ಗವಾಸ್ಕರ್, ಶಾರುಖ್ ಖಾನ್​ ಹೆಸರು ಇಲ್ಲಿ ಬರೋದ್ಯಾಕೆ.?

ರಾಹುಲ್​ ಹೆಸರಿನ ಹಿಂದಿದೆ ಒಂದು ವೆರಿ ಇಂಟ್ರೆಸ್ಟಿಂಗ್ ಕಥೆ

ಆ ಸುಳ್ಳು ರಾಹುಲ್​​ಗೆ 27 ವರ್ಷಗಳ ಬಳಿಕ ಗೊತ್ತಾಗಿರೋದು.!

ಕೆ.ಎಲ್ ರಾಹುಲ್​​​ ಟೀಮ್ ಇಂಡಿಯಾದ ಹೈಲಿ ಟ್ಯಾಲೆಂಟೆಡ್​ ಕ್ರಿಕೆಟರ್​​​. ಈ ಸ್ಟೈಲಿಶ್​​ ಆಟಗಾರನಿಗೆ ರಾಹುಲ್​ ಎಂದು ನಾಮಕರಣ ಮಾಡಿದ್ದರ ಹಿಂದೆ ಒಂದು ಇಂಟ್ರೆಸ್ಟಿಂಗ್ ಕಥೆ ಇದೆ. ಅಷ್ಟಕ್ಕೂ ಅದೇನ್ ಅನ್ನೋದನ್ನ ನೋಡೋಣ ಇವತ್ತಿ ಸಖತ್ ಸ್ಟೋರಿಯಲ್ಲಿ.

ರಾಹುಲ್​​​​ ಭಾರತೀಯ ಕ್ರಿಕೆಟ್​ನಲ್ಲಿ ಹೆಚ್ಚು ಪ್ರಸಿದ್ಧಿ ಪಡೆದ ಹೆಸರು. ಲೆಜೆಂಡ್ರಿ ರಾಹುಲ್​ ದ್ರಾವಿಡ್​​​​ ಫೇಮಸ್​ ಕ್ರಿಕೆಟರ್​​​. ಈಗ ರಾಹುಲ್​ ಹೆಸರಿನಲ್ಲೇ ಕೆ.ಎಲ್ ರಾಹುಲ್​ ಸ್ಟಾರ್ ಕ್ರಿಕೆಟಿಗನಾಗಿ ಬೆಳೆದು ನಿಂತಿದ್ದಾರೆ. ಟೀಮ್​ ಇಂಡಿಯಾದ ಈ ಆಟಗಾರನಿಗೆ ರಾಹುಲ್​​​​ ಎಂದು ಹೆಸರಿಟ್ಟದ್ದರ ಹಿಂದೆ ವೆರಿ ಇಂಟ್ರೆಸ್ಟಿಂಗ್​ ಕಥೆಯಿದೆ.

ಅದೇನಂದ್ರೆ ಕೆ.ಎಲ್ ರಾಹುಲ್ ಅವರ ತಂದೆ ದಿಗ್ಗಜ ಸುನೀಲ್​​ ಗವಾಸ್ಕರ್​​ ಅವರ ದೊಡ್ಡ ಅಭಿಮಾನಿ. ಗವಾಸ್ಕರ್​​ ತಮ್ಮ ಮಗನಿಗೆ ರೋಹನ್ ಗವಾಸ್ಕರ್​ ಎಂದು ಹೆಸರಿಟ್ಟರು. ಆಗ ರಾಹುಲ್​ ತಂದೆ ಕೂಡ ಮಗನಿಗೆ ರೋಹನ್ ಎಂದು ನಾಮಕರಣ ಮಾಡಲು ಬಯಸಿದ್ರು. ಆದರೆ ತಪ್ಪಾಗಿ ಕೇಳಿಸಿ ಕೊಂಡಿದ್ದರಿಂದ ರೋಹನ್ ಬದಲು ರಾಹುಲ್ ಎಂದು ಹೆಸರಿಟ್ಟರು.

ಇನ್ನು ರಾಹುಲ್​ ತಾಯಿ ಕೂಡ ಮಗನಿಗೆ ರಾಹುಲ್​​​ ಎಂದು ಹೆಸರಿಡಲು ಒಂದು ಸುಳ್ಳಿನ ಕಥೆ ಕಟ್ಟಿದ್ರು. ಕೆ.ಎಲ್ ರಾಹುಲ್​​ಗೆ ಆ ಸುಳ್ಳು 27 ವರ್ಷಗಳ ಬಳಿಕ ಗೊತ್ತಾಗಿದೆ. ಅಷ್ಟಕ್ಕೂ ಸುಳ್ಳು ಏನು ಗೊತ್ತಾ?. ರಾಹುಲ್​ ತಾಯಿ ಬಾಲಿವುಡ್ ನಟ ಶಾರುಖ್​​ ಖಾನ್​​ರ ಬಿಗ್​​ ಫ್ಯಾನ್ ಆಗಿದ್ರು. 90ರ ದಶಕದಲ್ಲಿ ರಾಹುಲ್ ಹೆಸರಿನಲ್ಲಿ ಶಾರುಖ್ ಖಾನ್ ಅನೇಕ ಪಾತ್ರಗಳನ್ನ ಮಾಡಿ ಸಿನಿಪ್ರಿಯರ ಮನಗೆದ್ದಿದ್ರು.

ಹೀಗಾಗಿ ರಾಹುಲ್ ತಾಯಿ ರಾಹುಲ್​​ ಎಂದು ನಾಮಕರಣ ಮಾಡಿದ್ರಂತೆ. ಆದ್ರೆ ಇದು ಶುದ್ಧ ಸುಳ್ಳು. ಯಾಕಂದ್ರೆ ಕೆ.ಎಲ್ ರಾಹುಲ್​ ಹುಟ್ಟಿದ್ದು 1992ರಲ್ಲಿ. ಶಾರುಖ್​, ರಾಹುಲ್​​ ಹೆಸರಿನ ಪಾತ್ರ ಮಾಡಿದ್ದು 1994 ರಲ್ಲಿ. ತಾಯಿಯ ಈ ಸುಳ್ಳಿನ ಕಥೆಯನ್ನ ಕೆ.ಎಲ್​​ ರಾಹುಲ್ ಶೋವೊಂದರಲ್ಲಿ ಬಿಟ್ಟಿಟ್ಟಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ