ಯಾವುದೇ ರೀತಿಯ ಮಾತಿಗೆ ನಿಮ್ಮಿಂದ ಪ್ರತಿಕ್ರಿಯೆ ಇರಲ್ಲ, ನಾಗಾರಾಧನೆ ಮಾಡಿ

ಭವಿಷ್ಯದ ಬಗ್ಗೆ ಹೆಚ್ಚು ಭಯ, ಕುಟುಂಬದವರು ನಿಮಗೆ ತಿಳುವಳಿಕೆ ಹೇಳಬಹುದು

ತುಂಬಾ ಸಂತೋಷದ ಸಮಯ, ಅಪರೂಪದ ವಸ್ತುಗಳನ್ನು ನೀವು ಪಡೆಯಬಹುದು

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ.

ಶ್ರೀ ಶೋಭಕೃತು ನಾಮಸಂವತ್ಸರ, ಉತ್ತರಾಯಣ, ಗ್ರೀಷ್ಮ ಋತು. ಆಷಾಢಮಾಸ, ಶುಕ್ಲಪಕ್ಷ, ತೃತೀಯಾ ತಿಥಿ, ಪುಷ್ಯ ನಕ್ಷತ್ರ ರಾಹುಕಾಲ ಬುಧವಾರ ಮಧ್ಯಾಹ್ನ 12:00 ರಿಂದ 1:30 ರವರೆಗೆ ಇರಲಿದೆ.

ಮೇಷ:

• ವ್ಯಾವಹಾರಿಕವಾಗಿ ಬೇರೆಯವರ ಜೊತೆಗೆ ನಡೆದುಕೊಳ್ಳುವ ರೀತಿ ಜನರನ್ನು ಆಕರ್ಷಣೆ ಮಾಡುತ್ತದೆ
• ವ್ಯಾಪಾರದ ದೃಷ್ಟಿಯಿಂದ ಸಾಲ ಪಡೆಯಬಹುದು
• ಕಠಿಣ ಪರಿಶ್ರಮಕ್ಕೆ ತಕ್ಕ ಪ್ರತಿಫಲವಿದೆ
• ಜಟಿಲವಾದ ಸಮಸ್ಯೆಗಳನ್ನು ಪರಿಹರಿಸುವಲ್ಲಿ ಯಶಸ್ಸು ಕಾಣುತ್ತೀರಿ
• ತುಂಬಾ ಶಿಸ್ತು ಬದ್ಧವಾಗಿ ವರ್ತಿಸಬೇಡಿ
• ದೂರದ ಪ್ರಯಾಣ ಸಾಧ್ಯತೆ ಇದೆ
• ನರಸಿಂಹ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ವೃಷಭ:

 

• ನಿಮ್ಮ ಸಲಹೆಯಿಂದ ಜನ ಪ್ರಯೋಜನ ಪಡೆದುಕೊಳ್ಳುತ್ತಾರೆ
• ಅನಿವಾರ್ಯ ಇಲ್ಲದಿದ್ದರೆ ಪ್ರಯಾಣವನ್ನು ಮಾಡಬೇಡಿ
• ಅರ್ಥಹೀನವಾದ ವಾದಗಳನ್ನು ತಪ್ಪಿಸಿ
• ಕೆಲವು ಕೆಲಸಗಳು, ಕೆಲವು ವ್ಯಕ್ತಿಗಳು ಬೇಸರವನ್ನು ತರಬಹುದು
• ಆದಾಯದ ಮೂಲಗಳನ್ನು ಗಟ್ಟಿ ಮಾಡಿಕೊಳ್ಳಬೇಕು
• ಅನಾರೋಗ್ಯ ಪೀಡಿತರಿಗೆ ಸಮಸ್ಯೆಗಳಿವೆ
• ದುರ್ಗಾದೇವಿಯ ಆರಾಧನೆ ಮಾಡಿ

ಮಿಥುನ :

• ವ್ಯವಹಾರದಲ್ಲಿ ಅತ್ಯುತ್ಸಾಹ ಆದರೆ ನಷ್ಟ ಉಂಟಾಗಬಹುದು
• ಕುಟುಂಬದ ಆಗು ಹೋಗುಗಳ ಬಗ್ಗೆ ಗಮನವಿರಲಿ
• ವೃತ್ತಿಗೆ ಸಂಬಂಧಿಸಿದಂತೆ ಅನುಕೂಲವನ್ನು ಪಡೆಯುತ್ತೀರಿ
• ಅಭಿವೃದ್ಧಿಗೆ ಅವಕಾಶಗಳು ಇವೆ ಆದರೆ ನಿಮಗೆ ಆಸಕ್ತಿ ಇಲ್ಲ
• ಗಣ್ಯ ವ್ಯಕ್ತಿಗಳ ಸಂಪರ್ಕ ಆಗಲಿದೆ ಆದರೆ ಪ್ರಯೋಜನಗಳಾಗುವುದಿಲ್ಲ
• ಮನಸ್ಸಿನಲ್ಲಿ ಯಾವುದೇ ಗೊಂದಲಗಳು ಬೇಡ
• ಶರಬೇಶ್ವರನನ್ನು ಪ್ರಾರ್ಥನೆ ಮಾಡಿ

ಕಟಕ :

• ಬೇರೆಯವರ ತಪ್ಪನ್ನು ಸರಿ ಮಾಡುವ ಸಂದರ್ಭ ಒಳ್ಳೆಯದಾಗಲಿದೆ
• ನಿಂತಿರುವ ಕೆಲಸಗಳು ಪುನರಾರಂಭವಾಗಲಿದೆ
• ನಿಮ್ಮ ಸಾಮರ್ಥ್ಯವನ್ನು ಮೀರಿದ ಕೆಲಸಗಳಾಗುತ್ತದೆ
• ಕುಟುಂಬದಲ್ಲಿ ಕೆಲವು ದೊಡ್ಡ ನಿರ್ಧಾರಗಳಾಗುತ್ತದೆ
• ಹಿರಿಯರ ಮಾರ್ಗದರ್ಶನವನ್ನು ಪಡೆಯಿರಿ ಅನುಕೂಲ ಆಗಲಿದೆ
• ಉತ್ತಮ ಫಲಿತಾಂಶ ನಿರೀಕ್ಷೆ ಮಾಡಬಹುದಾದ ದಿನ
• ಶಿವರಾಧನೆಯನ್ನು ಮಾಡಿ

ಸಿಂಹ :

• ಎಲ್ಲಾ ಕೆಲಸದಲ್ಲಿ ಮನಸ್ಸು ದೃಢವಾಗಿರಬೇಕು
• ರಾಜಿ ಮಾಡಿಕೊಳ್ಳುವ ಪ್ರಸಂಗ ಬರಬಹುದು ಆದರೆ ಬೇಡ
• ಮಕ್ಕಳು ಅಥವಾ ಸ್ನೇಹಿತರ ಇಚ್ಛೆಯಂತೆ ನಡೆದುಕೊಳ್ಳುವುದರಿಂದ ಸಂತೋಷ ನೀಡಲಿದೆ
• ಮಾತೆಯರಿಗೆ ಸ್ವಲ್ಪ ಸಮಸ್ಯೆಯ ದಿನ
• ತಂದೆಯವರಿಗೆ ಅನಿರೀಕ್ಷಿತವಾಗಿ ಲಾಭದ ಸಾಧ್ಯತೆ
• ಸಾಮಾಜಿಕ ಕಾರ್ಯಕ್ರಮಗಳಲ್ಲಿ ಭಾಗಿಯಾಗುವ ಸಾಧ್ಯತೆ ಇದೆ
• ಆಂಜನೇಯ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ಕನ್ಯಾ :

• ಹಣದ ಅಭಾವದಿಂದ ಚಿಂತೆ ಕಾಡಲಿದೆ
• ಸತ್ಯವನ್ನು ತಿಳಿಯದೆ ವಾದ ಮಾಡಬೇಡಿ
• ಶತ್ರುಗಳನ್ನು ಎದುರಿಸುವಲ್ಲಿ ವಿಫಲರಾಗುತ್ತೀರಿ
• ಹೃದ್ರೋಗಿಗಳಿಗೆ ಸ್ವಲ್ಪ ಸಮಸ್ಯೆ ಇದೆ ಎಚ್ಚರಿಕೆ ವಹಿಸಿ
• ಯಾವುದೇ ರೀತಿಯ ಮಾತಿಗೆ ನಿಮ್ಮಿಂದ ಪ್ರತಿಕ್ರಿಯೆ ಇರುವುದಿಲ್ಲ
• ಮಕ್ಕಳ ಬಗ್ಗೆ ಸಮಾಧಾನ ಇರುವುದಿಲ್ಲ
• ನಾಗಾರಾಧನೆಯನ್ನು ಮಾಡಿ

ತುಲಾ :

• ವ್ಯವಹಾರದಲ್ಲಿ ಅನಿರೀಕ್ಷಿತವಾಧ ಧನಲಾಭ
• ಪ್ರಮುಖ ನಿರ್ಧಾರಗಳಿಗೆ ಒಪ್ಪಿಗೆಯನ್ನು ನೀಡುತ್ತೀರಿ
• ಇಂದು ತುಂಬಾ ಮಂಗಳಕರವಾಗಿದೆ
• ಮಕ್ಕಳಿಗೆ ಬೇಕಾದ ಅನುಕೂಲ ಮಾಡಿ ಕೊಡುತ್ತೀರಿ
• ಹೊಸ ಕೆಲಸಗಳನ್ನು ಪ್ರಾರಂಭಿಸಲು ಅನುಕೂಲವಿದೆ
• ಹಣದ ವಿಚಾರವಾಗಿ ಕೂಡ ಅನುಕೂಲವಿದೆ
• ಕುಲದೇವತಾ ಆರಾಧನೆ ಮಾಡಿ

ವೃಶ್ಚಿಕ :

• ಸಹೋದ್ಯೋಗಿಗಳು ನಿಮಗೆ ಸಹಕರಿಸುವುದಿಲ್ಲ
• ಅಜಾಗರೂಕತೆಯಿಂದ ನಷ್ಟವನ್ನು ಹೊಂದುತ್ತೀರಿ
• ಅಹಂಭಾವವನ್ನು ಬಿಟ್ಟು ವರ್ತಿಸಬೇಕಾಗುತ್ತದೆ
• ಬೇರೆಯವರನ್ನು ಟೀಕಿಸಬೇಡಿ ಅವಮಾನ ಮಾಡಬೇಡಿ
• ಮಕ್ಕಳ ಅಪೇಕ್ಷೆಗಳನ್ನು ನಿರ್ಲಕ್ಷಿಸಬೇಡಿ
• ವಾಹನ ಚಾಲನೆಯಲ್ಲಿ ಎಚ್ಚರಿಕೆವಹಿಸಿ ತೊಂದರೆ ಇದೆ
• ಮಹಾಗಣಪತಿಯನ್ನು ಪ್ರಾರ್ಥನೆ ಮಾಡಿ

ಧನುಸ್ :

• ಮನರಂಜನೆಗೆ ಹೆಚ್ಚು ಹಣವನ್ನು ಖರ್ಚು ಮಾಡುತ್ತೀರಿ
• ಮನೆಯಲ್ಲಿ ವಾತಾವರಣ ಚೆನ್ನಾಗಿರುವುದಿಲ್ಲ
• ವಿದ್ಯಾರ್ಥಿಗಳಿಗೆ ಅನುಕೂಲಕರವಾಗಿದೆ
• ಕೆಲಸದಿಂದ ವಿಘ್ನಗಳು ಆಗುವುದರಿಂದ ಕೋಪ ಬರಲಿದೆ
• ಕಮಿಷನ್ ಏಜೆಂಟ್ಸ್​​ಗೆ ಲಾಭ ಆಗಲಿದೆ
• ಪ್ರೇಮಿಗಳಿಗೆ ಸಮಸ್ಯೆ
• ಸುಬ್ರಹ್ಮಣ್ಯ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

 

ಮಕರ :

• ಎಲ್ಲಾ ಕೆಲಸಗಳನ್ನು ಮನಸ್ಸಿನಿಂದ ಮಾಡಿ
• ಯಾವುದೇ ಬದಲಾವಣೆಗಳನ್ನು ನಿರೀಕ್ಷಿಸಬೇಡಿ
• ಸ್ನೇಹಿತರು ಅಥವಾ ಕುಟುಂಬದವರು ನಿಮಗೆ ತಿಳುವಳಿಕೆ ಹೇಳಬಹುದು
• ಭವಿಷ್ಯದ ಬಗ್ಗೆ ಹೆಚ್ಚು ಭಯ ಕಾಡಲಿದೆ
• ಆಕಸ್ಮಿಕವಾಗಿ ಧನ ನಷ್ಟವಾಗಬಹುದು
• ಹೊಸ ಆಸ್ತಿಯ ಖರೀದಿಯ ಬಗ್ಗೆ ಚರ್ಚೆ ಮಾಡುತ್ತೀರಿ
• ಮಹಾಲಕ್ಷ್ಮಿಯನ್ನು ಪ್ರಾರ್ಥನೆ ಮಾಡಿ

ಕುಂಭ :

• ಅಪರೂಪದ ವಸ್ತುಗಳನ್ನು ನೀವು ಪಡೆಯಬಹುದು
• ತುಂಬಾ ಸಂತೋಷದ ಸಮಯವಿದೆ ಎದುರು ನೋಡ್ತೀರಿ
• ವ್ಯಾಪಾರದಲ್ಲಿ ಧನ ಲಾಭ ಸಂತೋಷ ಆಗಲಿದೆ
• ತಂತ್ರಜ್ಞಾನದ ವಿಚಾರದಲ್ಲಿ ಕೆಲವು ಚರ್ಚೆಗಳನ್ನು ಮಾಡುತ್ತೀರಿ
• ತಂದೆಯವರಿಗೆ ಅನಿರೀಕ್ಷಿತ ತೊಂದರೆಯಾಗಬಹುದು
• ಮಕ್ಕಳ ಚಟುವಟಿಕೆಗೆ ಸಂತಸ ತರಲಿದೆ
• ನವಗ್ರಹರ ಅರಾಧನೆ ಮಾಡಿ

ಮೀನ:

• ರಿಯಲ್ ಎಸ್ಟೇಟ್ ಉದ್ಯಮಿಗಳಿಗೆ ಅನುಕೂಲವಿದೆ
• ಉದ್ಯೋಗದಲ್ಲಿ ಉನ್ನತವಾದ ಸ್ಥಾನ ಸಿಗಲಿದೆ
• ಹಣದ ವಿಚಾರದಲ್ಲಿ ಕಾನೂನಾತ್ಮಕ ತೊಡಕುಗಳಾಗಬಹುದು
• ರಾಜಕೀಯ ವ್ಯಕ್ತಿಗಳಿಗೆ ಸಹಕಾರವಿದೆ
• ಸ್ನೇಹಿತರಿಗೋಸ್ಕರವಾಗಿ ಹಣವನ್ನು ವ್ಯಯ ಮಾಡುತ್ತೀರಿ
• ಮಕ್ಕಳ ಭವಿಷ್ಯವನ್ನು ನಿರೂಪಿಸಬೇಕಾಗುತ್ತದೆ
• ಕುಬೇರ ಲಕ್ಷ್ಮಿಯನ್ನು ಪ್ರಾರ್ಥನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ