ಬಲಿಷ್ಠ ಭಾರತ.. ಏಕದಿನ ವಿಶ್ವಕಪ್ ಗೆಲ್ಲೋದು ಫಿಕ್ಸ್

ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ವಿಶ್ವಕಪ್ ಫೈನಲ್

ಪಾಸಿಟಿವ್ ಟೀಮ್ ಇಂಡಿಯಾಗೆ ಕಾಡುತ್ತಾ ಆ ಸಮಸ್ಯೆ?

ವಿಶ್ವಕಪ್​ನ ಸೋಲಿಲ್ಲದ ಸರದಾರ ಟೀಮ್ ಇಂಡಿಯಾ. ಸದ್ಯ ಅಜೇಯವಾಗಿ ಫೈನಲ್​​ಗೆ ಎಂಟ್ರಿ ನೀಡಿರುವ ರೋಹಿತ್ ಪಡೆ, ಇವತ್ತಿನ ಒಂದೇ ಒಂದು ಮ್ಯಾಚ್ ಗೆದ್ದರೆ ಸಾಕು. 12 ವರ್ಷಗಳ ಕನಸಿನ ಜೊತೆಗೆ ಕೋಟ್ಯಾಂತರ ಅಭಿಮಾನಿಗಳ ಮಹಾದಾಸೆಯೂ ಈಡೇರುತ್ತೆ. ಇಂಥ ಅನ್​ಬೀಟಬಲ್ ಇಂಡಿಯಾದಲ್ಲಿ ಒಂದಿಷ್ಟು ಸಮಸ್ಯೆ ಇದೆ. ಅದೇ ಈಗ ಥ್ರೆಟ್ ಆಗುತ್ತಾ ಎಂಬ ಅನುಮಾನ ಹುಟ್ಟಿಹಾಕಿದೆ.

ಜೈಹೋ ಇಂಡಿಯಾ.. ಪ್ರತಿಯೊಬ್ಬ ಭಾರತೀಯನ ಮನದ ಮಾತು. ಟೀಮ್ ಇಂಡಿಯಾ ಅಜೇಯ ಓಟ ಮುಂದುವರಿಸಲಿ, 3 ಬಾರಿ ವಿಶ್ವಕಪ್​​ ಕಿರೀಟಕ್ಕೆ ಮುತ್ತಿಡಲಿ ಅನ್ನೋದೇ ಪ್ರತಿಯೊಬ್ಬರ ಆಶಯ. ಅಭಿಮಾನಿಗಳ ಆಶಯದಂತೆಯೇ ಟೀಮ್ ಇಂಡಿಯಾ ಪ್ರದರ್ಶನವೂ ಇದೆ. ಟೀಮ್ ಇಂಡಿಯಾದ ವಿಶ್ವಕಪ್​​​ ಜರ್ನಿಯಲ್ಲಿ ಬ್ಯಾಟಿಂಗ್, ಬೌಲಿಂಗ್, ಫೀಲ್ಡಿಂಗ್​ನ ಮೆಲುಕು ಹಾಕಿದ್ರೆ ಸಾಕು, ಭಾರತ ಗೆಲ್ಲೋದು ಫಿಕ್ಸ್​ ಅನ್ನೋದನ್ನ ಯಾರು ಬೇಕಾದ್ರು. ಹೇಳ್ತಾರೆ. ಇದಕ್ಕೆಲ್ಲ ರೀಸನ್​​​​​​​​.. ಟೀಮ್ ಇಂಡಿಯಾದ ಬಲ.

ಮೆಗಾ ಟೂರ್ನಿಯಲ್ಲಿ ಇದುವರೆಗೆ ಟೀಮ್ ಇಂಡಿಯಾ ನೀಡಿದ ಪ್ರದರ್ಶನವೇ ವಿಶ್ವಕಪ್ ಗೆಲ್ಲೋ ಹಾಟ್​ ಫೇವರಿಟ್ಸ್​ ಆಗಿಸಿದೆ. ಕ್ರಿಕೆಟ್ ದಿಗ್ಗಜರು, ಕ್ರಿಕೆಟ್ ವಿಶ್ಲೇಷಕರು, ಮಾಜಿ ಆಟಗಾರರು ಕೂಡ ಟೀಮ್ ಇಂಡಿಯಾನೇ ಗೆಲ್ಲೋ ಟೀಮ್ ಎಂಬ ಭವಿಷ್ಯವನ್ನು ನುಡಿದಿದ್ದಾರೆ. ಇಂಥ ಫೇವರಿಟ್ಸ್​ಗೆ ಸ್ಟ್ರೆಂಥ್​ ಜೊತೆಗೆ ಕೆಲ ಸಮಸ್ಯೆಗಳೂ ಇನ್ನಿಲ್ಲದೆ ಕಾಡ್ತಿದೆ. ಟೀಮ್ ಇಂಡಿಯಾದ ಸ್ಟ್ರೆಂಥ್​ ಏನು?

ಸೆನ್ಸೇಷನ್​ ರೋಹಿತ್​ರ ಸೆಲ್ಪ್​​​ಲೆಸ್ ಬ್ಯಾಟಿಂಗ್..!

ಏಕದಿನ ವಿಶ್ವಕಪ್​ನಲ್ಲಿ ಟೀಮ್ ಇಂಡಿಯಾ ಸಕ್ಸಸ್​ ಸಿಕ್ರೇಟ್​​ ರೋಹಿತ್​​ರ ಬ್ಯಾಟಿಂಗ್ ಅಪ್ರೋಚ್. ವೈಯಕ್ತಿಕ ದಾಖಲೆಗಳ ಬಗ್ಗೆ ತಲೆಕೆಡಿಸಿಕೊಳ್ಳದ ಹಿಟ್​ಮ್ಯಾನ್, ಆಕ್ರಮಣಕಾರಿ ಬ್ಯಾಟಿಂಗ್ ಮೂಲಕ ಸಾಲಿಡ್ ಓಪನಿಂಗ್ ನೀಡ್ತಿದ್ಧಾರೆ. ಇದು ಎದುರಾಳಿ ಸ್ಟ್ರಾಟರ್ಜಿಯನ್ನ ಬುಡಮೇಲು ಮಾಡ್ತಿದೆ. ತಂಡಕ್ಕೆ ಉತ್ತಮ ಅಡಿಪಾಯ ಹಾಕಿ ಕೊಡ್ತಿರುವ ರೋಹಿತ್, ನಂತರದ ಬ್ಯಾಟ್ಸ್​ಮನ್​ಗಳು ಬಿಗ್ ಟಾರ್ಗೆಟ್ ಸೆಟ್​ ಮಾಡೋಕೆ ಹೆಲ್ಪ್​ ಮಾಡ್ತಿದ್ದಾರೆ.

ಕಿಂಗ್ ಕೊಹ್ಲಿಯ ರೆಕಾರ್ಡ್​ ಬ್ರೇಕಿಂಗ್​ ರನ್​..!

ರೆಟ್ ಹಾಟ್​ ಫಾರ್ಮ್​ನಲ್ಲಿರುವ ವಿರಾಟ್​ ಕೊಹ್ಲಿ, ರೆಕಾರ್ಡ್ ಬ್ರೇಕಿಂಗ್ ರನ್​​​​ ಗಳಿಸಿದ್ದಾರೆ. ಏಕದಿನ ವಿಶ್ವಕಪ್ ಇತಿಹಾಸದಲ್ಲೇ ಗರಿಷ್ಠ ರನ್ ಗಳಿಸಿರುವ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿರುವ ವಿರಾಟ್​, ಪರಿಸ್ಥಿತಿಗೆ ತಕ್ಕ ಆಟವಾಡ್ತಿದ್ದಾರೆ. ಅಷ್ಟೇ ಅಲ್ಲ.! ತಂಡ ಸಂಕಷ್ಟಕ್ಕೆ ಸಿಲುಕಿದಾಗೆಲ್ಲ ರಕ್ಷಕನಾಗಿ ನಿಲ್ಲುತ್ತಿರುವ ವಿರಾಟ್, ಟೀಮ್ ಇಂಡಿಯಾ ಪಾಲಿಗೆ ಆಧಾರವಾಗ್ತಿದ್ದಾರೆ. ಇದಕ್ಕೆ ಬೆಸ್ಟ್ ಎಕ್ಸಾಂಪಲ್. ಆಸ್ಟ್ರೇಲಿಯಾ ಎದುರು ರಾಹುಲ್​ ಜೊತೆ ಕಟ್ಟಿದ 200 ರನ್​ಗಳ ಜೊತೆಯಾಟ ಅನ್ನೊದನ್ನ ಬಿಡಿಸಿ ಹೇಳಬೇಕಿಲ್ಲ.

ರೋಲ್​ ಬಗ್ಗೆ ಪಕ್ಕ ಕ್ಲಾರಿಟಿ.. ಅಗ್ರೇಸ್ಸಿವ್ ಇಂಟೆಂಟ್​

ಟೀಮ್ ಇಂಡಿಯಾ ಗೆಲುವಿಗೆ ಕಾರಣವೇ ಆಟಗಾರರ ರೋಲ್. ತಮ್ಮ ತಮ್ಮ ರೋಲ್​ ಬಗ್ಗೆ ಪಕ್ಕ ಕ್ಲಾರಿಟಿ ಹೊಂದಿರುವ ಆಟಗಾರರು, ಪರಿಸ್ಥಿತಿಗೆ ತಕ್ಕಂತೆ ಆಡ್ತಿದ್ದಾರೆ. ಇದಕ್ಕೆ ಬೆಸ್ಟ್​ ಎಕ್ಸಾಂಪಲ್​.. ನ್ಯೂಜಿಲೆಂಡ್ ಎದುರಿನ ಪಂದ್ಯದಲ್ಲಿ ಕೊಹ್ಲಿ ಇನ್ನಿಂಗ್ಸ್ ಬಿಲ್ಡ್​ ಮಾಡ್ತಿದ್ರೆ. ಅತ್ತ ಮಿಡಲ್ ಮಿಡಲ್ ಆರ್ಡರ್​ನಲ್ಲಿ ಶ್ರೇಯಸ್​ ಅಯ್ಯರ್ ಸ್ಫೋಟಕ ಬ್ಯಾಟಿಂಗ್ ನಡೆಸಿದ್ರು. ಈ ಬಳಿಕ ಬಂದ ರಾಹುಲ್, ಕೊನೆಯಲ್ಲಿ ಫಿನಿಷಿಂಗ್ ಟಚ್ ನೀಡಿದರು. ಇದೆಲ್ಲವೂ ಆಟಗಾರರ ರೋಲ್​​​​​​​​​​​ ಹಾಗೂ ಅಗ್ರೇಸ್ಸಿವ್ ಅಪ್ರೋಷ್ ಸಾಕ್ಷಿ ಅನ್ನೋದು ಬಿಡಿಸಿ ಹೇಳಬೇಕಿಲ್ಲ.

ಪವರ್​ಫುಲ್​ ಬೌಲಿಂಗ್.. ಶಮಿ ತೂಫಾನ್​​..

ಪ್ರಸಕ್ತ ವಿಶ್ವಕಪ್​ನಲ್ಲಿ ಟೀಮ್ ಇಂಡಿಯಾದ ಬೌಲಿಂಗ್ ವಿಭಾಗ ನಿಜಕ್ಕೂ ನೆಕ್ಸ್ಟ್​ ಲೆವೆಲ್. ಇತರೆ 9 ತಂಡಗಳ ಬೌಲಿಂಗ್​ನದ್ದೇ ಒಂದು ಲೆಕ್ಕವಾದ್ರೆ. ಭಾರತೀಯ ಬೌಲರ್​ಗಳದ್ದೇ ಒಂದು ಲೆಕ್ಕ. ಅದು ಯಾವ ಮಟ್ಟಕ್ಕಂದ್ರೆ 10 ಪಂದ್ಯಗಳ ಪೈಕಿ ಟೀಮ್ ಇಂಡಿಯಾ ಬೌಲರ್​ಗಳು, ಸೆಮಿಫೈನಲ್​​ ಹೊರತು ಪಡೆಸಿದ್ರೆ, ಉಳಿದ್ಯಾವ ಎದುರಾಳಿ 300 ರನ್​ ಕ್ರಾಸ್​ ಮಾಡಲು ಬಿಟ್ಟಿಲ್ಲ. 2 ತಂಡಗಳನ್ನ ನೂರರೊಳಗೆ ಆಲೌಟ್​ ಮಾಡಿದೆ. ಇದು ಇಂಡಿಯನ್ ಬೌಲರ್​ಗಳ ಪರಾಕ್ರಮಕ್ಕೆ ಹಿಡಿದ ಕೈಗನ್ನಡಿ. ಈ ಪೈಕಿ ಶಮಿಗೆ ಸೆನ್ಸೇಷನ್ ಸ್ಪೆಲ್​ ಬಗ್ಗೆ ಮರೆಯುವಂತೇ ಇಲ್ಲ.
ಆಡಿದ 6 ಪಂದ್ಯಗಳಿಂದ 23 ವಿಕೆಟ್ ಬೇಟೆಯಾಡಿರುವ ಮೊಹಮ್ಮದ್ ಶಮಿ, 3 ಬಾರಿ 5 ವಿಕೆಟ್ ಉರುಳಿಸಿದ್ದಾರೆ. ಇಂಟ್ರೆಸ್ಟಿಂಗ್ ಅಂದ್ರೆ, ಸೆಮಿಸ್​ನ ಹೈವೋಲ್ಟೇಜ್​ ಮ್ಯಾಚ್​ನಲ್ಲಿ ಬರೋಬ್ಬರಿ 7 ವಿಕೆಟ್ ಉರುಳಿಸಿದ್ದಾರೆ. ಇದು ನಿಜಕ್ಕೂ ಅದ್ಭುತ. ಇವರ ಜೊತೆಗೆ ಮಿಡಲ್ ಓವರ್​ಗಳಲ್ಲಿ ಕುಲ್​ದೀಪ್ ಯಾದವ್, ರವೀಂದ್ರ ಜಡೇಜಾರ ಬ್ರೇಕ್​ ಥ್ರೂ ನಿಜಕ್ಕೂ ಮರೆಯುವಂತಿಲ್ಲ. ಇಷ್ಟೇ ಅಲ್ಲ.. ಬಲ ಹೊಂದಿರುವ ಟೀಮ್ ಇಂಡಿಯಾಗೆ ವಿಕ್ನೇಸ್​ ಕೂಡ ಕಾಡ್ತಿದೆ.

ಬಲಿಷ್ಠ ಭಾರತಕ್ಕೆ ಕಾಡ್ತಿದೆ ಆ ಮೂರು ಸಮಸ್ಯೆಗಳು..!

ವಿಶ್ವಕಪ್​ನಲ್ಲಿ ಟೀಮ್ ಇಂಡಿಯಾ ಎಷ್ಟೇ ಅದ್ಭುತ ಪ್ರದರ್ಶನ ನೀಡಿದ್ರು. ಟೀಮ್ ಇಂಡಿಯಾ ಕೆಲ ವಿಭಾಗಗಳಲ್ಲಿ ಎಡವುತ್ತಿದೆ. ಆ ವಿಭಾಗಗಳು ಇಂದೆನಾದ್ರೂ ಕೈಕೊಟ್ರೆ, ವಿಶ್ವಕಪ್ ಫೈನಲ್​ನಲ್ಲಿ ಟೀಮ್ ಇಂಡಿಯಾಗೆ ಸಂಕಷ್ಟ ತಪ್ಪಿದ್ದಲ್ಲ.

ವಿಕ್ನೇಸ್ ನಂ.1: ಮೊಹಮ್ಮದ್ ಸಿರಾಜ್ ಇನ್​ಕನ್ಸಿಸ್ಟೆಂನ್ಸಿ ಪರ್ಫಾಮೆನ್ಸ್

ಒಂದ್ಕಡೆ ಸಾಲಿಡ್ ಪರ್ಫಾಮೆನ್ಸ್ ನೀಡ್ತುರುವ ಟೀಮ್ ಇಂಡಿಯಾಗೆ ತಲೆನೋವೇ ಮೊಹಮ್ಮದ್ ಸಿರಾಜ್​.. ಲಂಕಾ ಎದುರಿನ ಮ್ಯಾಚ್​ಗೆ ಮಾತ್ರವೇ ಸಿಮೀತವಾಯ್ತು. ಸೆಮಿಸ್​ನಲ್ಲಿ ದುಬಾರಿ ಆಗಿದ್ದ ಸಿರಾಜ್, ಇವತ್ತು ಕಮ್​ಬ್ಯಾಕ್​​ ಮಾಡಬೇಕು.

ವಿಕ್ನೇಸ್ ನಂ.2: ಒತ್ತಡದ ಪರಿಸ್ಥಿತಿ ನಿಭಾಯಿಸಿಲ್ಲ ಲೋವರ್ ಆರ್ಡರ್

ಟೀಮ್ ಇಂಡಿಯಾ ಬ್ಯಾಟಿಂಗ್ ಅದ್ಭುತವಾಗಿದೆ ನಿಜ. ಇದೇ ಲೋವರ್ ಆರ್ಡರ್​ ಬ್ಯಾಟಿಂಗ್​​, ಇದುವರೆಗೆ ಒತ್ತಡದ ಪರಿಸ್ಥಿತಿಗಳನ್ನ ಎದುರಿಸಿಲ್ಲ. 6ನೇ ಕ್ರಮಾಂಕದಲ್ಲಿ ಬ್ಯಾಟ್ ಬೀಸ್ತಿರುವ ಸೂರ್ಯ 6 ಪಂದ್ಯಗಳಿಂದ 77 ಎಸೆತಗಳನ್ನ ಎದುರಿಸಿದ್ರೆ. ಜಡೇಜಾ 96 ಎಸೆತಗಳನ್ನಷ್ಟೇ ಎದುರಿಸಿದ್ದಾರೆ. ಹೀಗಾಗಿ ಇಂದಿನ ಹೈಫ್ರೆಷರ್​ ಗೇಮ್​ನಲ್ಲಿ ಎಲ್ಲಕ್ಕೂ ಇವರು ರೆಡಿ ಇರಬೇಕು.

ವಿಕ್ನೇಸ್ ನಂ.3: ಟೀಮ್ ಇಂಡಿಯಾದ ಬ್ಯಾಟಿಂಗ್ ಡೆಪ್ತ್​ ಇಲ್ಲ..!

ಟೀಮ್ ಇಂಡಿಯಾಗೆ ಬಹುಕಾಲದಿಂದ ಕಾಡ್ತಿರೋ ಸಮಸ್ಯೆಯೇ ಇದು. ಜಡೇಜಾ ಬಳಿಕ ಯಾವೊಬ್ಬ ಬಾಲಂಗೋಚಿ ಕೂಡ ಇನ್ನಿಂಗ್ ಬಿಲ್ಡ್​ ಮಾಡುವ ಸಾಮರ್ಥ್ಯ ಹೊಂದಿಲ್ಲ. ಆದ್ರೆ, ಇದೇ​ ಆಸ್ಟ್ರೇಲಿಯನ್ ತಂಡಕ್ಕೆ ಹೋಲಿಸಿದ್ರೆ, ಪ್ಯಾಟ್ ಕಮಿನ್ಸ್, ಮಿಚೆಲ್ ಸ್ಟಾರ್ಕ್ ಬ್ಯಾಟಿಂಗ್ ಮಾಡಬಲ್ಲ ತಾಕತ್ತು ಹೊಂದಿದ್ದಾರೆ. ಈ ವಿಚಾರದಲ್ಲಿ ಟೀಮ್ ಇಂಡಿಯಾ ಪರಿಸ್ಥಿತಿ ವಿಭಿನ್ನ. ಹೀಗಾಗಿ ಇಂದಿನ ಫೈನಲ್​ ಕದನ ಟೀಮ್ ಇಂಡಿಯಾ ಗೆಲ್ಲಬೇಕಾದ್ರೆ. ಈ ಪ್ರಾಬ್ಲಂಸ್​​ಗೆ ಒಳಗಾಗದಂತೆ ನೋಡಿಕೊಳ್ಳಬೇಕಿದೆ. ಅದೇನೇ ಆಗಲಿ.! ಇಂದಿನ ಫೈನಲ್​ನಲ್ಲಿ ಟೀಮ್ ಇಂಡಿಯಾ ಅದ್ಭುತ ಪ್ರದರ್ಶನ ನೀಡಲಿ, ವಿಶ್ವ ಕಿರೀಟಕ್ಕೆ ಮುತ್ತಿಡಲಿ ಅನ್ನೋದೇ ಭಾರತೀಯ ಕ್ರಿಕೆಟ್ ಅಭಿಮಾನಿಗಳ ಆಶಯ

ವಿಶೇಷ ವರದಿ: ಸಂತೋಷ್

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್