ಮನಸ್ಸಿನಲ್ಲಿ ಕಳವಳ, ಆತಂಕ, ಭಯವಿದ್ದರೆ ದೂರಮಾಡಿ!

ಹೊಸ ಸ್ಥಳ, ಜಮೀನನ್ನು ಖರೀದಿಸುವ ಅವಕಾಶವಿದೆ

ಅತಿಯಾದ ರಕ್ತದೊತ್ತಡ ಇರುವವರಿಗೆ ಸಮಸ್ಯೆಯಿದೆ

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ. 

ಶ್ರೀ ಶೋಭಕೃತು ನಾಮಸಂವತ್ಸರ, ದಕ್ಷಿಣಾಯಣ, ಶರದೃತು, ಆಶ್ವೀಜ ಮಾಸ, ಶುಕ್ಲ ಪಕ್ಷ, ಷಷ್ಠೀ ತಿಥಿ, ಮೂಲ ನಕ್ಷತ್ರ, ರಾಹುಕಾಲ ಮಂಗಳವಾರ ಮಧ್ಯಾಹ್ನ 3.00 ರಿಂದ 4.30 ರವರೆಗೆ ಇರಲಿದೆ.

ಮೇಷ ರಾಶಿ

• ಹಲವು ದಿನದ ಸಂಕಲ್ಪ ಈಡೇರಬಹುದು
• ಬಂಧುಗಳಲ್ಲಿ ಮನಸ್ತಾಪಕ್ಕೆ ಅವಕಾಶವಿದೆ
• ವ್ಯವಹಾರದಲ್ಲಿ ಆಸಕ್ತಿ ಕಡಿಮೆ
• ಹಣಕಾಸಿನ ತೊಂದರೆಯಾಗಬಹುದು
• ನಿಮ್ಮ ಸ್ಥಾನಕ್ಕಾಗಿ ಹೋರಾಟ ಮಾಡುತ್ತೀರಿ
• ಪ್ರೀತಿಗೆ ಅಥವಾ ವಿಶ್ವಾಸಕ್ಕೆ ಬೆಲೆಯಿಲ್ಲ ಎಂದು ಉದ್ಗರಿಸುತ್ತೀರಿ
• ಮಹಾಲಕ್ಷ್ಮೀಯನ್ನು ಪ್ರಾರ್ಥನೆ ಮಾಡಿ

ವೃಷಭ

• ಅಸಮಾಧಾನದ ಭಯ ಕಾಡಬಹುದು
• ಹಳೆಯ ಸ್ನೇಹಿತರ ಭೇಟಿಗೆ ಅವಕಾಶವಿದೆ
• ಅತಿಯಾದ ರಕ್ತದೊತ್ತಡ ಇರುವವರಿಗೆ ಸಮಸ್ಯೆಯಿದೆ
• ಆಹಾರ ಪದ್ಧತಿಯನ್ನು ಗಮನಿಸಿ
• ವ್ಯಾವಹಾರಿಕ ಸಮಾಧಾನ ತೃಪ್ತಿ ಸಿಗಲಿದೆ
• ಮನೆಯ ವಾತಾವರಣ ಚೆನ್ನಾಗಿರಲಿದೆ
• ಧನ್ವಂತರಿ ಮಹಾವಿಷ್ಣವನ್ನು ಪ್ರಾರ್ಥನೆ ಮಾಡಿ

ಮಿಥುನ

• ಮನೆಯವರ ಸಲಹೆಯಿಂದ ಪ್ರಯೋಜನವಾಗಲಿದೆ
• ಹೊಸ ಸ್ಥಳ, ಜಮೀನನ್ನು ಖರೀದಿಸುವ ಅವಕಾಶವಿದೆ
• ವ್ಯಾಪಾರ,ಗುರಿ ಸಕಾಲಕ್ಕೆ ಪೂರ್ಣವಾಗುವುದಿಲ್ಲ
• ಮಕ್ಕಳ ಬಗ್ಗೆ ಹೆಮ್ಮೆ ಇದೆ
• ಸಂಬಂಧಿಕರ ಜೊತೆಯಲ್ಲಿ ಜಗಳ ಮಾಡಬೇಡಿ
• ಕುಲದೇವತಾ ಆರಾಧನೆ ಮಾಡಿ

ಕಟಕ

• ಜವಾಬ್ದಾರಿಗೆ ಹೆಚ್ಚಿನ ಆದ್ಯತೆ ನೀಡಿ
• ಆಲೋಚನೆಗಳನ್ನು ಮುಕ್ತವಾಗಿ ಚರ್ಚಿಸಿ
• ಮನೆಯವರ ಸಂತೋಷಕ್ಕೆ ಕಾರಣ ನೀವಾಗಬೇಕು
• ಎಲ್ಲಾ ಸಂದರ್ಭಗಳು ಅನುಕೂಲಕರವಾಗಿರುವುದಿಲ್ಲ
• ಸ್ನೇಹಿತ ವರ್ಗ ಸಕಾಲದಲ್ಲಿ ಸಹಕರಿಸದಿರಬಹುದು
• ತಾಳ್ಮೆ ಮುಖ್ಯ ಯೋಚಿಸಿ ನಿರ್ಧರಿಸಿ
• ನವಗ್ರಹರ ಆರಾಧನೆ ಮಾಡಿ

ಸಿಂಹ

• ಮನಸ್ಸಿನಲ್ಲಿ ಕಳವಳ, ಆತಂಕ,ಭಯವಿದ್ದರೆ ದೂರಮಾಡಿ
• ಮಾನಸಿಕವಾಗಿ ದೃಢತೆ ಬಹಳ ಮುಖ್ಯ
• ಆರೋಗ್ಯ ಚೆನ್ನಾಗಿದೆ ಉತ್ತಮವಾದ ಸೇವೆ ಮಾಡಿ
• ದೊಡ್ಡ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳುತ್ತೀರಿ
• ಎಲ್ಲಾ ರೀತಿಯ ಸಮಾಧಾನ ಸಿಗಲಿದೆ
• ಹಣ, ಆಸ್ತಿ ವಿಚಾರದಲ್ಲಿ ದೂರಾಲೋಚನೆ ಮಾಡುತ್ತೀರಿ
• ಗಣಪತಿಯನ್ನು ಪ್ರಾರ್ಥನೆ ಮಾಡಿ

ಕನ್ಯಾ

• ಸ್ನೇಹಿತರ ಸಲಹೆಗೆ ಮಾನ್ಯತೆ ಇರಲಿ
• ಮಕ್ಕಳ ವಿಚಾರದಲ್ಲಿ ಯೋಚಿಸಿ ಬೇಸರಗೊಳ್ಳುತ್ತೀರಿ
• ಪ್ರೀತಿಯ ವಿಚಾರದಲ್ಲಿ ನಿರಾಸೆಯಿದೆ
• ಆಗದ ಕೆಲಸದ ಬಗ್ಗೆ ಚಿಂತಿಸಬೇಡಿ
• ನಿರೀಕ್ಷೆಗೆ ಮೀರಿದ ಸುದ್ದಿ ಇರಬಹುದು ಆದರೆ ಪ್ರಯೋಜನವಿಲ್ಲ
• ಯಾವುದೂ ನೀವಂದುಕೊಂಡಂತೆ ನಡೆಯುವುದಿಲ್ಲ
• ಈಶ್ವರನ ಆರಾಧನೆ ಮಾಡಿ

ತುಲಾ

• ವೃತ್ತಿಯ ಜನರು ನಿಮ್ಮನ್ನು ಗೌರವಿಸುತ್ತಾರೆ
• ಪ್ರವಾಸಕ್ಕೆ ಸಿದ್ಧತೆ ಮಾಡಿಕೊಳ್ಳುತ್ತೀರಿ
• ಕೆಲವು ಪ್ರಮುಖ ಯೋಜನೆಗಳಿಗೆ ಚಾಲನೆ ಸಿಗಲಿದೆ
• ಸಹನೆಯಿಂದ ವರ್ತಿಸಿ ತಾಳ್ಮೆಯನ್ನು ಕಳೆದುಕೊಳ್ಳಬೇಡಿ
• ಉನ್ನತ ಶಿಕ್ಷಣದ ಬಗ್ಗೆ ಆಸೆ ಇರುವವರಿಗೆ ಅನುಕೂಲವಿದೆ
• ನಿಮ್ಮ ಕೆಲವು ಆಸೆಗಳು ಪೂರೈಸುತ್ತದೆ
• ಲಲಿತಾ ಪರಮೇಶ್ವರಿಯನ್ನು ಪ್ರಾರ್ಥನೆ ಮಾಡಿ

ವೃಶ್ಚಿಕ

• ಇಂದು ಹೊಸ ಕೆಲಸದ ಆರಂಭ ಮಾಡಬೇಡಿ
• ತುಂಬಾ ತಾಳ್ಮೆಯಿಂದ ಇರಬೇಕಾದ ಸಮಯ
• ಬಂಧುಗಳ ಬಗ್ಗೆ ಗಂಭೀರವಾಗಿ ಚಿಂತಿಸಿ
• ಮನಸ್ಸಿನಲ್ಲಿ ಹತಾಶೆಯ ಭಾವನೆ ಕಾಡಬಹುದು
• ಆತ್ಮವಿಶ್ವಾಸದ ಕೊರತೆಯಿಂದ ಹಿನ್ನಡೆಯಾಗಬಹುದು
• ಮಾನಸಿಕ ಧೈರ್ಯದಿಂದ ಮುನ್ನುಗ್ಗಿದರೆ ಶುಭವಿದೆ
• ಶಿವಾರಾಧನೆಯನ್ನು ಮಾಡಿ

ಧನುಸ್ಸು

• ಅನುಭವಿಗಳಿಂದ ಮಾರ್ಗದರ್ಶನ ಪಡೆಯುತ್ತೀರಿ
• ಯಾವುದೇ ತೋರಿಕೆಯ ಕೆಲಸಗಳನ್ನು ಮಾಡಬೇಡಿ
• ನಿಮ್ಮ ಬಗ್ಗೆಯೇ ಚಿಂತಿಸಿ ಕಾಲ ಕಳೆಯುತ್ತೀರಿ
• ಪ್ರಮುಖ ಅವಕಾಶಗಳಿವೆ ಗಮನಿಸಿ
• ನಿಮ್ಮ ನಿರ್ಲಕ್ಷ್ಯ ನಿಮಗೆ ತೊಂದರೆ ಆಗಬಹುದು
• ಸುಬ್ರಹ್ಮಣ್ಯ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ಮಕರ

• ಸಂತೋಷದ ಸಮಯ ನಿಮ್ಮದಾಗಲಿದೆ
• ವ್ಯಾವಹಾರಿಕವಾಗಿ ಕೆಲವು ವಿಚಾರಗಳು ನಿಮ್ಮಂತೆಯೇ ನಡೆಯಬಹುದು
• ತುಂಬಾ ನಿರೀಕ್ಷೆಯನ್ನಿಟ್ಟುಕೊಳ್ಳಬೇಡಿ
• ಆತ್ಮವಿಶ್ವಾಸಕ್ಕೆ ಧಕ್ಕೆ ಬಾರದಂತೆ ಗಮನಿಸಿ
• ಕೆಲಸದ ಬಗ್ಗೆ ಸುದೀರ್ಘವಾಗಿ ಚರ್ಚಿಸುತ್ತೀರಿ
• ಜಯವನ್ನು ಸಾಧಿಸುವ ಬಗ್ಗೆ ತಲೆಕೆಡಿಸಿಕೊಳ್ಳುತ್ತೀರಿ
• ಆಂಜನೇಯ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ಕುಂಭ

• ಸಾಂಸಾರಿಕ ವಿಚಾರದಲ್ಲಿ ಕೆಲವು ಬೇಸರವಿದೆ
• ಪ್ರಮುಖ ನಿರ್ಧಾರಗಳಿಗೆ ಅಡ್ಡಿಯಾಗಬಹುದು
• ವ್ಯವಹಾರದಲ್ಲಿ ಕೆಲವು ಸಮಸ್ಯೆಗಳಾಗಬಹುದು
• ಅಹಂಕಾರದ ಭಾವನೆ ಬಂಧುಗಳನ್ನು, ಸ್ನೇಹಿತರನ್ನು ದೂರ ಮಾಡಲಿದೆ
• ನಿಮ್ಮ ತಪ್ಪಿನ ಅರಿವಾದರೆ ಒಳ್ಳೆಯದು
• ಹಣದ ವಿಚಾರಕ್ಕೆ ಗೊಂದಲ ಕಾರಣವಾಗಲಿದೆ
• ದುರ್ಗಾ ಪರಮೇಶ್ವರಿಯನ್ನು ಪ್ರಾರ್ಥನೆ ಮಾಡಿ

ಮೀನ

• ದೊಡ್ಡ ವ್ಯವಹಾರ ಇರುವವರಿಗೆ ಸವಾಲುಗಳಿವೆ
• ನಿಮ್ಮ ಹೆಸರನ್ನು ಉಳಿಸಿಕೊಳ್ಳಲು ಶ್ರಮ ಪಡಬೇಕು
• ಇಂದು ಪ್ರೇಮಿಗಳಿಗೆ ಶುಭವಿದೆ
• ಅನಿರೀಕ್ಷಿತವಾದ ಲಾಭವಿದ್ದರೂ ಸಮಾಧಾನವಿಲ್ಲ
• ಹಿರಿಯರ ಬಗ್ಗೆ ಕೆಲವು ಅಸಮಾಧಾನಗಳಿರಲಿದೆ
• ವೈಯಕ್ತಿಕ ವಿಚಾರ ಸ್ವಾರ್ಥದಿಂದ ದೂರವಿದ್ದರೆ ಶುಭವಿದೆ
• ಗೋಸೇವೆಯನ್ನು ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ