ರೋಡ್​ ಸೈಡ್​​ ಪಾರ್ಕ್​​ ಮಾಡೋ ಬೈಕ್​​ ಇವರ ಟಾರ್ಗೆಟ್​

ಕದ್ದ ಬೈಕ್​ನಲ್ಲಿ ವ್ಹೀಲಿಂಗ್​ ಮಾಡಿ ಫೇಮಸ್ಸಾಗೋ ಖಯಾಲಿ

ಪೊಲೀಸರಿಗೆ ಸಿಕ್ಕಿಬಿದ್ದು ಜೈಲು ಕಂಬಿ ಎಣಿಸುತ್ತಿರೋ ಕಳ್ಳರು

ಬೆಂಗಳೂರು: ಕರ್ನಾಟಕ ಪೊಲೀಸ್​ ಇಲಾಖೆ ಎಷ್ಟೇ ಕಠಿಣ ಕ್ರಮ ತೆಗೆದುಕೊಂಡ್ರೂ ವಾಹನ ಸವಾರರು ಅಡ್ಡಾದಿಡಿ ಡ್ರೈವಿಂಗ್​ ಮಾಡುತ್ತಾರೆ. ಅದರಲ್ಲೂ ಯುವಕರಲ್ಲಿ ವ್ಹೀಲಿಂಗ್​ ಮಾಡೋ ಕ್ರೇಜ್​​ ಹೆಚ್ಚಿದೆ. ಖಾಲಿ ರಸ್ತೆಗಳನ್ನು ಬಿಡಿ ಜನಸಂದಣಿ ಇರೋ ಪ್ರದೇಶದಲ್ಲೇ ಬೈಕ್​​ ವ್ಹೀಲಿಂಗ್​ ಮಾಡೋ ಖಯಾಲಿ ಕೆಲವರದ್ದು. ಹೀಗೆ ಕದ್ದಿರೋ ಬೈಕ್​​ನಲ್ಲಿ ವ್ವೀಲಿಂಗ್​​ ಮಾಡಿದ್ದ ಇಬ್ಬರನ್ನು ಪೊಲೀಸರು ಅರೆಸ್ಟ್​ ಮಾಡಿದ್ದಾರೆ.

ಯಮಹಾ RX 100 ಕದ್ದು ನಡು ರಸ್ತೆಯಲ್ಲೇ ವ್ಹೀಲಿಂಗ್​ ಮಾಡಿ ಪೊಲೀಸರ ಕೈಗೆ ಸಿಕ್ಕಿಬಿದ್ದ ಕಿಡಿಗೇಡಿಗಳು ರಿತಿಕ್​​ ಮತ್ತು ಪವನ್​ ಎಂಬುವರು. ಇಬ್ಬರು ಈಗ ಜೈಲು ಕಂಬಿ ಎಣಿಸುತ್ತಿದ್ದಾರೆ. ಹಾಗೆಯೇ ಪೊಲೀಸ್​ ವಿಚಾರಣೆ ವೇಳೆ ಯಮಹಾ RX ಕದ್ದಿದ್ದು ಹೇಗೆ? ಎಂಬ ಬಗ್ಗೆ ಬಾಯಿಬಿಟ್ಟಿದ್ದಾರೆ.

ಬೈಕ್​ ಹೇಗೆ ಕದಿಯುತ್ತಾರೆ ಗೊತ್ತಾ..?

ಇವರು ಯಾವಾಗಲೂ ರಸ್ತೆ ಬದಿಯಲ್ಲಿ ನಿಲ್ಲಿಸೋ ಯಮಹಾ RX 100 ಬೈಕ್​​ ಟಾರ್ಗೆಟ್​ ಮಾಡುತ್ತಾರೆ. ಬೈಕ್​​ ಸಿಕ್ಕ ಕೂಡಲೇ ಹ್ಯಾಂಡ್​ ಲಾಕ್​ ಮುರಿದು ಕದ್ದು ಎಸ್ಕೇಪ್​​ ಆಗುತ್ತಾರೆ. ಬಳಿಕ ಸ್ಟಂಟ್​​ ಮಾಡುವುದು, ವ್ಹೀಲಿಂಗ್​​ ಮಾಡುವುದು. ಇದನ್ನು ವಿಡಿಯೋ ಮಾಡಿ ಇನ್​ಸ್ಟಾದಲ್ಲಿ ಪೋಸ್ಟ್​ ಮಾಡಿ ಫೇಮಸ್​ ಆಗುವುದು ಇವರ ಖಯಾಲಿ.

ಸದ್ಯ ಆರೋಪಿಗಳನ್ನು ಬಂಧಿಸಿರೋ ಹೈಗ್ರೌಂಡ್ಸ್​​​​ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ. ಜತೆಗೆ ಈ ಬಗ್ಗೆ ಆರೋಪಿಗಳಿಂದ ಮತ್ತಷ್ಟು ಮಾಹಿತಿ ಕಲೆ ಹಾಕುತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ