ಕ್ರಿಕೆಟ್ ಲೋಕದ ಮಸ್ತ್ ಮಸ್ತ್ ಸುದ್ದಿಗಳು

ವಿಂಡೀಸ್​ನಲ್ಲಿ ಟೀಮ್​ ಇಂಡಿಯಾ ಮೋಜು-ಮಸ್ತಿ ಹೇಗಿದೆ-Video

ಭಾರತ ಮಹಿಳಾ ತಂಡ ಸೇರಿಕೊಳ್ಳಲಿದ್ದಾರೆ ನೂತನ ಕೋಚ್​

ವಿಂಡೀಸ್​ನಲ್ಲಿ ಟೀಮ್​ ಇಂಡಿಯಾ ಆಟಗಾರರ ಮಸ್ತಿ

ಮುಂಬರುವ ವೆಸ್ಟ್​ ಇಂಡೀಸ್​​ ವಿರುದ್ಧದ ಟೆಸ್ಟ್​ ಸರಣಿಯನ್ನಾಡಲು ಟೀಮ್​ ಇಂಡಿಯಾ ಆಟಗಾರರು ವೆಸ್ಟ್​​ ಇಂಡೀಸ್​ ತಲುಪಿದ್ದಾರೆ. ಕೆರಬಿಯನ್​ ನಾಡನ್ನು ತಲುಪಿರುವ ಆಟಗಾರರು ಬೀಚ್​ ವಾಲಿಬಾಲ್​ ಆಡಿ ಮಸ್ತಿ ಮಾಡಿದ್ದಾರೆ. ವಿರಾಟ್​ ಕೊಹ್ಲಿ, ಇಶಾನ್​ ಕಿಶನ್​, ಆರ್​​ ಅಶ್ವಿನ್​ ಸೇರಿದಂತೆ ಹಲ ಆಟಗಾರರು ಬೀಚ್​ನಲ್ಲಿ ವಾಲಿಬಾಲ್​ ಆಡಿದ್ದಾರೆ. ಆಟಗಾರರಿಗೆ ಕೋಚ್​​ ರಾಹುಲ್​ ದ್ರಾವಿಡ್​​, ಬ್ಯಾಟಿಂಗ್​ ಕೋಚ್​ ವಿಕ್ರಮ್​ ರಾಥೋರ್​ ಸಾಥ್​​ ನೀಡಿದ್ದಾರೆ.

𝗧𝗼𝘂𝗰𝗵𝗱𝗼𝘄𝗻 𝗖𝗮𝗿𝗶𝗯𝗯𝗲𝗮𝗻! 📍

Ishan Kishan takes over the camera to shoot #TeamIndia's beach volleyball session in Barbados 🎥😎

How did Ishan – the cameraman – do behind the lens 🤔#WIvIND | @ishankishan51 pic.twitter.com/ZZ6SoL93dF

— BCCI (@BCCI) July 3, 2023

ಡ್ರೆಸ್ಸಿಂಗ್​ ರೂಮ್​ನಲ್ಲಿ ಕುಣಿದು ಕುಪ್ಪಳಿಸಿದ ಆಟಗಾರರು

ವಿಟಾಲಿಟಿ ಟಿ20 ಬ್ಲಾಸ್ಟ್​ ಲೀಗ್​ನಲ್ಲಿ ಕ್ವಾರ್ಟರ್​ ಫೈನಲ್​ ಪ್ರವೇಶಿಸ್ತಿದ್ದಂತೆ ಲ್ಯಾಂಕ್​ಶೈರ್​ ತಂಡದ ಆಟಗಾರರು ಕುಣಿದು ಕುಪ್ಪಳಿಸಿದ್ದಾರೆ. ನಾರ್ಥಮ್ಟನ್​​ಶೈರ್ ವಿರುದ್ಧದ ಪಂದ್ಯದಲ್ಲಿ ಲ್ಯಾಂಕ್​ಶೈರ್​ ತಂಡ 6 ವಿಕೆಟ್​​ಗಳ ಜಯ ಸಾಧಿಸಿತು. ಈ ಮೂಲಕ ಕ್ವಾರ್ಟರ್​ ಫೈನಲ್​ಗೆ ಎಂಟ್ರಿ ಕೊಟ್ಟಿತು. ಇದ್ರಿಂದ ಫುಲ್​ ಖುಷ್ ಆದ​ ಆಟಗಾರರು ಡ್ರೆಸ್ಸಿಂಗ್​ ರೂಮ್​ನಲ್ಲಿ ಕುಣಿದು ಕುಪ್ಪಳಿಸಿದ್ದಾರೆ. ಜೋಸ್​ ಬಟ್ಲರ್​, ಫಿಲಿಪ್​ ಸಾಲ್ಟ್​​, ಡ್ಯಾರಿಲ್​ ಮಿಚೆಲ್​, ಲ್ಯೂಕ್​ ವುಡ್​​ ರಂತಹ ಆಟಗಾರರನ್ನು ಒಳಗೊಂಡ ಲಯಾಮ್​ ಲಿವಿಂಗ್​ಸ್ಟೋನ್​ ನೇತೃತ್ವದ ಲಾಂಕ್​ಶೈರ್​ ಟ್ರೋಫಿ ಗೆಲ್ಲೋ ಫೇವರಿಟ್​ ಅನಿಸಿದೆ.

ಮಹಾಕಾಳೇಶ್ವರನಿಗೆ ವೇಗಿ ಉಮೇಶ್​ ವಿಶೇಷ ಪೂಜೆ

ವೆಸ್ಟ್​ ಇಂಡೀಸ್​ ಪ್ರವಾಸದಿಂದ ಹೊರಗುಳಿದಿರುವ ಟೀಮ್​ ಇಂಡಿಯಾ ವೇಗಿ ಉಮೇಶ್​ ಯಾದವ್​, ಉಜ್ಜಯಿನಿಗೆ ತೆರಳಿ ಮಹಾಕಾಳೇಶ್ವರನ ದರ್ಶನ ಪಡೆದಿದ್ದಾರೆ. ಪತ್ನಿಯೊಂದಿಗೆ ಮಹಾಕಾಳೇಶ್ವರನ ಸನ್ನಿದಿಗೆ ತೆರಳಿದ್ದ ಉಮೇಶ್​ ಯಾದವ್​, ವಿಶೇಷ ಪೂಜೆ ಸಲ್ಲಿಸಿದ್ದಾರೆ. ಸೋಷಿಯಲ್​ ಮೀಡಿಯಾದಲ್ಲಿ ಈ ಫೋಟೋಗಳನ್ನ ಹಂಚಿಕೊಂಡಿದ್ದಾರೆ. ಕಳೆದ 3 ತಿಂಗಳ ಹಿಂದೆಯೂ ಉಜ್ಜಯಿನಿಗೆ ಭೇಟಿ ನೀಡಿದ್ದ ಉಮೇಶ್​​ ಯಾದವ್​ ವಿಶೇಷ ಪೂಜೆ ಸಲ್ಲಿಸಿದ್ರು. ಇಂಜುರಿಗೆ ತುತ್ತಾಗಿರುವ ಉಮೇಶ್​ ಯಾದವ್​ರನ್ನು ವಿಂಡೀಸ್​ ಪ್ರವಾಸದಿಂದ ಕೈಬಿಡಲಾಗಿದೆ.

ಅಭಿಮಾನಿಗಳೊಂದಿಗೆ ಬೆರೆತ ನೆದರ್ಲೆಂಡ್​ ಆಟಗಾರರು

ವಿಶ್ವಕಪ್​ ಕ್ವಾಲಿಫೈಯರ್​ ಟೂರ್ನಿಯ ಕಾವಿನ ನಡುವೆಯೆ ನೆದರ್ಲೆಂಡ್​ ತಂಡದ ಆಟಗಾರರು ಅಭಿಮಾನಿಗಳೊಂದಿಗೆ ಕಾಲ ಕಳೆದಿದ್ದಾರೆ. ನಿನ್ನೆ ನಡೆದ ಒಮನ್​ ವಿರುದ್ಧದ ಡು ಆರ್​ ಡೈ ಪಂದ್ಯಕ್ಕೂ ಮುನ್ನ ನೆದರ್ಲೆಂಡ್​ ಆಟಗಾರರು ಪುಟ್ಟ ಅಭಿಮಾನಿಗಳೊಂದಿಗೆ ಬೆರೆತಿದ್ದು, ಅವರಿಗೆ ಆಟೋಗ್ರಾಫ್​ ಗಳನ್ನ ನೀಡಿದ್ದಾರೆ. ಪುಟ್ಟ ಅಭಿಮಾನಿಗಳು ನೆಚ್ಚಿನ ಆಟಗಾರರನ್ನ ಭೇಟಿಯಾದ ಕ್ಯೂಟ್​ ವಿಡಿಯೋವನ್ನ ಐಸಿಸಿ ಹಂಚಿಕೊಂಡಿದೆ. ಸದ್ಯ ಕ್ವಾಲಿಫೈಯರ್​ ಹಣಾಹಣಿ ರೋಚಕ ಘಟ್ಟ ತಲುಪಿದ್ದು, ಶ್ರೀಲಂಕಾ ಮೊದಲ ತಂಡವಾಗಿ ಕ್ವಾಲಿಫೈ ಆಗಿದೆ. ಉಳಿದ ಒಂದು ಸ್ಥಾನಕ್ಕಾಗಿ ತೀವ್ರ ಪೈಪೋಟಿ ಏರ್ಪಟ್ಟಿದ್ದು, ನೆದರ್ಲೆಂಡ್​​ ಕೂಡ ಕ್ವಾಲಿಫೈ ಆಗೋ ಕನವರಿಕೆಯಲ್ಲಿದೆ.

ಭಾರತ ಮಹಿಳಾ ತಂಡಕ್ಕೆ ಮಜುಂದಾರ್​ ಕೋಚ್​?

ರಾಜಸ್ಥಾನ್​ ರಾಯಲ್ಸ್​ನ ಮಾಜಿ ಅಸಿಸ್ಟೆಂಟ್​ ಕೋಚ್​, ಹಾಲಿ ಮುಂಬೈ ರಣಜಿ ತಂಡದ ಕೋಚ್​ ಆಗಿರುವ ಅಮೋಲ್​ ಮಜುಂದಾರ್​, ಟೀಮ್​ ಇಂಡಿಯಾ ಮಹಿಳಾ ಕ್ರಿಕೆಟ್​​ ತಂಡದ ​ ಹೆಡ್​ ಕೋಚ್​​​ ಆಗುವ ಸಾದ್ಯತೆ ದಟ್ಟವಾಗಿದೆ. ಹುದ್ದೆಗೆ ಈಗಾಗಲೇ ಸಂದರ್ಶನ ಮಾಡಿರುವ ಕ್ರಿಕೆಟ್​​​ ಅಡೈಸರಿ ಕಮಿಟಿ ಶಾರ್ಟ್​ಲಿಸ್ಟ್​ ಮಾಡಿದ್ದು, ಮಜುಂದಾರ್​​ ಹೆಸರು ಈ ಪಟ್ಟಿಯಲ್ಲಿದೆ ಎಂದು ತಿಳಿದುಬಂದಿದೆ. ಡೊಮೆಸ್ಟಿಕ್​ ಕ್ರಿಕೆಟ್​ನಲ್ಲಿ ಆಟಗಾರನಾಗಿ, ಕೋಚ್​ ಆಗಿ ಹೆಚ್ಚು ಅನುಭವ ಹೊಂದಿರುವ ಅಮೋಲ್​ ಮಜುಂದಾರ್​, ಈ ರೇಸ್​ನಲ್ಲಿ ಮುಂಚೂಣಿಯಲ್ಲಿದ್ದಾರೆ. ಬಹುತೇಕ 2 ವರ್ಷಗಳ ಅವಧಿಯ ಒಪ್ಪಂದವನ್ನು ಮಜುಂದಾರ್​​ ಜೊತೆಗೆ ಮಾಡಿಕೊಳ್ಳಲು ಬಿಸಿಸಿಐ ವಲಯದಲ್ಲಿ ಚರ್ಚೆ ನಡೆದಿವೆ ಎನ್ನಲಾಗಿದೆ.

ಆ್ಯಷಸ್​ ಟೆಸ್ಟ್​ ಸರಣಿಯಿಂದ ಲಯನ್​ ಔಟ್​

ಆ್ಯಷಸ್​ ಟೆಸ್ಟ್​ ಸರಣಿಯ 2ನೇ ಪಂದ್ಯದಲ್ಲಿ ಗೆದ್ದ ಬೆನ್ನಲ್ಲೇ ಆಸ್ಟ್ರೇಲಿಯಾ ತಂಡಕ್ಕೆ ಆಘಾತ ಎದುರಾಗಿದೆ. 2ನೇ ಟೆಸ್ಟ್​ ಪಂದ್ಯದ ವೇಳೆ ಇಂಜುರಿಗೆ ತುತ್ತಾದ ಸ್ಟಾರ್​ ಸ್ಪಿನ್ನರ್​ ನಥಾನ್​ ಲಯನ್​ ಟೂರ್ನಿಯ ಇನ್ನುಳಿದ ಪಂದ್ಯಗಳಿಂದ ಹೊರ ಬಿದ್ದಿದ್ದಾರೆ. ಈ ಬಗ್ಗೆ ಕ್ರಿಕೆಟ್​ ಆಸ್ಟ್ರೇಲಿಯಾ ಅಧಿಕೃತ ಹೇಳಿಕೆ ನೀಡಿದೆ. ಲಾರ್ಡ್ಸ್​ ಟೆಸ್ಟ್​ನಲ್ಲಿ ಕಾಫ್​ ಇಂಜುರಿಗೆ ತುತ್ತಾದ ಲಯನ್, ವಾಕಿಂಗ್​ ಸ್ಟಿಕ್​ ಸಹಾಯದಿಂದ ನಡೆದಾಡಲು ಆರಂಭಿಸಿದ್ರು. ಆ ನಂತರದಲ್ಲಿ ನೋವಿನ ನಡುವೆಯೂ ಕಣಕ್ಕಿಳಿದು ಬ್ಯಾಟಿಂಗ್​ ನಡೆಸಿದ್ರು.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್