ರಾಜ್ಯದ ಜನತೆಗೆ ಮತ್ತೊಂದು ಬಿಗ್​ ಶಾಕ್​​..!

300ರ ಗಡಿ ದಾಟಲಿದೆ ಟೊಮ್ಯಾಟೋ ಬೆಲೆ

ಸದ್ಯದಲ್ಲೇ ಟೊಮ್ಯಾಟೋ ದರ ಮತ್ತಷ್ಟು ಏರಿಕೆ

ಬೆಂಗಳೂರು: ಕಳೆದ ಮೂರು ವಾರಗಳಿಂದ ಏರಿಕೆಯಾಗುತ್ತಿರೋ ಟೊಮ್ಯಾಟೋ ದರ ಇನ್ನೂ ಕಡಿಮೆ ಆಗಿಲ್ಲ. ಹೀಗಾಗಿ ಜನ ಟೊಮ್ಯಾಟೋ ಖರೀದಿ ಸಹವಾಸಕ್ಕೆ ಹೋಗುತ್ತಿಲ್ಲ. ಬದಲಿಗೆ ಮನೆಗಳಲ್ಲಿ ಇರೋ ತರಕಾರಿಗಳಲ್ಲೇ ಸಾಂಬರು ಮಾಡುತ್ತಿದ್ದಾರೆ. ಇಂದಲ್ಲ, ನಾಳೆ ಟೊಮ್ಯಾಟೋ ಬೆಲೆ ಕಡಿಮೆ ಆಗುತ್ತಿದ್ದ ಜನರಿಗೆ ಮತ್ತೆ ಶಾಕಿಂಗ್​​ ನ್ಯೂಸ್​​ ಇದೆ.

ಯೆಸ್​​, ಹೆಚ್ಚಿದ ಟೊಮ್ಯಾಟೋ ಬೆಲೆ ಇಳಿಕೆಯಾಗೋ ಲಕ್ಷಣ ಕಾಣುತ್ತಿಲ್ಲ. ಇನ್ನೂ ಸುಮಾರು 2 ತಿಂಗಳ ಕಾಲ ಟೊಮ್ಯಾಟೋ ಬೆಲೆ ಏರಿಕೆ ಆಗುತ್ತಲೇ ಇರುತ್ತದೆ ಎಂದು ಅಂದಾಜಿಸಲಾಗಿದೆ. ಈ ಸಂಬಂಧ ಮಾತಾಡಿದ ನ್ಯಾಷನಲ್ ಕಮಾಡಿಟಿ ಮ್ಯಾನೇಜ್‌ಮೆಂಟ್ ಸರ್ವಿಸಸ್ ಲಿಮಿಟೆಡ್‌ ಚೀಫ್​ ಎಕ್ಸ್​ಗ್ಯೂಟಿವ್​ ಆಫೀಸರ್​​ ಸಂಜಯ್​​​ ಅವರ ಪ್ರಕಾರ, ಟೊಮ್ಯಾಟೋ ಬೆಲೆ ಇನ್ನೂ ಹೆಚ್ಚಾಗಲಿದೆ ಅಂತೆ. ಅದರಲ್ಲೂ ಕೆಜಿಗೆ ಬರೋಬ್ಬರಿ 300 ರೂ. ಆಗುವ ಸಾಧ್ಯತೆ ಇದೆ ಎಂದಿದ್ದಾರೆ.

ಟೊಮ್ಯಾಟೋ ಬೆಲೆ ಏರಿಕೆಯಿಂದ ಜನ ಕಂಗಾಲಾಗಿದ್ದಾರೆ. ಮುಂದಿನ ದಿನಗಳಲ್ಲಿ ಕೆಜಿ ಟೊಮ್ಯಾಟೋ 300 ರೂ. ಆಗಲಿದೆ ಎಂಬ ಸುದ್ದಿ ಮತ್ತಷ್ಟು ಶಾಕ್​ ಕೊಟ್ಟಿದೆ. ಇದರಿಂದ ಶಾಕ್​ಗೆ ಒಳಗಾದ ಜನರಿಗೆ ಸರ್ಕಾರ ಯಾವುದೇ ಪರಿಹಾರ ಒದಗಿಸಲು ಮುಂದಾಗಿಲ್ಲ.

ಸದ್ಯ ದೆಹಲಿ ಮಂಡಿಗಳಲ್ಲಿ ಕೆಜಿಗೆ 200 ರೂ. ಇದೆ. ಗಾಜಿಯಾಬಾದ್​​ನಲ್ಲಿ ಕೆಜಿಗೆ 250 ರೂ., ಚಂಡೀಗಢದಲ್ಲಿ ಕೆಜಿಗೆ 300 ರೂ., ಲಕ್ನೋದಲ್ಲಿ 180 ರೂ. ಇದೆ. ಕರ್ನಾಟಕದಲ್ಲಿ ಸದ್ಯ ಕೆಜಿ 130 ರೂ. ಇದ್ದು, ಮುಂದೆ ಮತ್ತಷ್ಟು ಗಗನಕ್ಕೇರುವ ಸಾಧ್ಯತೆ ಇದೆ. ದೆಹಲಿ ಸುತ್ತಮುತ್ತ ಪ್ರದೇಶಗಳಲ್ಲಿ ಮಾತ್ರ ಸರ್ಕಾರದ ಆದೇಶದ ಮೇರೆಗೆ ಕೆಜಿ 90 ರೂ.ಗೆ ಮಾರಾಟ ಮಾಡಲಾಗುತ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ