ನಾಳೆಯಿಂದ ಟೀಮ್​ ಇಂಡಿಯಾ, ಬಾಂಗ್ಲಾದೇಶದ ನಡುವೆ ಮೊದಲ ಟೆಸ್ಟ್​

ಮಹತ್ವದ ಪಂದ್ಯ ಗೆದ್ದು ದಾಖಲೆ ನಿರ್ಮಿಸಲು ಭಾರತ ಕ್ರಿಕೆಟ್​ ತಂಡ ಸಜ್ಜು..!

ಈ ಬೌಲರ್ಸ್​​ ಕಂಡ್ರೆ ಬಾಂಗ್ಲಾದೇಶ ಕ್ರಿಕೆಟ್​ ತಂಡದ ದಾಂಡಿಗರಿಗೆ ಭಾರೀ ಭಯ

ಟೀಮ್​​ ಇಂಡಿಯಾ, ಬಾಂಗ್ಲಾದೇಶದ ನಡುವಿನ ಮೊದಲ ಟೆಸ್ಟ್‌ ಪಂದ್ಯಕ್ಕೆ ಚೆನ್ನೈನ ಎಂ. ಚಿದಂಬರಂ ಸ್ಟೇಡಿಯಮ್​ ಸಜ್ಜಾಗಿದೆ. ಹೇಗಾದ್ರೂ ಸರಿ ಈ ಪಂದ್ಯದಲ್ಲಿ ಗೆಲುವು ಸಾಧಿಸಲೇಬೇಕು ಎಂದು ಟೀಮ್​ ಇಂಡಿಯಾ ಪ್ಲಾನ್​ ಮಾಡಿಕೊಂಡಿದೆ. ಒಂದೆಡೆ ಸ್ಟಾರ್‌ ಬ್ಯಾಟರ್ಸ್​​ ಬಾಂಗ್ಲಾ ತಂಡವನ್ನು ಕಾಡಲು ಸಜ್ಜಾಗಿದ್ದಾರೆ. ಇನ್ನೊಂದೆಡೆ ಭಾರತ ತಂಡದ ಪ್ರಮುಖ ಬೌಲರ್ಸ್​ ಮಿಂಚಿದ್ರೆ ಗೆಲುವು ಪಕ್ಕಾ ನಮ್ದೇ.

ಜಸ್ಪ್ರಿತ್ ಬುಮ್ರಾ

ಭಾರತ ಕ್ರಿಕೆಟ್​ ತಂಡದ ಯಾರ್ಕರ್‌ ಸ್ಪೇಷಲಿಸ್ಟ್ ಜಸ್ಪ್ರಿತ್‌ ಬುಮ್ರಾ, ಇವರು ಬಾಂಗ್ಲಾದೇಶದ ಬ್ಯಾಟರ್ಸ್​ಗೆ ತಲೆನೋವಾಗಿ ಕಾಣಿಸಿಕೊಳ್ಳಬಹುದು. ಬೂಮ್ರಾಗೆ ಎದುರಾಳಿ ಬ್ಯಾಟರ್​​ ಯಾರೇ ಆಗಿದ್ರೂ ವಿಕೆಟ್​ ತೆಗೆಯುವಷ್ಟು ಸಾಮರ್ಥ್ಯ ಇದೆ. ಬ್ಯಾಟಿಂಗ್ ವಿಭಾಗಕ್ಕೆ ಪೆಟ್ಟು ನೀಡಬಲ್ಲ ಕ್ಷಮತೆ ಕೂಡ ಇದೆ. ಚೆನ್ನೈ ಪಿಚ್ ವೇಗದ ಬೌಲರ್‌ಗಳಿಗೆ ಸಹಾಯವಾಗಿದ್ದು, ಬುಮ್ರಾ ಅವರನ್ನು ಎದುರಿಸುವುದು ಬಾಂಗ್ಲಾದೇಶದ ಬ್ಯಾಟರ್ಸ್​​ ಕಷ್ಟಸಾಧ್ಯ.

ರವಿಚಂದ್ರನ್​ ಅಶ್ವಿನ್

ಟೀಮ್ ಇಂಡಿಯಾ ಯಾವಾಗ ಟೆಸ್ಟ್‌ ಸರಣಿ ಗೆದ್ರೂ ಅದರಲ್ಲಿ ಅಶ್ವಿನ್​​ ಅವರದ್ದೇ ಹೆಚ್ಚು ಪಾತ್ರ ಇರುತ್ತದೆ. ಇವರು ತಮ್ಮ ಸ್ಪಿನ್​ ಬೌಲಿಂಗ್​ ಮೂಲಕವೇ ಕಾಡಬಲ್ಲರು. ಸ್ಪಿನ್ ಸ್ನೇಹಿ ಪಿಚ್ ಆಗಿದ್ದರಿಂದ ಇವರ ಅಬ್ಬರ ಜೋರಾಗಿ ಇರಲಿದೆ. ಅಶ್ವಿನ್‌ ಮಾರಕ ಬೌಲಿಂಗ್​ಗೆ ಬಾಂಗ್ಲಾದೇಶದ ಬ್ಯಾಟರ್ಸ್​​ ತತ್ತರಿಸಿ ಹೋಗಲಿದ್ದಾರೆ. ಅದರಲ್ಲೂ ತವರು ನೆಲದಲ್ಲಿ ಟೆಸ್ಟ್‌ ನಡೆಯುರೋ ಕಾರಣ ಅಶ್ವಿನ್​ ಮೇಲೆ ಹೆಚ್ಚು ಭರವಸೆ ಇದೆ.

ಇದನ್ನೂ ಓದಿ: ಬಾಂಗ್ಲಾ ವಿರುದ್ಧ ಸ್ಫೋಟಕ ಬ್ಯಾಟರ್ಸ್​ ಕಣಕ್ಕೆ; ಟೀಮ್​​ ಇಂಡಿಯಾಗೆ ಗೆಲುವು ಗ್ಯಾರಂಟಿ!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್