3ನೇ ಟಿ20 ಪಂದ್ಯದಲ್ಲಿ ಭಾರತಕ್ಕೆ ಭರ್ಜರಿ ಜಯ

ಪೂರನ್​ ಆಟಕ್ಕೆ ಕುಲ್​ದೀಪ್​ ಯಾದವ್​ ಬ್ರೇಕ್​​

ಅದ್ಭುತ ಆಟವಾಡಿದ ಯಂಗ್​ಗನ್​ ತಿಲಕ್​ವರ್ಮಾ.!

ಟೀಮ್​ ಇಂಡಿಯಾದ ಆಲ್​ರೌಂಡ್​ ಆಟಕ್ಕೆ ಕೆರಿಬಿಯನ್ ಪಡೆ ನಿನ್ನೆ ಬೆಚ್ಚಿಬಿತ್ತು. ಬೌಲಿಂಗ್​ನಲ್ಲಿ ಕುಲ್​ದೀಪ್​ ಕಮಾಲ್​ ಮಾಡಿದ್ರೆ, ಬ್ಯಾಟಿಂಗ್​ನಲ್ಲಿ ಸೂರ್ಯ ಸೂಪರ್​ ಆಟವಾಡಿದ್ರು. ಇಂಡೋ-ವಿಂಡೀಸ್​ 2ನೇ ಟಿ20 ಕದನ ಹೇಗಿತ್ತು ಅನ್ನೋದ್ರ ವಿವರ ಈ ಸ್ಟೋರಿಯಲ್ಲಿದೆ.

ವಿಂಡೀಸ್​ ವಿರುದ್ಧ ಟಿ20 ಸರಣಿಯಲ್ಲಿ ಟೀಮ್​ ಇಂಡಿಯಾ ಬೌನ್ಸ್​ ಬ್ಯಾಕ್​ ಮಾಡಿದೆ. ಅಸಲಿ ಖದರ್​ಗೆ ಮರಳಿದ ಹಾರ್ದಿಕ್​ ಪಡೆ ಭರ್ಜರಿ ಗೆಲುವು ದಾಖಲಿಸಿದೆ. ಈ ಮೂಲಕ ಸರಣಿಯನ್ನು ಜೀವಂತವಾಗಿರಿಸಿಕೊಳ್ಳುವಲ್ಲಿ ಯಶಸ್ಸಿಯಾಗಿದೆ. ಟಾಸ್​ ಗೆದ್ದು ಬ್ಯಾಟಿಂಗ್​ ಆಯ್ದುಕೊಂಡ ವೆಸ್ಟ್​ ಇಂಡೀಸ್​​ ಭರ್ಜರಿ ಓಪನಿಂಗ್​ ಪಡೆದುಕೊಳ್ತು. ಆರಂಭಿಕರಾದ ಬ್ರೆಂಡನ್​ ಕಿಂಗ್​, ಕೈಲ್​ ಮೆಯರ್ಸ್​​ ಅರ್ಧಶತಕ ಜೊತೆಯಾಟವಾಡಿದ್ರು. ಬಿಗ್​ಸ್ಕೋರ್​ ಕಲೆ ಹಾಕೋ ಸೂಚನೆ ನೀಡಿದ ಈ ಜೋಡಿಗೆ ಬ್ರೇಕ್​ ಹಾಕುವಲ್ಲಿ ಅಕ್ಷರ್​ ಪಟೇಲ್​ ಸಕ್ಸಸ್​​ ಕಂಡ್ರು. 25 ರನ್​ಗಳಿಸಿ ಕೈಲ್​ ಮೆಯರ್ಸ್​​ ಔಟ್​ ಆದ್ರು.

ಪೂರನ್​ ಆಟಕ್ಕೆ ಕುಲ್​ದೀಪ್​ ಯಾದವ್​ ಬ್ರೇಕ್​​..!

ಆ ಬಳಿಕ ಕಣಕ್ಕಿಳಿದ ಚಾರ್ಲ್ಸ್​​​ 12 ರನ್​ಗಳಿಗೆ ಆಟ ಮುಗಿಸಿದ್ರೆ, ಕಳೆದ 2 ಪಂದ್ಯದಲ್ಲಿ ಸ್ಫೋಟಕ ಆಟವಾಡಿದ್ದ ನಿಕೊಲಸ್​ ಪೂರನ್​ಗೆ ಕುಲ್​ದೀಪ್​ ಯಾದವ್​​ ಪೆವಿಲಿಯನ್​ ದಾರಿ ತೋರಿಸಿದ್ರು. 5 ಬೌಂಡರಿ, 1 ಸಿಕ್ಸರ್​​​ ಸಿಡಿಸಿ 42 ಬ್ರೆಂಡನ್​ ಕಿಂಗ್​ ಆಟ ಕೂಡ 42 ರನ್​ಗಳಿಗೆ ಅಂತ್ಯವಾಯ್ತು. ಶಿಮ್ರಾನ್​​ ಹೆಟ್ಮೆಯರ್​​ 9 ರನ್​ಗಳಿಸಿ ನಿರ್ಗಮಿಸಿದ್ರು.

ಪೊವೆಲ್ ಸ್ಫೋಟಕ ಆಟ, ಭಾರತಕ್ಕೆ 160 ರನ್ ಟಾರ್ಗೆಟ್​

ಅಂತಿಮ ಹಂತದಲ್ಲಿ ನಾಯಕ ರೊವ್​ಮನ್​ ಪೊವೆಲ್​ ಸ್ಫೋಟಕ ಆಟವಾಡಿದ್ರು. 210.53ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್​ ಬೀಸಿದ ಪೊವೆಲ್​ ಅಜೇಯ 40 ರನ್​ಗಳಿಸಿದ್ರು. ಪರಿಣಾಮ ವಿಂಡೀಸ್​​ 20 ಓವರ್​ಗಳಲ್ಲಿ 5 ವಿಕೆಟ್​ ಕಳೆದುಕೊಂಡು, 159 ರನ್​ಗಳಿಸ್ತು.

ಆರಂಭದಲ್ಲಿ ಮುಗ್ಗರಿಸಿದ ಟೀಮ್​ ಇಂಡಿಯಾ..!

160 ರನ್​ಗಳ ಟಾರ್ಗೆಟ್​ ಬೆನ್ನತ್ತಿದ ಟೀಮ್​ ಇಂಡಿಯಾ ಕೆಟ್ಟ ಆರಂಭ ಪಡೆದುಕೊಳ್ತು. ಡೆಬ್ಯೂಟಂಟ್​ ಯಶಸ್ವಿ ಜೈಸ್ವಾಲ್​, ಶುಭ್​ಮನ್​ ಗಿಲ್​ ಸಿಂಗಲ್​ ಡಿಜಿಟ್​​ ಸ್ಕೋರ್​ಗೆ ಔಟ್​ ಆದ್ರು.

ಸೂಪರ್​ ಸೂರ್ಯನ ಆಟಕ್ಕೆ ವಿಂಡೀಸ್​ ಉಡೀಸ್​

34 ರನ್​ಗಳಿಸುವಷ್ಟರಲ್ಲೇ 2 ವಿಕೆಟ್​ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ್ದ ಸಂದರ್ಭದಲ್ಲಿ ಕಣಕ್ಕಿಳಿದ ಸೂರ್ಯ ಕುಮಾರ್​​ ಯಾದವ್​ ಸ್ಫೋಟಕ ಆಟವಾಡಿದ್ರು. 10 ಬೌಂಡರಿ, 4 ಸಿಕ್ಸರ್​​ ಸಿಡಿಸಿ ಸೂಪರ್​​ ಆಟವಾಡಿದ ಸೂರ್ಯ ಕುಮಾರ್​​, 83 ರನ್​ಗಳ ಭರ್ಜರಿ ಇನ್ನಿಂಗ್ಸ್​​ ಕಟ್ಟಿದ್ರು.

ಅದ್ಭುತ ಆಟವಾಡಿದ ಯಂಗ್​ಗನ್​ ತಿಲಕ್​ವರ್ಮಾ

ಸೂರ್ಯ ಕುಮಾರ್​ ಯಾದವ್​ಗೆ ಯಂಗ್​ಗನ್​ ತಿಲಕ್​ ವರ್ಮಾ ಸಾಲಿಡ್​ ಸಾಥ್​ ನೀಡಿದ್ರು. ಅದ್ಭುತ ಆಟವಾಡಿದ ತಿಲಕ್​ ವರ್ಮಾ, ಅಜೇಯ 49 ರನ್​ಗಳಿಸಿದ್ರು. ತಿಲಕ್​ ವರ್ಮಾ ಜೊತೆಗೆ ಕ್ಯಾಪ್ಟನ್​ ಹಾರ್ದಿಕ್​ ಪಾಂಡ್ಯ ಅಜೇಯ 20 ರನ್​ಗಳಿಸೋದ್ರೊಂದಿಗೆ ಟೀಮ್​ ಇಂಡಿಯಾ 7 ವಿಕೆಟ್​ಗಳ ಭರ್ಜರಿ ಗೆಲುವು ದಾಖಲಿಸ್ತು. ಇದ್ರೊಂದಿಗೆ ಸರಣಿ ಜೀವಂತವಾಗುಳಿಯಿತು.

ವಿಶೇಷ ಸೂಚನೆ: ಕ್ರಿಕೆಟ್​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್