ಬಹುನಿರೀಕ್ಷಿತ 2023ರ ಏಕದಿನ ವಿಶ್ವಕಪ್​​ ಟೂರ್ನಿ

ಲಂಕಾಗೆ ಟೀಂ ಇಂಡಿಯಾ 358 ರನ್ ಬಿಗ್​​​ ಟಾರ್ಗೆಟ್​

ಕೊಹ್ಲಿ, ಅಯ್ಯರ್​​, ಶುಭ್ಮನ್​​ ಗಿಲ್​ ಸಿಡಿಲಬ್ಬರದ ಬ್ಯಾಟಿಂಗ್​

ಸದ್ಯ ಮುಂಬೈನ ವಾಂಖೆಡೆ ಸ್ಟೇಡಿಯಮ್​​ನಲ್ಲಿ ನಡೆಯುತ್ತಿರೋ ಐಸಿಸಿ ಏಕದಿನ ವಿಶ್ವಕಪ್​​ ಟೂರ್ನಿ ಪಂದ್ಯದಲ್ಲಿ ಲಂಕಾಗೆ ಟೀಂ ಇಂಡಿಯಾ ಬರೋಬ್ಬರಿ 358 ರನ್​ ಬಿಗ್​ ಟಾರ್ಗೆಟ್​ ಕೊಟ್ಟಿದೆ.

ಟಾಸ್​​ ಸೋತರೂ ಫಸ್ಟ್​ ಬ್ಯಾಟಿಂಗ್​​ ಮಾಡಿದ ಟೀಂ ಇಂಡಿಯಾ ಪರ ಓಪನರ್​ ಆಗಿ ಬಂದ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಕೇವಲ 4 ರನ್​ಗೆ ಔಟಾಗಿ ನಿರಾಸೆ ಮೂಡಿಸಿದರು. ಆರಂಭದಲ್ಲೇ ವಿಕೆಟ್​ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ಟೀಂ ಇಂಡಿಯಾಗೆ ಶುಭ್ಮನ್​ ಗಿಲ್​ ಆಸರೆಯಾದರು.

ಇನ್ನಿಂಗ್ಸ್ ಉದ್ಧಕ್ಕೂ ಅಗ್ರೆಸ್ಸಿವ್​ ಆಗಿ ಬ್ಯಾಟ್​ ಬೀಸಿದ ಶುಭ್ಮನ್​​ ಗಿಲ್​ ಶತಕ ಸಿಡಿಸೋ ಬರದಲ್ಲಿ ಕುಶಲ್​ ಮೆಂಡೀಸ್​ ಬೌಲಿಂಗ್​ ಕ್ಯಾಚ್​ ಒಪ್ಪಿಸಿ ಪೆವಿಲಿಯನ್​ಗೆ ತೆರಳಿದರು. ಬರೋಬ್ಬರಿ 11 ಫೋರ್​​, 2 ಸಿಕ್ಸರ್​​ ಜತೆಗೆ 92 ರನ್​ ಚಚ್ಚಿದ್ರು. ಈ ಮೂಲಕ ಹೊಸ ದಾಖಲೆ ಬರೆದರು.

ತುಂಬಾ ತಾಳ್ಮೆಯಿಂದಲೇ ಬ್ಯಾಟಿಂಗ್​ ಮಾಡಿದ ಕೊಹ್ಲಿ 93 ಬಾಲ್​ನಲ್ಲಿ 11 ಫೋರ್​ ಸಮೇತ 88 ರನ್​ ಸಿಡಿಸಿದ್ದರು. ಈ ಹೊತ್ತಲ್ಲೇ ಗಿಲ್​ ಶತಕ ಸಿಡಿಸಲು ಹೋಗಿ ಕುಶಲ್​ ಮೆಂಡೀಸ್​ ಬೌಲಿಂಗ್​ನಲ್ಲಿ ಕ್ಯಾಚ್​ ಕೊಟ್ಟರು.

ವಿರಾಟ್​ ಕೊಹ್ಲಿ, ಶುಭ್ಮನ್​ ಗಿಲ್​ ಔಟಾದ ಬಳಿಕ ಕ್ರೀಸ್​ಗೆ ಬಂದ ಶ್ರೇಯಸ್​ ಅಯ್ಯರ್​ ಶ್ರೀಲಂಕಾ ಬೌಲರ್​ಗಳ ಬೆವರಿಳಿಸಿದ್ರು. ಕೇವಲ 56 ಬಾಲ್​ನಲ್ಲಿ 82 ರನ್​ ಚಚ್ಚಿದ್ರು. ಬರೋಬ್ಬರಿ 6 ಸಿಕ್ಸರ್​​, 3 ಫೋರ್​​ ಬಾರಿಸಿದ್ರು ಅಯ್ಯರ್​​. ರವೀಂದ್ರ ಜಡೇಜಾ 34, ರಾಹುಲ್​ 21 ರನ್​ ಗಳಿಸಿದರು. ಟೀಂ ಇಂಡಿಯಾ 50 ಓವರ್​ಗಳಲ್ಲಿ 8 ವಿಕೆಟ್​ ನಷ್ಟಕ್ಕೆ 357 ರನ್​ ಗಳಿಸಿದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ