ಸಹೋದರನ ಬಳಿಯ ದುಡ್ಡಿನ ವಿಚಾರದ ಗಲಾಟೆಗೆ ಶೂಟೌಟ್​ ನಡೆಯಿತಾ?

ಯಮನಂತೆ ಬಂದು ಇಬ್ಬರ ಮಹಿಳೆಯರ ಮೇಲೆ ಫೈರಿಂಗ್​, ಎಸ್ಕೇಪ್..!

ಪೊಲೀಸರು ಸ್ಥಳಕ್ಕೆ ಬರುವಷ್ಟರಲ್ಲಿ ಪ್ರಾಣಬಿಟ್ಟ ಪಿಂಕಿ, ಜ್ಯೋತಿ..!

ನವದೆಹಲಿ: ಅಪರಿಚಿತ ವ್ಯಕ್ತಿಗಳ ಫೈರಿಂಗ್​ನಿಂದ ಇಬ್ಬರು ಸಹೋದರಿಯರು ಸಾವನ್ನಪ್ಪಿರುವ ದುರ್ಘಟನೆ ದೆಹಲಿಯ ಆರ್​.ಕೆ ಪುರಂ ಪೊಲೀಸ್​ ಠಾಣಾ ವ್ಯಾಪ್ತಿಯಲ್ಲಿ ಇಂದು ಬೆಳಗಿನ ಜಾವ ನಡೆದಿದೆ.

ದೆಹಲಿಯ ಅಂಬೇಡ್ಕರ್ ಬಸ್ತಿಯ ನಿವಾಸಿಗಳಾದ ಪಿಂಕಿ (30), ಜ್ಯೋತಿ (29) ಗನ್​ ಫೈರಿಂಗ್​ನಿಂದ ಮೃತಪಟ್ಟ ಸಹೋದರಿಯರು. ಇಂದು ಬೆಳಗಿನ ಜಾವ ಬಸ್ತಿಯಲ್ಲಿ ದುಷ್ಕರ್ಮಿಗಳು ಇವರ ಮೇಲೆ  ಗುಂಡಿನ ದಾಳಿ ನಡೆಸಿದ್ದಾರೆ. ದಾಳಿಯಲ್ಲಿ ತೀವ್ರವಾಗಿ ಗಾಯಗೊಂಡು ಪಿಂಕಿ, ಜ್ಯೋತಿ ನೆಲಕ್ಕೆ ಬಿದ್ದಿದ್ದರು. ಈ ವೇಳೆ ಗಾಯಾಳುಗಳನ್ನು ಸ್ಥಳೀಯ SJ ಆಸ್ಪತ್ರೆಗೆ ದಾಖಲು ಮಾಡಿತ್ತಾದ್ರೂ ಚಿಕಿತ್ಸೆ ಫಲಿಸದೇ ಇಬ್ಬರು ಸಾವನ್ನಪ್ಪಿದ್ದಾರೆ.

ಬೆಳಗಿನ ಜಾವ 4:40ರ ಸಮಯಕ್ಕೆ ಆರ್​.ಕೆ ಪುರಂ ಪೊಲೀಸ್ ಠಾಣೆಗೆ ಸ್ಥಳೀಯರು ಫೋನ್​ ಮಾಡಿ ಇಬ್ಬರು ಮಹಿಳೆಯರ ಮೇಲೆ ಫೈರಿಂಗ್​ ಮಾಡಲಾಗಿದೆ ಎಂದು ತಿಳಿಸಿದ್ದಾರೆ. ತಕ್ಷಣ ಆಗಮಿಸಿದ ಪೊಲೀಸರು ಸ್ಥಳ ಪರಿಶೀಲನೆ ನಡೆಸಿ, ಆರೋಪಿಗಳಿಗಾಗಿ ಬಲೆ ಬೀಸಿದ್ದಾರೆ. ಇನ್ನು ಹಣದ ವಿಚಾರಕ್ಕೆ ಸಂಬಂಧ ಪಟ್ಟಂತೆ ದುಷ್ಕರ್ಮಿಗಳು ಮೃತಪಟ್ಟ ಮಹಿಳೆಯರ ಸಹೋದರನಿಗಾಗಿ ಹುಡುಕುತ್ತಿದ್ದರು ಎನ್ನಲಾಗಿದೆ. ಈ ವೇಳೆ ಮನೆಯಲ್ಲಿದ್ದ ಮಹಿಳೆಯರಿಗೆ ಶೂಟ್ ಮಾಡಿ ಆರೋಪಿಗಳು ಎಸ್ಕೇಪ್​ ಆಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ