ಏಷ್ಯಾಕಪ್ ಟೂರ್ನಿ ಆರಂಭಕ್ಕೆ ಏಳೇ ದಿನ ಬಾಕಿ!

ಬೆಂಗಳೂರಿನಿಂದಲೇ ಮಿಷನ್ ಏಷ್ಯಾಕಪ್ ಶುರು

14 ನೆಟ್​ ಬೌಲರ್​ಗಳಿಗೆ ಬಿಸಿಸಿಐ ಬುಲಾವ್​

ಏಷ್ಯಾಕಪ್​​ ಟೂರ್ನಿಗೆ ಜಸ್ಟ್​ ಆರೇ ಆರು ದಿನಗಳು ಮಾತ್ರ ಬಾಕಿಯಿದ್ದು, ನಾಳೆಯಿಂದ ಟೀಮ್ ಇಂಡಿಯಾದ ಪೂರ್ವಾಭ್ಯಾಸ ಶುರುವಾಗಲಿದೆ. ಬೆಂಗಳೂರಿನಲ್ಲಿ ಏಷ್ಯಾಕಪ್​​ ತಯಾರಿ ನಡೆಸಲಿರುವ ಟೀಮ್ ಇಂಡಿಯಾಗೆ, ಈ ಕ್ಯಾಂಪ್​ ಮೋಸ್ಟ್​ ಇಂಪಾರ್ಟೆಂಟ್.
ಏಷ್ಯಾಕಪ್​ ಮಹಾಸಮರಕ್ಕೆ ಕೌಂಟ್​ಡೌನ್ ಶುರುವಾಗಿದೆ. ಆಗಸ್ಟ್​ 30ರಿಂದ ಆರಂಭವಾಗಲಿರುವ ಈ ಮೆಗಾ ಟೂರ್ನಿಗೆ ಜಸ್ಟ್​ ಏಳೇ ಏಳು ದಿನ ಬಾಕಿ ಉಳಿದಿದ್ದು, ಇದಕ್ಕೂ ಮುನ್ನ ಟೀಮ್ ಇಂಡಿಯಾ 5 ದಿನಗಳ ಕ್ಯಾಪ್​ ನಡೆಸಲು ಮುಂದಾಗಿದೆ.

ಬೆಂಗಳೂರಲ್ಲಿ ಟೀಮ್ ಇಂಡಿಯಾ.. ನಾಳೆಯಿಂದ ತಯಾರಿ..!

ಬೆಂಗಳೂರಿನ ಆಲೂರಿನಲ್ಲಿ ನಡೆಯಲಿರುವ ಈ ಕ್ಯಾಂಪ್​ಗಾಗಿ ಟೀಮ್ ಇಂಡಿಯಾ ಆಟಗಾರರು, ಈಗಾಗಲೇ ಸಿಲಿಕಾನ್ ಸಿಟಿ ಸೇರಿಕೊಂಡಿದ್ದಾರೆ. ನಾಳೆಯಿಂದ ಏಷ್ಯಾಕಪ್​​​ ತಯಾರಿ ಆರಂಭಿಸಲಿದ್ದು, ಪ್ರಮುಖ ಆಟಗಾರರು ಇಂಜುರಿಗೆ ತುತ್ತಾಗದಂತೆ 14 ನೆಟ್​ ಬೌಲರ್​​ಗಳಿಗೆ ಬಿಸಿಸಿಐ ಬುಲಾವ್ ನೀಡಿದೆ. ಅಷ್ಟೇ ಅಲ್ಲ. ಈ ಕ್ಯಾಂಪ್​ ವೇಳೆ ಕೋಚ್ ದ್ರಾವಿಡ್ ಆ್ಯಂಡ್ ಟೀಮ್ ಜೊತೆ ಜೊತೆಗೆ ಸೆಲೆಕ್ಷನ್ ಕಮಿಟಿಯೂ ಉಪಸ್ಥಿತಿ ಇರಲಿದೆ. ಆದರೆ, 5 ದಿನಗಳ ಕಾಲ ನಡೆಯಲಿರುವ ಈ ಕ್ಯಾಂಪ್​, ಜಸ್ಟ್​ ಕ್ಯಾಂಪ್ ಆಗಿ ಉಳಿದಿಲ್ಲ. ಟೀಮ್ ಇಂಡಿಯಾ ಶಕ್ತಿ, ಸಾಮರ್ಥ್ಯದ ಜೊತೆ ಜೊತೆಗೆ ಕೆಲ ಪ್ರಶ್ನೆಗಳಿಗೆ ಉತ್ತರ ಕಂಡುಕೊಳ್ಳುವ ಕ್ಯಾಂಪ್​​​ ಆಗಿದೆ.

ನಂಬರ್​​.1 ಟೀಮ್ ಬಾಂಡಿಂಗ್..!

ಏಷ್ಯಾಕಪ್​​​ನಲ್ಲಿರುವ ರಣಕಲಿಗಳ ತಂಡ, ಜೊತೆಯಾಗಿ ಕಾಣಿಸಿಕೊಂಡು ವರ್ಷಕ್ಕೂ ಅಧಿಕ ದಿನಗಳೇ ಕಳೆದಿದೆ. ಈ ನಿಟ್ಟಿನಲ್ಲಿ ಆಟಗಾರರ ನಡುವಿನ ಬಾಂಡಿಂಗ್​​ಗೆ ವೃದ್ಧಿಸಿಕೊಳ್ಳಲು ಈ ಕ್ಯಾಂಪ್ ಸಹಕಾರಿಯಾಗಲಿದೆ. 6 ದಿನಗಳ ಕ್ಯಾಂಪ್​​​​​​​​​ ಆಟಗಾರರ ಸ್ನೇಹಕ್ಕೆ ಮತ್ತೊಂದು ತಿರುವನ್ನೇ ನೀಡುತ್ತೆ. ಇದು ಮೆಗಾ ಟೂರ್ನಿಯಲ್ಲಿ ನಾವೊಂದೇ ಎಂಬ ಮನಸ್ಥಿತಿಯನ್ನು ಆಟಗಾರರಲ್ಲಿ ಮೂಡಿಸೋದ್ರಲ್ಲಿ ಅನುಮಾನವೇ ಇಲ್ಲ.

ನಂಬರ್​​.2: ಶ್ರೇಯಸ್-ರಾಹುಲ್ ಮ್ಯಾಚ್​ ಫಿಟ್ನೆಸ್ ಟೆಸ್ಟ್

ಶ್ರೇಯಸ್​ ಅಯ್ಯರ್ ಮತ್ತು ಕೆ.ಎಲ್.ರಾಹುಲ್ ಏಷ್ಯಾಕಪ್​​ಗೆ ಆಯ್ಕೆಯಾದರೂ ಫಿಟ್ನೆಸ್​ ಅನುಮಾನಕ್ಕೆ ಬ್ರೇಕ್ ಮಾತ್ರ ಬಿದ್ದಿಲ್ಲ. ಇವರ ಫಿಟ್ನೆಸ್​ ಕ್ಲಿಯರೆನ್ಸ್​ ಬಗ್ಗೆ ಗೊಂದಲಗಳು ಇದ್ದೇ ಇದೆ. ಇದಕ್ಕೆಲ್ಲ 6 ದಿನಗಳ ಏಷ್ಯಾಕಪ್ ಕ್ಯಾಂಪ್​​ ಸ್ಪಷ್ಟ ಚಿತ್ರಣ ನೀಡೋದು ಗ್ಯಾರಂಟಿ. ಯಾಕಂದ್ರೆ ಈ 6 ದಿನಗಳ ಕ್ಯಾಂಪ್​ನಲ್ಲಿ ಕೆಲ ಅಭ್ಯಾಸ ಪಂದ್ಯಗಳನ್ನಾಡಲಿದೆ. ಈ ವೇಳೆ ಪಂದ್ಯಕ್ಕೆ ಎಷ್ಟರ ಮಟ್ಟಿಗೆ ಫಿಟ್​ ಇದ್ದಾರೆ ಎಂಬ ಬಗ್ಗೆ ಉತ್ತರ ಸಿಗಲಿದೆ.

ನಂಬರ್-3: ಟೀಮ್ ಕಾಂಬಿನೇಷನ್ ಹುಡುಕಾಟ

ಸದ್ಯ ಎಲ್ಲರಿಗೂ ಕಾಡ್ತಿರುವ ಪ್ರಶ್ನೆ ಟೀಮ್ ಕಾಂಬಿನೇಷನ್​ ಹೇಗಿರುತ್ತೆ? ಇದಕ್ಕೆ ಕಾರಣ ಟಾಪ್-3 ಬಿಟ್ಟರೆ, ಉಳಿದೆಲ್ಲಾ ಬ್ಯಾಟಿಂಗ್ ಕ್ರಮಾಂಕದ ಬಗ್ಗೆ ಗೊಂದಲಗಳು ಇದ್ದೇ ಇದೆ. ಅದರಲ್ಲೂ 4 ಆ್ಯಂಡ್ 5TH ಸ್ಲಾಟ್​​ ಯಕ್ಷ ಪ್ರಶ್ನೆಯಾಗಿ ಕಾಡ್ತಿದೆ. ಇದೆಲ್ಲರ ಜೊತೆ ಮ್ಯಾಚ್ ಫಿನಿಷರ್ ಹುಡುಕಾಟ ನಿರಂತರ ನಡೀತಿದೆ. ಹೀಗಾಗಿ ಟೀಮ್ ಇಂಡಿಯಾದ ಕಾಂಬಿನೇಷನ್ ಹೇಗಿರಬೇಕೆಂಬ ಸ್ಪಷ್ಟ ಚಿತ್ರಣ ಕಂಡುಕೊಳ್ಳಬೇಕಿದೆ.

ನಂಬರ್​-4: ಸರಿ ತಪ್ಪುಗಳನ್ನು ಸರಿಪಡಿಸಿಕೊಳ್ಳಲು ಸಹಕಾರಿ

ಏಷ್ಯಾಕಪ್​ನಲ್ಲಿ ಸ್ಥಾನ ಪಡೆದ ಬಹುಪಾಲು ಆಟಗಾರರು, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಆಡಿ ಹಲ ದಿನಗಳೇ ಕಳೆದಿವೆ. ಕೆ.ಎಲ್.ರಾಹುಲ್, ಶ್ರೇಯಸ್​ ಅಯ್ಯರ್, ಮೊಹಮ್ಮದ್ ಶಮಿ ಸೇರಿದಂತೆ ಕೆಲ ಆಟಗಾರರು ಆಡಿಲ್ಲ. ಹೀಗಾಗಿ ಮ್ಯಾಚ್ ಸಿಮ್ಯುಲೇಷನ್​​ನಲ್ಲಿ ಆಟಗಾರರ ವಿಕ್ನೇಸ್​​ ಮೇಲೆ ವರ್ಕ್​ ಮಾಡಬಹುದಾಗಿದೆ. ಇದು ಏಷ್ಯಾಕಪ್​ನಲ್ಲಿ ಸರಿಪಡಿಸಿಕೊಳ್ಳಲು ಸಹಕಾರಿಯಾಗಲಿದೆ.

ನಂಬರ್​​-5: ಆತ್ಮವಿಶ್ವಾಸ ಹೆಚ್ಚಿಸಿಕೊಳ್ಳೋಕೆ ಪೂರ್ವ ತಯಾರಿ

ಏಷ್ಯಾಕಪ್​ನಲ್ಲಿ ಸ್ಥಾನ ಪಡೆದ ಬಹುಪಾಲು ಆಟಗಾರರು, ಇಂಜುರಿಯಿಂದ ದೂರ ಉಳಿದು ಕಮ್​ಬ್ಯಾಕ್ ಮಾಡಿದ್ರೆ. ಕೆಲ ಆಟಗಾರರು ಏಕದಿನ ಪಂದ್ಯಗಳನ್ನ ಆಡಿ ವರ್ಷಗಳೇ ಕಳೆದಿವೆ. ಇದು ಸಹಜವಾಗೇ ಆಟಗಾರರ ಆತ್ಮವಿಶ್ವಾಸ ಕುಂದಿಸಿರುತ್ತೆ. ಹೀಗಾಗಿ ಮೆಂಟಲಿ ಆಟಗಾರರು ಸಜ್ಜಾಗಲು ಹಾಗೂ ಆತ್ಮವಿಶ್ವಾಸ ಹೆಚ್ಚಿಸಿಕೊಳ್ಳಲು ಈ 6 ದಿನಗಳ ಪೂರ್ವ ತಯಾರಿ ಬಹುಮುಖ್ಯವಾದ ಪಾತ್ರವನ್ನೇ ವಹಿಸುತ್ತೆ.

Here's the Rohit Sharma-led team for the upcoming #AsiaCup2023 🙌#TeamIndia pic.twitter.com/TdSyyChB0b

— BCCI (@BCCI) August 21, 2023

ಅದೇನೇ ಆಗಲಿ, ಇಂದಿನಿಂದ ಆರಂಭವಾಗಲಿರುವ 6 ದಿನಗಳ ಏಷ್ಯಾಕಪ್​ನಲ್ಲಿ ಟೀಮ್ ಇಂಡಿಯಾ ಕೆಲ ಪ್ರಶ್ನೆ ಹಾಗೂ ಗೊಂದಲಗಳಿಗೆ ಉತ್ತರ ಕಂಡುಕೊಳ್ಳಬೇಕಿದೆ. ಗೇಮ್​ಪ್ಲಾನ್, ಸ್ಟ್ರಾಟರ್ಜಿಯನ್ನೇ ಇಲ್ಲೇ ರೂಪಿಸಿಕೊಳ್ಳಬೇಕಿದೆ. ಇಲ್ಲ, ಏಷ್ಯಾಕಪ್​ನಲ್ಲಿ ಮತ್ತೊಮ್ಮೆ ಮುಖಭಂಗ ತಪ್ಪಿದಿಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್