ಪಂಜಾಬ್ ತಂಡದ​ ಆಲ್​ರೌಂಡರ್​ಗೆ ಹ್ಯಾಟ್ರಿಕ್ ಸಿಕ್ಸರ್

ಎಸ್​​ಆರ್​ಹೆಚ್ ಪ್ಲೇಯರ್​​ನಿಂದ ಭರ್ಜರಿ ಬ್ಯಾಟಿಂಗ್

ಸ್ಯಾಮ್​ಗೆ ಹ್ಯಾಟ್ರಿಕ್ ಸಿಕ್ಸರ್ ಚಚ್ಚಿದ ಟ್ರಾವಿಡ್ ಹೆಡ್​

ಇಂಗ್ಲೆಂಡ್​ ಪ್ರವಾಸದಲ್ಲಿರುವ ಆಸ್ಟ್ರೇಲಿಯಾ ಟೀಮ್​, ಓಪನರ್​ ಡ್ರಾವಿಸ್ ಹೆಡ್​ ಅವರ ಭರ್ಜರಿ ಹೊಡಿ ಬಡಿ ಆಟದಿಂದ ಮೊದಲ ಟಿ20 ಪಂದ್ಯದಲ್ಲಿ ಗೆದ್ದು ಬೀಗಿದೆ. ಈ ಮೂಲಕ ಟೂರ್ನಿಯಲ್ಲಿ ಆಸಿಸ್ ಶುಭಾರಂಭ ಮಾಡಿದೆ.

ಟಾಸ್ ಗೆದ್ದುಕೊಂಡ ಇಂಗ್ಲೆಂಡ್​ ಟೀಮ್ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡು ಎದುರಾಳಿ ಆಸಿಸ್​ ಅನ್ನು ಬ್ಯಾಟಿಂಗ್​ಗೆ ಆಹ್ವಾನಿಸಿತು. ಇದು ಇಂಗ್ಲೆಂಡ್​ ನಾಯಕನ ದೊಡ್ಡ ತಪ್ಪು ಎಂದು ಪಂದ್ಯ ಆರಂಭದ ಬಳಿಕ ಗೊತ್ತಾಯಿತು. ಏಕೆಂದರೆ ಓಪನರ್ ಆಗಿ ಬ್ಯಾಟ್ ಬೀಸಲು ಬಂದ ಮ್ಯಾಥ್ಯೂ ಶಾರ್ಟ್​ ಹಾಗೂ ಟ್ರಾವಿಸ್ ಹೆಡ್ ಆಂಗ್ಲ ಬೌಲರ್​ಗಳನ್ನ ಮನ ಬಂದಂತೆ ಚಚ್ಚಿದರು. ಶಾರ್ಟ್ ಕೇವಲ 26 ಎಸೆತಗಳಲ್ಲಿ 2 ಸಿಕ್ಸರ್, 4 ಫೋರ್ ಸಮೇತ 41 ರನ್​ ಗಳಿಸಿದ್ರೆ ಇನ್ನೊಂದಡೆ ಹೊಡಿ ಬಡಿಯಾಟ ಮುಂದುವರೆಸಿದ್ದ ಹೆಡ್​ ಕೇವಲ 23 ಎಸೆತಗಳಲ್ಲಿ 8 ಬೌಂಡರಿ, 4 ಆಕಾಶದೆತ್ತರ ಸಿಕ್ಸರ್​ ಸಮೇತ 59 ರನ್​ಗಳನ್ನು ಗಳಿಸಿ ಔಟ್ ಆದರು.

ಇದನ್ನೂ ಓದಿ: ಕಿಂಗ್ ಕೊಹ್ಲಿ ಸೆಂಚುರಿ ಸಿಡಿಸಿ ಎಷ್ಟು ತಿಂಗಳಾಯಿತು.. ಶತಕ ಸಿಡಿಸುವಲ್ಲಿ ವಿರಾಟ್ ಫೇಲ್​; ಯಾಕೆ?

ಆದರೆ ಇಂಗ್ಲೆಂಡ್​ನ ಸ್ಯಾಮ್​ ಕರನ್ ಅವರ ಇನ್ನಿಂಗ್​ನ 5ನೇ​ ಓವರ್​​ನಲ್ಲಿ ಟ್ರಾವಿಸ್ ಹೆಡ್​ ರೌದ್ರಾವತಾರ ತಾಳಿದರು. ಏಕೆಂದರೆ ಒಂದೇ ಓವರ್​ನಲ್ಲಿ 4, 4, 6, 6, 6, 4 ಬಾರಿಸಿದರು. ಇದರಲ್ಲಿ ಹ್ಯಾಟ್ರಿಕ್ ಸಿಕ್ಸರ್ ಕೂಡ ಇತ್ತು. ಇದು ಸ್ಯಾಮ್​ ಕರನ್​ಗೆ ಭಾರೀ ಮುಖಭಂಗ ಎನಿಸಿತು. ಇನ್ನು ಈ ಪಂದ್ಯದಲ್ಲಿ ಆಸಿಸ್​ 179 ರನ್​ಗಳ ಟಾರ್ಗೆಟ್ ನೀಡಿತ್ತು. ಆದರೆ ಇಂಗ್ಲೆಂಡ್​ ಕೇವಲ 151 ರನ್​ಗೆ ಆಲೌಟ್ ಆಗಿ ಸೋಲೋಪ್ಪಿಕೊಂಡಿತು.

Travis Head smashed 30 runs in an over against Sam Curran. 🤯

– Head, the beast man! pic.twitter.com/KpNVOCySJ0

— Mufaddal Vohra (@mufaddal_vohra) September 11, 2024

ಟ್ರಾವಿಸ್​ ಹೆಡ್​ 2024ರ ಐಪಿಎಲ್​ನಲ್ಲಿ ಹೈದರಾಬಾದ್ ತಂಡದಲ್ಲಿದ್ರೆ, ಸ್ಯಾಮ್ ಕರನ್ ಪಂಜಾಬ್​ ಟೀಮ್​ನಲ್ಲಿದ್ದರು. ಐಪಿಎಲ್​​ನಿಂದಲೂ ಹೆಡ್​ ಬ್ಯಾಟಿಂಗ್ ಭರ್ಜರಿಯಾಗಿಯೇ ಮುಂದುವರೆದಿದ್ದು ಇದು ಎಸ್​​ಆರ್​ಹೆಚ್​ ತಂಡಕ್ಕೆ 2025ರಲ್ಲಿ ಮತ್ತೊಮ್ಮೆ ವರದಾನವಾಗಬಹುದು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ