ದೇಶದಲ್ಲಿ ಮತ್ತೊಂದು ರೈಲು ಅಪಘಾತ,

ಪ.ಬಂಗಾಳದ ಓಂಡಾ ನಿಲ್ದಾಣದ ಬಳಿ ದುರ್ಘಟನೆ

ದುರ್ಘಟನೆಯಿಂದ ಏನೆಲ್ಲ ಅನಾಹುತ ಆಗಿದೆ..?

ಕೋಲ್ಕತ್ತಾ: ಇಂದು ಬೆಳಗಿನ ಜಾವ 4 ಗಂಟೆ ಸುಮಾರಿಗೆ ಎರಡು ಗೂಡ್ಸ್​ ರೈಲುಗಳು ಡಿಕ್ಕಿಯಾಗಿ 12 ಬೋಗಿಗಳು ಹಳಿತಪ್ಪಿರುವ ಘಟನೆ ಪಶ್ಚಿಮ ಬಂಗಾಳದ ಓಂಡಾ ನಿಲ್ದಾಣದ ಬಳಿಯ ಬಂಕುರಾ ಪ್ರದೇಶದಲ್ಲಿ ನಡೆದಿದೆ.

ಬಂಕುರಾ ಬಳಿ ಗೂಡ್ಸ್​ ರೈಲಿಗೆ ಹಿಂದೆಯಿಂದ ಬಂದು ಇನ್ನೊಂದು ರೈಲು ಡಿಕ್ಕಿ ಹೊಡೆದಿದೆ. ಪರಿಣಾಮ 12 ಬೋಗಿಗಳು ಹಳಿ ತಪ್ಪಿ ಹೋಗಿವೆ. ಘಟನೆಯಲ್ಲಿ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ ಎಂದು ಹೇಳಲಾಗಿದೆ. ​ರೈಲು ಚಾಲಕನಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ರೈಲ್ವೇ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.

ಡಿಕ್ಕಿಯಾಗಿರುವ ಎರಡು ರೈಲುಗಳು ಯಾವುದೇ ಸರಕುಗಳಿಲ್ಲದೇ ಖಾಲಿಯಾಗಿದ್ದವು. ಆದ್ರೆ ಈ ಘಟನೆಗೆ ಕಾರಣ ಏನೆಂದು ತಿಳಿದು ಬಂದಿಲ್ಲ. ಈ ರೈಲು ಡಿಕ್ಕಿಯಿಂದ ಬೇರೆ ರೈಲು ಸಂಚಾರಕ್ಕೆ ಸಮಸ್ಯೆಯಾಗಿದೆ ಎಂದು ರೈಲ್ವೇ ಸಿಬ್ಬಂದಿ ತಿಳಿಸಿದ್ದಾರೆ. ಇತ್ತೀಚೆಗಷ್ಟೇ ಒಡಿಶಾದ ಬಾಲಸೋರ್​ ಬಳಿ 3 ರೈಲುಗಳು ಅಪಘಾತಕ್ಕೆ ಈಡಾಗಿ 250ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದ್ದರು. ಇದು ಇಡೀ ದೇಶದ ಗಮನವನ್ನೇ ಸೆಳೆದಿತ್ತು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ

#Breaking Another Train Accident, This Time Two Goods Train Collide With Each Other (One Standing) Near Onda Station of Bankura, WB. Engine with Other Bogies of Both Train Got Derailed. Train Service Disrupted Between Kharagpur – Adra Division#TrainAccident pic.twitter.com/p8nrWkdXgE

— Rudro Singha Ray (@rudrosray) June 25, 2023