ವಿವಾದದಿಂದ ಯಾವುದೇ ವಿಚಾರಗಳಿಗೆ ಸರಿಯಾದ ಉತ್ತರ ಸಿಗಲಿದೆ

ಪ್ರೇಮಿಗಳಿಗೆ ಸಮಸ್ಯೆ ಆಗುವುದರಿಂದ ದುರಂತವನ್ನು ಕಾಣಬಹುದು.!

ಮಾತು ಮಿತವಾಗಿರಲಿ, ಅಧಿಕಾರಿಗಳಿಂದ ನಿಮ್ಮ ಬಗ್ಗೆ ಅಸಮಾಧಾನ

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ.

ಶ್ರೀ ಶೋಭಕೃತು ನಾಮಸಂವತ್ಸರ, ದಕ್ಷಿಣಾಯಣ, ವರ್ಷ ಋತು, ಅಧಿಕ ಶ್ರಾವಣ ಮಾಸ, ಶುಕ್ಲಪಕ್ಷ, ಪೂರ್ಣಿಮಾ, ಉತ್ತರಾಷಾಡ ನಕ್ಷತ್ರ, ರಾಹುಕಾಲ ಮಂಗಳವಾರ ಮಧ್ಯಾಹ್ನ 3.00 ರಿಂದ 4.30 ರವರೆಗೆ ಇರಲಿದೆ.

ಮೇಷ ರಾಶಿ

• ಆರೋಗ್ಯದ ಬಗ್ಗೆ ಹೆಚ್ಚಿನ ಗಮನಹರಿಸಿ
• ಬೇರೆಯವರ ವ್ಯವಹಾರದಿಂದ ದೂರವಿರಿ
• ಕೆಲವು ದೋಷಗಳು ವ್ಯವಹಾರದಲ್ಲಿ ಕಾಣಬಹುದು
• ಮನೆಯ ವಾತಾವರಣದ ಬಗ್ಗೆ ಚಿಂತಿಸಿ
• ಹಣದ ಗೊಂದಲ ಇರಬಹುದು
• ಮಕ್ಕಳ ಅಸಹಕಾರ ನಿಮಗೆ ತೊಂದರೆಯನ್ನು ಉಂಟು ಮಾಡಬಹುದು
• ಕುಲದೇವತಾ ಆರಾಧನೆ ಮಾಡಿ

ವೃಷಭ

• ಆರೋಗ್ಯದಲ್ಲಿ ಚೇತರಿಕೆ ಕಾಣಬಹುದು
• ಕಾರ್ಯ ಶೈಲಿಯಲ್ಲಿ ಸ್ವಲ್ಪ ಮಟ್ಟಿಗೆ ಸುಧಾರಣೆಯಾಗಲಿದೆ
• ಕೆಲಸದ ಗುಣಮಟ್ಟವನ್ನು ಕಾಪಾಡಿಕೊಳ್ಳಿ
• ಆರ್ಥಿಕ ಸ್ಥಿತಿಯಲ್ಲಿ ಗಣನೀಯ ಬದಲಾವಣೆಯಾಗಬಹುದು
• ಎಷ್ಟೇ ಹಣ ಬಂದರೂ ಖರ್ಚಿಗೆ ದಾರಿ ಇದೆ
• ಹೊಸ ಸಂಪರ್ಕಗಳು ಸಿಗುವುದರಿಂದ ಅನುಕೂಲ ಆಗಲಿದೆ
• ಸುಬ್ರಹ್ಮಣ್ಯ ಸ್ವಾಮಿಯನ್ನು ಆರಾಧನೆ ಮಾಡಿ

ಮಿಥುನ

• ದೊಡ್ಡವರ ಆಶೀರ್ವಾದ ಪಡೆಯಿರಿ
• ಅನಿರೀಕ್ಷಿತವಾದ ಧನಲಾಭ ಆಗಬಹುದು
• ಸ್ಥಿರಾಸ್ತಿಯ ಬಗ್ಗೆ ಚಿಂತನೆ ಮಾಡುತ್ತೀರಿ
• ಹೊಸ ಕೆಲಸವನ್ನು ಆರಂಭಿಸಲು ತೊಂದರೆ ಇಲ್ಲ
• ವಿದ್ಯಾರ್ಥಿಗಳಿಗೆ ಸವಾಲುಗಳು ಹೆಚ್ಚಾಗಬಹುದು
• ಇಂದು ಪ್ರೇಮಿಗಳಿಗೆ ಸುದಿನ
• ಶರಭೇಶ್ವರರನ್ನು ಪ್ರಾರ್ಥನೆ ಮಾಡಿ

ಕಟಕ

•  ವ್ಯಾವಹಾರಿಕವಾದ ಸಮಸ್ಯೆಗಳಿಂದ ಮುಕ್ತಿ
• ಕಾಲು ನೋವು ಸಮಸ್ಯೆಯಾಗಬಹುದು
• ಸರ್ಕಾರಿ ಉದ್ಯೋಗಿಗಳಿಗೆ ಅನುಕೂಲವಿದೆ
• ನಿಂತಿದ್ದ ಕೆಲಸಗಳು ಪರಿಪೂರ್ಣ ಆಗಲಿದೆ
• ನಿಮ್ಮ ನಿರ್ಧಾರಗಳಲ್ಲಿ ಯಾವುದೇ ರೀತಿಯ ಸಡಿಲಿಕೆ ಬೇಡ
• ಹಣವು ನಿಮ್ಮ ಕೈ ಸೇರುವುದು
• ಈಶ್ವರನ ಆರಾಧನೆ ಮಾಡಿ

ಸಿಂಹ

• ಮಕ್ಕಳ ಬಗ್ಗೆ ಚಿಂತಿಸುತ್ತೀರಿ
• ಉದ್ಯೋಗದಲ್ಲಿ ಹೊಸ ವಿಚಾರ ಸೃಷ್ಟಿಯಾಗಬಹುದು
• ಆಸ್ತಿಯ ವಿಚಾರದಲ್ಲಿ ಅನುಕೂಲವಿದೆ
• ಹೆಚ್ಚಿನ ವಿದ್ಯಾಭ್ಯಾಸಕ್ಕೆ ಆದ್ಯತೆ ಇರಲಿ
• ಬಂಧುಗಳಿಂದ ಪ್ರಶಂಸೆ ಸಿಗಬಹುದು
• ಕಾನೂನಿನ ಹೋರಾಟದಲ್ಲಿ ಜಯ ಸಿಗಲಿದೆ
• ಲಲಿತ ಪರಮೇಶ್ವರಿಯನ್ನು ಪ್ರಾರ್ಥನೆ ಮಾಡಿ

ಕನ್ಯಾ

• ಹಿರಿಯರ ಸಹಾಯದಿಂದ ಅನುಕೂಲವಿದೆ
• ಶತ್ರುಗಳ ವಿರುದ್ಧ ಜಾಗ್ರತೆಯಿಂದ ವರ್ತಿಸಿ
• ಕುಟುಂಬದಲ್ಲಿ ಏನೋ ಕಳವಳ
• ಪ್ರವಾಸಕ್ಕೆ ಚಿಂತಿಸುತ್ತೀರಿ ಕಾರ್ಯರೂಪಕ್ಕೆ ಬರೋದು ಕಷ್ಟ ಆಗಲಿದೆ
• ಬೆಲೆ ಬಾಳುವ ವಸ್ತುವಿನ ನಷ್ಟ ಆಗಲಿದೆ
• ಮಾನಸಿಕವಾಗಿ ಸಮಾಧಾನ ಇರುವುದಿಲ್ಲ
• ಆಂಜನೇಯ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ತುಲಾ

• ಸಾಂಸಾರಿಕ ಸಾಮರಸ್ಯವನ್ನು ಕಾಪಾಡಿಕೊಳ್ಳಿ
• ಕೆಲವು ಅಗತ್ಯ ಕೆಲಸಗಳಿಂದ ಸಮಾಧಾನ ಇರಲಿದೆ
• ವ್ಯಾಪಾರದಲ್ಲಿ ಹಣ ಹೂಡಿಕೆಯ ಸಂಭವವಿದೆ
• ಸಹೋದರ ವರ್ಗದಿಂದ ಸಹಾಯ ಆಗಬಹುದು
• ಆರೋಗ್ಯ ಸಮಸ್ಯೆ ದೂರ ಆಗಲಿದೆ
• ವಿವಾದದಿಂದ ಯಾವುದೇ ವಿಚಾರಗಳಿಗೆ ಸರಿಯಾದ ಉತ್ತರ ಸಿಗಲಿದೆ
• ಶ್ರೀ ರಾಮಚಂದ್ರನನ್ನು ಪ್ರಾರ್ಥನೆ ಮಾಡಿ

ವೃಶ್ಚಿಕ

•  ಕುಟುಂಬದಲ್ಲಿ ಸ್ವಲ್ಪ ಸಮಾಧಾನದ ವಾತಾವರಣ
• ಹಿರಿಯ ಅಧಿಕಾರಿಗಳು ಸಹಕರಿಸುತ್ತಾರೆ
• ಇಂದು ನಿಮ್ಮ ಸ್ವಾಭಿಮಾನ ಹೆಚ್ಚಾಗಲಿದೆ
• ಉದ್ಯೋಗ ಹುಡುಕುತ್ತಿರುವವರಿಗೆ ನಿರಾಸೆಯಾಗಬಹುದು
• ಪರೀಕ್ಷಾ ಫಲಿತಾಂಶಗಳು ನಿಮ್ಮ ಪರವಾಗಿರುವುದಿಲ್ಲ
• ಉದ್ಯೋಗಿಗಳಿಗೆ ಒತ್ತಡದಿಂದ ಕಿರಿಕಿರಿಯಾಗಬಹುದು
• ಲಕ್ಷ್ಮೀನರಸಿಂಹ ಸ್ವಾಮಿಯನ್ನು ಆರಾಧನೆ ಮಾಡಿ

ಧನುಸ್ಸು

• ಅಧಿಕವಾದ ಖರ್ಚು ಮನಸ್ಸಿಗೆ ಸಮಾಧಾನವಿಲ್ಲ
• ಗುಣಮಟ್ಟದಲ್ಲಿ ನೀವು ರಾಜಿಯನ್ನು ಮಾಡಿಕೊಳ್ಳುವುದು ಬೇಡ
• ವಿನಾಕಾರಣ ಸಲಹೆಗಳನ್ನು ಕೊಡದಿರಿ
• ಪ್ರೀತಿ ಪ್ರೇಮದ ವಿಚಾರದಲ್ಲಿ ನಂಬಿಕೆ ಕಡಿಮೆಯಾಗಲಿದೆ
• ನವದಂಪತಿಗಳಿಗೆ ಕೆಲವು ಸಮಸ್ಯೆಯಾಗಬಹುದು
• ಅನಾರೋಗ್ಯ ಪೀಡಿತರಿಗೆ ತೊಂದರೆಯಾಗಬಹುದು
• ಮಹಾವಿಷ್ಣುವನ್ನು ಪ್ರಾರ್ಥನೆ ಮಾಡಿ

ಮಕರ

• ನಿಮ್ಮ ಕ್ಷೇತ್ರದಲ್ಲಿ ದೊಡ್ಡ ಸಾಧನೆಯನ್ನು ಮಾಡುತ್ತೀರಿ
• ಇಂದು ಭೂ ವ್ಯವಹಾರಸ್ಥರಿಗೆ ಶುಭವಿದೆ
• ಸಾಮಾಜಿಕ ಚಟುವಟಿಕೆಗಳು ನಿಮ್ಮ ಕೈ ಹಿಡಿಯಲಿದೆ
• ಮನೆಯಲ್ಲಿಯೂ ಸಮಾಧಾನಕರ ವಾತಾವರಣವಿದೆ
• ಮಕ್ಕಳಿಂದ ಸ್ವಲ್ಪ ಯೋಚನೆಯಾಗುವುದರಿಂದ ಭಯ ಆಗಲಿದೆ
• ಸ್ನೇಹಿತರಲ್ಲಿ ವಿರಸ ಮತ್ತು ಬೇಸರ ಉಂಟಾಗಲಿದೆ
• ಶಿವರಾಧನೆ ಮಾಡಿ

ಕುಂಭ

• ನಿಮ್ಮ ಸಾಮರ್ಥ್ಯಕ್ಕೆ ಅನುಗುಣವಾಗಿ ಕೆಲಸವನ್ನು ಆಯ್ಕೆ ಮಾಡಿ
• ಪ್ರೇಮಿಗಳಿಗೆ ಸಮಸ್ಯೆಯಾಗುವುದರಿಂದ ದುರಂತವನ್ನು ಕಾಣಬಹುದು
• ಕೆಲಸದಲ್ಲಿ ಯಶಸ್ಸನ್ನು ಕಾಣುತ್ತೀರಿ
• ಪೂರ್ಣ ಆತ್ಮವಿಶ್ವಾಸದ ಜೊತೆಯಲ್ಲೇ ಕೆಲಸ ಮಾಡಬೇಕು
• ಕೆಲಸದ ಬದಲಾವಣೆಯ ಚಿಂತೆ ಬೇಡ
• ಸರ್ಕಾರಿ ಇಲಾಖೆಯವರಿಗೆ ಸ್ವಲ್ಪ ಸಮಸ್ಯೆಯಾಗಬಹದು
• ಇಷ್ಟ ದೇವತಾ ಪ್ರಾರ್ಥನೆ ಮಾಡಿ

ಮೀನ

• ಅಧಿಕಾರಿಗಳಿಂದ ನಿಮ್ಮ ಬಗ್ಗೆ ಅಸಮಾಧಾನ
• ಮಾತು ಮಿತವಾಗಿದ್ದರೆ ಒಳ್ಳೆಯದು
• ಬೇರೆಯವರ ಸಲಹೆಯನ್ನು ತಾಳ್ಮೆಯಿಂದ ಕೇಳಿಸಿಕೊಳ್ಳಿ
• ಕೆಲಸದ ಒತ್ತಡ ನಿಮಗೆ ಬೇಸರ ತರಲಿದೆ
• ನೀವು ಅಂದುಕೊಂಡ ಕೆಲಸ ನಿಧಾನಗತಿಯಲ್ಲಿ ಸಾಗಲಿದೆ
• ಮಾನಸಿಕ ಕಳವಳ ಹೆಚ್ಚಾಗಲಿದೆ
• ಗಣಪತಿಯನ್ನು ಪ್ರಾರ್ಥನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ