ಚಂದ್ರಯಾನ 2 ವೈಫಲ್ಯದ ಬಳಿಕ ಚಂದ್ರಯಾನ-3 ಹಾರಲು ಸಿದ್ಧ

ಬರೋಬ್ಬರಿ 600 ಕೋಟಿ ಮೊತ್ತದ ಚಂದ್ರಯಾನ-3 ಯೋಜನೆ

ಚಂದ್ರನ ದಕ್ಷಿಣ ಧ್ರುವದಲ್ಲಿ ಇಳಿಯಲಿದ್ದಾನೆ ‘ಲ್ಯಾಂಡರ್​ ವಿಕ್ರಂ’

 

ಭಾರತದ ಕನಸನ್ನು ಹೊತ್ತು ಸಾಗಲು ಚಂದ್ರಯಾನ-3 ನೌಕೆ ರೆಡಿಯಾಗಿ ನಿಂತಿದೆ. ಇಂದು ಮಧ್ಯಾಹ್ನ 02:35ಕ್ಕೆ ಸರಿಯಾಗಿ ಚಂದ್ರಯಾನ-3 ಉಡಾವಣೆಯಾಗಲಿದ್ದು, ಐತಿಹಾಸಿಕ ಸಾಧನೆಗೆ ಭಾರತ ಸನ್ನದ್ಧವಾಗಿದೆ. ಅಂದಹಾಗೆಯೇ ಸೂಕ್ಷ್ಮ ತಂತ್ರಜ್ಞಾನ ಬಳಸಿ ಚಂದ್ರನ ದಕ್ಷಿಣ ಧ್ರುವದಲ್ಲಿ ಲ್ಯಾಂಡ್ ಆಗುವಂತೆ ಇಸ್ರೋ ವಿಜ್ಞಾನಿಗಳು ಯೋಜನೆ ಕೈಗೊಂಡಿದ್ದಾರೆ

ಭಾರತದ ಕನಸು ನನಸಾಗುವ ಸಮಯ

ಚಂದ್ರಯಾನ 2 ವೈಫಲ್ಯದ ಬಳಿಕ ಚಂದ್ರಯಾನ-3 ನೌಕೆ ಹಾರಲು ಸಿದ್ದವಾಗಿದೆ. ಒಂದು ವೇಲೆ ಇದು ಯಶಸ್ವಿಯಾದರೆ, ಭಾರತ ವಿಶ್ವ ಮಟ್ಟದಲ್ಲಿ ಸಾಧನೆ ಮಾಡಲಿದೆ. ಮಾತ್ರವಲ್ಲದೆ, ಚಂದ್ರನಲ್ಲಿ ಲ್ಯಾಂಡರ್ ಇಳಿಸಿದ 4ನೇ ರಾಷ್ಟ್ರವಾಗಿ ಭಾರತ ಹೊರಹೊಮ್ಮಲಿದೆ.
2ನೇ ವೈಫಲ್ಯದಿಂದ ಎಚ್ಚೆತ್ತುಕೊಂಡ ಭಾರತ ವಿಜ್ಞಾನಿಗಳು ಚಂದ್ರಯಾನ-3ಗೆ ಬೇಕಾದ ಎಲ್ಲಾ ತಯಾರಿಗಳನ್ನು ಮಾಡಿದ್ದಾರೆ. ಹೀಗಾಗಿ ಸೌತ್ ಪೋಲ್​ನಲ್ಲಿ ಸಂಶೋಧನೆ ಮಾಡುವ ಗುರಿಯನ್ನು ಭಾರತಹೊಂದಿದೆ.

ಬಹಳಷ್ಟು ದೇಶ ಸೌತ್ ಪೋಲ್​ನಲ್ಲಿ ಲ್ಯಾಂಡರ್ ಇಳಿಸಲು ಯತ್ನ ನಡೆಸಿತ್ತು. ಆದರೆ ದಕ್ಷಿಣ ಧ್ರುವ ಕಠಿಣವಾದ, ಕನಿಷ್ಠ ಉಷ್ಣಾಂಶ ಇರುವ ಪ್ರದೇಶವಾಗಿದೆ. ಯಾವುದೇ ದೇಶ ಕೂಡ ಇದುವರೆಗೂ ಯಶಸ್ವಿಯಾಗಿಲ್ಲ. ಹೀಗಾಗಿ ಭಾರತದ ಚಂದ್ರಯಾನ-3 ನೌಕೆಯ ಬಗ್ಗೆ ಭಾರೀ ಕುತೂಹಲ ಕೆರಳಿದೆ.

14th July 2023 will always be etched in golden letters as far as India’s space sector is concerned. Chandrayaan-3, our third lunar mission, will embark on its journey. This remarkable mission will carry the hopes and dreams of our nation. pic.twitter.com/EYTcDphaES

— Narendra Modi (@narendramodi) July 14, 2023

Best wishes to the @isro for #Chandrayaan3, a remarkable mission pushing the boundaries of space exploration!

Let's celebrate the strides in science, innovation, and human curiosity that have brought us this far. May this mission inspire us all to dream bigger and reach for… pic.twitter.com/63sJwonVcz

— Nitin Gadkari (@nitin_gadkari) July 14, 2023

₹600 ಕೋಟಿ ಮೊತ್ತದ ಪ್ರಾಜೆಕ್ಟ್

ಚಂದ್ರಯಾನ-3ಗೆ ವಿಜ್ಞಾನಿಗಳು ಬರೋಬ್ಬರಿ 600 ಕೋಟಿ ಮೊತ್ತವನ್ನು ಖರ್ಚು ಮಾಡಿದ್ದಾರೆ. ಈ ಪ್ರಾಜೆಕ್ಟ್​​ಗಾಗಿ ಜಿಎಸ್ಎಲ್​ವಿ-ಎಂಕೆ-3 ಲಾಂಚಿಂಗ್ ವೆಹಿಕಲ್ ಬಳಕೆ ಮಾಡಲಾಗಿದೆ. ಇನ್ನು ಮಿಷನ್​ನ ತೂಕ 3,900 ಕೆಜಿ, 3 ಕಮ್ಯುನಿಕೇಷನ್ಸ್ ಘಟಕ ನಿರ್ಮಿಸಲಾಗಿದೆ.

ಇದರೊಂದಿಗೆ ಪ್ರೊಪಲ್ಷನ್ ಮಾಡ್ಯೂಲ್, ಲ್ಯಾಂಡರ್, ರೋವರ್ ಮೆಷಿನ್, ಪ್ರೊಪಲ್ಷನ್ ಅಂತರಿಕ್ಷ ನೌಕೆಯು ನಭದತ್ತ ಚಿಮ್ಮಲು ಸಹಾಯ ಮಾಡಲಿದೆ. ಬಳಿಕ ಚಂದ್ರನ ಮೇಲ್ಮೈ ಭಾಗದಲ್ಲಿ ಮೆಷಿನ್ ಲ್ಯಾಂಡರ್ ಇಳಿಯುತ್ತದೆ.

 

ಲಾಂಚ್ ವೆಹಿಕಲ್ ಮಾರ್ಕ್-111

ಚಂದ್ರಯಾನಕ್ಕೆ ಆಂಧ್ರಪ್ರದೇಶದಿಂದ ಭಾರತದ ಮೂರನೇ ನೌಕೆ ಹೊರಡಲು ಸಜ್ಜಾಗಿದೆ. ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಲಾಂಚ್ ಮಾಡಲಿದ್ದಾರೆ. ಲಾಂಚ್ ವೆಹಿಕಲ್ ಮಾರ್ಕ್-111 ಮೂಲಕ ಉಡಾವಣೆ ಮಾಡಲಿದ್ದಾರೆ. ಸೂಕ್ಷ್ಮ ತಂತ್ರಜ್ಞಾನ ಬಳಸಿ ಚಂದ್ರನ ದಕ್ಷಿಣ ಧ್ರುವದ ಮೇಲೆ ಲ್ಯಾಂಡ್​ ಆಗಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ