ಇಂಡೋ-ಪಾಕ್​​ ಕದನದತ್ತ ವಿಶ್ವದ ಚಿತ್ತ..!

ಭಾರತ-ಪಾಕ್​​ ಪಂದ್ಯವೆಂದ್ರೆ ಭರಪೂರ ಮನರಂಜನೆ

ಹೆಚ್ಚಿದ ಹೃದಯ ಬಡಿತ.. ನಾಳೆ ರೋಚಕ ಹಣಾಹಣಿ

ಭಾರತ-ಪಾಕ್​​ ಪಂದ್ಯವೆಂದ್ರೆ ಭರಪೂರ ಮನರಂಜನೆ ಫಿಕ್ಸ್​​​.! ಬದ್ಧವೈರಿಗಳ ನಡುವಿನ ಕದನದಿಂದ ಸಿಗುವಷ್ಟು ಎಂಟರ್​ಟೈನ್​ಮೆಂಟ್ ಮತ್ಯಾವ ಪಂದ್ಯದಲ್ಲೂ ನೋಡಲು ಸಾಧ್ಯವಿಲ್ಲ. ಯಾವಾಗ ಮುಖಾಮುಖಿಯಾದ್ರು, ಅಭಿಮಾನಿಗಳಲ್ಲಿ ಇನ್ನಿಲ್ಲದ ಕ್ರೇಜ್ ಮನೆ ಮಾಡಿರುತ್ತೆ. ಪ್ರತಿ ಬ್ಯಾಟಲ್ ವೇಳೆ ಇಂಡೋ-ಪಾಕ್​​​ ಪಂದ್ಯಕ್ಕೆ ಇಷ್ಟೆಲ್ಲಾ ಹೈಪ್​​ ಕ್ರಿಯೇಟ್​ ಆಗೋದಾದ್ರು ಏಕೆ.? ಆ ಕುರಿತ ಇಂಟ್ರೆಸ್ಟಿಂಗ್ ಕಹಾನಿ ಇಲ್ಲಿದೆ ನೋಡಿ.

ಕೊನೆಗೂ ಆ ಬಿಗ್ ಮೂಮೆಂಟ್​​ ಬಂದೇ ಬಿಡ್ತು. ಕೆಲಸಕ್ಕೆ ಚಕ್ಕರ್​​ ಹಾಕಿ ಟಿವಿ ಮುಂದೆ ಕೂತು ಅಸಲಿ ಮಜಾ ಸವಿಯುವ ಆ ಮೆಗಾ ಬ್ಯಾಟಲ್​ ಬಂದೇ ಬಿಡ್ತು. ಮೋಸ್ಟ್​ ಥ್ರಿಲ್ಲಿಂಗ್​​​ & ಮೋಸ್ಟ್​ ಅವೇಟೆಡ್​​​ ಇಂಡೊ-ಪಾಕ್​​ ಪಂದ್ಯಕ್ಕೆ ಕೌಂಟ್​ಡೌನ್ ಶುರುವಾಗಿದೆ. ನಾಳೆ ಕ್ರಿಕೆಟ್​​​ ಪ್ರೇಮಿಗಳಿಗೆ ಭರ್ಜರಿ ಮನರಂಜನೆ ಉಣಬಡಿಸಲು ಇಂಡೋ-ಪಾಕ್​​ ಟೀಮ್ಸ್ ಸಜ್ಜಾಗಿವೆ.

ಇಂಡೋ-ಪಾಕ್​​ ಪಂದ್ಯವೆಂದ್ರೆ ಅದು ಜಸ್ಟ್​ ಗೇಮ್ ಅಲ್ಲ. ಅದೊಂದು ಸೇಡಿನ ಮಹಾಸಮರ. ಕ್ರಿಕೆಟ್ ಆರಾಧಕರ ಹೃದಯ ಬಡಿತ ಹೆಚ್ಚಿಸುವ ಎಕ್ಸೈಟಿಂಗ್​ ಗೇಮ್​​. ಇಂಡೋ-ಪಾಕ್​​ ಯಾವಾಗ್ಲೇ ಮುಖಾಮುಖಿ ಆಗ್ಲಿ. ಅಪಾರ ನಿರೀಕ್ಷೆ ಮನೆ ಮಾಡಿರುತ್ತೆ. ಯಾರ ಬಾಯಲ್ಲಿ ನೋಡಿದ್ರು ಈ ಪಂದ್ಯದ್ದೆ ಜಪ. ಇದು ಬರೀ ಈ ಬಾರಿಯ ಕಥೆಯಲ್ಲ. ಸಾಂಪ್ರದಾಯಿಕ ಎದುರಾಳಿಗಳು ಎದುರಾಗಲೆಲ್ಲಾ ಸಿಕ್ಕಾಪಟ್ಟೆ ಹೈಪ್​​ ಕ್ರಿಯೇಟ್​ ಆಗಿರುತ್ತೆ. ಅಷ್ಟಕ್ಕೂ ಭಾರತ-ಪಾಕ್​ ಪಂದ್ಯ ಪ್ರತಿ ಸಲ ಮಹತ್ವ ಪಡೆಯೋದ್ಯಾಕೆ ಅನ್ನೋದನ್ನ ಹೇಳ್ತಿವಿ ಕೇಳಿ.

ರೀಸನ್​ ನಂ.1: ದ್ವಿಪಕ್ಷೀಯ ಸರಣಿ ಆಡಲ್ಲ

ಭಾರತ-ಪಾಕ್​ ನಡುವೆ ದ್ವಿಪಕ್ಷಿಯ ಸರಣಿ ನಡೆಯದೇ ದಶಕಗಳೇ ಉರುಳಿವೆ. 2012-13 ರಲ್ಲಿ ಕೊನೆಯ ಬಾರಿ ಮುಖಮುಖಿಯಾಗಿದ್ವು. ಆ ಬಳಿಕ ಬದ್ಧವೈರಿಗಳು ದ್ವಿಪಕ್ಷೀಯ ಸರಣಿ ಆಡೇ ಇಲ್ಲ. ಬಿಗ್ ಟೂನರ್ಮೆಂಟ್​​ಗಳಲ್ಲಿ ಮಾತ್ರ ಆಡುತ್ತಿವೆ. ಏಷ್ಯಾಕಪ್​​​ ಹಾಗೂ ಐಸಿಸಿ ಟ್ರೋಫಿಗಳಲ್ಲಿ ಮಾತ್ರ ಉಭಯ ತಂಡಗಳು ಕಾದಾಡುತ್ತವೆ. ಇದು ಇಂಡೋ-ಪಾಕ್​ ಪಂದ್ಯದ ಕ್ರೇಜ್​​ ದುಪ್ಪಟ್ಟಾಗುವಂತೆ ಮಾಡಿದೆ.

ರೀಸನ್​ ನಂ.2: ಅಪಾರ ಅಭಿಮಾನಿಗಳ ಬಲ

ಭಾರತ-ಪಾಕ್​ ಪಂದ್ಯಕ್ಕೆ ಈ ಪರಿ ಹೈಪ್​ ಕ್ರಿಯೇಟ್​​ ಆಗಲು ಎರಡು ದೇಶಗಳ ಅಭಿಮಾನಿಗಳು ಕೂಡ ಕಾರಣ. ಎಲ್ಲೇ ಪಂದ್ಯ ನಡೆಲಿ. ಇಂಡೋ-ಪಾಕ್​​ ಪಂದ್ಯಕ್ಕೆ ಹ್ಯೂಜ್​​​ ಫ್ಯಾನ್ಸ್​ ಬೆಂಬಲ ಸಿಗುತ್ತೆ. ನಿದ್ದೆ, ಊಟ ಬಿಟ್ಟು ತಂಡವನ್ನ ಹುರಿದುಂಬಿಸ್ತಾರೆ. ಸ್ಟೇಡಿಯಂನಲ್ಲಿ ಶೇಕಡಾ 90 ಪರ್ಸಂಟ್​​​ ಉಭಯ ದೇಶಗಳ ಅಭಿಮಾನಿಗಳೇ ತುಂಬಿಕೊಂಡಿರ್ತಾರೆ. ಫ್ಯಾನ್ಸ್ ಸಪೋರ್ಟ್​ ಪ್ಲೇಯರ್ಸ್​ಗೆ ಸಿಕ್ಕು ರೋಚಕ ಹಣಾಹಣಿಗೆ ಸಾಕ್ಷಿಯಾಗುವಂತೆ ಮಾಡುತ್ತೆ.

ರೀಸನ್​ ನಂ.3: ರಾಜಕೀಯ ಸಂಘರ್ಷ

ಇನ್ನು ಉಭಯ ದೇಶಗಳ ನಡುವಿನ ರಾಜಕೀಯ ಸಂಘರ್ಷ ಕೂಡ ಇಂಡೋ-ಪಾಕ್​​ ಪಂದ್ಯವನ್ನ ತುದಿಗಾಲ ಮೇಲೆ ನಿಲ್ಲುವಂತೆ ಮಾಡಿದೆ. ಗಡಿಯಲ್ಲಿ ಪಾಕ್ ಉಗ್ರರ ಉಪಟಳ ಹಾಗೂ ಭಯೋತ್ಪಾದನೆಯಿಂದ ಎರಡು ದೇಶಗಳ ಸಂಬಂಧ ಹಳಸಿದೆ. ಕ್ರಿಕೆಟ್ ಮೇಲೂ ಇದರ ನೆರಳು ಬಿದ್ದಿದೆ. ಪಂದ್ಯ ವೀಕ್ಷಿಸುವ ಪ್ರತಿಯೊಬ್ಬ ಭಾರತೀಯ ಅಭಿಮಾನಿ ಪಾಕ್​ ತಂಡವನ್ನ ವೈರಿಯಂತೆ ಕಾಣ್ತಾರೆ. ಇನ್ನು ಪಾಕ್​ ಫ್ಯಾನ್ಸ್ ಕೂಡ ಭಾರತವನ್ನ ಶತ್ರುವಿನಂತೆ ಭಾವಿಸುತ್ತೆ. ಈ ರಾಜಕೀಯ ಹಗೆತನ ಇಂಡೋ-ಪಾಕ್​​ ಪಂದ್ಯಕ್ಕೆ ಕ್ರೇಜ್​ ಟಚ್​​ ನೀಡಿದೆ.

ರೀಸನ್​ ನಂ.4: ಕೊನೆ ತನಕ ತೀವ್ರ ಜಿದ್ದಿನ ಹಣಾಹಣಿ

ಏಷ್ಯಾಕಪ್​​​ ಹಾಗೂ ಐಸಿಸಿ ವಿಶ್ವಕಪ್​​ ಎರಡರಲ್ಲಿ ಯಾವುದೇ ಇರಲಿ. ಇಂಡೋ-ಪಾಕ್​​ ಟೀಮ್ಸ್ ಸುಲಭವಾಗಿ ಸೋಲೊಪ್ಪಿಕೊಳ್ಳಲ್ಲ. ಹಾವು ಏಣಿ ಆಟ. ಕೊನೆತನಕ ಎರಡು ತಂಡಗಳು ಪ್ರಬಲ ಹೋರಾಟ ನಡೆಸುತ್ತವೆ. ಈ ತೀವ್ರ ಜಿದ್ದಾಜಿದ್ದಿನ ಹಣಾಹಣಿ ಎಲ್ಲರು ಇಂಡೋ-ಪಾಕ್​​ ಪಂದ್ಯದತ್ತ ತಿರುಗಿ ನೋಡುವಂತೆ ಮಾಡುತ್ತೆ.

ಇದಿಷ್ಟೇ ಅಲ್ಲದೇ ಎರಡು ತಂಡಗಳಲ್ಲಿ ಸ್ಟಾರ್ ಆಟಗಾರರಿದ್ದಾರೆ. ಭಾರತದಲ್ಲಿ ಕಿಂಗ್ ಕೊಹ್ಲಿ, ರೋಹಿತ್ ಶರ್ಮಾರಂತ ದಿಗ್ಗಜರಿದ್ರೆ ಪಾಕ್​ ತಂಡದಲ್ಲಿ ಬಾಬರ್ ಅಜಾಮ್​​​, ಮೊಹಮ್ಮದ್​ ರಿಜ್ವಾನ್​, ಶಾಹೀನ್ ಅಫ್ರಿದಿಯಂತ ಶ್ರೇಷ್ಠ ಆಟಗಾರಿದ್ದಾರೆ. ಇದು ಕೂಡ ಇಂಡೋ-ಪಾಕ್​​ ಪಂದ್ಯದ ಬಗ್ಗೆ ಕ್ಯೂರಿಯಾಸಿಟಿ ಬೀಲ್ಡ್ ಮಾಡಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ