ವಿಶ್ವಕಪ್​​ನಲ್ಲಿ ಇಂಡಿಯನ್​ ಬೌಲರ್ಸ್​ ರೋರಿಂಗ್​

ಬೆಸ್ಟ್​ ಬೌಲಿಂಗ್​​ ಅಟ್ಯಾಕಿಂಗ್​​ಗೆ​​ ಎದುರಾಳಿ ಥಂಡಾ

ವಿಕೆಟ್​​ ಹಂಟ್​​ ಮಾಡೋದ್ರಲ್ಲಿ ನಮ್ಮವರೇ ಬಾಸ್

ಪ್ರಸಕ್ತ ವಿಶ್ವಕಪ್​​ನಲ್ಲಿ ಟೀಮ್ ಇಂಡಿಯಾವನ್ನು ಹೊರತಪಡಿಸಿ ಎಲ್ಲಾ ಟೀಮ್ಸ್​ ಸೋಲಿನ ರುಚಿ ಕಂಡಿವೆ. ಬಟ್​​​​ ಭಾರತ ಮಾತ್ರ ಒಂದೂ ಸೋಲನ್ನೇ ಕಂಡಿಲ್ಲ. ವಿಕ್ಟರಿ ಅಲೆಯಲ್ಲಿ ತೇಲಾಡ್ತಿದೆ. ರೋಹಿತ್​​​ ಪಡೆಯ ಈ ಅಮೋಘ ಸಾಧನೆಗೆ ಕಾರಣ ಬೌಲರ್ಸ್​.

‘ನಾವು ಬೆಸ್ಟ್​ ಬೌಲಿಂಗ್​​ ಅಟ್ಯಾಕ್​ ಹೊಂದಿದ್ದೇವೆ’

ನಮ್ಮ ಬೌಲಿಂಗ್​ ಅಟ್ಯಾಕ್​​ ಉತ್ತಮವಾಗಿದೆ. ಸಮತೋಲನದಿಂದ ಕೂಡಿದೆ ಕೂಡ. ಉತ್ತಮ ಸ್ಪಿನ್ನರ್​​​​​​​ಗಳಿದ್ದಾರೆ. ಈ ಕಂಡೀಷನ್​ನಲ್ಲಿ ಆಡಿದ ಅನುಭವಿ ವೇಗಿಗಳಿದ್ದಾರೆ. ಆಯ್ಕೆಗಳಿಗೇನು ಕೊರತೆಯಿಲ್ಲ. ಸಾಕಷ್ಟು ಅನುಭವ ಹೊಂದಿದ್ದಾರೆ. ಬ್ಯಾಟ್ಸ್​​ಮನ್​ಗಳು ಸ್ಕೋರ್​​ ಗಳಿಸೋದ್ದಷ್ಟೇ ಬೇಕಿದೆ. ಬೌಲರ್ಸ್​ ಅವರವರ ಕರ್ತವ್ಯವನ್ನ ನಿಭಾಯಿಸಬಲ್ಲರು-ರೋಹಿತ್​ ಶರ್ಮಾ, ಕ್ಯಾಪ್ಟನ್

ಕ್ಯಾಪ್ಟನ್ ರೋಹಿತ್ ಶರ್ಮಾ ಹೇಳಿದ ಮೇಲಿನ ಮಾತು ಹಂಡ್ರೆಂಡ್​​ ಪರ್ಸಂಟ್​​ ಸತ್ಯ. ಉತ್ಪ್ರೇಕ್ಷದ ಮಾತುಗಳಲ್ಲ. ಹಿಟ್​ಮ್ಯಾನ್​ ಹೇಳಿದಂತೆ ಟೀಮ್ ಇಂಡಿಯಾದ ಬೌಲಿಂಗ್ ಅಟ್ಯಾಕ್​​​ ಅತ್ಯಾದ್ಭುತವಾಗಿದೆ. ಪೇಸರ್ ಆದ್ರೂ ಸೈ, ಸ್ಪಿನ್ನರ್ ಆದ್ರೂ ಸೈ ಇಂಪ್ರೆಸ್ಸಿವ್​ ಸ್ಪೆಲ್ ಮೂಲಕ ಎದುರಾಳಿ ತಂಡವನ್ನ ಕಂಗೆಡಿಸಿದ್ದಾರೆ.

ವಿಶ್ವಕಪ್​​ನಲ್ಲಿ ಇಂಡಿಯನ್​ ಬೌಲರ್ಸ್​ ರೋರಿಂಗ್​

2023ನೇ ವಿಶ್ವಕಪ್​​​ ಭಾರತಕ್ಕೆ ಡ್ರೀಮ್​​ ವಿಶ್ವಕಪ್​​​​​ ಅಂದ್ರೂ ತಪ್ಪಲ್ಲ. ಯಾಕಂದ್ರೆ ಎಲ್ಲಾ ವಿಭಾಗದಲ್ಲಿ ಪರ್ಫೆಕ್ಷನ್​​​ ಆಟವಾಡ್ತಿದೆ. ಯಾವ ಡಿಪಾರ್ಟ್​ಮೆಂಟ್​​​ ಮೇಲೂ ಬೊಟ್ಟು ಮಾಡುವ ಹಾಗಿಲ್ಲ. ಆದ್ರಲ್ಲೂ ಬೌಲರ್ಸ್​ ಅಂತೂ ಸೂಪರ್​ ಡೂಪರ್​​​ ಪರ್ಫಾಮೆನ್ಸ್ ನೀಡ್ತಿದ್ದಾರೆ. ಅದ್ಯಾವ ಮಟ್ಟಿಗೆ ಅಂದ್ರೆ ಭಾರತ ತಂಡ ಬರೀ ಪಾಯಿಂಟ್ಸ್​ ಟೇಬಲ್​​​ನಲ್ಲಷ್ಟೆ ಟಾಪರ್ ಅನ್ನಿಸಿಕೊಂಡಿಲ್ಲ. ಬದಲಿಗೆ ವಿಕೆಟ್​ ಬೇಟೆಯಾಡೋದ್ರಲ್ಲಿ ಕೂಡ ಇಂಡಿಯನ್​ ಬೌಲರ್ಸ್​ ಮುಂಚೂಣಿಯಲ್ಲಿದ್ದಾರೆ.

ವಿಶ್ವಕಪ್​​ನಲ್ಲಿ ಹೆಚ್ಚು ವಿಕೆಟ್​ ಪಡೆದ ತಂಡಗಳು

ಪ್ರಸಕ್ತ ವಿಶ್ವಕಪ್​​ನಲ್ಲಿ ಭಾರತ ತಂಡದ ಬೌಲರ್ಸ್​ ಆಡಿದ 7 ಪಂದ್ಯಗಳಿಂದ 62 ವಿಕೆಟ್ ಕಬಳಿಸಿ ಅಗ್ರಸ್ಥಾನದಲ್ಲಿದ್ದಾರೆ. ಕಿವೀಸ್​​ ತಂಡ ಅಷ್ಟೇ ಪಂದ್ಯಗಳಿಂದ 54 ವಿಕೆಟ್​ ಕಬಳಿಸಿದೆ. ದಕ್ಷಿಣ ಆಫ್ರಿಕಾ 7 ಪಂದ್ಯವಾಡಿ 51 ವಿಕೆಟ್ ಬೇಟೆಯಾಡಿದೆ. ಆಸ್ಟ್ರೇಲಿಯಾ ಆಡಿದ 6 ಪಂದ್ಯಗಳಿಂದ 43 ವಿಕೆಟ್​ ಪಡೆದ್ರೆ ಪಾಕಿಸ್ತಾನ ತಂಡ 7 ಮ್ಯಾಚ್​​​ನಿಂದ 35 ವಿಕೆಟ್​​​ ಕಬಳಿಸಿ 5ನೇ ಸ್ಥಾನದಲ್ಲಿದೆ.

ಪೇಸರ್ಸ್​ ಅಬ್ಬರದ ಮುಂದೆ ಮಂಕಾದ ಸ್ಪಿನ್ನರ್ಸ್​

ಈ ವಿಶ್ವಕಪ್​​ನಲ್ಲಿ ಮಾರಕ ದಾಳಿ ನಡೆಸ್ತಿರೋ ಇಂಡಿಯನ್ ಬೌಲರ್ಸ್​ ಎದುರಾಳಿ ತಂಡಗಳನ್ನು ಹಿಂದಿಕ್ಕಿದ್ದಾರೆ. ಅಚ್ಚರಿ ಏನಂದ್ರೆ ಹೇಳಿಕೇಳಿ ಭಾರತ ಸ್ಪಿನ್ ತವರೂರು. ಇಲ್ಲಿ ಸದಾ ಸ್ಪಿನ್ನರ್ಸ್​ ದರ್ಬಾರ್​ ಹೆಚ್ಚಿರುತ್ತೆ. ಈ ವಿಶ್ವಕಪ್​​ನಲ್ಲಿ ಅದು ಉಲ್ಟಾ ಆಗಿದೆ. ವೇಗಿಗಳ ಘರ್ಜನೆ ಮುಂದೆ ಸ್ಪಿನ್ನರ್ಸ್​ ಮಂಕಾಗಿದ್ದಾರೆ.

ಭಾರತ ಪರ ಹೆಚ್ಚು ವಿಕೆಟ್​​​​​ ಪಡೆದೋಱರು..?

ಟೀಮ್ ಇಂಡಿಯಾ ಪರ ವೇಗಿಗಳಾದ ಶಮಿ, ಬೂಮ್ರಾ, ಸಿರಾಜ್​​​​​​​​​​​​​​​​​​​​​​​​​​​​​​​​​​​​​​​​​​​ 43 ವಿಕೆಟ್ ಉರುಳಿಸಿದ್ರೆ, ಸ್ಪಿನ್ನರ್​​ಗಳಾದ ಜಡೇಜಾ-ಕುಲ್​ದೀಪ್ 19 ವಿಕೆಟ್​​​​​​​​​​​​​​ ಉರುಳಿಸಿದ್ದಾರೆ. ವಿಶ್ವಕಪ್​​ನಂತ ಬಿಗ್​​ ಟೂರ್ನಮೆಂಟ್​​ನಲ್ಲಿ ಬೌಲರ್ಸ್​ ತಂಡಕ್ಕೆ ಬಿಗ್ಗೆಸ್ಟ್​​​​ ಸ್ಟ್ರೆಂಥ್​​​​. ಈ ಸ್ಟ್ರೆಂಥೇ ರೋಹಿತ್​​​ ಪಡೆಗೆ ಬಿಗ್ ಪ್ಲಸ್​ ಪಾಯಿಂಟ್ ಆಗಿದೆ. ಮೊಹಮ್ಮದ್​​​​ ಶಮಿ, ಜಸ್​ಪ್ರೀತ್​ ಬೂಮ್ರಾ, ಮೊಹಮ್ಮದ್ ಸಿರಾಜ್​​, ರವೀಂದ್ರ ಜಡೇಜಾ ಹಾಗೂ ಕುಲ್ದೀಪ್​ ಯಾದವ್​​ ಪೈಪೋಟಿಗೆ ಬಿದ್ದವರಂತೆ ವಿಕೆಟ್​​​​​​ ಬೇಟೆಯಾಡ್ತಿದ್ದಾರೆ. ಇಂಡಿಯನ್ ಬೌಲರ್​​ಗಳ ಕರಾಮತ್ತು ಟೂರ್ನಿಯುದ್ಧಕ್ಕೂ ಮುಂದಿವರಿದಿದ್ರೆ ಆದ್ರೆ 12 ವರ್ಷಗಳ ವಿಶ್ವಕಪ್​​ ವನವಾಸಕ್ಕೆ ಬ್ರೇಕ್​​ ಬೀಳೋದು ಗ್ಯಾರಂಟಿ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್