ಕ್ಯಾಪ್ಟನ್​ ರೋಹಿತ್​ ಶರ್ಮಾಗೆ ಶುರುವಾಯ್ತು ಭೀತಿ

ರಾಹುಲ್​ ಫಿಟ್​ ಆಗಲಿಲ್ಲ ಅಂದ್ರೆ ಯಾರು​ ಗತಿ?

ಶ್ರೇಯಸ್​​ ಅಯ್ಯರ್​ ಆಡೋದು ಅನುಮಾನ

ಆಟಗಾರರು ಬರ್ತಿದ್ದಾರೆ.. ಹೋಗ್ತಿದ್ದಾರೆ.. ಕೋಚ್​ ಕೂಡ ಬದಲಾಗಿದ್ದು ಆಯ್ತು.. ಆದ್ರೆ, ಟೀಮ್​ ಇಂಡಿಯಾದ ಈ ಸಮಸ್ಯೆಗೆ ಮಾತ್ರ ಪರಿಹಾರ ಸಿಗ್ತಿಲ್ಲ. ಇದೀಗ ವಿಶ್ವಕಪ್​ ಟೂರ್ನಿಗೆ ಕೌಂಟ್​ಡೌನ್​ ಶುರುವಾಗಿರೋ ಈ ಟೈಮ್​ನಲ್ಲಿ ಮತ್ತೆ ಇದೇ ಸಮಸ್ಯೆ ಟೀಮ್​ ಮ್ಯಾನೇಜ್​ಮೆಂಟ್​​ಗೆ ತಲೆ ನೋವಾಗಿದೆ. ಅಷ್ಟಕ್ಕೂ ಆ ಸಮಸ್ಯೆ ಏನು?

ವಿಶ್ವಕಪ್​ ಮೆಗಾ ಟೂರ್ನಿ ಆರಂಭಕ್ಕೆ ಕೆಲವೇ ದಿನಗಳು ಬಾಕಿ. 12 ವರ್ಷಗಳ ಬಳಿಕ ತವರಿನಲ್ಲಿ ನಡೀತಿರೋ ಪ್ರತಿಷ್ಟೆಯ ಟೂರ್ನಿಯಲ್ಲಿ ಭಾರತ ಚಾಂಪಿಯನ್​ ಪಟ್ಟಕ್ಕೇರಬೇಕು ಅನ್ನೋದು ಅಭಿಮಾನಿಗಳ ಮಹದಾಸೆಯಾಗಿದೆ. ಟೀಮ್​ ಇಂಡಿಯಾ ಆಟಗಾರರು ಹಾಗೂ ಮ್ಯಾನೇಜ್​ಮೆಂಟ್​ನ ಉದ್ದೇಶ ಕೂಡ ಇದೆ. ಟೀಮ್​ ಇಂಡಿಯಾದ ಗುರಿ ಏನೋ ಸ್ಪಷ್ಟವಾಗಿದೆ. ಆದ್ರೆ ಏನ್​ ಮಾಡೋದು ಗ್ರಹಚಾರನೇ ಕೆಟ್ಟಂತಾಗಿದೆ.

ವಿಶ್ವಕಪ್​ಗೂ ಮುನ್ನ ಕಾಡ್ತಿದೆ ನಂ.4ರ ಕಂಟಕ.!

ಶ್ರೇಯಸ್​ ಅಯ್ಯರ್​, ಕೆ.ಎಲ್.ರಾಹುಲ್​ ಫಿಟ್​ನೆಸ್​​ ಉತ್ತರವಿಲ್ಲದ ಪ್ರಶ್ನೆಯಾಗಿ ಉಳಿದಿದೆ. ಶ್ರೇಯಸ್​ ಟೂರ್ನಿಗೆ ಬಹುತೇಕ ಡೌಟ್​​ ಎನ್ನಲಾಗ್ತಿದ್ದು, ರಾಹುಲ್​ ಲಭ್ಯತೆ ಬಗ್ಗೆಯೂ ಸ್ಪಷ್ಟತೆ ಸಿಕ್ಕಿಲ್ಲ. ಒಂದು ವೇಳೆ ಫುಲ್​ ಫಿಟ್​ ಆಗಿ ಆಯ್ಕೆಗೆ ಲಭ್ಯರಾದ್ರೂ, ಮತ್ತೆ ಇಂಜುರಿಗೆ ಒಳಗಾಗೋ ಸಾಧ್ಯತೆಯನ್ನು ತಳ್ಳಿ ಹಾಕುವಂತಿಲ್ಲ. ಹೀಗಾಗಿ ಟೀಮ್​ ಇಂಡಿಯಾಗೆ ಮತ್ತೆ 4ನೇ ಕ್ರಮಾಂಕದ ತಲೆನೋವು ಶುರುವಾಗಿದೆ.

ಕ್ಯಾಪ್ಟನ್​ ರೋಹಿತ್​ ಶರ್ಮಾಗೆ ಕಾಡ್ತಿದೆ ಭೀತಿ

ಈ ಬಾರಿ ವಿಶ್ವಕಪ್​ ಗೆದ್ದೆ ಗೆಲ್ತೀವಿ ಅಂತಿದ್ದ ರೋಹಿತ್​ ಆತ್ಮವಿಶ್ವಾಸ ಇತ್ತೀಚೆಗೆ ಯಾಕೂ ಕುಂದಿದಂತೆ ಕಾಣ್ತಿದೆ. ರೋಹಿತ್​ ಮೊನ್ನೆ ನೀಡಿದ ಫಿಂಗರ್​ ಕ್ರಾಸ್ಡ್​​​ ಅನ್ನೋ​ ಸ್ಟೇಟ್​ಮೆಂಟ್​​ ಇದಕ್ಕೆ ಬೆಸ್ಟ್​ ಎಕ್ಸಾಂಪಲ್​. ಇದೀಗ ಮತ್ತೆ ಮಾತನಾಡಿರೋ ರೋಹಿತ್​, 4ನೇ ಕ್ರಮಾಂಕದ ಸೆಲೆಕ್ಷನ್​ ಬಗ್ಗೆ ಆತಂಕ ವ್ಯಕ್ತಪಡಿಸಿದ್ದಾರೆ. ಯುವರಾಜ್​ ಸಿಂಗ್ ಬಳಿಕ ನಮಗೆ 4ನೇ ಕ್ರಮಾಂಕಕ್ಕೆ ಬೆಸ್ಟ್​ ಬ್ಯಾಟ್ಸ್​ಮನ್​ ಸಿಗಲೇ ಇಲ್ಲ ಎಂದಿರೋ ಹಿಟ್​ಮ್ಯಾನ್​, ತಮಗಿರೋ ಭೀತಿಯನ್ನ ಹೊರ ಹಾಕಿದ್ದಾರೆ. ರೋಹಿತ್​ ಶರ್ಮಾ ಭೀತಿಗೆ ಕಾರಣವಿದೆ. ಯುವರಾಜ್​ ಸಿಂಗ್​ ಕ್ರಿಕೆಟ್​ಗೆ ಗುಡ್​ ಬೈ ಹೇಳಿದ ಬಳಿಕ 4ನೇ ಕ್ರಮಾಂಕಕ್ಕೆ ಅತಿ ಹೆಚ್ಚು ಪ್ರಯೋಗಗಳು ನಡೆದ್ವು. ಅದ್ರಲ್ಲಿ ಸಕ್ಸಸ್​ಗಿಂತ, ಫೇಲ್ಯೂರ್​​ನ ರಿಸಲ್ಟ್​ ಸಿಕ್ಕಿದ್ದೇ ಹೆಚ್ಚು. ಈಗ ಇರೋದ್ರಲ್ಲಿ ಒಕೆ ಅಂದವರೂ ಕೂಡ ವಿಶ್ವಕಪ್​ ಆಡೋದು ಅನುಮಾನವಾಗಿದೆ.

2019ರ ವಿಶ್ವಕಪ್​ ಬಳಿಕ 4ನೇ ಕ್ರಮಾಂಕ

2019ರ ವಿಶ್ವಕಪ್​ ಬಳಿಕ ಏಕದಿನ ಮಾದರಿಯಲ್ಲಿ 4 ಕ್ರಮಾಂಕದಲ್ಲಿ 4 ಇನ್ನಿಂಗ್ಸ್​ಗಳನ್ನಾಡಿರುವ ರಾಹುಲ್​ ಬರೋಬ್ಬರಿ 63ರ ಸರಾಸರಿಯಲ್ಲಿ 189 ರನ್​ಗಳಿಸಿದ್ದಾರೆ. ಶ್ರೇಯಸ್​​ ಆಡಿದ 20 ಇನ್ನಿಂಗ್ಸ್​ಗಳಲ್ಲಿ 47.85ರ ಸರಾಸರಿಯಲ್ಲಿ 805 ರನ್​ಗಳಿಸಿದ್ದಾರೆ. ವಿಶ್ವಕಪ್​ಗೆ ಇವರಿಬ್ಬರ ಲಭ್ಯತೆ ಬಗ್ಗೆ ಸ್ಪಷ್ಟತೆಯಿಲ್ಲ. 11 ಇನ್ನಿಂಗ್ಸ್​ಗಳಲ್ಲಿ 36ರ ಸರಾಸರಿಯಲ್ಲಿ 360 ರನ್​​ಗಳಿಸಿ ಓಕೆ ಓಕೆ ಅನಿಸಿದ್ದ ರಿಷಭ್ ಪಂತ್​ ಕೂಡ ವಿಶ್ವಕಪ್​ ಆಡಲ್ಲ.. ಇದೇ ನೋಡಿ ರೋಹಿತ್​ ಟೆನ್ಶನ್​ ಹೆಚ್ಚಿಸಿರೋದು..

ಸಂಜು vs ಇಶಾನ್​, ಯಾರು ಬೆಸ್ಟ್​.?

ಟೀಮ್​ ಇಂಡಿಯಾ ಮ್ಯಾನೇಜ್​ಮೆಂಟ್​ ಈಗಾಗಲೇ ಸಂಭಾವ್ಯ ತಂಡವನ್ನು ಫೈನಲ್​ ಮಾಡಿದೆ. ಅದರ ಪ್ರಕಾರ ಬ್ಯಾಕ್​ ಅಪ್​ ಆಟಗಾರರನ್ನಾಗಿ ಸಂಜು ಸ್ಯಾಮ್ಸನ್​ ಹಾಗೂ ಇಶಾನ್​ ಕಿಶನ್​ಗೆ ಮಣೆ ಹಾಕೋ ಲೆಕ್ಕಾಚಾರವಿದೆ. ಒಂದು ವೇಳೆ ರಾಹುಲ್​ ಫಿಟ್​ ಆಗ್ಲಿಲ್ಲ ಅಂದ್ರೆ ಮೇನ್​ ಸ್ಕ್ಯಾಡ್​​ಗೆ ಎಂಟ್ರಿ ಕೊಡೋಕೆ ಇವರಿಬ್ಬರ ನಡುವೆ ಪೈಪೋಟಿಯಿದೆ.

ಇಶಾನ್​ ಕಿಶನ್​ಗೆ ಖುಲಾಯಿಸುತ್ತಾ ಅದೃಷ್ಟ.?

ಕಳಪೆ ಫಾರ್ಮ್​ನಲ್ಲಿರೋ ಸಂಜು ಸ್ಯಾಮ್ಸನ್​ಗಿಂತ, ಸ್ಫೋಟಕ ಆಟವಾಡ್ತಿರೋ ಇಶಾನ್ ಕಿಶನ್​ ಆಯ್ಕೆ ರೇಸ್​ನಲ್ಲಿ ಮುಂಚೂಣಿಯಲ್ಲಿದ್ದಾರೆ. 4ನೇ ಕ್ರಮಾಂಕದಲ್ಲಿ ಆಡಿದ ಅನುಭವ ಇಶಾನ್​ ಕಿಶನ್​ಗಿದೆ. ಜೊತೆಗೆ ಕಿಶನ್​ 4TH SLOTನಲ್ಲಿ ಕಣಕ್ಕಿಳಿದ್ರೆ, ಪ್ಲೇಯಿಂಗ್​ ಇಲೆವೆನ್​ಗೆ ಪರ್ಫೆಕ್ಟ್​ ಬ್ಯಾಲೆನ್ಸ್​ ಕೂಡ ಸಿಗಲಿದೆ. ಹೀಗಾಗಿ ಕಿಶನ್​ಗೆ ಅದೃಷ್ಟ ಖುಲಾಯಿಸೋ ಸಾಧ್ಯತೆ ದಟ್ಟವಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್