ಬಿಗ್​ಬಾಸ್​ ಮನೆಯಲ್ಲಿ ಒಟ್ಟು 15 ಸ್ಪರ್ಧಿಗಳ ಆಟ ಬಲು ಜೋರು

ತುಕಾಲಿ ಸಂತೋಷ್ ಅವರಿಗೆ ಬಿಗ್​ ಟಾಸ್ಕ್​​ ಕೊಟ್ಟಿದ್ದ ಕಿಚ್ಚ ಸುದೀಪ್​

ತುಕಾಲಿ ಸಂತೋಷ್​ನನ್ನು ನೋಡಿ ಬಿದ್ದು ಬಿದ್ದು ನಕ್ಕ ಉಳಿದ ಸ್ಪರ್ಧಿಗಳು!

ಕನ್ನಡದ ಬಿಗ್​​ ರಿಯಾಲಿಟಿ ಶೋ ಬಿಗ್​ಬಾಸ್​ ಮನೆಯಲ್ಲಿ ಒಟ್ಟು 15 ಸ್ಪರ್ಧಿಗಳು ಇದ್ದಾರೆ. ನಿನ್ನೆ ಸೂಪರ್ ಸಂಡೇ ವಿಥ್ ಕಿಚ್ಚ ಸುದೀಪ್‌ ಎಪಿಸೋಡ್​ನಲ್ಲಿ ಕಿಚ್ಚ ಸುದೀಪ್​ ಅವರು ತುಕಾಲಿ ಸಂತೋಷ್​ ಅವರಿಗೆ ಟಾಸ್ಕ್ ಒಂದನ್ನು ಕೊಟ್ಟಿದ್ದರು. ತುಕಾಲಿ ಸಂತೋಷ್​ ಅವರು ಮನೆಯ ಎಲ್ಲ ಸದಸ್ಯರ ಜೊತೆ ಕುಳಿತುಕೊಂಡಾಗ ಅತೀ ಹೆಚ್ಚು ಸಿರಿ ಹಾಗೂ ಭಾಗ್ಯಶ್ರೀ ಅವರ ಬಗ್ಗೆ ಮಾತಾಡಿದ್ದರು.

ಹೀಗಾಗಿ ಕಿಚ್ಚ ಸುದೀಪ್​ ಅವರು ಸಂತೋಷ್​ ಅವರಿಗೆ ಈ ರೀತಿ ಟಾಸ್ಕ್​​ ಅನ್ನು ನೀಡಿದ್ದಾರೆ. ಈ ಸಂಚಿಕೆ ಮುಗಿದ ಮೇಲೆ ಬಿಗ್​ಬಾಸ್​​ ಮನೆ ಒಳಗಡೆ ಒಂದು ಚೈನ್ ಅನ್ನು ಕಳುಹಿಸಿ. ಆ ಚೈನ್​ನಲ್ಲಿ ಸಿರಿ ಹಾಗೂ ಭಾಗ್ಯಶ್ರೀ ಜೊತೆಗೆ ತುಕಾಲಿ ಸಂತೋಷ್​ ಅವರಿಗೆ ಕಟ್ಟಬೇಕು. ಆಗ ಇಡೀ ದಿನ ಸಿರಿ ಹಾಗೂ ಭಾಗ್ಯಶ್ರೀ ಜೊತೆಗೆ ತುಕಾಲಿ ಸಂತೋಷ್​ ಅವರು ಒಟ್ಟಿಗೆ ಹೋಗಬೇಕು. ಒಟ್ಟಿಗೆ ಕುಳಿತುಕೊಳ್ಳಬೇಕು ಎಲ್ಲಿಗೆ ಹೋದರೂ ಒಟ್ಟಿಗೆ ಹೋಗಬೇಕು ಎಂದು ಕಿಚ್ಚ ಸುದೀಪ್​ ಹೇಳಿದ್ದರು. ಇದೀಗ ತುಕಾಲಿ ಸಂತೋಷ್​​ ಅವರು ಹೊಸ ಗೆಟಪ್​​​​ನಲ್ಲಿ ಕಾಣಿಸಿಕೊಂಡಿದ್ದಾರೆ.

 

View this post on Instagram

 

A post shared by Colors Kannada Official (@colorskannadaofficial)

ಹೌದು, ಬಿಗ್​ಬಾಸ್​ ಮನೆಯಲ್ಲಿ ಸಿರಿ ಹಾಗೂ ಭಾಗ್ಯಶ್ರೀ ಜೊತೆಗೆ ತುಕಾಲಿ ಸಂತೋಷ್​ಗೆ ಹಗ್ಗವನ್ನು ಸೊಂಟಕ್ಕೆ ಕಟ್ಟಿದ್ದರು. ಅದೇ ರೀತಿ ಎಲ್ಲಿಗೆ ಹೋದರು ಸಿರಿ, ಭಾಗ್ಯಶ್ರೀ, ಮತ್ತು ತುಕಾಲಿ ಸಂತೋಷ್ ಜೊತೆ ಜೊತೆಯಾಗಿ ಹೋಗಬೇಕು. ಹೀಗೆ ಬಿಗ್​ಬಾಸ್​ ಮನೆಯ ಎಲ್ಲ ಸದಸ್ಯರು ಬಿಗ್​​ಬಾಸ್​ ಬೆಡ್​ರೂಮ್​ನಲ್ಲಿ ಕುಳಿತುಕೊಂಡಿದ್ದರು. ಆ ವೇಳೆ ಸಿರಿ ಹಾಗೂ ಭಾಗ್ಯಶ್ರೀ ಸೇರಿ ತುಕಾಲಿ ಸಂತೋಷ್​ ಅವರಿಗೆ ಗೊಂಬೆಯಂತೆ ರೆಡಿ ಮಾಡಿದ್ದಾರೆ. ತುಕಾಲಿ ಸಂತೋಷ್​ ತಲೆಗೆ ಎರಡು ಜುಟ್ಟು, ಹಣೆಗೆ ಬೊಟ್ಟು, ತುಟಿಗೆ ಲಿಪ್‌ಸ್ಟಿಕ್, ಎರಡು ಕೆನ್ನೆಗೆ ಚಿಕ್​ ಪೌಡರ್ ಹಾಕಿ ರೆಡಿ ಮಾಡಿಸಿದ್ದಾರೆ. ಇನ್ನು ತುಕಾಲಿ ಸಂತೋಷ್​ ಅವರನ್ನು ಮನೆ ಮಂದಿ ನೋಡ ನೋಡುತ್ತಿದ್ದಂತೆ ಬಿದ್ದು ಬಿದ್ದು ನಕ್ಕಿದ್ದಾರೆ.