ಮಾರುಕಟ್ಟೆಯಲ್ಲೀಗ ಟೊಮ್ಯಾಟೋಗಿಲ್ಲ ಡಿಮ್ಯಾಂಡ್​​

ಟೊಮ್ಯಾಟೋ ಬೆಲೆ ಮತ್ತಷ್ಟು ಇಳಿಕೆಯುವ ಸಾಧ್ಯತೆ

ಗ್ರಾಹಕರಿಗೆ ಗುಡ್​ನ್ಯೂಸ್​​, ಬೆಳೆಗಾರರಿಗೆ ಆತಂಕ..!

ಬೆಂಗಳೂರು: ಜುಲೈ ತಿಂಗಳಲ್ಲಿ ಕೆಂಪು ಸುಂದರಿ ಟಾಕ್​ ಜೋರಾಗಿತ್ತು. ಎಲ್ಲೆಲ್ಲೂ ಕೆಂಪು ಚಿನ್ನಕ್ಕೆ ಡಿಮ್ಯಾಂಡ್​ ಡಿಮ್ಯಾಂಡ್​​ ಆಗಿತ್ತು. ಎಷ್ಟರ ಮಟ್ಟಿಗೆ ಕೆಂಪು ರಾಣಿ ಹವಾ ಕ್ರಿಯೇಟ್​​ ಮಾಡಿದ್ದಳು ಎಂದರೆ ಪೊಲೀಸ್ರು ಟೈಟ್​​​​ ಸೆಕ್ಯೂರಿಟಿ ಕೊಡುವಷ್ಟು. ಆದ್ರೆ ಜನ ಮಾತ್ರ ಇದೇ ಕೆಂಪು ಸುಂದರಿಯನ್ನ ನೋಡಿದಾಗಲೆಲ್ಲಾ ಕಣ್ಣೆಲ್ಲಾ ಕೆಂಪಾಗಿಸಿ ನೋಡುತ್ತಿದ್ದರು. ಆದರೀಗ, ಅದೇ ಕೆಂಪು ರಾಣಿ ಗ್ರಾಹಕರಿಗೆ ಹೊಸದಾಗಿ ಗುಡ್​​ ನ್ಯೂಸ್ ಕೊಟ್ಟಿದ್ದಾಳೆ.

150 ರಿಂದ 160ರ ಗಡಿ ದಾಟಿ ಓಡುತ್ತಿದ್ದ ಕೆಂಪು ರಾಣಿ ತನ್ನ ವೇಗದದ ಮಿತಿಯನ್ನ 70ರಲ್ಲಿ ಮುಂದುವರಿಸಿದ್ದಾಳೆ. ಗ್ರಾಹಕರ ಮುಖದಲ್ಲಿ ಕೊಂಚ ಮಂದಹಾಸ ಮೂಡಿಸಿದ್ದಾಳೆ. ಆದ್ರೆ ಗ್ರಾಹಕರು ರೇಟ್​​ ಕೇಳ್ತಿದ್ದಾರೆ ಖರೀದಿಸ್ತಿಲ್ಲ ಅನ್ನೋದು ವ್ಯಾಪಾರಸ್ಥರ ಮಾತು.

ಟೊಮ್ಯಾಟೋ ದರ ಇಳಿಕೆ

ವಾರಗಳ ಹಿಂದೆ 15 ಕೆಜಿ ಬಾಕ್ಸ್‌ಗೆ ಗರಿಷ್ಠ 2 ಸಾವಿರದ 700 ವರೆಗೆ ಟೊಮ್ಯಾಟೋ ದರ ಏರಿಕೆಯಾಗಿತ್ತು. ಗುರುವಾರ 1 ಸಾವಿರದ 100 ರೂಪಾಯಿ ಆಗಿದ್ರೆ, ಶುಕ್ರವಾರ 600-800ಕ್ಕೆ ಇಳಿಕೆಯಾಗಿದೆ. ಇನ್ನು ಬೆಂಗಳೂರು ಮಾರುಕಟ್ಟೆಯಲ್ಲಿ ಕಳೆದ ವಾರ ಬಾಕ್ಸ್‌ಗೆ ಗರಿಷ್ಠ 2 ಸಾವಿರದ 200, ಈಗ ಬಾಕ್ಸ್‌ಗೆ 1 ಸಾವಿರದ 400 ರಿಂದ 1 ಸಾವಿರದ 500 ಬೆಲೆಯಾಗಿದೆ.

ಟೊಮ್ಯಾಟೋ ರೇಟ್​ ಕಡಿಮೆಯಾಗಲು ಕಾರಣವೇನು?

ಕೆಲ ತಿಂಗಳ ಹಿಂದೆ ರಾಜ್ಯದಲ್ಲಿ ಬೆಳೆಯುತ್ತಿದ್ದ ಟೊಮ್ಯಾಟೋ ಹೆಚ್ಚಾಗಿ ಉತ್ತರ ಭಾರತದೆಡೆಗೆ ಹೋಗುತ್ತಿತ್ತು. ಅದರಿಂದ ಜನರ ಕೈಗೆ ಸೇರೋ ಟೊಮ್ಯಾಟೋ ಬಾಕ್ಸ್​ನಲ್ಲಿ ವ್ಯತ್ಯಯ ಕಾಣಿಸುತ್ತಿತ್ತು. ಟೊಮ್ಯಾಟೋ ಸಿಗ್ತಿಲ್ಲ ಅನ್ನೋ ಹಾಗಾಗಿತ್ತು. ಈಗ ರಾಜ್ಯದಿಂದ ಉತ್ತರ ಭಾರತದೆಡೆಗೆ ಹೋಗುವ ಟೊಮ್ಯಾಟೋ ಪ್ರಮಾಣ ಕಡಿಮೆಯಾಗಿದೆ. ಹೀಗಾಗಿ ಬೆಲೆ ಇಳಿಕೆ ಕಂಡಿದೆ.

ಅಲ್ಲದೆ ಮುಂದಿನ ತಿಂಗಳಲ್ಲಿ ಕೆಜಿ ಟೊಮ್ಯಾಟೋ 40-50 ಅಥವಾ ಅದಕ್ಕಿಂತಲೂ ಕಡಿಮೆಯಾಗುವ ಸಾಧ್ಯತೆ ಇದೆ. ಇದಿಷ್ಟು ಮಾತ್ರವಲ್ಲದೆ ಆಗಸ್ಟ್‌ ಕೊನೆಯ ವಾರದಲ್ಲಿ ವಿಪರೀತ ಮಳೆಯಾದರೆ ಬೆಳೆ ನಾಶವಾಗುವ ಆತಂಕ ಒಂದು ಕಡೆಯಾದ್ರೆ, ಟೊಮ್ಯಾಟೋ ಬೆಲೆ ಮತ್ತೆ ಹೆಚ್ಚಾಗುವ ಭೀತಿ ಮತ್ತೊಂದು ಕಡೆ ಆಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ