ಬಹುನಿರೀಕ್ಷಿತ 2023ರ ಏಕದಿನ ವಿಶ್ವಕಪ್​​ ಟೂರ್ನಿ

ಕೊನೇ ಪಂದ್ಯದಲ್ಲಿ ಗೆದ್ದು ಬೀಗಿದ ಟೀಮ್​ ಇಂಡಿಯಾ

ಬೌಲಿಂಗ್​ನಲ್ಲೂ ಕ್ಯಾಪ್ಟನ್​ ರೋಹಿತ್​, ಕೊಹ್ಲಿ ಕಮಾಲ್​​

ಇಂದು ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆದ ಏಕದಿನ ಐಸಿಸಿ ವಿಶ್ವಕಪ್​​ ಕೊನೇ ಪಂದ್ಯದಲ್ಲಿ ನೆದರ್ಲ್ಯಾಂಡ್​​ ವಿರುದ್ಧ ಟೀಂ ಇಂಡಿಯಾ ಗೆದ್ದು ಬೀಗಿದೆ. ಬರೋಬ್ಬರಿ 160 ರನ್​​ಗಳ ಪ್ರಚಂಡ ಗೆಲುವು ಸಾಧಿಸಿದೆ.

ಇನ್ನು, ಟೀಂ ಇಂಡಿಯಾ ನೀಡಿದ 411 ರನ್​​ಗಳ ಬೃಹತ್​​ ಮೊತ್ತದ ಗುರಿ ಬೆನ್ನತ್ತಿದ ನೆದರ್ಲ್ಯಾಂಡ್​ 47.5 ಓವರ್​​ನಲ್ಲಿ 250 ರನ್​ಗೆ ಆಲೌಟ್​ ಆಗಿದೆ. ಮ್ಯಾಕ್ಸ್​ ಓಡೋಡ್​​ 30, ಅಕ್ಕರ್​ಮನ್​​ 35, ಸಿಬ್ರ್ಯಾಂಡ್​​ 45, ತೇಜ ನಿಡಮನೂರು 54 ರನ್​ ಗಳಿಸಿದ್ರು. ಭಾರತ ತಂಡದ ಪರ ಬೂಮ್ರಾ, ಸಿರಾಜ್​​, ಕುಲ್ದೀಪ್​ ಯಾದವ್​​ ಮತ್ತು ರವೀಂದ್ರ ಜಡೇಜಾ ತಲಾ 2 ವಿಕೆಟ್​ಗಳು ತೆಗೆದರು. ಕೊಹ್ಲಿ, ರೋಹಿತ್​ ಕೂಡ ತಲಾ 1 ವಿಕೆಟ್​ ಪಡೆದರು.

ಟಾಸ್​ ಗೆದ್ದ ರೋಹಿತ್​ ಪಡೆ ಬ್ಯಾಟಿಂಗ್​ ಆಯ್ದುಕೊಂಡಿತ್ತು. 4 ವಿಕೆಟ್ ಕಳೆದುಕೊಂಡ​ ಟೀಂ ಇಂಡಿಯಾ ದೊಡ್ಡ ಮೊತ್ತ ಸಂಪಾದಿಸುವ ಮೂಲಕ ನೆದರ್​ಲ್ಯಾಂಡ್​ಗೆ ಜಯದ ಸವಾಲೊಡ್ಡಿತ್ತು.
ಶ್ರೇಯಸ್​ ಐಯ್ಯರ್​ 94 ಎಸೆತಕ್ಕೆ 128 ರನ್​ ಬಾರಿಸುವ ಮೂಲಕ ಕ್ರಿಕೆಟ್​ ಪ್ರಿಯರನ್ನು ಸಂತಸದಲ್ಲಿ ತೇಲಾಡುವಂತೆ ಮಾಡಿದ್ದಾರೆ.

10 ಫೋರ್​, 5 ಸಿಕ್ಸ್​ ಬಾರಿಸುವ ಮೂಲಕ ಫ್ಯಾನ್ಸ್​ ಮನತಣಿಸಿದ್ದಾರೆ. ರಾಹುಲ್​ ಕೂಡ ತವರಿನಲ್ಲಿ ತನ್ನ ಶಕ್ತಿ ಪ್ರದರ್ಶನ ತೋರಿಸಿದ್ದು, 64 ಎಸೆತಕ್ಕೆ 4 ಸಿಕ್ಸ್​, 11 ಫೋರ್​ ಬಾರಿಸುವ ಮೂಲಕ 102 ರನ್​ ಬಾರಿಸಿದ್ದಾರೆ.

ಇನ್ನು ಆರಂಭಿಕ ಆಟಗಾರ ರೋಹಿತ್​ ಶರ್ಮಾ 61 ರನ್​ ಬಾರಿಸುವ ಮೂಲಕ ಬಾಸ್​ ದೆ ಲೇಡೆ ಬೌಲ್​ಗೆ ವಿಕೆಟ್​ ಒಪ್ಪಿಸಿದರು. ಬೆಟ್ಟದಷ್ಟು ನಿರೀಕ್ಷೆ ಹೊತ್ತುಕೊಂಡಿದ್ದ ಕಿಂಗ್​ ಕೊಹ್ಲಿ ಮತ್ತು ಶುಭ್ಮನ್​ ಗಿಲ್​ ಅರ್ಧ ಶತಕಕ್ಕೆ ಬ್ಯಾಟಿಂಗ್​ ನಿಲ್ಲಿಸಿದರು. ಒಟ್ಟಿನಲ್ಲಿ ಟೀಂ ಇಂಡಿಯಾ 410 ರನ್ ಗಳಿಸಿ ಬೃಹತ್​​ ಟಾರ್ಗೆಟ್​ ನೀಡಿತ್ತು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ