ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್​ ಹಂಚಿಕೊಂಡ ನಟಿ

ಅಂದು ಪೂನಂ ಪಾಂಡೆಯಂತೆ ಹೇಳಿಕೆ ನೀಡಿದ ಮತ್ತೋರ್ವ ನಟಿ

ವಿಶ್ವಕಪ್​ನಲ್ಲಿ ಟೀಂ ಇಂಡಿಯಾ ಗೆಲ್ಲುವ ಕನಸು ಕಾಣುತ್ತಿರುವ ಫ್ಯಾನ್ಸ್​

ರೋಹಿತ್​ ಪಡೆ ನ್ಯೂಜಿಲೆಂಡ್​ ವಿರುದ್ಧ ಸೆಮಿಫೈನಲ್​ನಲ್ಲಿ ಗೆದ್ದು ಬೀಗಿದೆ. ಫೈನಲ್​ಗೆ ಪ್ರವೇಶ ಪಡೆದಿರುವ ಟೀಂ ಇಂಡಿಯಾ ವಿಶ್ವಕಪ್​ ಟ್ರೋಪಿಗೆ ಮುತ್ತಿಕುವುದೊಂದೇ ಬಾಕಿ ಇದೆ. ನವೆಂಬರ್ 19ರಂದು ಫೈನಲ್​ ಪಂದ್ಯ ನಡೆಯಲಿದ್ದು ಕ್ರಿಕೆಟ್​ ಅಭಿಮಾನಿಗಳು ಈ ಪಂದ್ಯಕ್ಕಾಗಿ ತುದಿಗಾಲಿನಲ್ಲಿ ಕಾಯುತ್ತಿದ್ದಾರೆ. ಹೀಗಿರುವಾಗ ನಟಿಯೊಬ್ಬರು ಟೀಂ ಇಂಡಿಯಾ ಟ್ರೋಫಿ ಗೆದ್ದರೆ ಬೀಚ್​​ನಲ್ಲಿ ನಗ್ನಲಾಗಿ ಓಡಾಡುತ್ತೇನೆ ಎಂದು ಹೇಳಿದ್ದಾರೆ.

ಪೂನಂ ಪಾಂಡೆ 2011ರಲ್ಲಿ ಭಾರತ ವಿಶ್ವಕಪ್ ಗೆದ್ದರೆ ಬೆತ್ತಲೆಯಾಗಿ ತಿರುಗಾಡುತ್ತೇನೆ ಎಂದು ಹೇಳಿದ್ದರು. ಆದರೆ ಟೀಂ ವಿಶ್ವಕಪ್​ ಗೆದ್ದ ಬಳಿಕ ಪೂನಂ ಪಾಂಡೆ ಸುಮ್ಮನಾದರು. ಈ ವಿಚಾರಕ್ಕೆ ದೊಡ್ಡ ಮಟ್ಟದಲ್ಲಿ ಟ್ರೋಲ್​ ಕೂಡ ಆದರು. ಇದೀಗ ತೆಲುಗು ನಟಿಯೊಬ್ಬರು ಅಂತಹದ್ದೇ ವಿವಾದಾತ್ಮಕ ಹೇಳಿಕೆ ನೀಡಿ ಈಗ ಸುದ್ದಿಯಾಗಿದ್ದಾರೆ.

ವಿಶಾಖಪಟ್ಟಣ ಮೂಲದ ತೆಲುಗು ನಟಿ ರೇಖಾ ಬೋಸ್​​ ಕೂಡ ಪೂನಂ ಪಾಂಡೆಯಂತೆ ಹೇಳಿಕೆ ನೀಡಿದ್ದಾರೆ. ಭಾರತ ವಿಶ್ವಕಪ್​ ಗೆದ್ದರೆ ವಿಶಾಖಪಟ್ಟಣಂ ಬೀಚ್​ನಲ್ಲಿ ಬೆತ್ತಲೆಯಾಗಿ ಓಡಾಡುತ್ತೇನೆ ಎಂದು ಹೇಳಿದ್ದಾರೆ. ಸ್ವತಃ ಸಾಮಾಜಿಕ ಜಾಲತಾಣದಲ್ಲಿ ಈ ವಿಚಾರವನ್ನು ಹಂಚಿಕೊಂಡಿದ್ದಾರೆ.

ನಟಿ ರೇಖಾ ಇದೇ ಮೊದಲಲ್ಲ. ಇದಕ್ಕೂ ಮುನ್ನ ಹಲವು ವಿವಾದಾತ್ಮಕ ವಿಚಾರದ ಮೂಲಕ ಸುದ್ದಿಯಾಗುತ್ತಾ ಬಂದಿದ್ದಾರೆ. ಮಾಂಗಲ್ಯಂ, ಶ್ವಾತಿ ಚಿನುಕು, ರಂಗೀಲಾ, ಕಾಲಯ ತಸ್ಮೈ ನಮಃ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಟೀಂ ಇಂಡಿಯಾದ ವಿಶ್ವಕಪ್​ ಗೆದ್ದರೆ ಬೆತ್ತಲಾಗಿ ಓಡಾಡುತ್ತೇನೆ ಎಂದು ಬರೆದುಕೊಂಡು ಪೋಸ್ಟ್​ ಹಂಚಿಕೊಂಡಿದ್ದಾರೆ. ​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ