ಡಾಲಿ ಧನಂಜಯ್ ನಟನೆಯ ಟಗರು ಪಲ್ಯ ಚಿತ್ರದಲ್ಲಿ ಅಭಿನಯಿಸಿದ ಟಗರು

ಟಗರು ಪರ ಫ್ಯಾನ್ಸ್​​ ಭರ್ಜರಿ ಅಭಿಯಾನದ ಬೆನ್ನಲ್ಲೇ ಎಚ್ಚೆತ್ತುಕೊಂಡ ಮಾಲೀಕ

ಮಾಲೀಕನ ನಿರ್ಧಾರಕ್ಕೆ 7 ಸ್ಟಾರ್ ಸುಲ್ತಾನ್​​ ಫ್ಯಾನ್ಸ್​​ಗಳಿಂದ ಉತ್ತಮ ಪ್ರಶಂಸೆ

ಬಾಗಲಕೋಟೆ: ‘ಟಗರು ಪಲ್ಯ’ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದ 7 ಸ್ಟಾರ್ ಸುಲ್ತಾನ್​​ ಖ್ಯಾತಿಯ ಟಗರು ಮಾಲೀಕನ ವಿರುದ್ಧ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವಿರೋಧ ವ್ಯಕ್ತವಾಗುತ್ತಿತ್ತು. ಡಾಲಿ ಧನಂಜಯ್ ಅಭಿನಯದ ಟಗರು ಪಲ್ಯ ಚಿತ್ರದಲ್ಲಿ 7 ಸ್ಟಾರ್ ಸುಲ್ತಾನ್​​ ಖ್ಯಾತಿಯ ಟಗರು ಕಾಣಿಸಿಕೊಂಡಿತ್ತು. ಎರಡೂವರೆ ವರ್ಷಗಳ ಹಿಂದೆ ಮೊಹಮ್ಮದ್ ಯುನಿಸ್ ಗಡೇದ್ ಅವರು ಈ ಟಗರನ್ನು ರಾಂಪುರ ಗ್ರಾಮದ ಬಸು ಎಂಬುವರಿಂದ ಖರೀದಿ ಮಾಡಿದ್ದರು.

ಈ ಟಗರಿಗೆ ಬರೋಬ್ಬರಿ 1,88,500 ರೂಪಾಯಿ ಕೊಟ್ಟು ಖರೀದಿ ಮಾಡಿದ್ದರು. ಬಕ್ರೀದ್ ಹಬ್ಬಕ್ಕೆ ಈ ಟಗರನ್ನು ಬಲಿ ಕೊಡಲು ಮುಂದಾಗಿದ್ದರು. ಹೀಗಾಗಿ ಆ ಟಗರಿನ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಬೇಸರ ಹೊರ ಹಾಕಿದ್ದರು. ಜೊತೆಗೆ ಮಾಲೀಕ ಯೂನಿಸ್​ಗೆ ಟಗರನ್ನು ಬಲಿ ಕೊಡಬೇಡಿ ಎಂದು ಸಲಹೆ ಸಹ ನೀಡಿದ್ದರು. ಇದೀಗ 7 ಸ್ಟಾರ್ ಸುಲ್ತಾನ್ ಟಗರಿನ ಮಾಲೀಕ ಒಂದು ದಿಟ್ಟ ನಿರ್ಧಾರವನ್ನು ಕೈಗೆತ್ತಿಕೊಂಡಿದ್ದಾರೆ. ಅದುವೇ ಬಲಿ ಕ್ಯಾನ್ಸಲ್.

ಸಾಮಾಜಿಕ ಜಾಲತಾಣದಲ್ಲಿ ಟಗರಿನ ಫ್ಯಾನ್ಸ್​​ ಮಾಲೀಕನ ವಿರುದ್ಧ ಬೇಸರ ಹೊರ ಹಾಕಿದ್ದರು. ಇದರ ಬೆನ್ನಲ್ಲೇ ಬಲಿ ಕೊಡಲ್ಲ ಎಂದು ಟಗರಿನ ಮಾಲೀಕ ಹೇಳಿದ್ದಾನೆ. ಇನ್ನು, ಈ ಕುರಿತು ನ್ಯೂಸ್​​ ಫಸ್ಟ್​​ನೊಂದಿಗೆ ಮಾತಾಡಿದ ಟಗರು ಮಾಲೀಕ ಮೊಹಮ್ಮದ್ ಯುನಿಸ್ ಗಡೇದ್, ಅಭಿಮಾನಿಗಳು ತುಂಬಾ ಒತ್ತಾಯ ಮಾಡುತ್ತಾ ಇದ್ದರು. ಟಗರನ್ನು ಬಲಿ ಕೊಡಬೇಡಿ ಎಂದು. ಲಕ್ಷಾಂತರ ಜನರ ಫೋನ್​​ ಕರೆಗಳು, ಸಾಲು ಸಾಲು ಮೆಸೇಜ್​ಗಳು ಬರುತ್ತಿದ್ದವು. ಹೀಗಾಗಿ ಈ ಟಗರನ್ನು ಬಲಿ ಕೊಡುತ್ತಿಲ್ಲ. ತುಂಬಾ ಜನ ಅಭಿಮಾನಿಗಳು ಈ ಟಗರನ್ನು ನೋಡಲು ಬರುತ್ತಾರೆ. ಜೊತೆಗೆ ಕೇಕ್​​ ಕಟ್​​ ಮಾಡಿ ಫ್ಯಾನ್ಸ್​​ ಸಂಭ್ರಮಿಸಿದ್ದಾರೆ.

ಇದುವರೆಗೂ ಈ ಟಗರು ಸಾಕಷ್ಟು ಕಾಳಗಳಲ್ಲಿ ಜಯಭೇರಿ ಬಾರಿಸಿ ಲಕ್ಷ, ಲಕ್ಷ ಬಹುಮಾನ, ಬೈಕ್, ಚಿನ್ನ ಸೇರಿದಂತೆ ಹಲವು ಉಡುಗೊರೆ ತನ್ನದಾಗಿಸಿಕೊಂಡಿದೆ. 7 ಸ್ಟಾರ್ ಸುಲ್ತಾನ್​ನನ್ನು ಬಾಗಲಕೋಟೆ ಜಿಲ್ಲೆ ತಾಲೂಕಿನ ಸುತಗುಂಡಾರ ಗ್ರಾಮದ ಯೂನಿಸ್ ಎಂಬುವವರು ನೋಡಿಕೊಳ್ಳುತ್ತಿದ್ದಾರೆ. ಸದ್ಯ ಮಾಲೀಕನ ಈ ನಿರ್ಧಾರದಿಂದ 7 ಸ್ಟಾರ್ ಸುಲ್ತಾನ್ ಟಗರಿನ ಫ್ಯಾನ್ಸ್​​ ಫುಲ್​​ ಖುಷ್​ ಆಗಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ