ಚುನಾವಣೆ ಱಲಿಯ ಭಾಷಣದ ವೇಳೆ ನಿದ್ದೆಗೆ ಜಾರಿದ ಸಚಿವ

ಎಲೆಕ್ಷನ್​ಗೆ ಇನ್ನೇನು ಕೆಲವೇ ದಿನಗಳು ಬಾಕಿ, ಕ್ಷೇತ್ರಗಳಲ್ಲಿ ಪ್ರಚಾರ

ಱಲಿಯಲ್ಲಿ ನಿದ್ದೆ ಮಾಡಿದ ಸಚಿವರ ವಿಡಿಯೋ ಫುಲ್ ವೈರಲ್

ಹೈದರಾಬಾದ್: ತೆಲಂಗಾಣದ ರಾಜಕೀಯ ನಾಯಕರು ಮತದಾರ ಪ್ರಭುಗಳನ್ನು ಸೆಳೆಯಲು ಪ್ರಚಾರದಲ್ಲಿ ಮುಳುಗಿದ್ದಾರೆ. ಮತದಾನಕ್ಕೆ ಕೆಲವೇ ದಿನಗಳು ಉಳಿದಿದ್ದರಿಂದ ವಿವಿಧ ಪಕ್ಷಗಳ ನಾಯಕರು ವಿಧಾನಸಭಾ ಕ್ಷೇತ್ರಗಳಲ್ಲಿ ಮಿಂಚಿನ ಸಂಚಾರ ನಡೆಸುತ್ತಿದ್ದಾರೆ. ಈ ಪ್ರಚಾರ ಭರಾಟೆಯ ಮಧ್ಯೆ ಎಲೆಕ್ಷನ್​ ಕ್ಯಾಂಪೇನ್ ವೇಳೆ ತೆಲಂಗಾಣದ ಸಚಿವ ಗಂಗುಲು ಕಮಲಾಕರ್​ ರೆಡ್ಡಿ ಅವರು ನಿದ್ದೆಗೆ ಜಾರಿರುವ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ.

ಸಚಿವ ಗಂಗುಲು ಕಮಲಾಕರ್​ ರೆಡ್ಡಿ, ಚುನಾವಣೆ ಸಮಾವೇಶದ ಭಾಷಣದ ವೇಳೆ ನಿದ್ದೆಗೆ ಜಾರಿದ್ದಾರೆ. ರಾಜ್ಯ ವಿಧಾನಸಭೆ ಚುನಾವಣೆಗೆ ಕೆಲವೇ ದಿನಗಳು ಬಾಕಿ ಉಳಿದಿದ್ದು, ಎಲ್ಲ ಪಕ್ಷಗಳು ಭರ್ಜರಿ ಪ್ರಚಾರ ನಡೆಸಿ ಮತದಾನ ಪ್ರಭುಗಳನ್ನು ಸೆಳೆಯಲು ಸಾಕಷ್ಟು ಪ್ರಯತ್ನ ಮಾಡುತ್ತಿದ್ದಾರೆ. ಆದರೆ ಬಿಆರ್​​ಎಸ್​​ ಪಕ್ಷದ ಸಚಿವ ಗಂಗುಲು ಕಮಲಾಕರ್​​ ಚುನಾವಣಾ ಪ್ರಚಾರದಲ್ಲೂ ಗಡದ್ ನಿದ್ದೆಯಲ್ಲಿ ತೇಲಾಡುತ್ತಿದ್ದಾರೆ.

సాలు గంగుల ఇక లే గంగుల 😅#SaaluGangulaSelavuGangula pic.twitter.com/GmhIUYhO2M

— Thejaswini🚩 (@Himalayan_Bee) November 16, 2023

ಅದು ಬೇರೆ ಱಲಿಯಲ್ಲಿ ಭಾಷಣ, ಶಿಳ್ಳೆ, ಕೇಕೆ, ಫುಲ್ ಗಲಾಟೆ ಈ ಎಲ್ಲದರ ನಡುವೆಯು ಸಚಿವರು ನಿದ್ದೆ ಮಾಡುತ್ತಿರುವುದು ಎಲ್ಲರಿಗೂ ಆಶ್ಚರ್ಯನ್ನು ಮೂಡಿಸಿದೆ. ರೋಡ್ ಶೋ ನಡುವೆ ತೂಕಡಿಸಿದ್ದಾರೆ. ನಡು ನಡುವೆ ನಿದ್ರೆಯಿಂದ ಎದ್ದ ಸಚಿವರು ದೊಡ್ಡದಾಗಿ ಬಾಯಿ ತೆರೆದು ಆಕಳಿಸಿರುವ ದೃಶ್ಯ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು ಸೋಷಿಯಲ್​ ಮಿಡಿಯಾದಲ್ಲಿ ಕೆಲವೊಬ್ಬರು ಇದನ್ನು ಟ್ರೋಲ್ ಮಾಡುತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ