TNPLನಲ್ಲಿ ಒಂದಾದ ಮೇಲೆ ಒಂದರಂತೆ 4 ನೋ ಬಾಲ್

ಸ್ಪಾರ್ಟನ್ಸ್ ಕ್ಯಾಪ್ಟನ್​ ಅಭಿಷೇಕ್ ಎಸೆದ ಕೊನೇ ಬಾಲ್​ ಹೇಗಿತ್ತು..?

ಆದರೂ ಈ ಪಂದ್ಯದಲ್ಲಿ ಗೆಲುವು ಮಾತ್ರ ಈ ತಂಡಕ್ಕೆ ಸಿಕ್ಕಿತು..!

IPL ಬಂದ ಮೇಲಂತೂ ಚುಟುಕು ಕ್ರಿಕೆಟ್​ ಟೂರ್ನಿಗಳು ಸಾಕಷ್ಟು ಪ್ರಸಿದ್ಧಿ ಪಡೆಯುತ್ತಿವೆ. ಸದ್ಯ ತಮಿಳುನಾಡು ಪ್ರೀಮಿಯರ್​ ಲೀಗ್ (TNPL) ನಡೆಯುತ್ತಿದ್ದು ತಂಡವೊಂದರ ಕ್ಯಾಪ್ಟನ್​ ಬರೋಬ್ಬರಿ 1 ಬಾಲ್​ಗೆ 18 ರನ್​ಗಳನ್ನು ಕೊಟ್ಟು ಭಾರೀ ಮುಖಭಂಗ ಅನುಭವಿಸಿದ್ದಾರೆ.

ಚೆಪಾಕ್ ಸೂಪರ್ ಗಿಲ್ಲಿಸ್ ಮತ್ತು ಸೇಲಂ ಸ್ಪಾರ್ಟನ್ಸ್ ತಂಡಗಳು TNPLನಲ್ಲಿ ಭಾಗವಹಿಸಿದ್ದವು. ಸೇಲಂ ಸ್ಪಾರ್ಟನ್ಸ್ ತಂಡದ ಕ್ಯಾಪ್ಟನ್​ ಅಭಿಷೇಕ್​ ತನ್ವರ್ 20ನೇ ಓವರ್​ನ ಕೊನೆ ಬಾಲ್​ ಅನ್ನು ಹಾಕುತ್ತಿದ್ದರು. ಬಾಲ್​ ಕ್ಲೀನ್​ ಬೋಲ್ಡ್​ ಆಗಿತ್ತು. ಆದ್ರೆ ನೋ ಬಾಲ್​ ಎಂದು ಅಂಪೈರ್​ ಹೇಳಿದರು. ಹೀಗಾಗಿ ಮತ್ತೆ ಬೌಲ್​ ಮಾಡಲು ಬಂದ ಅಭಿಷೇಕ್​ ಮತ್ತೊಂದು ನೋ ಬಾಲ್​ ಹಾಕಿದ್ದರಿಂದ ಬ್ಯಾಟ್ಸ್​ಮನ್​ ಭರ್ಜರಿ ಸಿಕ್ಸರ್​ ಬಾರಿಸಿದರು. ಇದರಿಂದು ಒಟ್ಟು 8 ರನ್​ಗಳು ಬಂದವು.

ಮತ್ತೆ ಇನ್ನೊಂದು ಬಾಲ್​ ಕೂಡ ನೋ ಬಾಲ್ ಎಸೆದರು. ಇದರಲ್ಲಿ 2 ರನ್​ ಗಳಿಸಿದರು. ಒಟ್ಟು 11 ರನ್​ ಬಂದಂತೆ ಆದವು. ಬಳಿಕ ಬೌಲ್ ಮಾಡಿದ ಅಭಿಷೇಕ್ ವೈಡ್​ ಹಾಕಿದ್ದರಿಂದ 12 ರನ್​ ಬಂದವು. ಕೊನೆಯ ಬೌಲ್​ ಅನ್ನು ಚನ್ನಾಗಿಯೇ ಗುಡ್​ ಬಾಲ್ ಹಾಕಿದ್ರು. ಆದ್ರೆ ಬ್ಯಾಟ್ಸ್​ಮನ್​ ಸಿಕ್ಸರ್​ ಸಿಡಿಸಿದ್ದರಿಂದ ಒಂದು ಎಸೆತಕ್ಕೆ ಒಟ್ಟು 18 ರನ್​ಗಳನ್ನು ಚೆಪಾಕ್ ಸೂಪರ್ ಗಿಲ್ಲಿಸ್ ತಂಡ ಗಳಿಸಿ ದಾಖಲೆ ನಿರ್ಮಾಣ ಮಾಡಿತು. ಕೊನೆ ಓವರ್​ನಲ್ಲಿ ಒಟ್ಟು 26 ರನ್​ಗಳನ್ನು ಕ್ಯಾಪ್ಟನ್​ ಅಭಿಷೇಕ್​ ಬಿಟ್ಟುಕೊಟ್ಟರು. ಇದರಿಂದ ಚೆಪಾಕ್ ಸೂಪರ್ ಗಿಲ್ಲಿಸ್ ತಂಡ 20 ಓವರ್​ಗಲ್ಲಿ 5 ವಿಕೆಟ್​ ನಷ್ಟಕ್ಕೆ 217 ರನ್​ಗಳನ್ನು ಕಲೆ ಹಾಕಿತು. ಈ ಗುರಿಯನ್ನು ಬೆನ್ನತ್ತಿದ್ದ ಸೇಲಂ ಸ್ಪಾರ್ಟನ್ಸ್ ತಂಡ 9 ವಿಕೆಟ್​ಗಳನ್ನು ಕಳೆದುಕೊಂಡು 165 ರನ್​ಗಳನ್ನು ಮಾತ್ರ ಗಳಿಸಿ ಸೋಲೋಪ್ಪಿಕೊಂಡಿತು.

ಇನ್ನು ಬಗ್ಗೆ ಮಾತನಾಡಿದ ಅಭಿಷೇಕ್ ತನ್ವರ್​ ಕೊನೆ ಓವರ್​ನ ಹೊಣೆಯನ್ನು ನಾನೇ ಹೊತ್ತುಕೊಳ್ಳುತ್ತೇನೆ. 3 ನೋ ಬಾಲ್​ಗಳಿಂದ ಅತ್ಯಂತ ದುಬಾರಿ ಓವರ್​ ಎನಿಸಿದೆ. ಸ್ಟೇಡಿಯಂನಲ್ಲಿ ಗಾಳಿ ಹೆಚ್ಚಾಗಿದ್ದರಿಂದ ಈ ರೀತಿ ಬೌಲಿಂಗ್​ ಮಾಡಲು ಕಾರಣವಾಯಿತು ಎಂದಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ

The final delivery of the 20th over (in TNPL) by Abhishek Tanwar witnessed an unprecedented occurrence, as it resulted in the most expensive run accumulation in history, with a staggering 18 runs.

19.6 – NB, NB+6, NB+2, Wd, 6#TNP2023 pic.twitter.com/vQAGTyjCu6

— Vicky Singh (@VickyxCricket) June 13, 2023