ಸಂಸಾರಿಕವಾಗಿ ಅಗತ್ಯವಾದ ಸೌಲಭ್ಯಗಳನ್ನು ಗಮನಿಸಿ

ಒಳ್ಳೆಯ ಸುದ್ದಿಗಳಿಂದ ಮನಸ್ಸು ಉಲ್ಲಾಸ ಆಗಬಹುದು

ಸಂಗಾತಿಯು ನಿಮ್ಮ ಭಾವನೆಗಳನ್ನು ಗೌರವಿಸಬಹುದು

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ.

ಶ್ರೀ ಶೋಭಕೃತು ನಾಮಸಂವತ್ಸರ, ಉತ್ತರಾಯಣ, ಗ್ರೀಷ್ಮ ಋತು ಆಷಾಢ ಮಾಸ, ಶುಕ್ಲಪಕ್ಷ, ದ್ವಾದಶಿ ತಿಥಿ, ವಿಶಾಖ ನಕ್ಷತ್ರ ರಾಹುಕಾಲ ಶನಿವಾರ ಬೆಳಗ್ಗೆ 9.00 ರಿಂದ 10.30 ರವರೆಗೆ ಇರಲಿದೆ.

ಮೇಷ ರಾಶಿ

• ಹೊಸ ಯೋಜನೆಗಳ ಬಗ್ಗೆ ಕುತೂಹಲ ಇರುತ್ತದೆ
• ಸಂಗಾತಿಯು ನಿಮ್ಮ ಭಾವನೆಗಳನ್ನು ಗೌರವಿಸಬಹುದು
• ಸಾಂಸಾರಿಕವಾಗಿ ಸುಖ ನೆಮ್ಮದಿ ಇರುತ್ತದೆ
• ಆದಾಯದ ಮೂಲದ ಬಗ್ಗೆ ಚಿಂತಿಸುತ್ತೀರಿ
• ಅಕ್ರಮ ವ್ಯಾಪಾರ ಮಾಡುವವರಿಗೆ ಶಿಕ್ಷೆಯ ಸೂಚನೆ ಇದೆ ಗಮನಿಸಿಕೊಳ್ಳಿ
• ವ್ಯವಹಾರದಲ್ಲಿ ಆಯ್ಕೆಗಳಿವೆ ನಿರ್ಧಾರ ನಿಮಗೆ ಬಿಟ್ಟಿದ್ದು
• ಇಷ್ಟ ದೇವತಾ ಪ್ರಾರ್ಥನೆ ಮಾಡಿ

ವೃಷಭ

• ಕಾರ್ಯಕ್ಷೇತ್ರದಲ್ಲಿ ಒತ್ತಡ ಕಡಿಮೆಯಾಗಬಹುದು
• ನಿಧಾನದ ಫಲಿತಾಂಶ ನಿಮಗೆ ಸಿಗಲಿದೆ
• ಹೊಸ ಮನೆಯ ಖರೀದಿ ಅಥವಾ ಮನೆಯ ನವೀಕರಣದ ಚಿಂತನೆ ಮಾಡುವ ಅವಕಾಶವಿದೆ
• ಒಳ್ಳೆಯ ಸುದ್ದಿಗಳಿಂದ ಮನಸ್ಸು ಉಲ್ಲಾಸ ಆಗಬಹುದು
• ವಿದ್ಯಾರ್ಥಿಗಳಿಗೆ ಏಕಾಗ್ರತೆ ಕಡಿಮೆಯಾಗಬಹುದು
• ದೂರದ ಊರಿನ ಪ್ರವಾಸಕ್ಕೆ ಚಿಂತಿಸುವಿರಿ
• ನರಸಿಂಹ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ಮಿಥುನ

• ನಿಮ್ಮ ವೈಯಕ್ತಿಕವಾದ ವಿಚಾರ ಬಹಿರಂಗವಾಗದಂತೆ ಗಮನಿಸಿ
• ಆಳವಾದ ಜ್ಞಾನ ಸಂಪಾದನೆಗೆ ಪ್ರಯತ್ನಿಸಿ
• ವಿದ್ಯಾರ್ಥಿಗಳಿಗೆ ಕೆಲವು ಗೊಂದಲಗಳಿರಬಹುದು
• ಸಾಂಸಾರಿಕವಾಗಿ ಅಗತ್ಯವಾದ ಸೌಲಭ್ಯಗಳನ್ನು ಗಮನಿಸಿ
• ತಾಯಿಯವರಿಗೆ ಆರೋಗ್ಯದ ಸಮಸ್ಯೆ ಉಂಟಾಗಬಹುದು
• ಉದ್ಯೋಗದಲ್ಲಿ ತುಂಬಾ ಉತ್ಸುಕರಾಗುತ್ತೀರಿ
• ವಿಷ್ಣು ಸಹಸ್ರನಾಮ ಶ್ರವಣ ಮಾಡಿ

ಕಟಕ

• ನಿಮ್ಮ ಕೆಲಸದ ಬಗ್ಗೆ ಸರಿಯಾದ ನಿರ್ಣಯವಿರಲಿ
• ವ್ಯಾಪಾರದಲ್ಲಿ ಹೂಡಿಕೆ ಮಾಡಲು ಆಸೆ ಆದರೆ ಹಿಂಜರಿಕೆಯಾಗಲಿದೆ
• ಖರ್ಚಿಗೆ ಕಡಿವಾಣ ಹಾಕಿ ಮನಸ್ಸಿಗೆ ನೆಮ್ಮದಿ ಸಿಗಲಿದೆ
• ಸಮಯ ನಿಮ್ಮ ಪರವಾಗಿದೆ ವಿನಿಯೋಗ ಮಾಡಿಕೊಳ್ಳಿ
• ಗೌರವದ ಬಗ್ಗೆ ತುಂಬಾ ಕಾಳಜಿ ಇರಲಿದೆ
• ಮಕ್ಕಳು ನಿಮ್ಮ ದಾರಿಗೆ ಬರುತ್ತಾರೆ
• ಈಶ್ವರನ ಆರಾಧನೆ ಮಾಡಿ

ಸಿಂಹ

• ಬಂಧುಗಳಲ್ಲಿ ವಿಶ್ವಾಸವನ್ನು ಹೆಚ್ಚು ಮಾಡಿಕೊಳ್ಳುತ್ತೀರಿ
• ಹಣ ಅಥವಾ ದ್ರವ್ಯಗಳಿದ್ದರೆ ಮತ್ತೆ ಪಡೆಯುತ್ತೀರಿ
• ಮನೆಯಲ್ಲಿ ಅಗತ್ಯವಾದ ವಸ್ತುಗಳನ್ನು ಸರಿಯಾಗಿ ಗಮನಿಸಿ
• ನಿಮ್ಮ ಕೆಲಸದಿಂದ ನಿಮಗೆ ತೃಪ್ತಿ ಸಿಗಬಹುದು
• ಸಂಬಂಧಗಳ ಬಗ್ಗೆ ಸೂಕ್ಷ್ಮವಾಗಿರಬೇಕು
• ಮನೆ ಮತ್ತು ಕಚೇರಿಯಲ್ಲಿ ನಿಮ್ಮ ಬಗ್ಗೆ ಮೆಚ್ಚುಗೆ ಇರುತ್ತದೆ
• ಅಯ್ಯಪ್ಪ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ಕನ್ಯಾ

• ಇಂದು ಪ್ರೇಮಿಗಳಿಗೆ ಸಮಸ್ಯೆಯ ದಿನ
• ಯಾರಿಗೂ ಯಾವ ಭರವಸೆಯನ್ನು ನೀಡಬೇಡಿ
• ನಿಷ್ಠೂರವಾದ ಒರಟಾದ ಪದಗಳನ್ನು ಉಪಯೋಗಿಸದಿರಿ
• ಕೆಲಸದ ಸ್ಥಳದಲ್ಲಿ ಕ್ಷುಲ್ಲಕವಾದ ರಾಜಕೀಯಗಳು ನಡೆಯಲಿದೆ ಜಾಗ್ರತೆವಹಿಸಿ
• ನಿಮ್ಮ ಆಹಾರದ ಬಗ್ಗೆ ಗಮನವಿರಲಿ
• ಯಾವುದೇ ರೀತಿಯ ಆಪತ್ತಿಗೆ ಅವಕಾಶವನ್ನು ಮಾಡಿಕೊಡಬೇಡಿ
• ಗಣಪತಿಯ ಪ್ರಾರ್ಥನೆ ಮಾಡಿ

ತುಲಾ

• ನಿಮ್ಮ ಕೆಲವು ಸಲಹೆಗಳಿಂದ ಜನ ಉಪಯೋಗವನ್ನ ಪಡೆಯಬಹುದು
• ನಿಮ್ಮ ಪ್ರತಿಭೆಗೆ ತಕ್ಕ ಆದಾಯ ಇರುವುದಿಲ್ಲ
• ಪ್ರೀತಿ, ಪ್ರೇಮ ವಿಚಾರದಲ್ಲಿ ಇಂದು ನೀವು ಗೆಲ್ಲುತ್ತೀರಿ
• ಅನುಮಾನವಿರುವವರು ನಿಮ್ಮ ಹತ್ತಿರ ಬರುವುದಿಲ್ಲ
• ಇಂದು ಮನೆಯ ವಾತಾವರಣ ಚೆನ್ನಾಗಿರುತ್ತದೆ
• ಶುಭ ಕಾರ್ಯಗಳ ವಿಚಾರವಾಗಿ ಚರ್ಚೆ ಮಾಡಬಹುದು
• ಲಕ್ಷ್ಮೀನಾರಾಯಣ ಹೃದಯ ಸ್ತೋತ್ರ ಶ್ರವಣ ಮಾಡಿ

ವೃಶ್ಚಿಕ

• ಎಲ್ಲಾ ಕೆಲಸಗಳಲ್ಲಿ ಯಶಸ್ಸು ಕಾಣಬಹುದಾದ ದಿನ
• ಜವಾಬ್ದಾರಿಯುತ ಕೆಲಸಗಳನ್ನು ಆಯ್ಕೆ ಮಾಡಿಕೊಳ್ಳಿ
• ಮನೆಯಲ್ಲಿ ವಾಗ್ಯುದ್ಧ ನಡೆಯಬಹುದು
• ವಿದ್ಯಾರ್ಥಿಗಳಿಗೆ ಬೇಸರ ಜೊತೆಗೆ ತಮ್ಮ ಪ್ರಯತ್ನ ವ್ಯರ್ಥವಾಗುವ ದಿನ
• ನಿಮ್ಮ ಕೆಲಸದ ಗುಣಮಟ್ಟದಿಂದ ಆದಾಯ ಹೆಚ್ಚಳವಾಗಬಹುದು
• ತಾಳ್ಮೆ ಇದ್ದರೆ ಇನ್ನೂ ಹೆಚ್ಚು ಗಳಿಸಬಹುದು
• ನವಗ್ರಹರ ಆರಾಧನೆ ಮಾಡಿ ವಿಶೇಷವಾಗಿ ಕುಜಗ್ರಹ ಪ್ರಾರ್ಥನೆ ಮಾಡಿ

ಧನುಸ್ಸು

• ಏಕ ನಕ್ಷತ್ರ, ಏಕ ರಾಶಿ ದಂಪತಿಗಳಿಗೆ ಸ್ವಲ್ಪ ಸಮಸ್ಯೆ ಕಾಡಬಹುದು
• ನಿಮ್ಮ ಹಠವನ್ನು ಬಿಡಿ ಅಥವಾ ಸ್ವಲ್ಪ ಕಡಿಮೆ ಮಾಡಿಕೊಂಡರೆ ಒಳ್ಳೆಯದು
• ಎಲ್ಲರ ಜೊತೆ ನಿಷ್ಠೂರವಾಗುತ್ತೀರಿ
• ಮನೆಯಲ್ಲಿ ಶೀತಲ ಸಮರಕ್ಕೆ ಅವಕಾಶವಿದೆ
• ಇಂದು ನಿಮ್ಮ ಕರ್ತವ್ಯದ ಬಗ್ಗೆ ಹೆಚ್ಚು ಗಮನವಿರಲಿ
• ಬೇರೆಯವರ ಮಾತಿನಿಂದ ನಿಮ್ಮ ಮನಸ್ಸು ಹಾಳಾಗಬಹುದು
• ಧನ್ವಂತರಿ ಮಹಾವಿಷ್ಣುವನ್ನ ಪ್ರಾರ್ಥನೆ ಮಾಡಿ

ಮಕರ

• ಈ ದಿನದ ಪೂರ್ವಾರ್ಧ ಚೆನ್ನಾಗಿದೆ ಉಪಯೋಗಿಸಿಕೊಳ್ಳಿ
• ನಿಮ್ಮ ಹಕ್ಕುಗಳು ಬಲವಾಗಿರುವಂತೆ ಕಾಣುತ್ತದೆ
• ಉನ್ನತ ಹುದ್ದೆಯಲ್ಲಿರುವವರು ನಿರ್ಲಕ್ಷ್ಯ ಮಾಡಬಾರದು
• ಸಂತೋಷಕ್ಕೆ ಅಡ್ಡಿ ಬಾರದಂತೆ ಎಚ್ಚರವಹಿಸಿ
• ಚರ್ಚೆಗಳಿಂದ ದೂರವಿರುವುದು ಒಳ್ಳೆಯದು
• ಮಧ್ಯಾಹ್ನದ ನಂತರ ಒತ್ತಡಗಳು ಹೆಚ್ಚಾಗಬಹುದು
• ಕುಲದೇವತಾರಾಧನೆ ಮಾಡಿ

ಕುಂಭ

• ತಪ್ಪುಗಳನ್ನು ಸರಿಪಡಿಸಲು ಪ್ರಯತ್ನ ಮಾಡಿ
• ಹಳೆಯ ಸಾಲವಿದ್ದರೆ ಈ ದಿನ ತೀರಿಸುವ ಪ್ರಯತ್ನ ಮಾಡಿ
• ಆರ್ಥಿಕ ಪರಿಸ್ಥಿತಿಯ ಬಗ್ಗೆ ಕೆಲವು ಚರ್ಚೆ ಮಾಡಬಹುದು
• ಆತ್ಮೀಯರ ವರ್ತನೆ ನಿಮ್ಮ ಮನಸ್ಸನ್ನು ಕಲುಷಿತ ಮಾಡಬಹುದು
• ಕಾಲೋಚಿತ ರೋಗಗಳಿಗೆ ಗುರಿಯಾಗುವ ಸಾಧ್ಯತೆಯಿದೆ
• ಧರ್ಮ ಶ್ರದ್ಧೆಯಲ್ಲಿ ಪೂರ್ಣವಾಗಿ ತೊಡಗಿಸಿಕೊಳ್ಳಿ
• ನವಗ್ರಹ ಆರಾಧನೆ ಮಾಡಿ ವಿಶೇಷವಾಗಿ ಶುಕ್ರಗ್ರಹ ಪ್ರಾರ್ಥನೆ ಮಾಡಿ

ಮೀನಾ

• ಕೆಲಸದ ಸ್ಥಳದಲ್ಲಿ ಶಾಂತವಾಗಿದ್ದರೆ ಒಳ್ಳೆಯದು
• ಧನ ಲಾಭವಿದೆ ಆದರೆ ನಿಮಗೆ ಸಮಾಧಾನ ಇರುವುದಿಲ್ಲ
• ಸಹೋದ್ಯೋಗಿಗಳ ವರ್ತನೆ ನಿಮಗೆ ಭಯ ತರಬಹುದು
• ನಿಮ್ಮ ಸಮಸ್ಯೆಗಳನ್ನು ಹೇಳಲು, ಹಂಚಿಕೊಳ್ಳಲು ಜನರಿಲ್ಲ
• ನೈಸರ್ಗಿಕ ದೃಶ್ಯಾವಳಿಗಳನ್ನು ನೋಡಿ ಸಮಾಧಾನ ಪಡಬಹುದು
• ಇಂದು ಯಾವುದಕ್ಕೂ ಎಚ್ಚರಿಕೆಯಿಂದ ಇರಬೇಕಾದ ದಿನ
• ಸುದರ್ಶನ ಮಹಾವಿಷ್ಣು ಪ್ರಾರ್ಥನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ