ಬಿಗ್​ಬಾಸ್​​ ಗ್ರ್ಯಾಂಡ್​​ ಎಂಟ್ರಿ, ಒಂದಿಷ್ಟು ಧಾರಾವಾಹಿಗಳಿಗೆ ಗೇಟ್ ಪಾಸ್!

ಕಲರ್ಸ್ ಕನ್ನಡ ಕೆಲ ಧಾರಾವಾಹಿಗಳು ಗುಡ್ ಬೈ ಹೇಳುವ ಸಮಯ ಬಂದಿದೆ

ಸಾಮಾಜಿಕ ಜಾಲತಾಣದಲ್ಲಿ ಬೇಸರ ವ್ಯಕ್ತಪಡಿಸಿದ ಸೀರಿಯಲ್​ ಅಭಿಮಾನಿಗಳು

ಕನ್ನಡ ಕಿರುತೆರೆಯಲ್ಲಿ ಸದ್ಯ ಬಿಗ್​ಬಾಸ್​ ಸೀಸನ್ 10 ಈ ಬಾರಿ ಸಾಕಷ್ಟು ಸದ್ದು ಮಾಡುತ್ತಿದೆ. 10ನೇ ಸೀಸನ್ ಆಗಿರೋ ಕಾರಣದಿಂದ ವೀಕ್ಷಕರ ಕಣ್ಣು ಬಿಗ್​ಬಾಸ್​ ಮೇಲೆ ಬಿದ್ದ್ದಿದೆ. ಆದರೆ ಬಿಗ್​ಬಾಸ್​ ಎಂಟ್ರಿ ಕೊಡಬೇಕಾದರೇ, ಒಂದಷ್ಟು ಧಾರಾವಾಹಿಗಳಿಗೆ ಗೇಟ್ ಪಾಸ್ ನೀಡಲೇಬೇಕು ಇದು ಅನಿವಾರ್ಯ ಕೂಡ.

ಸದ್ಯ, ಈ ಬಾರಿ ಬಿಗ್​ಬಾಸ್​ಗೊಸ್ಕರ ಯಾವುದೆಲ್ಲ ಸೀರಿಯಲ್​ಗಳು ಸ್ಲಾಟ್ ಚೇಂಜ್ ಆಗುತ್ತದೆ ಅನ್ನೋದನ್ನು ಈಗಾಗಲೇ ಮಾಹಿತಿ ನೀಡಿದ್ದೇವೆ. ಆದ್ರೆ ಈಗ ಒಂದು ಸೀರಿಯಲ್ ಪಕ್ಕಾ ಆಫ್ ಏರ್ ಆಗೋ ಧಾರಾವಾಹಿಯ ಹೆಸರು ಹೊರ ಬಿದ್ದಿದೆ. ಹೌದು, ಬಿಗ್​ಬಾಸ್​ ಹತ್ತಿರ ಬರುತ್ತಿದ್ದಂತೆ ಕೆಲ ಧಾರಾವಾಹಿಗಳು ಅನಿವಾರ್ಯವಾಗಿ ಗುಡ್ ಬೈ ಹೇಳಲೇಬೇಕಾದ ಸಂದರ್ಭ ಬಂದಿದೆ. ಆ ಅನಿವಾರ್ಯ ಈಗ ತ್ರಿಪುರ ಸುಂದರಿ ಧಾರಾವಾಹಿಗೆ ಬಂದಿದೆ.

ಕಲರ್ಸ್​ ವಾಹಿನಿಯ ಧಾರಾವಾಹಿಗಳಲ್ಲಿ ಮೈನ್ ಸ್ಲಾಟ್​ನಲ್ಲಿ ಅತೀ ಕಮ್ಮಿ ಟಿಆರ್​ಪಿ ತೆಗೆದುಕೊಂಡಿರೋ ಸೀರಿಯಲ್​ ಅಂದರೆ ಅದು ತ್ರಿಪುರ ಸುಂದರಿಯ ಕತೆ. ಎಲ್ಲಾ ರೀತಿಯ ಮಾತು ಕತೆಯ ವಿಷಯವನ್ನ ತೂಕ ಹಾಕಿ ಈ ಧಾರಾವಾಹಿಯನ್ನ ಎಂಡ್ ಮಾಡಲು ವಾಹಿನಿ ನಿರ್ಧರಿಸಿದೆ. ಇನ್ನೂ ದಿವ್ಯಾ ಸುರೇಶ್ ಮುಖ್ಯಭೂಮಿಕೆಯಲ್ಲಿ ಈ ಧಾರಾವಾಹಿ ಮೂಡಿ ಬರುತ್ತಿತ್ತು. ಬಿಗ್​ಬಾಸ್​ ಸೀಸನ್ 08ರಿಂದ ಪಡೆದ ಅವಕಾಶವಾಗಿತ್ತು ಇದು ಆದರೆ, ಬಿಗ್​ಬಾಸ್​ ಸೀಸನ್ 10ಕ್ಕೆ ಇವರ ಧಾರಾವಾಹಿ ಮುಕ್ತಾಯವಾಗ್ತಿದೆ ಅಂತ ಅಭಿಮಾನಿಗಳು ಬೇಸರ ವ್ಯಕ್ತ ಪಡಿಸ್ತಾ ಇದ್ದಾರೆ.

ಇನ್ನು ಲಕ್ಷಣ ಹಾಗೂ ಪುಣ್ಯವತಿಯ ಸ್ಲಾಟ್ ಚೇಂಜ್ ಆಗಲಿದ್ದು ತ್ರಿಪುರ ಸುಂದರಿ ಸೀರಿಯಲ್ ಮುಕ್ತಾಯವಾಗಿದೆ. ಒಟ್ಟಿನಲ್ಲಿ ನೆನ್ನೆಯಷ್ಟೇ ನಟಿ ದಿವ್ಯಾ ಸುರೇಶ್ ತಮ್ಮ ಇನ್​​ಸ್ಟಾಗ್ರಾಮ್​​​ ಖಾತೆಯಲ್ಲಿ ಆಮ್ರಪಾಲಿಯಾಗಿ ಕೊನೆಯ ದಿನಗಳ ಶೂಟಿಂಗ್ ಅಂತ ಬರೆದುಕೊಂಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ