ಇಂದಿನಿಂದ ಇಂಡೋ-ವಿಂಡೀಸ್​​ ಮೊದಲ ಟೆಸ್ಟ್

ವಿಂಡೀಸ್​​​ಗೆ ಇದ್ಯಾ ಇವರನ್ನು ಎದುರಿಸೋ ತಾಕತ್ತು

ಜಡ್ಡು-ಅಶ್ವಿನ್​​​​​​​​​​​​​​​​​ ಜಾದೂಗೆ ವೆಸ್ಟ್​ ವಿಂಡೀಸ್ ಗಿರಿಗಿಟ್ಲೆ ಫಿಕ್ಸ್​.!

ಕ್ರಿಕೆಟ್ ದೈತ್ಯರು ಅಂತಾನೇ ಕರೆಸಿಕೊಳ್ಳೋ ವೆಸ್ಟ್​ ಇಂಡೀಸ್​​ ವಿರುದ್ಧದ ಟೆಸ್ಟ್​ ಸರಣಿಗೆ ಕ್ಷಣಗಣನೆ ಶುರುವಾಗಿದೆ. 20 ವರ್ಷಗಳಿಂದ ವಿಂಡೀಸ್ ನೆಲದಲ್ಲಿ ಸೋಲಿಲ್ಲದ ಸರದಾರನಾಗಿ ಮೆರೆಯುತ್ತಿರುವ ಟೀಮ್ ಇಂಡಿಯಾ, ಮೊದಲ ಟೆಸ್ಟ್​ ಪಂದ್ಯವನ್ನ ಮೂರೇ ದಿನದಲ್ಲಿ ಮಟಾಶ್ ಮಾಡೋಕೆ ಸಜ್ಜಾಗಿದೆ. ಭಾರತದ ಈ ಸ್ಪಿನ್​ ಟ್ವಿನ್ಸ್​​ ಮ್ಯಾಜಿಕ್​ ಮಾಡಿದ್ರೆ ಅದು ಅಸಾಧ್ಯವೂ ಅಲ್ಲ ಬಿಡಿ.

3 ದಿನದಲ್ಲೇ ಪಂದ್ಯ ಮುಗಿಸ್ತಾರೆ ಈ ಸ್ಪಿನ್ ಟ್ವಿನ್ಸ್..!

ಇಂದಿನಿಂದ ಭಾರತ – ವೆಸ್ಟ್​ ಇಂಡೀಸ್ ನಡುವಿನ ಟೆಸ್ಟ್​ ಸರಣಿ ಕಿಕ್​ಸ್ಟಾರ್ಟ್ ಆಗ್ತಿದೆ. ಡೊಮಿನಿಕಾದಲ್ಲಿ ನಡೆಯಲಿರೋ​ ಮೊದಲ ಟೆಸ್ಟ್​ ಇನ್ನೂ ಆರಂಭವಾಗಿಲ್ಲ. ಅದಾಗಲೇ ಮೂರೇ ದಿನಕ್ಕೆ ಪಂದ್ಯ ಮುಗಿಯುತ್ತೆ ಅನ್ನೋ ಮಾತು ಕೇಳಿ ಬರ್ತಿದೆ. ಇದು ಅಸಾಧ್ಯದ ಮಾತು ಅಲ್ಲವೇ ಅಲ್ಲ.. ಟೀಮ್​ ಇಂಡಿಯಾದ ಈ ಸ್ಪಿನ್​ ಟ್ವಿನ್ಸ್​ ಮೋಡಿ ಮಾಡಿದ್ರೆ, ಮೂರೇ ದಿನಕ್ಕೆ ಟೆಸ್ಟ್​ ಖತಃ ಆಗಲಿದೆ.

ವಿಂಡೀಸ್​​ ದೈತ್ಯರ ವಿರುದ್ಧದ ಕಾದಾಟಕ್ಕೆ ಸಜ್ಜಾಗಿರೋ ಟೀಮ್​ ಇಂಡಿಯಾ ಬಲವೇ ಸ್ಪಿನ್ನರ್ಸ್​..! ವಿಶ್ವ ದರ್ಜೆಯ ಸ್ಪಿನ್ನರ್​​ಗಳಾದ ಆರ್​. ಅಶ್ವಿನ್​, ರವೀಂದ್ರ ಜಡೇಜಾ ಡೊಮಿನಿಕಾದಲ್ಲಿ ಮ್ಯಾಜಿಕ್​ ಮಾಡೋಕೆ ಸಜ್ಜಾಗಿದ್ದಾರೆ. ಇವರಿಬ್ಬರ ಸ್ಪಿನ್​ ಮೋಡಿಗೆ ವಿಂಡೀಸ್ ಉಂಡೀಸ್ ಆಗೋದು ಗ್ಯಾರಂಟಿ..! ಈ ಕಾನ್ಫಿಡೆನ್ಸ್​ಗೆ ಕಾರಣ ವಿಂಡೀಸ್​ನ ಪ್ಲೇಯಿಂಗ್​ ಕಂಡೀಷನ್​​..!

ಜಡ್ಡು-ಅಶ್ವಿನ್​​​​​​​​​​​​​​​​​ ಜಾದೂಗೆ ವಿಂಡೀಸ್ ಗಿರಿಗಿಟ್ಲೆ ಪಕ್ಕಾ

ಮೂರೇ ದಿನದಲ್ಲಿ ಮೊದಲ ಟೆಸ್ಟ್​ ಮುಗಿಯುತ್ತೆ ಅನ್ನೋದಕ್ಕೆ ಕಾರಣ ವೆಸ್ಟ್​ ಇಂಡೀಸ್ ಪ್ಲೇಯಿಂಗ್​ ಕಂಡಿಷನ್​​ನೇ ಕಾರಣವಾಗಿದೆ. ಬಹುತೇಕ ಭಾರತದಂತೆ ಕೆರಬಿಯನ್​ ನಾಡಿನ ಪ್ಲೇಯಿಂಗ್​ ಕಂಡೀಷನ್ ಕೂಡ ಇರಲಿದೆ. ಪಿಚ್​ನ ವರ್ತನೆ ಕೂಡ ಸೇಮ್ ಟು ಸೇಮ್​ ಇರಲಿದೆ. ಭಾರತದ ನೆಲದಲ್ಲಿ ಘಟಾನುಘಟಿಗಳನ್ನೇ ಕಟ್ಟಿ ಹಾಕಿ ಮೂರೇ ದಿನಕ್ಕೆ ಹಲ ಟೆಸ್ಟ್​ ಮ್ಯಾಚ್​ಗಳನ್ನ​ ಖತಂ ಮಾಡಿರೋ ಈ ಸ್ಪಿನ್​ ಜೋಡಿ ವಿಂಡೀಸ್​ನಲ್ಲೂ ಅದೇ ಪರ್ಫಾಮೆನ್ಸ್​ ನೀಡೋಕೆ ಸಜ್ಜಾಗಿದೆ.

ಕಳೆದ 10 ಟೆಸ್ಟ್​ಗಳಲ್ಲಿ ಅಶ್ವಿನ್-ಜಡೇಜಾ

ಕಳೆದ 10 ಟೆಸ್ಟ್​ಗಳ 20 ಇನ್ನಿಂಗ್ಸ್​ಗಳಿಂದ ಅಶ್ವಿನ್ ಹಾಗೂ ಜಡೇಜಾ ತಲಾ 45 ವಿಕೆಟ್​​​​​​​​ ಉರುಳಿಸಿದ್ದಾರೆ. ಈ ಪೈಕಿ ಅಶ್ವಿನ್, 91 ರನ್ ನೀಡಿ 6 ವಿಕೆಟ್ ಬೇಟೆಯಾಡಿರುವುದು ಬೆಸ್ಟ್ ಪರ್ಫಾಮೆನ್ಸ್​ ಆಗಿದೆ. 42 ರನ್​ ನೀಡಿ 7 ವಿಕೆಟ್ ಕಬಳಿಸಿರೋದು ಜಡೇಜಾರ ಉತ್ತಮ ಪ್ರದರ್ಶನವಾಗಿದೆ. ಈ 10 ಪಂದ್ಯಗಳಲ್ಲಿ ಅಶ್ವಿನ್ 2 ಬಾರಿ, ಜಡೇಜಾ 3 ಬಾರಿ 5 ವಿಕೆಟ್ ಹೌಲ್​ ಸಾಧನೆ ಮಾಡಿದ್ದಾರೆ.

ರಿಸೆಂಟ್​ ಟೆಸ್ಟ್​ಗಳಲ್ಲಿ​​ ಇಂಥಾ ಹೈ ಟಚ್​ನಲ್ಲಿರೋ ಅಶ್ವಿನ್-ಜಡ್ಡು ಕಾಂಬೋ ಕೆರಿಬಿಯನ್ ಬ್ಯಾಟ್ಸ್​ಮನ್​ಗಳಿಗೆ​ ಸವಾಲೇ ಆಗಲಿದ್ದಾರೆ. ಇಂಟ್ರೆಸ್ಟಿಂಗ್ ವಿಚಾರ ಅಂದ್ರೆ, ವಿಂಡೀಸ್ ವಿರುದ್ಧ ಅಬ್ಬರದ ಪ್ರದರ್ಶನ ನೀಡಿರುವ ಅಶ್ವಿನ್, 11 ಪಂದ್ಯಗಳಿಂದ ಬರೋಬ್ಬರಿ 60 ವಿಕೆಟ್ ಉರುಳಿಸಿರೋ ಟ್ರಾಕ್ ರೆಕಾರ್ಡ್ ಹೊಂದಿದ್ದಾರೆ.

ವಿಂಡೀಸ್​ಗಿದ್ಯಾ ಇವರನ್ನು ಎದುರಿಸೋ ತಾಕತ್ತು.?

ಇದು ವಿಶ್ವ ಕ್ರಿಕೆಟ್​ ಅಭಿಮಾನಗಳನ್ನ ಕಾಡ್ತಿರೋ ಪ್ರಶ್ನೆಯಾಗಿದೆ. ಏಕದಿನ ವಿಶ್ವಕಪ್ ಕ್ವಾಲಿಫೈಯರ್​ನಲ್ಲಿ ಕ್ರಿಕೆಟ್​ ಶಿಶುಗಳ ಎದುರೇ ಮಕಾಡೆ ಮಲಗಿರೋ ವೆಸ್ಟ್​ ಇಂಡೀಸ್, ಟೀಮ್ ಇಂಡಿಯಾವನ್ನ ಎದುರಿಸೋದು ಸುಲಭದ ಮಾತೇ ಅಲ್ಲ. ಟೀಮ್ ಇಂಡಿಯಾ ಎದುರು ಕಣಕ್ಕಿಳಿಯುತ್ತಿರೋ ವೆಸ್ಟ್ ಇಂಡೀಸ್ ತಂಡದಲ್ಲಿ ಬಹುತೇಕ ಯುವ ಆಟಗಾರರೇ ಇದ್ದಾರೆ. ಅನುಭವಿ ಟೀಮ್​ ಇಂಡಿಯಾದ ಮುಂದೆ ವಿಂಡೀಸ್​​ ಡಲ್​ ಹೊಡೀತಾ ಇದೆ.

ಬ್ಯಾಟ್ಸ್​ಮನ್​ಗಳ ಪೈಕಿ ನಾಯಕ ಕ್ರೆಗ್​ ಬ್ರಾಥ್​ ವೇಟ್, ಜರ್ಮೈನ್​ ಬ್ಲಾಕ್​ವುಡ್, ಜೆಸನ್ ಹೋಲ್ಡರ್ ಹೊರತು ಪಡಿಸಿದ್ರೆ, ಉಳಿದವರು ಟೀಮ್ ಇಂಡಿಯಾವನ್ನ ಎದುರಿಸಿದ ಅನುಭವ ಇರಲಿ., ಗರಿಷ್ಠ 10ಕ್ಕೂ ಹೆಚ್ಚು ಟೆಸ್ಟ್ ಆಡಿರೋ ಅನುಭವವನ್ನೂ ಹೊಂದಿಲ್ಲ.. ರಕೀಮ್​​​​​​​​​​​ ಕಾರ್ನ್​ವಾಲ್​ರಂತ ದೈತ್ಯ ಬ್ಯಾಟರ್ ತಂಡದಲ್ಲಿದ್ದಾರೆ. ಆದ್ರೆ, ರೆಡ್​​ಬಾಲ್​​ ಕ್ರಿಕೆಟ್​ನಲ್ಲಿ ರಕೀಮ್​ ಮಿಂಚಿದ್ದೇ ಇಲ್ಲ. ಹೀಗಾಗಿ ಬಡವಾಗಿ ಕಾಣ್ತಿರೋ ವಿಂಡೀಸ್ ಬ್ಯಾಟಿಂಗ್​ ಲೈನ್​ ಅಪ್​ಗೆ​, ನಮ್ಮ ಸ್ಪಿನ್ ಟ್ವಿನ್ಸ್​ ಎದುರಿಸೋದು ಸವಾಲಿನ ಸಂಗತಿಯಾಗಿದೆ.

ಅಂಕಿ-ಅಂಶಗಳು, ಅನುಭವದ ಆಧಾರದಲ್ಲಿ ವೆಸ್ಟ್​ ಇಂಡೀಸ್​ ತಂಡ ಟೀಮ್​ ಇಂಡಿಯಾಗಿಂತ ಬಡವಾಗೇ ಕಾಣ್ತಿದೆ. ಅದ್ರಲ್ಲೂ ಅಶ್ವಿನ್​, ಜಡೇಜಾರ ಮ್ಯಾಜಿಕಲ್​ ಎಸೆತಗಳನ್ನ ಎಚ್ಚರಿಕೆ ಹಾಗೂತಾಳ್ಮೆಯಿಂದ ಎದುರಿಸೋ ಯಾವೊಬ್ಬ ಬ್ಯಾಟ್ಸ್ಮನ್​ ಕೂಡ ಕಾಣ್ತಿಲ್ಲ. ಹೀಗಾಗಿ ತವರಿನಲ್ಲಿ ವಿಂಡೀಸ್​ ಕನಿಷ್ಠ ಪಕ್ಷ ಫೈಟ್ ಆದ್ರೂ ಅನ್ನೋದೆ ಕುತೂಹಲ ಮೂಡಿಸಿದೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್