ಇಂದು ಬಾಂಗ್ಲಾದೇಶ, ಟೀಮ್​ ಇಂಡಿಯಾದ ಮೊದಲ ಟೆಸ್ಟ್​ ಪಂದ್ಯ

ಟಾಸ್​ ಸೋತರೂ ಫಸ್ಟ್​ ಬ್ಯಾಟಿಂಗ್​​​ ಮಾಡಿದ ಟೀಮ್​​​ ಇಂಡಿಯಾ!

ಮೊದಲ ಇನ್ನಿಂಗ್ಸ್​ನಲ್ಲಿ 80 ಓವರ್​​ಗಳಲ್ಲಿ 6 ವಿಕೆಟ್​ಗೆ 339 ರನ್​​..!

ಟೀಮ್​ ಇಂಡಿಯಾ, ಬಾಂಗ್ಲಾದೇಶದ ನಡುವಿನ ಮೊದಲ ಟೆಸ್ಟ್​ ಪಂದ್ಯ ಚೆನ್ನೈನ ಇಂಟರ್​ ನ್ಯಾಷನಲ್​ ಕ್ರಿಕೆಟ್​ ಸ್ಟೇಡಿಯಮ್​ನಲ್ಲಿ ನಡೆಯುತ್ತಿದೆ. ಮೊದಲ ಟೆಸ್ಟ್‌ನ ಮೊದಲ ದಿನವೇ ಟೀಮ್ ಇಂಡಿಯಾ ಉತ್ತಮ ಸ್ಕೋರ್​ ಕಲೆ ಹಾಕಿದೆ.

ಟಾಸ್​ ಗೆದ್ದ ಬಾಂಗ್ಲಾದೇಶ!

ಚೆನ್ನೈನ ಚೆಪಾಕ್​ ಸ್ಟೇಡಿಯಮ್​​​​ ಪಿಚ್‌ ವೇಗದ ಬೌಲರ್‌ಗಳಿಗೆ ನೆರವು ನೀಡಬಹುದು ಎಂದು ಅರಿತ ಬಾಂಗ್ಲಾದೇಶದ ನಾಯಕ ಟಾಸ್​ ಗೆದ್ದು ಫೀಲ್ಡಿಂಗ್​ ಆಯ್ಕೆ ಮಾಡಿಕೊಂಡರು. ಹಾಗಾಗಿ ಟೀಮ್​ ಇಂಡಿಯಾ ಮೊದಲು ಬ್ಯಾಟಿಂಗ್​ ಮಾಡಿತು. ಆರಂಭದಲ್ಲೇ ಟೀಮ್​ ಇಂಡಿಯಾ ಸ್ಟಾರ್ ಆಟಗಾರರಾದ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಶುಭಮನ್‌ ಗಿಲ್‌ ವಿಕೆಟ್​ ಒಪ್ಪಿಸಿದ್ರು.

ಟೀಮ್​ ಇಂಡಿಯಾಗೆ ಕಳಪೆ ಆರಂಭ

ಟೀಮ್​ ಇಂಡಿಯಾ ಕೊಹ್ಲಿ, ರೋಹಿತ್​​, ಗಿಲ್​ ವಿಕೆಟ್​ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಆದರೆ ನಾಲ್ಕನೇ ವಿಕೆಟ್‌ಗೆ ಯಶಸ್ವಿ ಜೈಸ್ವಾಲ್ ಹಾಗೂ ಪಂತ್​​ ಎಚ್ಚರಿಕೆ ಆಟವಾಡಿದ್ರು. ಐದನೇ ವಿಕೆಟ್‌ಗೆ ಜೈಸ್ವಾಲ್​​ ಜೊತೆಗೆ ಕೆಎಲ್‌ ರಾಹುಲ್ ಕೂಡ ಉತ್ತಮ ಜೊತೆಯಾಟದ ಕಾಣಿಕೆ ನೀಡಿದರು.

ಜಡೇಜಾ, ಅಶ್ವಿನ್​ ಅಬ್ಬರ!

ಟೀಮ್ ಇಂಡಿಯಾ 144 ರನ್‌ಗಳಿಗೆ 6 ವಿಕೆಟ್‌ ಕಳೆದುಕೊಂಡಿತು. ಬಳಿಕ ಕ್ರೀಸ್​​ಗೆ ಬಂದ ಸ್ಟಾರ್​ ಆಲ್​ರೌಂಡರ್ಸ್​ ಆದ ಅಶ್ವಿನ್​​ ಮತ್ತು ಜಡೇಜಾ ಇನಿಂಗ್ಸ್‌ ಕಟ್ಟಿದ್ರು. ಬರೋಬ್ಬರಿ 195 ರನ್​​ಗಳ ಜೊತೆಯಾಟ ಆಡಿದ್ರು. ಸುಮಾರು 38 ಓವರ್‌ಗಳ ವರೆಗೆ ವಿಕೆಟ್‌ ಬೀಳದಂತೆ ಕಾಯ್ದುಕೊಂಡರು. ಅಶ್ವಿನ್‌ ಅಜೇಯ 102 ರನ್‌ ಬಾರಿಸಿದರೆ, ಜಡೇಜಾ ಅಜೇಯ 86 ರನ್‌ ಸಿಡಿಸಿದರು. ಭಾರತ ಮೊದಲ ದಿನದಾಟದ ಅಂತ್ಯಕ್ಕೆ 6 ವಿಕೆಟ್‌ಗೆ 339 ರನ್‌ ಗಳಿಸಿದೆ.

ಇದನ್ನೂ ಓದಿ: 6,6,4,4,4,4,4,4,4,4,4,4; ಬಾಂಗ್ಲಾ ವಿರುದ್ಧ ಸ್ಫೋಟಕ ಶತಕ ಸಿಡಿಸಿದ ಆರ್​​. ಅಶ್ವಿನ್​​!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್