ದಕ್ಷತೆಯನ್ನು ಕಾಪಾಡಿಕೊಳ್ಳಿ, ವಿದ್ಯಾರ್ಥಿಗಳು ಹೆಚ್ಚು ಶ್ರಮವಹಿಸಿ

ಕೆಲಸಗಳನ್ನ ಪೂರೈಸಿ, ತಂದೆ-ತಾಯಿಯ ಆಶೀರ್ವಾದ ಪಡೆಯಿರಿ

ಮಕ್ಕಳಿಂದ ಉತ್ತಮವಾದ ಸ್ಪಂದನೆ ಸಿಗಲಿದ್ದು ಖುಷಿ ಆಗಲಿದೆ..!

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ. 

ಶ್ರೀ ಶೋಭಕೃತು ನಾಮಸಂವತ್ಸರ, ದಕ್ಷಿಣಾಯಣ, ವರ್ಷ ಋತು, ಅಧಿಕ ಶ್ರಾವಣ ಮಾಸ, ಕೃಷ್ಣಪಕ್ಷ, ತ್ರಯೋದಶಿ ತಿಥಿ, ಪುನರ್ವಸು ನಕ್ಷತ್ರ, ರಾಹುಕಾಲ ಸೋಮವಾರ ಬೆಳಗ್ಗೆ 7.30 ರಿಂದ 9.00 ರವರೆಗೆ ಇರಲಿದೆ.

ಮೇಷ ರಾಶಿ

• ಬಾಕಿ ಇರುವ ಹಣ ಈ ದಿನ ಸ್ವೀಕರಿಸಬಹುದು
• ಹೆಚ್ಚಿನ ವಿದ್ಯಾಭ್ಯಾಸಕ್ಕೆ ಅವಕಾಶವಿದೆ
• ಮಾತಿನಿಂದ ತೊಂದರೆ ಆಗಬಹುದು
• ಯಾರನ್ನೂ ನಂಬಿ ಹಣ ಹೂಡಿಕೆ ಮಾಡಬೇಡಿ
• ಸಂಬಂಧಿಕರಲ್ಲಿ ನಿಮ್ಮ ಕೀರ್ತಿ ಹೆಚ್ಚಾಗಲಿದೆ
• ಆರ್ಥಿಕವಾಗಿ ಹಿನ್ನಡೆ ಕಾಣಬಹುದು
• ಕುಬೇರ ಲಕ್ಷ್ಮಿಯನ್ನು ಪ್ರಾರ್ಥನೆ ಮಾಡಿ

ವೃಷಭ

• ಕಾರ್ಯಕ್ಷೇತ್ರದಲ್ಲಿ ಬಡ್ತಿ ಮತ್ತು ಗೌರವ ಸಿಗಬಹುದು
• ಹಳೆಯ ಕನಸುಗಳು ನನಸಾಗಬಹುದು
• ಆಲಸ್ಯವನ್ನು ದೂರ ಮಾಡಿಕೊಳ್ಳಿ
• ದಾಂಪತ್ಯ ಜೀವನವು ಸುಖಮಯವಾಗಿರುತ್ತದೆ
• ಹೊಂದಾಣಿಕೆಯಿಂದ ಹಲವಾರು ರೀತಿಯಲ್ಲಿ ಮುನ್ನಡೆ ಸಾಧಿಸುತ್ತೀರಿ
• ಮಕ್ಕಳ ವಿಚಾರದಲ್ಲಿ ಸಂತೋಷವಿದೆ
• ಆಂಜನೇಯ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ಮಿಥುನ

• ಹೊಸ ಪರಿಚಿತಸ್ಥರಿಂದ ಅಂತರವನ್ನು ಕಾಯ್ದುಕೊಳ್ಳಿ
• ಹೊಸ ಕೆಲಸ ಶುಭವಿಲ್ಲ ಗಮನಿಸಿ
• ಹಿರಿಯರ ನಿರ್ಲಕ್ಷ್ಯದಿಂದ ನೋವು ಆಗಲಿದೆ
• ನಿಮ್ಮ ಗೌರವಕ್ಕೆ ಧಕ್ಕೆ ಬರಬಹುದು
• ಅದೃಷ್ಟವು ನಿಮ್ಮನ್ನು ಬೆಂಬಲಿಸುವುದಿಲ್ಲ
• ಸಾರ್ವಜನಿಕವಾದ ಕೆಲಸದಲ್ಲಿ ಭಾಗಿಯಾಗುತ್ತೀರಿ
• ಇಷ್ಟದೇವತಾ ಪ್ರಾರ್ಥನೆ ಮಾಡಿ

ಕಟಕ

• ರಾಜಕೀಯ ವ್ಯಕ್ತಿಗಳಿಗೆ ಅನುಕೂಲವಿದೆ
• ಬಂಧುಗಳಲ್ಲಿ ಪರಸ್ಪರ ಹೊಂದಾಣಿಕೆ ಇರಬೇಕು
• ನಿಮ್ಮ ವ್ಯವಹಾರದ ಗುಟ್ಟನ್ನು ಬಿಟ್ಟು ಕೊಡಬೇಡಿ
• ಮಕ್ಕಳಿಂದ ಉತ್ತಮ ಸ್ಪಂದನೆ ಸಿಗುವುದರಿಂದ ಸಂತಸ ಆಗಲಿದೆ
• ಮನೆಯಲ್ಲಿ ಮಾತಿನ ಚಕಮಕಿ ನಡೆಯಬಹುದು
• ಆಸ್ತಿಯ ವಿಚಾರ ಮುನ್ನೆಲೆಗೆ ಬರಬಹುದು
• ಭೂವರಾಹ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ಸಿಂಹ

• ಸ್ನೇಹಿತರ ಜೊತೆ ಸಮಯವನ್ನು ಕಳೆಯಬಹುದು
• ಸ್ಥಗಿತಗೊಂಡ ಕೆಲಸಗಳು ಪೂರ್ಣವಾಗಬಹುದು
• ಹೊಸ ಯೋಜನೆಗಳು ಸಕಾರವಾಗಬಹುದು
• ದೂರದ ಪ್ರಯಾಣದ ಸಾಧ್ಯತೆ ಇದೆ
• ಸನ್ಮಾನ, ಬಿರುದು, ಗೌರವಗಳು ನಿಮ್ಮ ಪಾಲಿಗೆ ಸಿಗಲಿದೆ
• ಮನೆಯವರ ಮಾತನ್ನು ಕೇಳಿ ಶುಭವಿದೆ
• ಗಣಪತಿಯನ್ನು ಪ್ರಾರ್ಥನೆ ಮಾಡಿ

ಕನ್ಯಾ

• ಕಾರ್ಯಕ್ಷೇತ್ರದಲ್ಲಿ ಸ್ವಾತಂತ್ರ್ಯವನ್ನು ಬಯಸುತ್ತೀರಿ ಅದು ಸಾಧ್ಯವಿಲ್ಲ
• ಮಕ್ಕಳಿಂದ ಮಾನಸಿಕವಾದ ಕಿರಿಕಿರಿಯಾಗಬಹುದು
• ವಿದ್ಯಾರ್ಥಿಗಳಿಗೆ ಅನುಕೂಲವಿರುವ ದಿನ
• ವಿನಾಕಾರಣ ಹಣದ ಖರ್ಚು ಬೇಸರ ಆಗಬಹುದು
• ಹೊಸ ವಸ್ತು ಖರೀದಿ ಮಾಡುವುದರಿಂದ ಬೇಸರ ಆಗಬಹುದು
• ದಾಂಪತ್ಯ ಕಲಹ ವಿಪರೀತ ಆಗಲಿದೆ
• ಶರಬೇಶ್ವರನನ್ನು ಪ್ರಾರ್ಥನೆ ಮಾಡಿ

ತುಲಾ

• ಇಂದು ಪ್ರೇಮಿಗಳಿಗೆ ಕಷ್ಟಗಳು ಬರಬಹುದು
• ವ್ಯಾಪಾರಸ್ಥರಿಗೆ ನಷ್ಟ ಹಾಗೂ ಹಿನ್ನಡೆಯಾಗಬಹುದು
• ವೃತ್ತಿಪರರಿಗೆ ತುಂಬಾ ಅಭಿವೃದ್ಧಿ ಆಗಲಿದೆ
• ಯಾವ ಕೆಲಸದಲ್ಲೂ ಆತುರವನ್ನು ಮಾಡಬೇಡಿ
• ಕಾನೂನಿನ ಹೋರಾಟದಲ್ಲಿ ಜಯಗಳಿಸುತ್ತೀರಿ
• ಮನೆಯಲ್ಲಿ ಶುಭಕಾರ್ಯದ ಚರ್ಚೆ ಮಾಡುತ್ತೀರಿ
• ನವಗ್ರಹರನ್ನು ಆರಾಧನೆ ಮಾಡಿ

ವೃಶ್ಚಿಕ

• ಬೇರೆಯವರಿಗೆ ಸಹಾಯ ಮಾಡಲು ಬಯಸುತ್ತೀರಿ
• ವ್ಯಾವಹಾರಿಕವಾಗಿ ಅಭ್ಯುದಯ ಆಗಲಿದೆ
• ಬಂಧುಗಳಿಂದ ಧನಾಗಮನ ಮತ್ತು ಸಂತಸ ಆಗಲಿದೆ
• ಕೌಟುಂಬಿಕವಾಗಿ ಭಿನ್ನಾಭಿಪ್ರಾಯ ಇರಲಿದೆ
• ಸಹೋದ್ಯೋಗಿಗಳಿಂದ ಸಮಸ್ಯೆಯಾಗಬಹುದು
• ಮಕ್ಕಳಿಂದ ಉತ್ತಮವಾದ ಸ್ಪಂದನೆ ಸಿಗುವುದರಿಂದ ಖುಷಿ ಆಗಲಿದೆ
• ದುರ್ಗಾದೇವಿಯನ್ನು ಆರಾಧನೆ ಮಾಡಿ

ಧನುಸ್ಸು

• ನಿಮ್ಮ ಕೆಲಸಗಳನ್ನು ಸಕಾಲಕ್ಕೆ ಪೂರೈಸಿ
• ತಂದೆ-ತಾಯಿಯ ಆಶೀರ್ವಾದ ಪಡೆಯಿರಿ
• ಇಂದು ವ್ಯಾಪಾರದಲ್ಲಿ ಪ್ರಗತಿ ಹೊಂದುತ್ತೀರಿ
• ಸಹೋದರ ವರ್ಗದಲ್ಲಿ ಭಿನ್ನಾಭಿಪ್ರಾಯ ಇರಲಿದೆ
• ಆರೋಗ್ಯದ ಬಗ್ಗೆ ಗಮನಿಸಿಕೊಳ್ಳಿ
• ದೊಡ್ಡ ಸಮಾರಂಭದಲ್ಲಿ ಭಾಗವಹಿಸುವ ಅವಕಾಶ
• ನಾಗರಾಧನೆ ಮಾಡಿ

ಮಕರ

• ಸರ್ಕಾರಿ ಉದ್ಯೋಗಿಗಳಿಗೆ ಉತ್ತಮವಾದ ದಿನ
• ಮೇಲಾಧಿಕಾರಿಗಳು ನಿಮ್ಮನ್ನು ಮೆಚ್ಚಿಸಬಹುದು
• ಅನಾಸಕ್ತರಿಂದ ಕೆಲಸದಲ್ಲಿ ಹಿನ್ನಡೆಯಾಗಬಹುದು
• ನಿಮ್ಮ ದಕ್ಷತೆಯನ್ನು ಕಾಪಾಡಿಕೊಳ್ಳಿ
• ವಿದ್ಯಾರ್ಥಿಗಳು ಹೆಚ್ಚು ಶ್ರಮ ವಹಿಸಬೇಕಾಗಬಹುದು
• ಕೆಲವು ಪ್ರಮುಖ ಕೆಲಸಗಳು ನಿಂತು ಹೋಗಬಹುದು
• ಶ್ರೀರಾಮನನ್ನು ಪ್ರಾರ್ಥನೆ ಮಾಡಿ

ಕುಂಭ

• ಮಕ್ಕಳ ಆರೋಗ್ಯದ ಬಗ್ಗೆ ಗಮನಿಸಿ
• ವ್ಯಾವಹಾರಿಕವಾಗಿ ತುಂಬಾ ಜಾಗ್ರತೆದಿಂದಿರಿ
• ಅನಿರೀಕ್ಷಿತವಾಗಿ ತಂದೆಯವರಿಗೆ ತೊಂದರೆ ಆಗುವ ಸೂಚನೆ
• ಹೃದ್ರೋಗಿಗಳಿಗೆ ಸ್ವಲ್ಪ ಚೇತರಿಕೆ ಕಾಣಲಿದೆ
• ಸ್ನೇಹಿತರ ಮನೆಯಿಂದ ಶುಭವಾರ್ತೆ ಬರಲಿದೆ
• ಮನೆಯಲ್ಲಿ ಹಬ್ಬದ ವಾತಾವರಣ
• ಶಕ್ತಿ ದೇವತಾ ಪ್ರಾರ್ಥನೆ ಮಾಡಿ

ಮೀನ

• ಕಾರ್ಯಕ್ಷೇತ್ರದಲ್ಲಿ ನಿಮಗೆ ಯಶಸ್ಸು ಕಾಣುತ್ತೀರಿ
• ಪ್ರೇಮಿಗಳಿಗೆ ಶುಭ ಜೊತೆಗೆ ಭಯ ಇರಲಿದೆ
• ಪ್ರಮುಖ ಕೆಲಸಗಳು ಸರಾಗವಾಗಿ ಆಗಲಿದೆ
• ಬಂಧುಗಳಲ್ಲಿ ಅನೇಕ ಮಂಗಳ ಕಾರ್ಯಗಳು ನಡೆಯಲಿದೆ
• ಮನೆ ಕಟ್ಟುವ ವಿಚಾರದಲ್ಲಿ ಸಂತೋಷವಿದೆ
• ವಿದೇಶಿ ವಾರ್ತೆಯಿಂದ ಸಂತಸ ಆಗಲಿದೆ
• ಲಕ್ಷ್ಮಿ ನರಸಿಂಹ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ