ಇಂದಿನಿಂದ ದುಲೀಪ್ ಟ್ರೋಫಿ ದಂಗಲ್​​ ಶುರು

ಸೆಪ್ಟೆಂಬರ್​​​​ 5 ರಿಂದ 22 ರ ತನಕ ಸ್ಟಾರ್ ವಾರ್

ಇಂಡಿಯಾ ಎ ತಂಡಕ್ಕೆ ಇಂಡಿಯಾ ಬಿ ತಂಡ ಸವಾಲು

ಒಂದು ತಿಂಗಳಿಂದ ಇಂಡಿಯನ್ ಕ್ರಿಕೆಟ್ ಫ್ಯಾನ್ಸ್​ ಯಾವುದೇ ಸರಣಿಗಳಿಲ್ಲದೇ ಬೇಸರಗೊಂಡಿದ್ರು. ಇವತ್ತಿಗೆ ಅದಕ್ಕೆಲ್ಲಾ ಬ್ರೇಕ್ ಬೇಳಲಿದೆ. ಯಾಕಂದ್ರೆ ಇಂದಿನಿಂದ ಮೋಸ್ಟ್​ ಎಕ್ಸೈಟೆಡ್​​ ದುಲೀಪ್ ಟ್ರೋಫಿ ಆರಂಭಗೊಳ್ಳಲಿದ್ದು ತೀರ ಕುತೂಹಲ ಮೂಡಿಸಿದೆ. ಟೀಮ್ ಇಂಡಿಯಾ ಘಟಾನುಘಟಿ ಆಟಗಾರರೇ ಇಲ್ಲಿ ಆಡ್ತಿದ್ದು, ಎಲ್ಲರ ಚಿತ್ತ ಅವರತ್ತ ನೆಟ್ಟಿದೆ. ಹಲವರ ಟೆಸ್ಟ್​​ ಕಮ್​​ಬ್ಯಾಕ್ ಭವಿಷ್ಯ ಇಲ್ಲೇ ನಿರ್ಧಾರವಾಗಲಿದೆ.

ಇಂದಿನಿಂದ ದುಲೀಪ್​ ಟ್ರೋಫಿ ದಂಗಲ್​​

ದೇಶಿ ಕ್ರಿಕೆಟ್​​​​​​​ ದುಲೀಪ್​ ಟ್ರೋಫಿ ಆರಂಭಕ್ಕೆ ಕೌಂಟ್​ಡೌನ್​​ ಶುರುವಾಗಿದೆ. ಇಂದಿನಿಂದ ಪಂದ್ಯಾವಳಿ ಆರಂಭಗೊಳ್ಳಲಿದ್ದು ಸೆಪ್ಟೆಂಬರ್​​​​ 22 ರ ತನಕ ಫ್ಯಾನ್ಸ್​​​​ಗೆ ಫುಲ್ ಮೀಲ್ಸ್​ ಸಿಗಲಿದೆ. ನಾಲ್ಕು ತಂಡಗಳು ಈ ದಂಗಲ್​ನಲ್ಲಿ ಆಡಲಿದ್ದು, ​​ ಮುಂಬರೋ ಬಾಂಗ್ಲಾ ಟೆಸ್ಟ್​ ಸರಣಿಗೆ ತಂಡದ ಆಯ್ಕೆ ದೃಷ್ಟಿಯಿಂದ ಇದು ತುಂಬಾ ಮಹತ್ವ ಪಡೆದಿದೆ. ಟೀಮ್ ಇಂಡಿಯಾ ಸ್ಟಾರ್ ಆಟಗಾರರ ದಂಡೇ ಇಲ್ಲಿದ್ದು, ರನ್ ಕೊಳ್ಳೆ ಹೊಡೆದು ಸೆಲೆಕ್ಟರ್ಸ್​ ಮನ ಗೆಲ್ಲೋದು ಎಲ್ಲರ ಹೆಬ್ಬಕೆಯಾಗಿದೆ. ಇಂದು ಚಿನ್ನಸ್ವಾಮಿ ಮೈದಾನದಲ್ಲಿ ಇಂಡಿಯಾ ಎ ಹಾಗೂ ಇಂಡಿಯಾ ಬಿ ತಂಡಗಳು ಸೆಣಸಾಡಿದ್ರೆ, ಅನಂತಪುರದಲ್ಲಿ ಇಂಡಿಯಾ ಸಿ ಹಾಗೂ ಇಂಡಿಯಾ ಡಿ ತಂಡಗಳು ತೊಡೆತಟ್ಟಲಿವೆ.

ಇದನ್ನೂ ಓದಿ:ದರ್ಶನ್ ಅಭಿಮಾನಿಗಳಿಗೆ ಗುಡ್​ನ್ಯೂಸ್​; ರಿಲೀಸ್ ಆಗುವ ಡೇಟ್​​ ನುಡಿದ ಬೀರಲಿಂಗೇಶ್ವರ ದೈವ

ಆಡಿ ಬೆಳೆದ ಅಂಗಳದಲ್ಲಿ ತ್ರಿಮೂರ್ತಿ ಕನ್ನಡಿಗರು ಮುಖಾಮುಖಿ..!
ಬೆಂಗಳೂರಿನ ಚಿನ್ನಸ್ವಾಮಿ ನಡೆಯುವ ಪಂದ್ಯದಲ್ಲಿ ಇಂಡಿಯಾ ಎ ಹಾಗೂ ಇಂಡಿಯಾ ಬಿ ತಂಡಗಳು ತೊಡೆ ತಟ್ಟಲಿವೆ. ಈ ಪಂದ್ಯದಲ್ಲಿ ತ್ರಿಮೂರ್ತಿ ಕನ್ನಡಿಗರಾದ ಕೆಎಲ್ ರಾಹುಲ್, ಮಯಾಂಕ್​ ಅಗರ್ವಾಲ್ ಹಾಗೂ ಪ್ರಸಿದ್ಧ್​ ಕೃಷ್ಣಗೆ ಪ್ರತಿಷ್ಠೆಯಾಗಿದೆ. ಹೀಗಾಗಿ ಹೋಮ್​ಗ್ರೌಂಡ್​ನಲ್ಲಿ ಮೂವರು ಭರ್ಜರಿ ಸಿದ್ಧತೆ ನಡೆಸಿದ್ದು, ಬಾಂಗ್ಲಾ ಟೆಸ್ಟ್​ ಸರಣಿಯಲ್ಲಿ ಕಮ್​​ಬ್ಯಾಕ್ ಮಾಡುವ ನಿರೀಕ್ಷೆಯಲ್ಲಿದ್ದಾರೆ.

ತವರಿನಂಗಳದಲ್ಲಿ ಘರ್ಜಿಸಲು ಲೋಕಲ್​ ಬಾಯ್
ಇಂಡಿಯಾ ಎ ತಂಡದಲ್ಲಿರೋ ಕೆಎಲ್​​ ರಾಹುಲ್​ ಈ ಪಂದ್ಯಾವಳಿಯ ಸೆಂಟರ್​ ಆಫ್​ ಅಟ್ರಾಕ್ಷನ್ ಆಗಿದ್ದಾರೆ. ಈ ವರ್ಷದ ಇಂಗ್ಲೆಂಡ್​ ವಿರುದ್ಧ ಕೊನೆ ಟೆಸ್ಟ್​ ಆಡಿರೋ ರಾಹುಲ್​​ಗೆ ಕಮ್​ಬ್ಯಾಕ್ ಹಾದಿ ಕಠಿಣವಾಗಿದೆ. ತಂಡದಲ್ಲಿ ತೀವ್ರ ಸ್ಪರ್ಧೆ ಏರ್ಪಟ್ಟಿದ್ದು, ದುಲೀಪ್​ ಟ್ರೋಫಿಯಲ್ಲಿ ರನ್​ ಗುಡ್ಡೆ ಹಾಕಲೇಬೇಕಿದೆ. ಹಾಗಾಗಿನೇ ಲೋಕಲ್​ಬಾಯ್ ನೆಟ್ಸ್​ನಲ್ಲಿ ಭರ್ಜರಿ ಪ್ರಾಕ್ಟೀಸ್ ನಡೆಸಿದ್ದಾರೆ. ಜೊತೆಗೆ ಕ್ಯಾಚ್​ ಪ್ರಾಕ್ಟೀಸ್​ ಕೂಡ ನಡೆಸಿದ್ದು, ಅಪಾರ ನಿರೀಕ್ಷೆ ಗರಿಗೆದರಿದೆ.

ಇದನ್ನೂ ಓದಿ:RCB ಕಣ್ಣು ಯಾರ ಮೇಲೆ.. ಮೆಗಾ ಹರಾಜಿಗೂ ಮುನ್ನ 8 ಕನ್ನಡಿಗರು ಹಾಟ್ ಟಾಪಿಕ್..!

ಇಂಡಿಯಾ ಎ ಕ್ಯಾಪ್ಟನ್ ಗಿಲ್ ಭರ್ಜರಿ ಪ್ರಾಕ್ಟೀಸ್​​​
ಇಂಡಿಯಾ ಎ ತಂಡದ ಕ್ಯಾಪ್ಟನ್ ಆಗಿರೋ ಶುಭ್​​ಮನ್​​​​​​​​​​​​​ ಪಂದ್ಯವನ್ನ ಗಂಭೀರವಾಗಿ ತೆಗೆದುಕೊಂಡಿದ್ದು ರನ್​​ ಹೊಳೆ ಹರಿಸುವ ಇರಾದೆಯಲ್ಲಿದ್ದಾರೆ. ಅದಕ್ಕಾಗಿ ನೆಟ್ಸ್​​ನಲ್ಲಿ ಇನ್ನಿಲ್ಲದಂತೆ ಬೆವರು ಹರಿಸಿದ್ದಾರೆ. ರನ್ ಗಳಿಕೆ ಜೊತೆ ತಂಡವನ್ನ ಗೆಲುವಿನ ದಡ ಸೇರಿಸುವ ಕನಸು ಕಾಣ್ತಿದ್ದಾರೆ.

ಆಟಗಾರನಾಗಿ ಅಥವಾ ನಾಯಕನಾಗಿ ನೀವು ಪ್ರತಿ ಪಂದ್ಯ, ಪ್ರತಿ ಸರಣಿಯಂದ ತುಂಬಾ ಕಲಿಯಬಹುದು. ನಾಯಕನಾದ್ರೆ ಆಟಗಾರರ ಬಗ್ಗೆ ಚೆನ್ನಾಗಿ ಗೊತ್ತಿರುತ್ತೆ. ಅವರ ಸ್ಟ್ರೆಂಥ್​​ ಮತ್ತು ವೀಕ್ನೆಸ್ ಅರಿತುಕೊಳ್ಳಬಹುದು. ಇದರಿಂದ ಎಲ್ಲರ ಜೊತೆ ಬೇಗ ಕನೆಕ್ಟ್ ಆಗಬಹುದು-ಶುಭ್​​ಮನ್​​ ಗಿಲ್​​, ಇಂಡಿಯಾ ಎ ಕ್ಯಾಪ್ಟನ್​

ಒಂದೆಡೆ ಇಂಡಿಯಾ ಎ ಕ್ಯಾಪ್ಟನ್​ ಗೆದ್ದೇ ತೀರಲು ಪಣತೊಟ್ಟಿದ್ರೆ, ಅದಕ್ಕೆ ಅಡ್ಡಗಾಲು ಹಾಕಲು ಇಂಡಿಯಾ ಬಿ ತಂಡ ರೆಡಿಯಾಗಿದೆ. ನಾವು ಪಂದ್ಯಕ್ಕೆ ಎಲ್ಲಾ ರೀತಿಯಲ್ಲಿ ಸಜ್ಜಾಗಿದ್ದು, ಗೆಲ್ಲವುದೇ ನಮ್ಮ ಗುರಿಯಾಗಿದೆ ಎಂದು ತಂಡದ ಆಟಗಾರ ಯಶಸ್ವಿ ಜೈಸ್ವಾಲ್​ ಹೇಳಿದ್ದಾರೆ.

ಅಭ್ಯಾಸ ಮಾಡಲೇಬೇಕು. ಉತ್ತಮ ಸಿದ್ಧತೆ ನಡೆಸಿದ್ದೇವೆ. ಉಳಿದದ್ದು ಏನು ಹೇಳೋಕ್ಕಾಗಲ್ಲ. ಆದರೆ ನಾವು ಎಂಜಾಯ್ ಮಾಡುತ್ತಾ ಪಂದ್ಯವನ್ನ ಗೆಲ್ಲಲು ಬಯಸುತ್ತೇವೆ. ಅದೇ ನಮ್ಮ ಗುರಿ-ಯಶಸ್ವಿ ಜೈಸ್ವಾಲ್​​​, ಇಂಡಿಯಾ ಬಿ ಆಟಗಾರ

ಸರ್ಫರಾಜ್​​​​ ಖಾನ್​​ಗೆ ಅಗ್ನಿಪರೀಕ್ಷೆ
ಡೆಬ್ಯು ಟೆಸ್ಟ್​​ನಲ್ಲೆ ಸೆನ್ಷೆಷನ್​ ಸೃಷ್ಟಿಸಿದ್ದ ಸರ್ಫರಾಜ್​​ ಖಾನ್​​​ ದುಲೀಪ್​ ಟ್ರೋಫಿ ಅಗ್ನಿಪರೀಕ್ಷೆ ಕಣವಾಗಿ ಮಾರ್ಪಟ್ಟಿದೆ. ಬಾಂಗ್ಲಾ ಸರಣಿಗೆ ಆಯ್ಕೆಯಾಗಬೇಕಾದ್ರೆ ಮುಂಬೈಕರ್​ ಇಲ್ಲಿ ಪರ್ಫಾಮ್ ಮಾಡಲೇಬೇಕಿದೆ. ಯಾಕಂದ್ರೆ ಮಧ್ಯಮ ಕ್ರಮಾಂಕಕ್ಕಾಗಿ ಶ್ರೇಯಸ್ ಅಯ್ಯರ್​​​​​ ಹಾಗೂ ರಾಹುಲ್​​, ಸರ್ಫರಾಜ್ ಪೈಪೋಟಿ ಒಡ್ಡಿದ್ದಾರೆ. ಹೀಗಾಗಿ ಡು ಡೈ ಬ್ಯಾಟಲ್​ನಲ್ಲಿ ಘರ್ಜಿಸಲು ಸರ್ಫರಾಜ್ ಅಭ್ಯಾಸದ ಅಖಾಡದಲ್ಲಿ ಧೂಳೆಬ್ಬಿಸಿದ್ದಾರೆ.

ಇದನ್ನೂ ಓದಿ:‘ಅಷ್ಟೊಂದು ಸಾಕ್ಷಿನಾ?’ ಜೈಲಲ್ಲಿ ದಂಗಾದ ದರ್ಶನ್.. ಚಾರ್ಜ್​ಶೀಟ್ ಪುಟಗಳ ಸಂಖ್ಯೆ ತಿಳಿದು ಹೇಳಿದ್ದೇನು?

ಇವರಷ್ಟೇ ಅಲ್ಲದೇ ಧ್ರುವ್ ಜುರೆಲ್​​, ರಿಷಬ್​​​ ಪಂತ್​​​​​, ಶ್ರೇಯಸ್ ಅಯ್ಯರ್​​ ಹಾಗೂ ಆವೇಶ್ ಖಾನ್​ ಇದು ಪ್ರಮುವಾಗಿದೆ. ದುಲೀಪ್ ಟ್ರೋಫಿಯಲ್ಲಿ ಧೂಳೆಬ್ಬಿಸಲೇಬೇಕಿದೆ. ಇಲ್ಲವಾದ್ರೆ ಬಾಂಗ್ಲಾ ಟೆಸ್ಟ್​ ಸರಣಿಯಲ್ಲಿ ಆಡುವ ಕನಸು ನುಚ್ಚುನೂರಾಗಲಿದೆ. ಹೀಗಾಗಿ ಈ ಬಾರಿಯ ದುಲೀಪ್​ ಟ್ರೋಫಿ ಹಿಂದೆಂಗಿಂತಲೂ ಕೌತುಕತೆ ಹುಟ್ಟುಹಾಕಿದ್ದು, ನೋಡಿ ಎಂಜಾಯ್ ಮಾಡಿ.

ಇದನ್ನೂ ಓದಿ:RCBಗೆ ರಾಹುಲ್, ರೋಹಿತ್, ಪಾಂಡ್ಯ, ಅಯ್ಯರ್ ಸಿಗದಿದ್ರೆ ಬೋಲ್ಡ್​ ಡಿಸಿಷನ್; ಹಳೇ ನಾಯಕನಿಗೇ ಕ್ಯಾಪ್ಟನ್ಸಿ ಪಟ್ಟ..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್