ಕಿಡ್ನಾಪ್​ ಆಗಿದ್ದ ಟಿಕ್​ ಟಾಕ್​ ಸ್ಟಾರ್​ ಶವ ಮೈಸೂರಲ್ಲಿ ಪತ್ತೆ

ಅರಮನೆ ಮುಂದೆ ರೀಲ್ಸ್ ಮಾಡುತ್ತಿದ್ದ ವೇಳೆ ಕಿಡ್ನಾಪ್​ ಆಗಿದ್ದ

ಮೃತ ನವೀನ್ ಕೆಲ ದಿನಗಳ ಹಿಂದೆ ಜೈಲಿಗೂ ಕೂಡ ಹೋಗಿದ್ದ

ಮೈಸೂರು: ಬೆಂಗಳೂರು ಮೂಲದ ಟಿಕ್​ಟಾಕ್​ ಸ್ಟಾರ್​ ಮೈಸೂರಲ್ಲಿ ಬರ್ಬರವಾಗಿ ಹತ್ಯೆಯಾಗಿದ್ದಾನೆ. ಈ ಕೊಲೆ ಸಂಬಂಧ ಮೈಸೂರು ಪೊಲೀಸರು 8 ಮಂದಿ ಆರೋಪಿಗಳನ್ನು ಬಂಧಿಸಿದ್ದಾರೆ. ನವೀನ್ ಮೃತ ಟಿಕ್​ಟಾಕ್​ ಸ್ಟಾರ್.

ಮೃತ ನವೀನ್​​ ಇದೇ ತಿಂಗಳು ಆಗಸ್ಟ್​​ 27ರಂದು ಇಬ್ಬರು ಯುವತಿಯರ ಜತೆ ಮೈಸೂರಿಗೆ ಹೋಗಿದ್ದ. ಬಳಿಕ ಅರಮನೆ ಮುಂದೆ ರೀಲ್ಸ್ ಮಾಡುತ್ತಿದ್ದ ವೇಳೆ ಕಾರಿನಲ್ಲಿ ಬಂದ ದುಷ್ಕರ್ಮಿಗಳ ಗುಂಪೊಂದು ಆತನನ್ನು ಅಪಹರಣ ಮಾಡಿದ್ದರು. ಇದಾದ ಬಳಿಕ ನವೀನ್​ ಮೃತದೇಹ ನಂಜನಗೂಡಿನ ಗೋಳೂರಿನ‌ ನಾಲೆಯಲ್ಲಿ ಪತ್ತೆಯಾಗಿತ್ತು. ಮೊದ ಮೊದಲು ಗುರುತು ಪತ್ತೆಯಾಗದಿದ್ದಕ್ಕೆ ಅಪರಿಚಿತ ವ್ಯಕ್ತಿಯ ಕೊಲೆ ಎಂದು ನಂಜನಗೂಡು ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಇದೀಗ ಪತ್ತೆಯಾದ ಶವ ಟಿಕ್‌ ಟಾಕ್ ಸ್ಟಾರ್ ನವೀನ್​ ಅವರ​ದ್ದೇ​ ಎಂದು ಗುರುತಿಸಲಾಗಿದೆ.

 

View this post on Instagram

 

A post shared by Smiley Navina (@smileynavina07)

ಬೆಂಗಳೂರಿನ ಕಾರ್ಪೋರೇಟರ್ ಅಣ್ಣನ ಮಗನ ಕೊಲೆ ರಿವೆಂಜ್​ಗಾಗಿ ನವೀನ್​ನನ್ನು ಕೊಲೆ ಮಾಡಿದ್ದಾರೆ ಎಂದು ಶಂಕಿಸಲಾಗಿದೆ. ಈ ಹಿಂದೆ ಬೆಂಗಳೂರಿನ ಕಗ್ಗಲಿಪುರ ವ್ಯಾಪ್ತಿಯಲ್ಲಿ ವಿನೋದ್ ಎಂಬುವವರ ಕೊಲೆ ಪ್ರಕರಣದಲ್ಲಿ ನವೀನ್​ ಆರೋಪಿಯಾಗಿದ್ದ. ಈ ಸಂಬಂಧ ಟಿಕ್​ ಟಾಕ್​ ಸ್ಟಾರ್​ ಜೈಲಿಗೂ ಹೋಗಿದ್ದ. ನವೀನ್ ಕೆಲ ದಿನಗಳ ಹಿಂದೆ ಜೈಲಿನಿಂದ ಹೊರ ಬಂದಿದ್ದ. ಸದ್ಯ ಈ ಕೇಸ್​​ ಸಂಬಂಧ ಎಂಟು ಮಂದಿ ಆರೋಪಿಗಳನ್ನು ಪೊಲೀಸರು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ