ಪತಿರಾಯನ ಹುಚ್ಚಾಟಕ್ಕೆ ಪರಲೋಕ ಸೇರಿದ ಪಾಪದ ಪತ್ನಿ

ಆಸ್ಪತ್ರೆಗೆ ಹೋಗದೇ ಆವಿಷ್ಕಾರಕ್ಕೆ ಮುಂದಾಗಿದ್ದ ಮಾದೇಶ

ಹೊಕ್ಕಳಬಳ್ಳಿ ಕತ್ತರಿಸುವ ಹೊತ್ತಲ್ಲಿ ಅರಿವಿಲ್ಲದೇ ಯಡವಟ್ಟು

ಇವಾಗೆನಿದ್ರೂ ಯೂಟ್ಯೂಬ್​ ದುನಿಯಾ. ಅಡುಗೆ ಮಾಡೋಕು ಯೂಟ್ಯೂಬ್. ಮೇಕಪ್​ ಮಾಡೋಕು ಯೂಟ್ಯೂಬ್. ಎಲ್ಲದಕ್ಕೂ ಯೂಟ್ಯೂಬ್. ಹೀಗೆ ಇರೋ ಬರೋದನ್ನೆಲ್ಲ ಯೂಟ್ಯೂಬ್ ನೋಡಿ ಮಾಡ್ತೀವಿ ಅಂದ್ರೆ ಒಂದು ಹೋಗಿ ಮತ್ತೊಂದಾಗುತ್ತೆ. ಸದ್ಯ ಇಲ್ಲಾಗಿದ್ದು ಅದೇ ನೋಡಿ. ಯೂಟ್ಯೂಬ್ ನೋಡಿ ಡಾಕ್ಟರ್​ ಆಗಲು ಹೊರಟ ಆಸಾಮಿ. ಆದ್ರೆ ನೋಡೋದೆಲ್ಲಾ ನೋಡಿ ಅದನ್ನ ಪ್ರಾಕ್ಟಿಕಲ್​ ಆಗಿ ಮಾಡಲು ಹೋದ ಈತ, ಮೆಚ್ಚಿನ ಮಡದಿಗೆ ಯಮನಾಗಿಬಿಟ್ಟಿದ್ದಾನೆ.

ಯೂಟ್ಯೂಬ್ ನೋಡಿ ಪತ್ನಿಗೆ ಡೆಲಿವರಿ ಮಾಡಿಸಿದ ಪತಿರಾಯ!

ಈತನ ಹೆಸರು ಮಾದೇಶ ಅಂತ. ತಮಿಳುನಾಡಿನ ಪೊಚಂಪಳ್ಳಿಯವನಾಗಿರೋ ಈತನ ಪತ್ನಿ ತುಂಬು ಗರ್ಭಿಣಿಯಾಗಿದ್ಲು.

ಡೆಲಿವರಿ ಬಳಿಕ ಮಾದೇಶನ ಪತ್ನಿ ಸಾವು, ಮಗು ಸೇಫ್​

ನಿನ್ನೆ ಈ ಮಾದೇಶನ ಪತ್ನಿಗೆ ಹೆರಿಗೆ ನೋವು ಕಾಣಿಸಿಕೊಂಡಿತ್ತು. ಆದ್ರೆ ಆಸ್ಪತ್ರೆಗೆ ಕರೆದೊಯ್ದು ಪತ್ನಿಗೆ ಹೆರಿಗೆ ಮಾಡಿಸಬೇಕಿದ್ದ ಈತ ಹೊಸ ಆವಿಷ್ಕಾರಕ್ಕೆ ಮುಂದಾಗಿದ್ದ. ಮೊಬೈಲ್​ನಲ್ಲಿ ಯೂಟ್ಯೂಬ್ ವಿಡಿಯೋ ನೋಡಿಕೊಂಡು ತಾನೇ ಡೆಲಿವರಿ ಮಾಡಿಸಲು ಮುಂದಾಗಿದ್ದ. ಯೂಟ್ಯೂಬ್ ಡೆಲಿವರಿಯಲ್ಲಿ ಸಕ್ಸಸ್​ ಆಗಿದ್ದ ಈ ಮಾದೇಶ ಕೊನೆಯ ಹೆಜ್ಜೆಯಲ್ಲಿ ಎಡವಿಬಿಟ್ಟಿದ್ದ. ಮಗು ಆಚೆ ಬಂದ ಬಳಿಕ ಹೊಕ್ಕಳಬಳ್ಳಿ ಕತ್ತರಿಸುವ ಹೊತ್ತಲ್ಲಿ ಅರಿವಿಲ್ಲದೇ ಎಡವಟ್ಟು ಮಾಡಿದ್ದ. ಪರಿಣಾಮ ತೀವ್ರ ರಕ್ತಸ್ರಾವ ಉಂಟಾಗಿ ಮಾದೇಶನ ಪತ್ನಿ ಉಸಿರು ಚೆಲ್ಲಿದ್ಲು. ಆದರೆ ಮಗು ಮಾತ್ರ ಸೇಫ್​ ಆಗಿ ತಾಯಿಯ ಮಡಿಲಲ್ಲಿ ಮಲಗಿತ್ತು. ಮಾದೇಶನ ಪತ್ನಿ ಸಾವನ್ನಪ್ಪಿರೋ ಬಗ್ಗೆ ವಿಷಯ ತಿಳಿಯುತ್ತಿದ್ದಂತೆ ಸ್ಥಳಕ್ಕಾಗಮಿಸಿದ ಪೊಲೀಸರು ಆತನ್ನ ಅರೆಸ್ಟ್​ ಮಾಡಿದ್ರು.

ಒಟ್ಟಿನ ಲ್ಲಿ ಯೂಟ್ಯೂಬ್ ನೋಡಿ ಹೆಂಡತಿಗೆ ಡೆಲಿವರಿ ಮಾಡಿಸಿ ಹಣ ಉಳಿಸ್ತೀನಿ ಅಂತ ಹೊರಟ ಪತಿರಾಯ ಪತ್ನಿ ಪಾಲಿಗೆ ಕೊಲೆಗಾರನಾಗಿದ್ದಾನೆ. ಪತಿಯ ಹುಚ್ಚಾಟಕ್ಕೆ ಸಾಥ್​ ನೀಡಿ ಕಂದನ ನೋಡುವ ತವಕದಲ್ಲಿದ್ದ ಪಾಪದ ಪತ್ನಿ ಬಾರದ ಲೋಕಕ್ಕೆ ಪಯಣಿಸಿದ್ದಾಳೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ