದ್ರು.

ತಾಳ್ಮೆಯಿಂದ ಅವಕಾಶಕ್ಕಾಗಿ ಕಾದ ಶಮಿ, ಸಿಕ್ಕ ಅವಕಾಶದಲ್ಲಿ ತನ್ನ ತಾಕತ್ತು ಏನು ಅನ್ನೋದನ್ನ ನಿರೂಪಿಸಿದ್ದಾರೆ. ಭರ್ಜರಿ ಬೌಲಿಂಗ್​ ಮೂಲಕ ತಂಡದ ಸೇವೆಗೆ ಸದಾ ಸಿದ್ಧ ಎಂಬ ಸಂದೇಶವನ್ನೂ ರವಾನಿಸಿದ್ದಾರೆ. ಸಿಕ್ಕ ಒಂದು ಅವಕಾಶದಲ್ಲಿ ಮಿಂಚಿರೋ ಶಮಿಗೆ ಮುಂದಿನ ಪಂದ್ಯಗಳಲ್ಲೂ ಚಾನ್ಸ್​ ಸಿಗಲಿ ಅನ್ನೋದೇ ಎಲ್ಲರ ಆಶಯವಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್