ಫಿಸಿಕ್​ನಲ್ಲೂ ವಿರಾಟ್ ಕೊಹ್ಲಿಯನ್ನ ಹಿಂದಿಕ್ಕಿದ್ದ ಶುಭ್​ಮನ್ ಗಿಲ್!

ಎಲ್ಲದರಲ್ಲೂ ವಿರಾಟ್​ಗೆ ಕಾಂಪಿಟೇಟರ್ ಆಗ್ತಿರುವ ಪಂಜಾಬ್​ ಪುತ್ತರ್​​

ಕ್ರಿಕೆಟ್​ ಪ್ರಿನ್ಸ್​ ಕೆಲವೇ ವರ್ಷಗಳಲ್ಲಿ​, ಕಿಂಗ್​ ಪಟ್ಟ ಅಲಂಕರಿಸ್ತಾರಾ?

ಟೀಮ್ ಇಂಡಿಯಾದ ರನ್ ಮಷಿನ್​​, ಫಿಟೆಸ್ಟ್ ಕ್ರಿಕೆಟರ್​ ಯಾರು ಅಂದ್ರೆ, ಮೊದಲು ಕೇಳಿ ಬರೋ ಹೆಸರೇ ವಿರಾಟ್​ ಕೊಹ್ಲಿ. ಅತ್ಯುತ್ತಮ ಫಿಸಿಕ್ ಹೊಂದಿರೋ ಆಟಗಾರ ಯಾರು ಅಂದ್ರೂ, ಮೊದಲು ಹೇಳೋ ಹೆಸರು ವಿರಾಟ್ ಕೊಹ್ಲಿಯೇ. ಆದ್ರೆ, ಕಾಲ ಬದಲಾಗಿದೆ. ಈಗಲೂ ಕೊಹ್ಲಿ ಕಿಂಗ್​ ಆಗಿದ್ರೂ, ಫ್ರಿನ್ಸ್​ ನಿಧಾನವಾಗಿ ಓವರ್​​ ಟೇಕ್​ ಮಾಡಲು ಶುರು ಮಾಡಿದ್ದಾಗಿದೆ.

ಕ್ರಿಕೆಟ್.. ಈಗ ಸಂಪೂರ್ಣ ಬದಲಾಗಿದೆ. ಆಟದ ವೈಖರಿ. ನೋಡುವ ದೃಷ್ಟಿಯ ಜೊತೆ ಜೊತೆಗೆ ಕಾಲಕ್ಕನುಗುಣವಾಗಿ ಕ್ರಿಕೆಟ್ ಬದಲಾಗುತ್ತ ಹೋಗ್ತಿದೆ. ಈಗ ಕ್ರಿಕೆಟ್​​ ಜಸ್ಟ್​ ಆಟಕ್ಕೆ ಮಾತ್ರವೇ ಸಿಮೀತವಾಗಿಲ್ಲ. ಆನ್​ಫೀಲ್ಡ್​ನ ಬೌಂಡರಿ ಗೆರೆ ದಾಟಿ, ಆಫ್​ ದ ಫೀಲ್ಡ್​ಗೂ ಬಂದಿದೆ. ಕ್ರಿಕೆಟರ್​​ಗಳೂ ಪ್ರತಿ ನಡೆಯು ಇಲ್ಲಿ ಕೌಂಟ್​ ಆಗ್ತಿದೆ.

ಫಿಟ್ನೆಸ್​​ನಲ್ಲಿ ಕೊಹ್ಲಿಯನ್ನೇ ಮೀರಿಸಿದ್ದ ಗಿಲ್​​​​​..!

ಒಂದು ಕಾಲಗಟ್ಟದಲ್ಲೇ ಜಸ್ಟ್​ ಕಣ್ಣಿಗೆ ಕಾಣ್ತಾ ಇದ್ದಿದ್ದು ಚಾಕ್​ಲೆಟ್​​ ಬಾಯ್​​​​​​​​​​​​​​​​​​​​​​​​​​ನಂತ ಆಟಗಾರರು. ಆದ್ರೆ ಈಗ ಕಥೆ ಬೇರೆ. ಈ ಹಿಂದೆ ಕ್ರಿಕೆಟ್​ನಲ್ಲಿ ಫಿಟ್ನೆಸ್ ಅನ್ನೋ ಸುದ್ದಿನೇ ಇರಲಿಲ್ಲ. ಆದ್ರೀಗ ಫಿಟ್​ನೆಸ್​ ಪ್ರತಿಯೊಬ್ಬ ಆಟಗಾರನ ಜೀವನದ ಪ್ರಮುಖ ಅಂಶವಾಗಿದೆ. ಲಾಂಗ್ ಟರ್ಮ್ ಸಕ್ಸಸ್​ ಬೇಕಂದ್ರೆ ಫಿಟ್ನೆಸ್ ಬೇಕೆ ಬೇಕು. ಫಿಟ್ನೆಸ್ ಇಲ್ಲದೇ ಅದೆಷ್ಟೋ ಮಂದಿ ತಂಡದಿಂದ ಹೊರಬಿದ್ದಿದ್ದು ಇದೆ.

ಟೀಮ್​ ಇಂಡಿಯಾ ಕೂಡ ಫಿಟ್​​ನೆಸ್​​ ವಿಚಾರದಲ್ಲಿ ಟಾಪರ್​ ಎಮ್​.ಎಸ್​ ಧೋನಿ ಟೀಮ್​ ಇಂಡಿಯಾಗೆ ಫಿಟ್​ನೆಸ್​ ಇಂಟ್ರಡ್ಯೂಸ್​ ಮಾಡಿದ್ರೆ, ಕೊಹ್ಲಿ ಫಿಟ್​ನೆಸ್​ ಕ್ರಾಂತಿ ಮಾಡಿದ್ರು. ಟೀಮ್​ ಇಂಡಿಯಾದ ಫಿಟ್ಟೆಸ್ಟ್ ಕ್ರಿಕೆಟರ್​​​ ಯಾರು.? ಅಂದ್ರೆ ಮೊದಲು ಬರೋ ಹೆಸರೆ ಕೊಹ್ಲಿ. ಆದ್ರೆ, ಇನ್ಮುಂದೆ ಕೊಹ್ಲಿ ಹೆಸರನ್ನ ಬಹುತೇಕರು ಹೇಳಲ್ಲ ಅನ್ಸುತ್ತೆ. ಯಾಕಂದ್ರೆ, ಕೊಹ್ಲಿಗೆ ಟೀಮ್ ಇಂಡಿಯಾದಲ್ಲೇ ಕಾಂಪಿಟೇಟರ್ ಓರ್ವ ಹುಟ್ಟಿಕೊಂಡಿದ್ದಾನೆ. ಆ ಕಾಂಪಿಟೇಟರ್ ಬೇಱರು ಅಲ್ಲ. ಪಂಜಾಬ್​ ಕಾ ಪುತ್ತರ್​ ಶುಭ್​ಮನ್ ಗಿಲ್​.

ಮತ್ತೊಂದು ವಿಚಾರದಲ್ಲೂ ಕೊಹ್ಲಿಗೆ ಗಿಲ್​ ಸೆಡ್ಡು!

ಈಗಾಗಲೇ ಏಕದಿನ ಕ್ರಿಕೆಟ್​ನಲ್ಲಿ ವಿರಾಟ್​ ಕೊಹ್ಲಿಯ ಉತ್ತರಾಧಿಕಾರಿಯಾಗಿ ಬಿಂಬಿತವಾಗಿರುವ ಶುಭ್​ಮನ್ ಗಿಲ್​, ಅದೇ ಹಾದಿಯಲ್ಲಿ ಹೆಜ್ಜೆ ಹಾಕ್ತಿದ್ದಾರೆ. ಅಷ್ಟೇ ಅಲ್ಲ, ಕಳೆದ ಯೋ-ಯೋ ಟೆಸ್ಟ್​ನಲ್ಲಿ ವಿರಾಟ್​ ಕೊಹ್ಲಿಯನ್ನೇ ಮೀರಿಸಿ ಟೀಮ್ ಇಂಡಿಯಾದ ಫಿಟೆಸ್ಟ್​ ಕ್ರಿಕೆಟರ್ ಎಂಬ ಪಟ್ಟವನ್ನೂ ಆಲಂಕರಿಸಿದ್ದಾರೆ. ಇದೀಗ ಇದೇ ಶುಭ್​ಮನ್ ಗಿಲ್, ಮತ್ತೊಂದು ವಿಚಾರದಲ್ಲೂ ಕಿಂಗ್​​​ ಕೊಹ್ಲಿಗೆ ಸೆಡ್ಡು ಹೊಡೆಯುತ್ತಿದ್ದಾರೆ.

ಶುಭ್​ಮನ್​​​ ಫಿಸಿಕ್​​ಗೆ ನಿಬ್ಬೆರಗಾದ ಕ್ರಿಕೆಟ್​ ಲೋಕ..!

ವಿರಾಟ್​ ಕೊಹ್ಲಿ ಲೈಫ್ ಸ್ಟೈಲ್​​​, ಡಯಟ್​​, ಬಾಡಿ ಟ್ರಾನ್ಸ್​​​​ಪರ್​​​ಮೇಷನ್ ಎಂತಹವರಿಗೂ ಸ್ಪೂರ್ತಿ. ಯಾಕಂದ್ರೆ, ಟೀಮ್ ಇಂಡಿಯಾಗೆ ಎಂಟ್ರಿಕೊಟ್ಟಾಗ ಚಾಕಲೇಟ್​ ಹೀರೋ ರೀತಿ ಕಾಣ್ತಿದ್ದ ಕೊಹ್ಲಿ, ನೋಡ ನೋಡ್ತಿದ್ದಂತೆ ಫಿಟ್ನೆಸ್ ಗುರುವಾಗಿಬಿಟ್ರು. ಅದರಲ್ಲೂ ವಿರಾಟ್​ ಕೊಹ್ಲಿ ಸಿಕ್ಸ್​ ಪ್ಯಾಕ್​ಗೆ ಕ್ಲೀನ್​ ಬೋಲ್ಡ್​ ಆದವರೆಷ್ಟೋ ಮಂದಿ. ಇದೀಗ ಈ ವಿಚಾರದಲ್ಲೂ ಕಿಂಗ್ ಕೊಹ್ಲಿಗೆ ಗಿಲ್, ಟಕ್ಕರ್ ನೀಡ್ತಿದ್ದಾರೆ.

ಕಟ್ಟು ಮಸ್ತಾದ ದೇಹ ಹೊಂದಿರುವ ಶುಭ್​ಮನ್, ತನ್ನ​​​​ ಫಿಸಿಕ್​ನಿಂದ ಕ್ರಿಕೆಟ್​ ಲೋಕದ ಗಮನ ಸೆಳೆಯುತ್ತಿದ್ದಾರೆ. ತನ್ನ ಸ್ಟೈಲಿಶ್​ ಲುಕ್​​​ನಿಂದಲೂ ಎಲ್ಲರ ಮನ ಗೆಲ್ತಿರುವ ಶುಭ್​​ಮನ್, ಸದ್ಯ ಮಹಿಳಾ ಅಭಿಮಾನಿಗಳ ಹಾಟ್​ ಫೇವರಿಟ್​ ಆಗಿದ್ದಾರೆ.

ಒಂದ್ಕಡೆ ತನ್ನ ಅದ್ಭುತ ಬ್ಯಾಟಿಂಗ್​ನಿಂದ ಕಿಂಗ್​ ಕೊಹ್ಲಿಯ ಉತ್ತರಾಧಿಕಾರಿ ಎನಿಸಿಕೊಂಡಿರುವ ಪ್ರಿನ್ಸ್​ ಶುಭ್​ಮನ್, ಮತ್ತೊಂದೆಡೆ ಫಿಟ್ನೆಸ್​​ನಲ್ಲೂ ಕೊಹ್ಲಿಯನ್ನ ಪಕ್ಕಕ್ಕೆ ಸರಿಸಿದ್ದಾರೆ. ಇದೀಗ ಹಾಟ್​​​​​​ ಲುಕ್ಸ್​ನಿಂದಲೂ ಕ್ರಿಕೆಟ್ ದುನಿಯಾದಲ್ಲಿ ಹವಾ ಎಬ್ಬಿಸಿರೋ ಪ್ರಿನ್ಸ್​ ಕೆಲವೇ ವರ್ಷಗಳಲ್ಲಿ​, ಕಿಂಗ್​ ಪಟ್ಟವನ್ನೂ ಅಲಂಕರಿಸೋದು ಪಕ್ಕಾ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ